Presidenti i Ukrainës, Volodymyr Zelensky, theksoi se Rusia i përdori gati 300 dronë sulmues, si dhe 18 raketa balistike dhe shtatë raketa lundruese.

“Gjendja në rajonin e Kievit është e rëndë. Disa qindra mijëra familje janë pa energji elektrike tani”, tha Zelensky në një postim në X.

Ministria e Mbrojtjes e Rusisë konfirmoi se kishte kryer një “sulm të madh” ndaj objekteve energjetike të Ukrainës, duke pretenduar se ato përdoreshin nga ushtria e Ukrainës dhe kompleksi i saj ushtarako-industrial.

Ministri i Jashtëm i Ukrainës, Andriy Sybiha, e akuzoi Rusinë se po godet qëllimisht infrastrukturën energjetike për t’i privuar civilët nga energjia elektrike, uji dhe ngrohja në kushtet e motit acar.

“Rusia po përpiqet qëllimisht të krijojë kushte jetese, të llogaritura për të sjellë shkatërrimin fizik të popullit ukrainas”, shkroi ai në X, duke shtuar se një veprim i tillë hyn në përkufizimin e Nenit II (c) të Konventës për Gjenocidin.

Furnizuesi kryesor privat i energjisë në Ukrainë, DTEK, raportoi se raketat ruse goditën gjatë natës një termocentral. Ky ishte sulmi i tetë madhor ndaj objekteve të tij që nga tetori i vitit 2025.

Operatori shtetëror i energjisë, Ukrenergo, njoftoi më 13 janar se sulmi rus me raketa dhe dronë kishte në shënjestër objekte energjetike në disa rajone, duke lënë shumë konsumatorë pa energji elektrike në Kiev dhe rajonin e Kievit, si dhe në rajonet Çernihiv, Dnipropetrovsk, Zaporizhja, Zhitomir, Harkiv dhe Donjeck.

Ai shtoi se puna për riparimin dhe rikthimin e furnizimit ka nisur kudo që kushtet e sigurisë mundësuan.

Guvernatori rajonal raportoi se një sulm rus në rajonin e Harkivit vrau katër njerëz dhe plagosi disa të tjerë.

“Numri i njerëzve të vrarë nga sulmi i armikut në periferi të Harkivit ka arritur në katër”, shkroi Oleh Syniehubov në Telegram.

Kryetari i bashkisë së Harkivit, Ihor Terekhov, tha se një dron rus goditi një institucion mjekësor për fëmijë, duke shkaktuar zjarr.

Sulmet gjatë natës goditën gjithashtu rajone të tjera ukrainase, përfshirë qytetin jugor të Odesës.

Guvernatori rajonal, Serhiy Lysak, deklaroi se ndërtesa banimi, një spital, një shkollë dhe një kopsht fëmijësh u dëmtuan — dhe të paktën pesë persona u plagosën në dy valë sulmesh.

Moska ka pretenduar vazhdimisht se nuk synon infrastrukturën civile të Ukrainës, pavarësisht provave gjithnjë e më të mëdha që tregojnë të kundërtën.

Të dhënat tregojnë se forcat ruse intensifikuan sulmet ndaj infrastrukturës energjetike dhe të gazit të Ukrainës në fillim të vjeshtës së vitit 2025, duke ndërprerë furnizimet gjatë sezonit të ngrohjes. /rel

The post Sulmet ruse në rrjetin energjetik në Ukrainë, qindra mijëra banorë mbeten në errësirë dhe në të ftohtë appeared first on Albeu.com.

Rreth 36 raketa dhe gati 600 dronë u lëshuan mbi objektiva në të gjithë Ukrainën gjatë natës, thanë zyrtarët, duke vrarë tre persona dhe duke plagosur dhjetëra të tjerë. Rusia ka intensifikuar sulmet ndaj infrastrukturës civile dhe energjetike të Ukrainës, ndërsa kombi i sulmuar po hyn në dimër, pavarësisht përpjekjeve të udhëhequra nga SHBA-të për të siguruar një marrëveshje paqeje.

Ministria e mbrojtjes e Rusisë tha se kishte nisur një sulm masiv… kundër ndërmarrjeve të kompleksit ushtarako-industrial ukrainas dhe objekteve energjetike që mbështesin funksionimin e tyre. Dtek Energy, e cila u shërben pronave në Kiev, tha më vonë të shtunën se energjia elektrike ishte rikthyer për më shumë se 360,000 familje.

Përveç infrastrukturës energjetike, disa ndërtesa banimi u goditën në sulmet e natës, thanë zyrtarët ukrainas. Shpërthime të fuqishme u dëgjuan në të gjithë Kievin herët në mëngjes të shtunën. Shërbimet e emergjencës u panë më vonë duke u marrë me blloqet e banesave që digjeshin dhe ishin dëmtuar nga sulmet.

Kryebashkiaku i Kievit, Vitaly Klitschko, tha se një fëmijë 13-vjeçar ishte midis 29 personave të plagosur në kryeqytet. Forcat Ajrore të Ukrainës thanë se rrëzuan 558 dronë dhe 19 raketa. Kievi është ndër disa qytete që kanë pësuar bombardime të rregullta ajrore që nga fillimi i pushtimit të plotë të Ukrainës nga Rusia në shkurt të vitit 2022.

Shumë ukrainas kanë përjetuar gjithashtu ndërprerje të rregullta të energjisë, pasi Moska ka synuar infrastrukturën energjetike në dimrat e mëparshëm. Të dielën parashikohet që temperatura të bjerë në 2 gradë Celsius në Kiev, i cili ka temperatura mesatare nën zero në dhjetor.

Ukraina ka synuar infrastrukturën energjetike ruse, duke përfshirë rafineritë dhe depot e naftës, në veçanti me armë me rreze të gjatë veprimi që mund të hetojnë thellë brenda Rusisë. Ajo thotë se kjo bëhet për të frenuar të ardhurat për përpjekjet luftarake të Moskës nga eksporti kryesor i Rusisë.

Shërbimi i sigurisë i Ukrainës tha të shtunën se kishte goditur dy anije cisterna nafte në Detin e Zi, të cilat mendohet se ishin pjesë e të ashtuquajturës “flotë në hije” të Rusisë, e cila përdorej për të shmangur sanksionet ndërkombëtare. Ai publikoi pamje që tregonin një dron në ujë duke u drejtuar drejt njërës prej anijeve, e ndjekur nga një video që tregonte zjarr dhe tym që dilte nga ana e anijes.

The post Sulmet ruse nuk kanë fund, shkaktojnë ndërprerje të energjisë elektrike për më shumë se 600,000 banorë në Ukrainë appeared first on Albeu.com.

Ai tha se dy persona humbën jetën dhe 22 u plagosën, ndërsa tetë blloqe banimi dhe tetë automjete u shkatërruan. Video të postuara në internet shfaqnin zona rreth qendrës tregtare në flakë dhe tym.

“Zjarrfikësit po shuajnë zjarrin pasi ekziston mundësia që ende të ketë njerëz brenda qendrës tregtare”, tha Filashkin për televizionin ukrainas.

“Okupuesi e hodhi bombën në një kohë kur Dobropillia ishte plot me njerëz. Shumë ishin duke bërë pazar. Okupuesi e shënjestroi qëllimisht qendrën tregtare. Të gjitha qendrat tregtare përreth janë shkatërruar ose dëmtuar”, shtoi ai.

Shërbimet kombëtare të emergjencës së Ukrainës deklaruan se numri i të plagosurve ishte 27. Filashkin më herët kishte thënë se rreth 30 stenda tregtare ishin dëmtuar. Presidenti i Ukrainës, Volodymyr Zelensky, duke folur në fjalimin e tij të përnatshëm me video, e përshkroi sulmin si “thjesht terror i tmerrshëm dhe idiot nga Rusia. Nuk ka logjikë ushtarake në këto sulme, vetëm përpjekje për të marrë sa më shumë jetë njerëzish”.

Dobropillia ndodhet në veriperëndim të Pokrovskut, një pikë kyçe e avancimit të ngadaltë rus drejt perëndimit të rajonit të Donjeckut prej muajsh. Një sulm me raketa, raketahedhës dhe dronë në Dobropillia në mars kishte vrarë 11 persona, përfshirë pesë fëmijë./ REL

The post Sulmet ruse në Ukrainë, vriten dy persona dhe plagosen 27 të tjerë appeared first on Albeu.com.

Së paku dy civilë u vranë dhe 16 të tjerë u plagosën nga granatimet ruse në katër rajone të Ukrainës, ndërsa qyteti i portit në Detin e Zi, Odesa, ishte në shënjestër të sulmeve raketore ruse përsëri, thanë zyrtarët rajonalë të enjten.

Guvernatori rajonal i Harkivit, Oleh Synyehubov, tha se një burrë 70 vjeç u vra nga një sulm raketor rus në fshatin Borova, ku gjithashtu tetë civilë, përfshirë pesë fëmijë, u plagosën.

Kryeministri kanadez, Justin Trudeau (nga e majta), kryeministrja italiane, Giorgia Meloni, presidenti ukrainas, Volodymyr Zelenskiy, presidentja e KE-së Ursula von der Leyen dhe kryeministri belg, Alexander De Croo, vendosin lule te Muri i Kujtesës në Kiev më 24 shkurt.

Guvernatori rajonal i Donjeckut, Vadym Filashkin, tha se një person u vra nga granatimet ruse në Netailove dhe tre të tjerë u plagosën. Oleksandr Prokudin, guvernatori i rajonit Herson, raportoi se katër njerëz u plagosën nga granatimet ruse mbi këtë rajon.

Një burrë u plagos në fshatin Bilenka në jug të rajonit Zaporizhja më 6 mars, sipas kryetarit të administratës ushtarake rajonale, Ivan Fedorov.

Ushtria ukrainase tha se rusi e sulmoi Odesën, mbase duke përdorur raketë balistike, dhe e goditi infrastrukturën e portit.

Këto sulme i kryen një ditë pasi disa njerëz u vranë nga një sulm raketor rus, i cili goditi rreth 500-800 metra larg presidentit ukrainas, Volodymyr Zelensky, dhe kryeministrit grek, Konstantin Mitsotakis, të cilët po e vizitonin Odesën në atë kohë.

Guvernatori rajonal i Odesës, Oleh Kiper, shkroi në Telegram të enjten se nga ai sulm “kishte të vrarë dhe të plagosur”, pa treguar numrin e tyre.

Rekrutët rusë duke u futur në autobus afër një qendre rekrutimi ushtarak në Krasnodar, Rusi. Fotografi nga arkivi.

Në rajonin veriperëndimor të Rusisë, Vologda, guvernatori Georgy Filimonov konfirmoi të enjten raportimet në media se një dron kishte goditur një fabrikë metalurgjike në qytetin Çerepovets.

Filimonov tha se nuk është raportuar për të vdekur nga ai sulm dhe se fabrika ka vazhduar punën “normalisht”.

Prej se Rusia e nisi pushtimin e Ukrainës në shkurt 2022, shumë caqe ushtarake dhe fabrika industriale janë sulmuar nga dronët. Kievi rrallëherë i komenton këto sulme.

The post Rusia vazhdon sulmet kundër zonave civile në Ukrainë, duke shkaktuar vdekje dhe dëme materiale appeared first on Albeu.com.

Videot në mediat sociale treguan një seri shpërthimesh intensive rreth digës Kakhovka.

More footage reportedly from Nova Kakhovka, where the dam guarding a reservoir at a 30-year high water level has been destroyed. https://t.co/kUHv7u0sdm pic.twitter.com/5eJZbtWAK2

— Kevin Rothrock (@KevinRothrock) June 6, 2023

Ndërkohë që uji nisi të vërshonte nëpër mbetjet e digës.

Diga, 30 metra e lartë dhe 3,2 km (2 milje) e gjatë dhe e cila mban ujë të barabartë me Liqenin e Kripur të Madh në shtetin amerikan të Utah, u ndërtua në vitin 1956 në lumin Dnipro si pjesë e hidrocentralit Kakhovka.

Ajo gjithashtu furnizon me ujë gadishullin e Krimesë, të aneksuar nga Rusia në 2014, dhe centralin bërthamor të Zaporizhzhia, i cili është gjithashtu nën kontrollin rus.

Zyrtarët e vendosur nga Rusia thanë se nuk kishte ende asnjë rrezik për centralin bërthamor të Zaporizhzhia, termocentrali më i madh bërthamor në Evropë, nga shkatërrimi i digës./albeu.com

One hopes that there are contigency plans for the cooling of Zaporizhzhya Nuclear Power Plant given the dam destruction… https://t.co/8GnW19R5KH

— Dmitri Alperovitch (@DAlperovitch) June 6, 2023

The post Rusët hedhin në erë HEC-in, nisin përmbytjet e mëdha në Ukrainë (VIDEO) appeared first on Albeu.com.

SBU ka publikuar një sërë kërkesash që qytetarët të qëndrojnë të sigurt nga sulmet e mundshme ruse.

Ukrainasve u kërkohet të “kufizojnë pjesëmarrjen e ngjarjeve masive” dhe të shmangin vonesat “të panevojshme” në tempuj gjatë bekimit tradicional të shportës së Pashkëve.

Shërbimi i sigurisë paralajmëron gjithashtu banorët që të respektojnë shtetrrethimin në rajonin e tyre dhe “të mos injorojnë sinjalet ajrore të alarmit”.

“Rusia nuk heq dorë nga përpjekjet për të organizuar provokime në mënyrë që të minojë unitetin e shoqërisë ukrainase”, tha SBU.

Paralajmërimi i sotëm është një përpjekje “për të mos i dhënë Federatës Ruse… mundësinë për të përdorur çështjen fetare për të arritur qëllimet e veta”, thuhej më tej. /albeu.com

The post Frikë nga sulmet ruse, ukrainasit paralajmërohen të shmangin ngjarjet masive për Pashkë appeared first on Albeu.com.

Në një fjalim sfidues të shtunën, ai tha: “Liria ka një çmim të lartë. Por skllavëria ka një çmim edhe më të lartë.”

Sulmet me raketa dhe dron të Rusisë kanë lënë miliona ukrainas pa energji, ngrohje dhe ujë të rrjedhshëm.

Vetëm dje, sulmet ajrore ruse vranë 10 persona në qytetin jugor Kherson të Ukrainës, thanë zyrtarët.

Autoritetet rajonale thanë se 68 persona të tjerë u plagosën dhe u bënë thirrje banorëve vendas që të dhurojnë urgjentisht gjak.

Duke e përshkruar Rusinë si një “vend terrorist”, Zelensky akuzoi trupat ruse për “vrasje për të frikësuar dhe për hir të kënaqësisë”.

Moska ka mohuar në mënyrë të përsëritur të ketë shënjestruar civilët në sulmet e saj. Megjithatë, presidenti Vladimir Putin ka pranuar së fundmi se trupat ruse kanë goditur objektet kritike energjetike të Ukrainës./albeu.com

The post Zelensky uron ukrainasit për Krishtlindje: Rezistencë, liria ka çmim të lartë appeared first on Albeu.com.

Yuriy Sobolevskyi, nënkryetar i këshillit rajonal, tha se një raketë ra pranë një supermarketi pranë Sheshit të Lirisë të qytetit.

Presidenti i Ukrainës, Volodymyr Zelensky, ndau foto në internet që tregojnë rrugët e mbushura me makina të djegura, xhama të thyer dhe trupa të pajetë

“Këto nuk janë objekte ushtarake… Është terror, është vrasje për hir të frikës dhe kënaqësisë”, tha ai.

Ukraina rimori qytetin jugor nga Moska në nëntor, i cili ishte i vetmi kryeqytet rajonal i pushtuar nga Rusia që nga pushtimi i saj në shkurt. Ndërkohë, Rusia mohon të ketë shënjestruar civilët./albeu.com

The post 10 të vdekur në Kherson nga sulmet ruse në prag Krishtlindjesh, Zelensky reagon ashpër: Vrasje për hir të kënaqësisë appeared first on Albeu.com.

Ukraina tha se 16 nga 76 raketat ruse të lëshura të premten kishin depërtuar në sistemin e mbrojtjes ajrore të Ukrainës. Kjo është vala e fundit e sulmeve ruse në Ukrainë që kanë vënë në shënjestër infrastrukturën energjitike të atij vendi, pjesë e strategjisë së Kremlinit për të lënë në errësirë dhe të ftohtë popullin ukrainas gjatë dimrit.

Valentyn Reznichenko, guvernator i rajonit Dnipropetrovsk, ku ndodhet qyteti Kryvyi Rih, shkroi në rrjetin Telegram se, “ekipet nxorën trupin e një fëmije18 muajshe nga rrënojat e një shtëpie të shkatërruar nga një raketë ruse.” Katër persona u vranë nga raketa ruse dhe 13 u plagosën, katër prej tyre ishin fëmijë, thanë autoritetet.

Guvernatori Reznichenko tha se goditjet ruse vazhduan gjatë natës, duke dëmtuar rrjetin e energjisë elektrike dhe shtëpitë në qytetet Nikopol, Marhanets dhe Chervonohryhorivka, që shtrihen përtej lumit Dnieper, përkarshi centralit bërthamor Zaporizhzhia që është nën kontrollin e forcave ruse.

Mëngjesin e së shtunës, udhëheqja ushtarake ukrainase tha se forcat ruse kishin shtuar intensitetin e goditjeve me raketa. Kievi nuk tha se sa raketa ruse ishin shkatërruar nga mbrojtja ajrore.

Sulmet e së premtes, që vunë në shënjestër shumë pjesë të Ukrainës qendrore, lindore dhe jugore, përbëjnë një nga sulmet më të mëdha ndaj kryeqytetit Kiev që nga fillimi agresionit rus ndaj Ukrainës më 24 shkurt. Autoritetet thanë se Kievi u sulmua me rreth 40 raketa të premten dhe pothuajse të gjitha u asgjesuan nga mbrojtja ajrore.

Punonjësit e qytetit u përpoqën të rregullonin sistemet e dëmtuara të shpërndarjes së ujit dhe energjisë. Kryetari i bashkisë së Kievit, Vitali Klitschko, njoftoi të shtunën se dy të tretat e shtëpive ishin rilidhur me rrjetin elektrik dhe se të gjitha shtëpitë kishin furnizim me ujë. Sistemi i metrosë po ashtu rifilloi punën pasi një ditë më parë u përdor si vendstrehim.

Kreu i provincës verilindore të Kharkiv-it, Oleh Syniehubov tha të shtunën se energjia elektrike ishte rikthyer në të gjithë rajonin, duke përfshirë qytetin Kharkiv, metropolin e dytë më të madh të vendit./VOA

The post Një fëmijë ukrainas nxirret nga rrënojat e një pallati të shkatërruar nga raketat ruse appeared first on Albeu.com.

Sulmet në objektet kyçe kanë shënjestruar “gjithë kombin ukrainas” dhe kanë qenë përpjekje për të arritur te dorëzimi i Kievit, ka thënë ai.

Sipas Konventës së Kombeve të Bashkuara, gjenocidi përfshin “synimin për të shkatërruar, pjesërisht apo plotësisht, një grup kombëtar, etnik, racor apo fetar”.

Miliona persona në Ukrainë janë duke u përballur me ndërprerje të energjisë elektrike në mot të ftohtë, si pasojë e sulmeve ruse.

Prokurori Kostin ka thënë se zyra e tij është duke hetuar më shumë se 49.000 krime të luftës prej nisjes së konfliktit.

Ai ka bërë thirrje për krijimin e një “tribunali ndërkombëtar ad-hoc”, të mbështetur nga “bota e civilizuar ” që kundërshton luftën, në mënyrë që Rusia të mbahet përgjegjëse.

Lufta në Ukrainë ka nisur më 24 shkurt.

Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.

The post Ukraina: Sulmet ruse në rrjetin e energjisë përbëjnë gjenocid appeared first on Albeu.com.