“Emirati Islamik tenton të rregullojë të gjitha çështjet që lidhen me Ligjin e Sheriatit”, ka thënë zëdhënësi i talibanëve, Zabihullah Mujahid përmes një deklarate.

“Duke marrë parasysh përgjegjësinë që ka ndaj popullit dhe fesë, Emirati Islamik nuk mund të lejojë akte kundër Sheriatit brenda shtetit”.

Zëdhënësi i talibanëve u ka bërë thirrje shteteve dhe organizatave ndërkombëtare që të kuptojnë kërkesat fetare në shoqërinë tradicionale të Afganistanit dhe të mos i lidhin ato me ndihmën humanitare dhe çështjet politike.

Të premten, 11 shtete u kanë bërë thirrje talibanëve “që menjëherë të kthejnë mbrapsht masat shtypëse kundër grave dhe vajzave” në Afganistan, duke përfshirë sektorin politik, ekonomik, të edukimit dhe hapësirave publike.

Pas kthimit të talibanëve në pushtet, në gusht të vitit 2021, udhëheqësit e linjës së ashpër kanë kufizuar në masë të madhe të drejtat dhe lëvizjen e grave.

Aktualisht gratë dhe vajzat nuk mund të shkollohen pas klasës së gjashtë dhe as të shkojnë në universitet.

Shumë vende të punës tani janë të ndaluara dhe ato nuk mund të udhëtojnë vetëm në distanca të gjata./Albeu.com/

The post Talibanët refuzojnë kërkesën e OKB-së për të drejtat e grave appeared first on Albeu.com.

Media shtetërore, IRNA tha se disa persona protestuan më 23 shtator “për të censuruar sharjen e Kuranit të Shenjtë, vënien në flakë të xhamive, por edhe shkeljeve të kodit të veshjes islamike”.

Protestuesit dënuan protestat anti-qeveritare, duke i quajtur pjesëmarrësit në to “ushtarë të izraelit”, raportoi televizioni shtetëror. Në protestat shtetërore po ashtu u dëgjuan brohoritjet “Vdekje Amerikës” dhe “Vdekje Izraelit”, që janë slogane që rëndom përdoren nga udhëheqësit klerikë në ngjarjet e sponsorizuara nga shteti.

Protestat e sponsorizuara nga shteti vijnë në mes të paralajmërimeve të fuqishme nga autoritetet, pasi ushtria u tha iranianëve që të përballen me “armiqtë” që qëndrojnë pas trazirave.

Në ditët e fundit, në dhjetëra qytete iraniane janë organizuar protesta lidhur me vdekjen e Mahsa Amini, e cila u arrestua nga policia e moralit nën pretendimet se kishte shkelur rregullat e veshjes së hixhabit.

Policia tha se ajo vdiq nga një sulm i papritur në zemër, por aktivistët hedhin poshtë këto pretendime, duke argumentuar se ajo ishte rrahur gjatë arrestimit.

Protestat nisën në vendlindjen e Aminit, në provincën Kurdistan, por më pas u përhapën edhe në pjesë të tjera të vendit, përfshirë edhe në kryeqytetin iranian, Teheran.

Vdekja e Aminit ka bërë që të bëhet thirrje për t’i dhënë fund ligjit për mbajtjen e detyrueshme të hixhabit dhe për shkatërrimin e departamentit të policisë së moralit.

Disa protestues madje kanë bërë thirrje që Republikës Islamike t’i vije fundi.

Ushtria e Iranit tha më 23 shtator se “do të shkatërrojë komplotet e ndryshme të armiqve në mënyrë që të ketë siguri dhe paqe për njerëzit që padrejtësisht po sulmohen”.

“Ne nuk do të lejojmë që armiqtë tanë ta përdorin këtë situatë”, u tha në deklaratën e ushtrisë, sipas agjencisë gjysmë-shtetërore të lajmeve, ISNA.

Ndërkaq, më 22 shtator, kreu i gjyqësorit në Iran, Gholam-Hossein Mohseni-Ejei, u bëri thirrje forcave të sigurisë që të përgjigjen me forcë ndaj protestave.

Që nga nisja e protestave, mediat iraniane kanë raportuar se janë arrestuar 288 persona. Ndërkaq, sipas shifrave zyrtare, 17 persona kanë vdekur deri më tani si pasojë e përleshjeve me policinë, përfshirë edhe pesë zyrtarë policorë.

Por, Qendra për të Drejtat e Njeriut në Iran, me seli në Nju Jork, ka thënë se numri i viktimave është 36 dhe ky numër pritet të rritet. /Rel

The post Irani organizon tubime për të sfiduar protestat anti-qeveritare appeared first on Albeu.com.

Kjo ka bërë që të vijojnë reagimet lidhur me këtë çështje nga disa prej figurave publike, të cilët e cilësojnë këtë vendim si diskriminim ndaj grave.

Mbi këtë vendim ka reaguar edhe artistja shqiptare me famë botërore, e cila jeton dhe vepron në SHBA, Bebe Rexha.

Ajo ka bërë një reagim të ashpër në rrjetin social Twitter.

“Armët kanë më shumë të drejta se gratë në Amerikë për momentin”, shkroi 32-vjeçarja interpretuese e hitit “I’m a mess”, shkruan këngëtarja.

Më tej, ajo ka shpërndarë në Twitter edhe një thirrje, e cila është shndërruar në fushatë senzibilizuese, ku tregon rrugën se çfarë mund të bëjnë tani e tutje qytetarët kundërshtues të këtij vendimi.

Në letër thuhet se është mirë t’i bashkohen një proteste lidhur me këtë çështje, ato që duan të abortojnë të mbajnë pilula aborti me vete dhe të bëjnë kontrolle të rregullta, si dhe është mirë që të bëhet presion në qeveritë e shteteve përkatëse, që të bëhet thirrje për legalizim të abortit.

What we can do right now. pic.twitter.com/2POGr4QglE

— Bebe Rexha (@BebeRexha) June 24, 2022

The post Ndalimi i abortit në SHBA, reagon këngëtarja shqiptare: Armët kanë më shumë të drejta se gratë appeared first on Albeu.com.

Dekreti përcakton se gruaja është një qenie e lirë dhe nuk është pronë e askujt.

Kjo sipas tyre do të thotë se ato duhet të japin pëlqimin për martesë.

Megjithatë, në dokument nuk është përmendur qasja e tyre në edukim dhe punë jashtë shtëpisë.

Talibanët janë nën presion nga komuniteti ndërkombëtar, i cili ka ngrirë fondet për Afganistanin, duke synuar që në këtë mënyrë të shtyjë grupin drejt respektimit të të drejtave të grave.

“Gruaja nuk është pronë, por qenie e lirë njerëzore. Askush nuk mund ta këmbejë atë për paqe apo për t’iu dhënë fund armiqësive”, thuhet në dekret./albeu.com/

The post “Nuk është pronë, por qenie e lirë njerëzore”, talebanët mbajnë fjalën dhe firmosin dekretin për të drejtat e grave appeared first on Albeu.com.

Lajmin e dha një zëdhënës i talebanëve, sipas të cilit, trupat e grave u gjetën në Mazar-i-Sharif në veri të vendit.

Mazar-i-Sharif që është një aktiviste për të drejtat e njeriut, tha për AFP se njihte një nga viktimat, Frozan Sanfi ishte po ashtu një aktiviste e njohur për të drejtat e grave në qytet.

Carrie Sayed Hosti, një zëdhënëse e Ministrisë së Brendshme, tha se dy të dyshuar ishin arrestuar pas gjetjes së trupave brenda një shtëpie. Një nga burimet,  konfirmoi gjithashtu se të paktën një nga viktimat ishte një aktiviste për të drejtat e grave, familja e së cilës nuk dëshiron të flasë për mediat.

Që kur talebanët morën pushtetin në mes të gushtit, frika është përhapur në të gjithë vendin veçanërisht në mesin e grave, dhe shumë aktivistë janë larguar nga vendi./albeu.com/

The post Gjenden 4 gra të pajeta në Afganistan, mes tyre edhe një aktiviste appeared first on Albeu.com.

Së fundmi janë shpërndarë në internet fotografi dhe video që ata lundrojnë mbi një varkë të armatosur deri në grykë, me AK-47 dhe anti-tanke.

Një luftëtar taleban që kishte hipur mbi një anije piratësh në sheshin e panaireve tha: “Ky është Afganistani!”

Që nga marrja nën kontroll e talebanëve, afganët kanë frikë nga një rikthim në sundimin brutal shtypës të grupit të viteve 1990, kur ata ndaluan muzikën, fotografinë, televizionin madje edhe lojërat e fëmijëve. Talibanët premtuan një rregull më të moderuar këtë herë, por tashmë kanë kufizuar liritë e afganëve, duke përfshirë përjashtimin e vajzave nga shkolla dhe sportet./albeu.com

The post Mbi varkën lëkundëse me Bazooka dhe AK-47, talebanët pozojnë si model (FOTO & VIDEO) appeared first on Albeu.com.

Bëhet fjalë për Tunizinë, vend i cili do të ketë për herë të parë një kryeministre grua.

Ditën e sotme presidenti i Tunizisë, Kais Saied, e ka emëruar zonjën Najla Bouden Romdhan kryeministre të vendit.

Emërimi i shefes së re të qeverisë nga presidenti u bë rreth dy muaj pasi ai e shkarkoi qeverinë e kaluar dhe mori kompetenca të shumta për vete.

“Kjo është hera e parë në historinë e Tunizisë që një grua udhëheq një qeveri. Është nder për Tunizinë dhe për gratë tuniziane”, tha presidenti Saied gjatë takimit me të emëruarën e re të mërkurën.

Sipas një faqe tuniziane, Romdhan ka shërbyer në Ministrinë e Arsimit të Lartë më 2011. Ajo do ta fillojë punën në qeveri në një kohë krize, ndonëse ka dyshime për fuqinë e vërtetë të saj në pushtet./albeu.com

The post Liderja e parë grua e “botës” arabe, kush është juristja që theu tabutë appeared first on Albeu.com.

Abdul Baqi Haqqani prezantoi këto politika të reja gjatë një konference në Kabul, disa ditë pasi talibanët formuan një qeveri, të përbërë krejtësisht nga burrat.

Bota po shikon nga afër se si do të veprojnë talibanët ndryshe nga hera e parë kur e kishim pushtetin më 1996-2001. Atë kësaj periudhe, gratë dhe vajzat nuk kishin të drejtë të shkolloheshin dhe të merrnin pjesë në jetën publike.

Talibanët kanë sugjeruar se kanë ndryshuar, përfshirë edhe qasjen e tyre ndaj grave.

Haqqani, që është përgjegjës për edukimin, tha se talibanët nuk duan ta kthejnë kohën 20 vjet pas.

“Ne do të ndërtojmë mbi gjërat që tashmë ekzistojnë”, tha ai.

Megjithatë, studentet femra do të përballen me kufizime nën sundimin taliban, përfshirë edhe kodin e veshjes që do të jetë i detyrueshëm. Haqqani tha se hixhabët do të jenë të detyrueshëm.

Ndarjet gjinore do të hyjnë në fuqi tha ai.

“Ne nuk do të lejojmë që djemtë dhe vajzat të studiojnë së bashku”, tha Haqqani.

Sipas tij, nëse nuk ka mësuese gra, atëherë do të aplikohen masa të posaçme që do të sigurojnë ndarjen.

“Nëse do të jetë e nevojshme një burrë mund të mësojë gratë, por në bazë të Ligjit të sheriatit”, tha ai.

Tashmë veç janë publikuar fotografi të klasave të ndara me perde.

Gratë në Kabul dhe në vende të tjera në Afganistan kanë protestuar kundër sundimit taliban dhe duke kërkuar të drejta. Në disa raste, talibanët janë përgjigjur me forcë, duke i rrahur me kamxhikë, me shkopinj, por në disa raste ata edhe kanë shtënë në ajër dhe ua kanë drejtuar armët grave protestuese./REL

The post Talibanët pranojnë shkollimin e grave, do ndahen me perde nga burrat në auditore appeared first on Albeu.com.

Por talebanët, po mundohen me çdo mjet të mundshëm t’i shtypin protestat dhe të vendosin rregullat e tyre strikte.

Një video e publikuar nga Dailymail, tregon se si një grup grashë, janë mbyllur në një bodrum nën tokë, dhe pa asnjë masë anti-covid, dhe kjo sipas Dailymail, vetëm e vetëm që të mos protestojnë.

Lajmin e shpërndau në Tëitter kreu i lajmeve në Afganistanin Tolo Neës, Miraqa Popal

Kujtojmë se tashmë Afganistani kontrollohet thuajse plotësisht nga talebanët, pas marrjes prej tyre edhe të luginës së Panjshirit/albeu.com

The post Talebanët mbyllin gratë në bodrumin e bankës, mësoni arsyen (VIDEO) appeared first on Albeu.com.

Lajmin e bëri të ditur zëdhënësi i talebanëve në një deklaratë për BBC, ku tha se qeverisja e ardhshme do të përfshijë dhe gratë, por sipas tij jo në postet kryesore të qeverisjes.

Ai shtoi gjithashtu se edhe pakicat do të mund të marrin pjesë në qeverisje.

Deklarata e Zëdhënësit të Talebanëve:

Talebanët në Afganistan angazhohen se do të përfshijnë edhe gratë në qeverisjen e vendit. Një lajm të tillë e ka dhënë për BBC, një zëdhënës i grupit ekstremist islamik. Ai ka thënë se gratë dhe pakicat etnike do mund të jenë pjesë e qeverisë.

Megjithatë sipas përfaqësuesit taleban postet drejtuese dhe me të rëndësishme të drejtimit nuk do mund të drejtohen nga gratë, edhe pse ato të jenë prezente në përbërjen e qeverisë.

Talebanët priten të formojnë qeverinë e re. Grupi ekstremist njihet për trajtimin diskriminues ndaj grave dhe vajzave ndaj edhe deklarata e zëdhënësit për prestigjiozen britanike është surprizë dhe do të pritet me kuriozitet se çfarë do të ndodhë në përbërjen e kabinetit të ri qeveritar./albeu.com

The post Kthesë 360 gradë, talebanët: Gratë do mund të jenë pjesë e qeverisë së re appeared first on Albeu.com.