Përktheu: AlbEu.com

Gjatë Luftës së Dytë Botërore, forcat e armatosura të Gjermanisë naziste shkatërruan tanket sovjetike me një shpejtësi fenomenale. Por, megjithëse Ushtria e Kuqe humbi 80,000 tanke, fuqia industriale e Bashkimit Sovjetik e lejoi atë të përfundonte luftën me më shumë tanke sesa kishte kur filloi konflikti.

Tanket e sotme janë shumë më të sofistikuara dhe më të shtrenjtë, dhe për këtë arsye hidhen në fushën e betejes në një numër shumë më të vogël.

Megjithatë, Rusia, ashtu si Bashkimi Sovjetik, ka humbur një numër të madh tankesh deri më tani në Ukrainë.

Kjo e fundit pretendon se ka shkatërruar më shumë se 3250. Oryx, një blog inteligjence, ka dokumentuar 1 700 tanke të shkatërruara. Instituti Ndërkombëtar për Studime Strategjike, thotë se rreth gjysma e flotës ruse të paraluftës të tankeve T-72-të cilat numëronin rreth 2000 dhe përbënin pjesën më të madhe të forcës së saj të blinduar, është shkatërruar.

Tanket nuk kanë arritur t’i japin përparësi Rusisë në Ukrainë, ndërsa forcat e kësaj të fundit po organizohen për të kryer një tjetër ofensivë të madhe pa mbështetje të mjaftueshme me tanke, raporton AlbEu.com

Ukraina ka siguruar tanke nga aleatët e saj perëndimorë në javët e fundit, të cilat ndoshta do t’i përdorë në një kundërofensivë pranverore. Rusia do të duhet të forcojë flotën e saj nëse shpreson të mbajë territorin që ka fituar.

Por, a mundet që Rusia të zëvendësojë tanket e humbur këtë herë?

Në vitet 1940, fabrikat sovjetike mund të prodhonin më shumë se 1000 tanke në muaj.

Fabrikave që prodhonin traktorë dhe lokomotiva iu tha që në vend të tyre të ndërtonin tanke. Sot rritja e prodhimit është më i vështirë.

Pajisjet elektronike dhe ato për të parë natën janë shumë të avancuara dhe tanket sot kërkojnë një nivel teknologjie shumë më të lartë se gjatë Luftës së Dytë Botërore.

Kjo e bën prodhimin më të ngadalshëm dhe do të thotë se shumë fabrika të dizajnuara për lloje të tjera prodhimi nuk mund të prodhojnë lehtësisht tanke.

Rusisë i ka mbetur vetëm një fabrikë tankesh, ajo UralVagonZavod, një kompleks i madh i ndërtuar në vitet 1930.

Keqmenaxhimi financiar dhe borxhet e mëdha e kanë ngadalësuar modernizimin e saj.

Punëtorët thonë me shaka se i montojnë tanke me duar.

Novaya Gazeta, një gazetë liberale ruse, raporton se fabrika prodhon vetëm 20 tanke në muaj. Një zyrtar perëndimor thotë për The Economist se, në total, kërkesa e forcave të armatosura ruse për tanke është duke e tejkaluar prodhimin në një raport një me dhjetë.

Në një përpjekje për të përmbushur kërkesën, Rusia ka rritur shkallën me të cilën ajo restauron tanket e vjetra, nga të cilët ka mijëra në ruajtje.

Në Ukrainë, tanket moderne ruse, të tilla si t-90, tani luftojnë së bashku me një numër të madh t-72b3, të ndërtuara dekada më parë, por të përmirësuara.

Edhe me këto përmirësime, tanket e vjetra janë inferiorë ndaj modeleve të reja dhe kanë më pak gjasa t’i mbijetojnë një goditjeje nga forcat ukrainase – megjithatë ata janë ende të dobishëm.

UralVagonZavod riparon rreth tetë tanke në muaj dhe nga tre fabrika të tjera të riparimit të automjeteve të blinduara secila rinovon rreth 17, sipas mediave ruse.

Dy fabrika të tjera të ngjashme do të fillojnë punën gjatë muajve në vijim.

Kjo do të thotë se, megjithëse Rusia mund të ndërtojë vetëm 20 tanke të reja në muaj, ajo së shpejti mund të jetë në gjendje të  fusë në fushën e betejës 90 apo më shumë tanke duke “rrjepur” të vjetrit.

Megjithatë, kjo nuk do të kompensonte 150 tanket që vlerësohet se Rusia është duke humbur çdo muaj në Ukrainë.

Po ashtu, prodhimi mund të pengohet nga mungesa e pjesëve.

Përçuesit, çipat kompjuterikë që kontrollojnë tanket moderne, janë veçanërisht në mungesë. Komisioni Evropian pretendon se Rusia po përdor çipa nga pjatalarëse dhe frigoriferë për t’i instaluar në pajisje ushtarake. Kjo është vërtetuar edhe nga këqyrja e tankeve ruse të shkatërruar në Ukrainë.

Rusia nuk është e vetme me këto probleme. Ukraina dhe aleatët e saj gjithashtu nuk kanë aftësinë për të prodhuar tanke shpejtë.

Fabrika e vetme e tankeve në Ukrainë, afër Kharkiv, u shkatërrua në fillim të luftës. Amerika, e cila ka premtuar të dërgojë 31 tanke M1A2 Abrams në Ukrainë, ka një fabrikë, me kapacitet për të prodhuar 15 tanke çdo muaj. Prodhimi gjetkë në Perëndim është po aq i ngadaltë.

Në përgjithësi, forcat sulmuese përdorin më shumë tanke sesa ato mbrojtëse. Ndërsa konflikti vazhdon, Rusia ka të ngjarë të shohë flotën e saj në tkurrje të vazhdueshme si në sasi ashtu edhe në cilësi. Këtë herë, prodhimi mund të mos e shpëtojë Rusinë. /albeu.com

The post Lufta po “gllabëron” tanket e famshëm të Rusisë, tani nuk përsëritet dot më Lufta e Dytë Botërore appeared first on Albeu.com.

Mediat serbe raportojnë se ministri i Mbrojtjes Millosh Vuçeviç paralajmëroi një rikthim të shërbimit të detyrueshëm ushtarak në Serbi si edhe trajnimin e të gjithë personave që janë mbi 30 vjeç.

Vuçeviç shton se këtij trajnimi duhet t’i nënshtrohen edhe ata të moshuar që “kanë hyrë në dekadën e katërt”,

Vuçeviç ka thënë për mediat serbe se për ta duhet të vendoset një shërbim më i shkurtër ushtarak, që do të zgjasë tre javë, duke theksuar se është në prag diskutimi me ekspertët edhe për rikthimin e shërbimit të detyrueshëm ushtarak.

“Qëllimi i rivendosjes së shërbimit ushtarak është trajnimi i gjeneratës së ardhshme për të vepruar në situata krize në mënyrë që qytetarët e Serbisë të jenë të sigurt. Ne jemi të shqetësuar kur kemi një përmbytje ose zjarr dhe nuk dimë si të reagojmë.” tha ministri.

The post Pas raketave kineze dhe tankeve ruse, Serbia ndërmerr hapin tjetër drejt destabilizimit të rajonit appeared first on Albeu.com.

Siç shihet në video, tanku rus që ndodhet në rrugë, ka qëlluar me top kundër drejt një vile ukrainase.

Video është kapur nga një banore e zonës, ndërkohë nuk dihet nëse ka pasur persona të lënduar. Po ashtu në video shihet se disa shtëpi janë përfshirë nga flakët.

Rusia pushtoi Ukrainën mëngjesin e 24 shkurtit, ku si pasojë, dhjetëra persona kanë vdekur, qindra janë plagosur ndërsa më shumë se 3 milionë të tjerë janë larguar nga vendi.

Shikoni KËTU pamjet.

The post Rusët të pamëshirshëm ndaj civilëve, momenti kur tanku qëllon me  “breshëri” ndaj shtëpive (VIDEO) appeared first on Albeu.com.

Në një deklaratë të postuar në Facebook, Shtabi i Përgjithshëm i Forcave të Armatosura të Ukrainës raporton se prodhuesit Uralvagonzavod i është dashur të ndalojë prodhimin në objekt “për shkak të mungesës së pranimeve të komponentëve të prodhimit të huaj”.

Kompania e informacionit dhe konsulencës ushtarake ukrainase Defense Express raporton se Uralvagonzavod ofron të vetmen fabrikë që kryen montimin e tankeve, shkruan BBC.

Kompania vazhdon të raportojë se prodhuesi përdor në mënyrë rutinore komponentë perëndimor.

The post Inteligjenca ukrainase: Kompania që prodhon tanke ruse ka pezulluar punën appeared first on Albeu.com.

Stijn Mitzer, një analist me qendër në Amsterdam, ka parë qindra fotografi të verifikuara të mjeteve ruse të shkatërruara. Ai mendon se këto mburoja nuk kanë bërë asgjë tjetër përveç se të shtojnë peshën e tankeve, t’i bëjnë tanket më të lehtë për t’u dalluar dhe ndoshta t’i japin ushtarëve një ndjenjë të rreme dhe të rrezikshme sigurie.

Në fakt këto mburoja janë quajtur në mënyrë ironike nga analistët perëndimorë si “armë të mbështetjes emocionale”.

Mburojat e reja, montimi i të cilave duket se ka filluar në fund të vitit 2021, duket se është një variant i të ashtuquajturës armaturë me dërrasa ose shufra. Një armaturë e tillë mund të sigurojë mbrojtje efektive nga pesha e lehtë nëse përdoret si duhet.

Ato gjithashtu mund të cilësohen si simbole të përgatitjes ruse për të neutralizuar mbrojtjen ajrore të Ukrainës dhe për të rrëzuar dronët e atij vendi. Një nga kërcënimet kryesore për automjetet e blinduara janë eksplozivët HEAT (High Explosive Anti-Tank), të njejtë me RPG-7 të prodhuar nga Rusia, por tashmë më të përdorur gjerësisht.

Kur eksplozivi shpërthen, ajo që shpërthen në fillim me një shpejtësi të madhe është shtresa metalike, e cila depërton përmes çelikut. Sipas Dr Appleby-Thomas një RPG-7 mund të depërtojë gjithashtu edhe në një pllake çeliku prej 30 cm.

Armët e tjera, shumë më të fuqishme, të përdorura nga forcat ukrainase përfshijnë Javelins nga Amerika, NLAW nga Britania dhe raketa MAM-L të furnizuara nga Turqia. Shumë nga tanket ruse janë të pajisur me ERA (raketa). Sidoqoftë, ERA, nga ana tjetër, mund të mposhtet nga armët e ashtuquajtura tandem.

Nëse një raketë godet një shufër, koka e saj do të shpërthejë. Por nëse bllokohet mes shufrave, ndoshta do të dëmtohet në një mënyrë sa nuk mund të arrije të detonatori.

Mburojat e çuditshme mbrojnë nga sulmet ajrore. Në parim, kjo mund të ndihmojë në mbrojtjen kundër “Javelinë”, sipas një prove të kryer nga forcat e Ukrainës në dhjetor.

Një tjetër ide është se këto mburoja janë një përgjigje ndaj ngjarjeve në konfliktin midis Armenisë dhe Azerbajxhanit në vitin 2020, në të cilin një numër i madh tankesh armene të prodhuara nga Rusia u shkatërruan nga MAM-L.

Samuel Cranny-Evans, një tjetër analist në Rusi, vëren se këto raketa nuk kanë mbrojtje ndaj RPG-ve (granatahedhës). Një mundësi e tretë është që mburojat në fakt janë menduar si mbrojtje kundër RPG-ve – të cilat ukrainasit i kanë me bollëk. Kjo nuk ka të ngjarë të ndodhë në një fushë beteje të hapur, por është një taktikë që preferohet të përdoret në luftrat urbane.

Dr Appleby-Thomas spekulon se qëllimi i vërtetë i këtyre mburojave mund të jetë mbrojtja kundër bombave të vogla. Bombat me dron mund të paraqesin një rrezik real në zonat urbane. Por këto mburoja të çuditshme do të shkatërronin sulme të tilla në vend që të siguronin mbrojtje të plotë.

Mundësia e fundit është që në fakt këto mburoja të përdoren thjesht për të rritur moralin e ushtarëve duke i bindur ata se janë të sigurt aty brenda.

Megjithatë, të besosh se je i sigurt nuk është e njëjtë me sigurinë e vërtetë. Ekziston një paralele për shembull në “bluzat e fantazmave”, që supozohet se kanë fuqi të mbinatyrshme për të ndaluar plumbat, të cilat u përdorën nga disa luftëtarë Lakota në kryengritjen e tyre kundër qeverisë amerikane në 1889 dhe 1890.

Këto sigurisht rritën moralin e ushtarëve. Por ata nuk i shpëtuan plagëve./abcnews.al

The post Çfarë janë dhe për çfarë shërbejnë “kapelet” e hekurit mbi tanket ruse appeared first on Albeu.com.

Maksim prej tre vitesh është përgatitur për këtë moment, thonë kolegët e tij nga ushtria ukrainase, transmeton Telegrafi.

“Gjatë tërë kohës është trajnuar me të gjitha armët anti-tank që i ka në dispozicion Ukraina – qofshin ato të montuara në mjete të blinduara apo edhe ato që bartën në kraharor. Së fundmi ka përdorur edhe armën e forcave të huaja e njohur si NLAW. Falë kësaj arme, tanket ruse në Svetlodar do të shndërrohen në një deponi e metaleve”, kanë bërë të ditur nga ushtria ukrainase.

Ky ushtar që i ka 23-vjet, filloi shërbimin ushtarak në vitin 2019.

“Mund të shkatërrojmë deri në pesë tanke për pesë minuta, pa pasur ndonjë problem”, thotë Maksim me krenari.

Ai madje shtoi se shpreson që së shpejti do të mundet temperamentin e tij ta shfaq në luftë kundër trupave ruse.

The post Ushtari ukrainas pretendon se me armën anti-tank NLAW, mund të shkatërrojë 5 tanke ruse për 5 minuta appeared first on Albeu.com.

Sipas disa raportimeve të paverifikuara bëhet fjalë për tanke ruse, të shkatërruara nga forcat ushtarake ukrtainase.

Një grua dëgjohet duke thënë: “Tanket ruse janë në rrethrrotullim. Tanket tona po i qëllojnë. Qëllojini. Mos i lini të ikin”. /albeu.com

The post Forcat ukrainase shkatërrojnë tanket ruse në mes të rrugës (VIDEO) appeared first on Albeu.com.