Sipas tij, indeksimi me 4.1% të pensioneve dhe rritja çmimit të bukës është një tallje nga ana e qeverisë.

Gjithashtu, Meta thekson se nga 1 nëntori do të rritet edhe çmimi i energjisë.

“Tallja e Qeverisë me pensionistët: Indeksim 4.1% të pensioneve por shtrenjtim me 15% të bukës, produktit bazë ushqimor të tyre! Nga 1 Nëntori pensionistët e të gjitha kategorive dhe jo vetëm, do të paguajnë 15% më shtrenjtë çmimin e bukës për shkak të shtrenjtimit po aq të çmimit të energjisë elektrike për furrat e bukës në orët e pikut të prodhimit. Ndaj dhe indeksimi i pensioneve në masën 4.1% ose 25 lekë/ditë nuk është gjë tjetër veçse poshtërimi më i madh që ai u bën pensionistëve”.

Meta ka shpalosur në 5 prioritetet kryesore të Partisë së Lirisë, ku ndër to është dyfishimi i pensioneve.

“Dyfishimi i pensioneve është një nga 5 Prioritetet kryesore të Partisë së Lirisë. Ne në qeverisje do të bëjmë të mundur: Indeksimin e plotë të masës së pensioneve duke e llogaritur indeksimin mbi bazën e inflacionit të artikujve ushqimorë. Indeksimin e shpeshtë brenda vitit të masës së pensioneve në rastet e krizave apo pandemive për shkak të rritjes së shpejtë të çmimeve. Rritjen e pensioneve me nivelin e rritjes reale ekonomike për ta bërë rritjen ekonomike gjithëpërfshirëse”.

The post Ilir Meta: Qeveria po tallet me pensionistët, nga 1 nëntori do të rritet çmimit i bukës appeared first on Albeu.com.

Duke nisur nga muaji Tetor, pensionet do të indeksohen me 4.1%, sipas vendimit të fundit të qeverisë shqiptare. Mirëpo, ky indeksim do të thotë një shpërndarje e ndryshme për secilin nga llojet e pensioneve, duke i qëndruar rritjes shumë të lehtë, krahasuar me nevojat e pensionistëve në Shqipëri.

Me këtë indeksim, pensionet urbane rriten me afër 752 lekë. Nga 18,241 lekë që është pensioni mesatar, pensionistët në qytet do të marrin muajin tjetër 18,993 lekë.

Për qytetarët në zonat rurale rritja është më e ulët, në vetëm 453 lekë. Nga 11,051 lekë që është pensioni mesatar rural, do të shkojë në 11,504 lek.

Në ndryshim nga dy kategoritë më sipër, rritja pak më e madhe është për qytetarët që marrin pensione nga trajtime të veçanta, sikurse ish- ushtarakë, minatorë, naftëtarë etj.

Për ata që përfitojnë 20.000 lekë, rritja është 800 lekë. Ndërsa ata që përfitojnë 30.000 lekë, do të marrin 1200 lek më shumë.

REAGIMI I PLOTË:

Rritja e pensioneve është tallja më e madhe që u është bërë ndonjëherë pensionistëve.

Indeksimi me 4.1% nuk kompenson në asnjë moment rritjen e kostove të jetesës.

Mesatarisht, një pension rritet me 752 lekë në muaj, pra vetëm 25 lekë të reja në ditë! Çfarë mund të shtojë një pensionist në tryezë me kaq para? Praktikisht asgjë!

Edhe pse kanë punuar dhe kontribuuar një jetë të tërë, pensionistët janë të varur nga fëmijët emigrantë për ushqimet, ilaçet, energjinë elektrike e ujin.

Frutat dhe mishi janë luks për shumicën dërrmuese të pensionistëve shqiptarë.
Kanë marrë vota qyl nga pensionistët për 11 vite dhe kujtohen tani duke u tallur me një rritje qesharake. Kjo qeveri nuk është e majtë por në funksion të klientëve, oligarkëve dhe krimit të organizuar.

Pensionistët dhe gjithë shoqëria duhet ta ndëshkojë sa më parë këtë qeveri që nuk punon për ta por për një grusht njerëzish duke e bërë Shqipërinë të pajetueshme për qytetarët.

The post Indeksimi i qeverisë/ Erisa Xhixho: Rritja e pensioneve, tallja më e madhe që u është bërë ndonjëherë pensionistëve appeared first on Albeu.com.

Departamenti i Policisë së Seattle, tha se komentet e oficerit Daniel Auderer për vdekjen e Jaahnavi Kandula ishin “të neveritshme” dhe të pashpirta”, raportoi The Seattle Times.

Kandula, 23-vjeç, u godit për vdekje në janar nga një automjet tjetër policie, ndërsa po kalonte një rrugë pranë Universitetit të saj.

Daniel Auderer,i cili po i përgjigjej incidentit u regjistrua duke qeshur dhe duke thënë se ajo ishte një “person i rregullt” dhe qyteti duhet “thjesht të shkruajë një çek”.

Pamjet janë kapur në kamerën e trupit të tij, teksa ai i kishte bërë një telefonatë një kolegu të tij.

“Por ajo ka vdekur”, u dëgjua të thoshte oficeri para se të qeshte. “Jo, është një person i rregullt. Po, thjesht shkruaj një çek”, tha ai, përpara se të qeshte përsëri.

“Njëmbëdhjetë mijë dollarë. Ajo ishte 26-vjeçe, gjithsesi. Ajo kishte vlerë të kufizuar“, shtoi ai.

Videoja është shpërndarë gjerësisht në rrjetet sociale dhe ka shkaktuar zemërim në internet. Të mërkurën, shefi i përkohshëm i Departamentit të Policisë së Seattle, Sue Rahr njoftoi përfundimin e policit përmes një emaili në të gjithë departamentin. Veprimet e tij kishin sjellë turp për të gjithë departamentin dhe profesionin e policisë, ka shkruar ajo.

Shefi i përkohshëm Rahr shtoi se “e qeshura e tij mizore dhe e pashpirt” dhe dhimbja që ajo i kishte shkaktuar familjes së Kandulas, nuk mund të tejkalonte reputacionin e mirë të Daniel Auderer midis kolegëve të tij dhe vitet e tij të shërbimit ndaj komunitetit.

“Për mua që të lejoj oficerin të qëndrojë në forcën tonë do të sillte vetëm çnderim të mëtejshëm për të gjithë departamentin. Për këtë arsye, unë do t’i jap fund punësimit të tij”, tha ajo.

Daniel Audered, ishte vënë nën hetim pas incidentit. Zyra e Përgjegjshmërisë së Policisë – agjencia që heton sjelljen e keqe të policisë – kishte rekomanduar përfundimin e tij për sjellje joprofesionale dhe shfaqje të njëanshmërisë në deklaratat e regjistruara, raportoi Seattle Times.

Jaahnavi Kandula, ishte një studente e diplomuar në Universitetin Northeastern në Seattle. Oficeri që e përplasi me automjetin e tij të patrullës, ishte duke ecur me shpejtësi 119 km/h dhe ajo u hodh më shumë se 30 metra, thanë mediat amerikane.

The post U tall me vajzën indiane që ndërroi jetë, shkarkohet oficeri i policisë appeared first on Albeu.com.

Cristiano Ronaldo nuk u aktivizua asnjë minutë në këtë sfidë, dhe portugezi madje u largua përpara se gjyqtari të përfundonte minutat e rregullta.

Ai kishte dal në nxemje dhe më pas u drejtua drejt tunelit duke u larguar rreth minutës së 88-të. Pas ndeshjes, Ten Hag u pyet nga gazetarët për këtë veprim të sulmuesit dhe tekniku u përgjigjë se do ta qartësonte situatën me Ronaldon.

Tifozët kanë krijuar një grafik në rrjetet sociale, kur zakonisht përdoret nga specialistët e statistikave për të treguar përshkrimin e fushës që ka bërë një lojtar i caktuar. Për Ronaldon, fansat kanë krijuar një grafik ku terreni që ka përshkruar portugezi për 90 minuta, ka qenë vetëm te stoli dhe rrugëtimi i tij drejt tunelit të stadiumit./ h.ll/albeu.com

The post Nuk u aktivizua ndeshjen e djeshme dhe u largua para përfundimit, CR7 “tallet” nga fansat (FOTO LAJM) appeared first on Albeu.com.

Pas barazimit të ndjeshëm 3-3 në Camp Nou, Bastoni është tallur përsëri në një farë mënyre me Barcelonën.

“Të luash në Camp Nou nuk është aspak stresuese”, ndau Bastoni duke postuar një video në Instagram, ku shfaqet Barella në një karrocë dhe Dimarco që është duke e shtyrë./ h.ll/albeu.com

Alessandro Bastoni on IG:

“Playing at Camp nou is not stressful at all, Barella 25 years old”. ?? pic.twitter.com/AQFJJB2iME

— FCIM PICTURES ?? (@FCIM_Pictures) October 13, 2022

The post Bastoni tallet me Barçën duke postuar pamje me karrocë dore: Të luash në Camp Nou nuk është stresuese (VIDEO) appeared first on Albeu.com.

“Fitorja e së martës ndaj Barcelonës ishte shumë e rëndësishme. Tani shpresojmë se do të gjejmë rrugën e duhur në suksese.

Në një farë mënyre, ndaj Sassuolos do të jetë një ndeshje më e vështirë se kundër Barcelonës, gjithashtu sepse ata janë një ekip i fortë dhe ndër vite na kanë vënë në vështirësi. Në Serie A duhet të fitojmë për të rekuperuar pikët e humbura”, është shprehur Bastoni./ h.ll/albeu.com

The post Bastoni “tallet” me spanjollët: Ndaj Sassuolos do të jetë më e vështire se me Barçën appeared first on Albeu.com.

Belgu u ul në ujë të nxehtë dhjetorin e kaluar pasi pretendoi se do të ishte ‘100 për qind ende në Inter’ nëse ata do t’i ofronin një kontratë të re.

Lukaku shprehu gjithashtu dëshirën e tij për të luajtur sërish te Interi duke trazuar tifozët e bluve.

Por në një bisedë të ulur me kanalin mediatik të klubit pas intervistës së tij bombë në ‘Sky Italia’, ylli 28-vjeçar kërkoi falje pa rezerva dhe që atëherë ka ndihmuar Chelsean të arrijë në një finale të Kupës Carabao.

Por me daljen e fanellës së re të Chelseat para ndeshjes, tifozët shpresojnë që fanella e frymëzuar nga Interi ta ndihmojë Lukakun të ndihet si në shtëpinë e tij dhe ta kthejë atë sërish mes golave.

Një përdorues i Twitter bëri shaka: “Chelsea në fakt ka nxjerrë një fanellë me dizajnin e Interit për ta mbajtur Lukakun të lumtur”.

Një tjetër u tall: “Fanella e ri e Chelseat para ndeshjes duket shumë interesant.

“Shikoni buzëqeshjen në fytyrën e Lukakut”.

Një tifoz i Blues shtoi: “Chelsea vërtet lëshoi ​​një fanellë të re që dukej si fanella e Interit vetëm që Lukaku të fillonte të performonte”.

Chelsea ka një program të ngjeshur të shkurtit me njerëzit e Thomas Tuchel të vendosur për të garuar për dy trofe.

Kampionët e Evropës luajnë në gjysmëfinalen e Kupës së Botës për Klube më 9 shkurt në Abu Dhabi.

Djemtë e Tuchel kanë gjithashtu një takim me Liverpool-in në finalen e Carabao Cup më 27 shkurt./ h.ll/albeu.com

The post Fanella e re përgatitore e Chelsea e ngjashme me atë të Interit, tifozët ‘tallen’ me Lukakun (FOTO LAJM) appeared first on Albeu.com.

Pamjet pas një prej golave të Salah tregojnë ikonën portugeze duke tundur krahët me shpejtësi.

Sic raportohet nga Mirror, ai duket se është duke treguar drejtime te ndryshme me një lëvizje të çuditshme.

Dhe ndonëse ëhtë e paqartë saktësisht se  cilat i referoheshin apo kujt i drejtoheshin ato, disa tifozë mendojnë se ato ishin një tallje ndaj trajnerit të tij.

Në një video krahasuese të publikuar nga vetë tifozët, Solskjaer bëntë një lëvizje të ngjashme me të 36 vjeçarit për t’u dhënë udhëzime lojtarëve. /abcnews.al

#Solskjaer tactics summed up by #Ronaldo #OleGunnar #MUFC #ManUtd

pic.twitter.com/tEGpQjul59

— Wɔfa Kay??☝? (@BarsManX) October 25, 2021

The post Ronaldo nuk përmbahet, tallet me taktikat e Solskjaer gjatë ndeshjes me Liverpoolin (VIDEO) appeared first on Albeu.com.