Komentet ai i bëri teksa u paraqit përpara një jurie të madhe federale që hetonte sulmin e 6 janarit në Kapitolin e SHBA-së, konfirmoi Short.

Në një intervistë për Abcnews, Short tha se ai u thirr nga një juri e madhe dhe u pajtua me thirrjen, duke shtuar se ai “me të vërtetë nuk mund të komentojë më tej se kaq” me këshillën e avokatit të tij ligjor.

“Unë mendoj se Shërbimi Sekret bëri një punë fenomenale atë ditë. Mendoj se rreziku më i madh dhe pavarësisht nga mënyra se si u karakterizua në seancat e javës së kaluar, sinqerisht, është se nëse turma do të ishte afruar më shumë me zëvendëspresidentin, do të kishte ndodhur një masakër në Kapitol atë ditë.”-tha ai.

ABC News raportoi për herë të parë të hënën se Short ishte paraqitur javën e kaluar para jurisë së madhe. Short u kap nga një kamera duke u larguar nga Gjykata e Qarkut DC të premten së bashku me avokatin e tij, Emmet Flood.

Short është zyrtari më i lartë i Shtëpisë së Bardhë të Trump që dihet se është paraqitur para jurisë së madhe.

“Mendoj se kapitulli i plaçkitur siç ishte, mendoj se paraqiste përgjegjësi dhe rrezik”, shtoi ai.

Ish-krye-këshilltari i Pence, Greg Jacob, gjithashtu dëshmoi para jurisë së madhe, thanë burime pranë tij. Jakobi dëshmoi publikisht gjatë një seance publike të fundit të komitetit të 6 janarit.

Në 6 janar të 2021 SHBA-ja u përfshi nga një protestë masive, pretendohet se është thirrur nga Donald Trump, në mënyrë që të ndalohej çertifikimi i votave të Kolegjit Zgjedhor. Protestuesit kanë çarë kordonin policor dhe kanë shkatërruar çdo gjë që u ka dalë përpara. Gjithashtu, janë gjetur të paktën 2 pajisje shpërthyese dhe 5 persona kanë vdekur dhe shumë janë plagosur për shkak të dhunës.

The post Sulmi në Kapitol, ish-shefi i shtabit të Pence: Nëse turma do i afrohej zv.presidentit do të ishte bërë masakër appeared first on Albeu.com.

Në njëvjetorin e sulmit, presidenti Biden pritet të flasë në sallën e statujave në Kongres, në një paraqitje të përbashkët me zëvendëspresidenten Kamala Harris.

“Presidenti do të flasë për të vërtetën e asaj që ndodhi, jo për gënjeshtrat që disa kanë përhapur që atëherë dhe për rrezikun që sulmi ka paraqitur për sundimin e ligjit dhe sistemin tonë të qeverisjes demokratike”, u tha të martën gazetarëve zëdhënësja e Shtëpisë së Bardhë, Jen Psaki.

Ajo tha se presidenti “do të përkujtojë heronjtë e 6 janarit, veçanërisht trimërinë e burrave dhe grave të forcave të rendit, që luftuan për të mbrojtur Kushtetutën, për të mbrojtur Kapitolin dhe jetët e njerëzve që ishin aty. Për shkak të përpjekjeve të tyre, demokracia jonë i rezistoi sulmit të një turme dhe vullneti i më shumë se 150 milionë njerëzve që votuan në zgjedhjet presidenciale, u vërtetua përfundimisht nga Kongresi”.

Turma e mbështetësve të ish presidentit Trump sulmoi selinë e Kongresit ndërsa ligjvënësit po mblidheshin për të certifikuar rezultatet e zgjedhjeve të nëntorit të vitit 2020, duke mposhtur oficerët e policisë së Kapitolit, duke thyer dritaret dhe dëmtuar ndërtesën historike dhe duke i detyruar ligjvënësit të kërkonin strehim për shkak të sigurisë së tyre.

Kongresi nxiton të mbyllë hetimet për sulmin e 6 janarit përpara zgjedhjeve të nëntorit

Vetëm disa orë më vonë, pasi agjencitë federale të zbatimit të ligjit dhe ushtria arritën të rivendosin situatën nën kontroll, anëtarët e Kongresit qenë në gjendje të përfundojnë punën e tyre, të vërtetojnë fitoren e zotit Biden në zgjedhje dhe të përgatisin terrenin për inaugurimin e tij javë më vonë.

Katër persona vdiqën ditën e sulmit, duke përfshirë një oficer policie të Kapitolit që vdiq të nesërmen. Turma plagosi dhjetëra oficerë dhe në muajt pas sulmit katër oficerë kryen vetëvrasje.

Donald Trump kishte planifikuar të mbante një konferencë shtypi të enjten në Florida, por të martën tha se po e anulonte atë. Në një deklaratë ku përsëriti pretendimin e tij të rremë se ai në fakt fitoi zgjedhjet e vitit 2020, zoti Trump tha se në vend të konferencës, do të diskutojë “tema të rëndësishme” në një tubim të 15 janarit në Arizona.

Carl Tobias, një profesor në Shkollën Juridike të Universitetit të Richmondit, i tha agjencisë së lajmeve France-Presse se fushata e zotit Trump është “e pashembullt në historinë e Shteteve të Bashkuara”.

“Asnjë ish president nuk është përpjekur të bëjë kaq shumë për të diskredituar pasardhësin e tij dhe procesin demokratik”, tha profesori Tobias.

Sondazhi: Demokracia në SHBA e kërcënuar

Anketat opinionit publik kanë treguar se rreth 70 për qind e republikanëve nuk e konsiderojnë të ligjshme fitoren e presidentit Biden./VOA/

The post Presidenti Biden do të flasë në përvjetorin e sulmit në Kapitol appeared first on Albeu.com.

Kujtojmë se ky vendim vjen pas ngritjes së një Komiteti, i përbërë nga ligjvënës të Dhomës së Përfaqësuesve, i cili po përpiqet të zbulojë nëse Trumpi ka pasur njohuri paraprake për trazirat, shkruan Reuters.

Më 6 janar, mbështetësit e Trumpit e kishin sulmuar ndërtesën e Kongresit, derisa ligjvënësit po mblidheshin për të vërtetuar rezultatin e zgjedhjeve presidenciale.

Trumpi ka refuzuar të pranojë humbjen përballë presidentit Joe Biden në zgjedhjet e vitit të kaluar, duke pretenduar – pa prova – se ka pasur mashtrime masive në votime.

Hetimet po bëhen nga një komitet i ngritur nga Dhoma e Përfaqësuesve, e cila dominohet nga demokratët e presidentit Biden.

Paneli dëshiron të shohë të dhëna telefonike, regjistra të vizitorëve dhe dokumente të tjera të Shtëpisë së Bardhë, që mund të hedhin dritë mbi ngjarjet e 6 janarit.

Por, Gjykata e Apelit në Uashington vendosi ndalesë të përkohshme mbi urdhrin e një gjykate më të ulët për dorëzimin e dokumenteve të premten.

Gjykata e Apelit tha se do të caktojë një seancë për 30 nëntor./albeu.com/

The post Sulmi mbi Capitol Hill, Gjykata “bllokon” Trump! Nuk i lejon publikimin e dokumentave appeared first on Albeu.com.

Komisioni i kontrolluar nga demokratët, po heton për t’u dhpnë përgjigje pyetjeve, se përse dhe si, mbështetësit e zotit Trump sulmuan ndërtesën e Kapitolit, ndërsa ligjvënësit po çertifikonin fitoren e demokratit Joe Biden në zgjedhjet presidenciale të vitit të kaluar.

“Një ditë para se gjithë kjo të ndodhte, më 5 janar zoti Bannon përmes një deklarate tregoi se kishte dijeni për të. Ai tha ‘ferri do të shpërthejë nesër’. Ai parashikoi se ajo ditë do të ishte dryshe nga ajo që prisnin amerikanët. Ai i tha audiences së tij se shumë njerëz i kishin thënë se në rast revolucioni, do të ishin në Uashington. Ai tha se ky është momenti i tyre në histori. Sipas hetimeve të komisionit, duket se zoti Bannon kishte njohuri paraprake për planet e 6 janarit dhe duket se ai luajti një rol të rëndësishëm në ato plane”, thotë ligjvënësja republikane Liz Cheney, nënkryetare e komisionit.

“Zoti Banon vazhdon të kundërshtojë që të dëshmojë. Kjo është e papranueshme. Askush në këtë vend, pavarësisht pasurisë dhe fuqisë, nuk është mbi ligjin. Nëse nuk adresohet, kundërshtimi i tij mund të nxisë të tjerët të ndjekin rrugën e zotit Bannon”, tha kryetari i komisionit Bennie Thompson,

Paneli miratoi ngritjen e akuzave kundër zotit Bannon. Çështja shkon tani për votim në Dhomën e Përfaqësuesve, gjë që pritet të bëhet të enjten.

Nëse Dhoma e Përfaqësuesve voton pro ngritjes së akuzave, çështja i kalon prokurorit federal në Uashington, ku një juri e madhe vendos për ngritjen, ose jo të padisë ndaj zotit Bannon.

Nëse shpallet fajtor, ai mund të dënohet deri me një vit burg edhe pse vuajtja e dënimit në rrethana të ngjashme, është e pazakontë dhe e rrallë.

Ish-Presidenti Donald Trump është munduar të pengojë hetimet e komisionit mbi shkaktarët e trazirave dhe rolin e tij në to. Zoti Trump ngriti një padi të hënën, me pretendimet se komisioni bëri një kërkesë të paligjshme, të pabazuar dhe të tepruar për të marrë regjistrimet e tij në Shtëpinë e Bardhë.

Shtëpia e Bardhë nën Presidentin Biden ka argumentuar se zoti Trump nuk gëzon privilegje ligjore për të penguar kërkesën, gjë për të cilën ligjvënësja Cheney duket se pajtohet.

Republikanët në Senat kanë penguar krijimin e një komisioni të pavarur për të hetuar sulmin, një panel që do të ishte krijuar sipas modelit të komisionit që hetoi sulmet terroriste të vitit 2001 në SHBA.

Në përgjigje, Dhoma e Përfaqësuesve e kontrolluar nga Demokratët, krijoi një panel hetues prej nëntë anëtarësh, ku bëjnë pjesë dy ligjvënës republikanë, kritikë të zotit Trump. /VOA/

The post Sulmi mbi Kapitol nga mbështetësit e Trump-it, ngrihen akuzat kundër këshilltarit të ish-presidentit! Sa mund të dënohet appeared first on Albeu.com.