Instituti i Statistikave publikoi së fundmi statistikat e krimeve dhe drejtësisë penale ku nënvizon se vitin e shkuar, janë evidentuar gjithsej 32.653 vepra penale, 3,5% më pak, krahasuar me vitin 2023.

“Numri i autorëve të dyshuar për vepra penale në vitin 2024 arriti në 40.057, me një rritje prej 1,4%, krahasuar me vitin paraardhës: 93,7 % janë meshkuj, ndërsa grupmosha më e përfaqësuar është ajo 30-44 vjeç, 36,0%.

Numri i autorëve pa përsëritje është 33.453, 0,1% më pak, krahasuar me një vit më parë; Në vitin 2024, janë regjistruar 17.761 persona të dëmtuar, 4,3% më shumë, krahasuar me vitin 2023. 37,9% e tyre janë të dëmtuar për krime kundër personit, ndërsa femrat përbëjnë 38,8 % të kësaj kategorie, kryesisht në krime seksuale, krime kundër fëmijëve, martesës dhe familjes, si edhe në krime kundër moralit dhe dinjitetit” thuhet në publikim.

Sipas INSTAT numri i procedimeve penale të regjistruara në vitin 2024, është 24.912, me një rritje prej 3,4%. Nga 25.272 procedime penale të përfunduara, 36,6% e tyre janë pushuar, 26,8% janë pezulluar dhe 36,6% janë dërguar për gjykim në gjykatë.

“Në vitin 2024, janë regjistruar 13.167 persona të pandehur, 5,7% më pak, krahasuar me një vit më parë. Meshkujt përbëjnë 94,6% të numrit gjithsej të të pandehurve, pothuajse e njëjta përqindje përgjatë pesë viteve të fundit. Numri i të burgosurve në institucionet e ekzekutimit të vendimeve penale është 4.491, 13,1% më pak, krahasuar me vitin 2023. Meshkujt përbëjnë 98,3% të numrit gjithsej të të burgosurve” thuhet në publikim.

Nga analizimi i shifrave rezulton se veprat penale: krime kibernetike, përndjekje, vrasje me dashje, vjedhje duke shpërdoruar detyrën, dhuna në familje, pastrim i produkteve të veprës penale, krime seksuale, krime me dashje kundër shëndetit dhe shkelja e rregullave të qarkullimit rrugor janë rritur krahasuar me vitin e kaluar, ndërsa pjesa tjetër e veprave penale ka pësuar rënie.

Numri i autorëve sipas veprave penale përfshin numrin e personave të dyshuar të cilët mund të jenë të pranishëm në më shumë se një vepër penale dhe autori numërohet në të gjitha veprat ku është i dyshuar. Në vitin 2024, 36,0% e autorëve janë të grupmoshës 30-44 vjeç, 24,8% të grupmoshës 18-29 vjeç dhe 22,8% i përkasin grupmoshës 45-59 vjeç.

Numri i të pandehurve për veprat penale: kalim i paligjshëm i kufirit shtetëror, dhënie ndihme për kalim të paligjshëm të kufirit, pastrim i produkteve të veprës penale, vrasje me dashje, krime me dashje kundër shëndetit, vrasje të mbetura në tentativë, vjedhje dhe trafikimi i armëve është ulur, krahasuar me vitin e kaluar, ndërsa për pjesën tjetër të veprave ka pësuar rritje.

“Në institucionet e ekzekutimit të vendimeve penale, grupmosha 21-29 vjeç ka numrin më të lartë të të burgosurve. Personat nën 20 vjeç dhe mbi 60 vjeç kanë numrin më të ulët të të burgosurve” vlerëson INSTAT./ Monitor.al

The post Statistikat e krimeve 2024, INSTAT: Autorët e dyshuar rriten me 1.4%, në burgje dominon mosha 21-29 vjeç appeared first on Albeu.com.

Të dhënat e reja të Agjencisë së BE-së për Azil (EUAA) tregojnë për 513.000 aplikime të reja nga janari deri në fund të qershorit, që do të thotë 6.000 më pak krahasuar me gjysmën e parë të vitit 2023.

Statistikat përfshijnë shifra nga të gjitha vendet e BE-së, ashtu si dhe nga Norvegjia dhe Zvicra, të cilat nuk janë pjesë e bllokut.

Më së shumti aplikime u regjistruan në Gjermani, përkatësisht 124.000, që i bie sa gati një e katërta e numrit të përgjithshëm.

Deri në fund të këtij viti, EUAA tha se pret më shumë se një milion aplikime në të gjithë rajonin.

Sipas të dhënave të saj, rreth 71.000 azilkërkues u regjistruan nga Siria, ndërsa rreth 45.000 nga Afganistani dhe 37.000 nga Venezuela.

Shifrat nuk përfshijnë rreth 4.5 milionë njerëz nga Ukraina, që kanë kërkuar strehim në BE dhe kanë marrë mbrojtje të përkohshme, prej se Rusia ka nisur pushtimin e vendit të tyre në shkurt të vitit 2022. /REL

The post Mbi 500.000 kërkesa për azil në Evropë në gjysmën e parë të vitit! Ja shteti ku ka më shumë aplikime appeared first on Albeu.com.

Në vitin 2002 mosha mediane e shqiptarëve ishte 27.6 vjeç. Përgjatë dy dekadave 2002-2022 shihet se popullsia e Shqipërisë është plakur me 10.6 vite norma më e lartë nga të gjithë vendet e Europës, e cila gjatë kësaj periudhe është plakur me vetëm 4.7 vite.

Mosha mesatare e popullsisë së BE-së arriti në 44.5 vjeç në 1 janar 2023. Kjo do të thotë se gjysma e popullsisë së BE-së ishte më e vjetër se 44.5 vjeç, ndërsa gjysma tjetër ishte më e re. Mosha mesatare e popullsisë së BE-së është rritur me 2.3 vjet që nga viti 2013, kur ishte 42.2 vjeç, ndërsa popullsia e Shqipërisë për të njëjtën periudhe është plakur me 4.5 vite, ritme dy herë më të larta se mesatarja e Europës.

Më 1 janar 2023, në të gjithë anëtarët e BE-së, mosha mesatare varionte midis 38.4 vjeç në Qipro dhe 48.4 vjeç në Itali. Midis 2013 dhe 2023, mosha mesatare u rrit në të gjithë anëtarët e BE-së, përveç Maltës dhe Suedisë, ku u ul (përkatësisht -0,4 dhe -0,1 vjeç), dhe Gjermanisë, ku mosha mesatare mbeti e pandryshuar.

Në pesë vende të BE-së, mosha mesatare e popullsisë u rrit me 4 vjet ose më shumë. Mosha mesatare në Portugali u rrit me 4.4 vjet, më së shumti ndër vendet e BE-së. Pasuan Greqia, Spanja, Sllovakia dhe Italia, duke shënuar rritje prej 4.0 vitesh dhe Shqipëria me 4.5 vite.

The post EUROSTAT e dëshmon: Vendi ynë po plaket më shpejt se gjithë Europa appeared first on Albeu.com.

Sipas të dhënave të Bashkisë së Tiranës, në vitin 2022, të ardhurat e pritshme nga parkimi pritet të jenë gati 500 milionë lekë, nga 575 milionë lekë që ishte plani fillestar.

Arkëtimet e Bashkisë nga parkimi i automjeteve përbëjnë rreth 4% të të ardhurave që Tirana siguron nga taksat dhe tarifat.

Në vitet në vazhdim, Bashkia pret që të mbledhë më shumë të ardhura nga tarifa e parkimit. Në 2023-n, përdoruesit e automjeteve pritet të paguajnë 602 milionë lekë (5.2 milionë euro). Në dy vitet në vijim të ardhurat e Bashkisë nga parkimi pritet të rriten më tej, në përkatësisht 623 milionë lekë në 2024-n dhe 647 milionë lekë në 2025-n.

Sipas relacionit të projektbuxhetit 2023-2025 të Bashkisë Tiranë, parashikimi i të ardhurave të realizuara nga tarifat e parkimit nga Tirana Parking për vitet 2023-2025 për parkimin në rrugë është bërë duke marrë parasysh kapacitetet e rrugëve me tarifim të cilat nga numërimi i fundit faktik në terren rezultojnë të jenë:

1. Zona A – 39 rrugë me 1111 vende me pagesë
2. Zona B – 26 rrugë me 1,081 vende me pagesë
3. Zona C – 9 rrugë me 375 vende me pagesë

Parashikimi i të ardhurave të realizuara nga tarifat e parkimit nga Tirana Parking për vitet 2023-2025 për parkimin në sheshe është bërë duke marrë parasysh kapacitetet e tyre që rezultojnë të jenë:

1. Zona A – 8 sheshe me 922 vende parkimi
2. Zona B – 5 sheshe me 600 vende parkimi
3. Zona C – 1 sheshe me 108 vende parkimi

Të ardhurat nga sektori i inspektimit në rrugë, përveç shtimit të vendeve të reja, është parashikuar të rriten dhe si pasojë e dy faktorëve të tjerë si:

o        Shtimi i një metode të dytë alternative të pagesës së shërbimit të parkimit

o        Shfrytëzimi më efikas i vendparkimeve aktuale

Në të njëjtën kohë, sipas relacionit, është marrë parasysh vështirësia në realizim e të ardhurave që vjen si pasojë e dy faktorëve të mëposhtëm:

o        Duke qenë se gjoba për mospagesën e tarifës së parkimit vendoset dhe arkëtohet nga Policia Bashkiake sjell vështirësi në realizimin e planit të parashikuar.

o        Bllokime të rrugëve për shkak të kantiereve të ndërtimeve, punimeve në rrugë dhe aktiviteteve.

Së dyti, synohet të mblidhen detyrimet e prapambetura nga subjektet që operojnë si “taksi” duke bërë të mundur rritjen e të ardhurave për vitin 2023 e në vazhdim.

Së treti, numri i abonimeve i cili pretendohet të rritet me gati 5% duke marrë parasysh:

o        Heqja e disa prej rrugëve me kapacitet të konsiderueshëm të vendparkimeve të Zonës A do të sjellë rritje të numrit të abonimeve.

o        Tarifat e shërbimit të parkimit në rrugë gjithashtu ndikojnë për rritjen e numrit të abonimeve në sheshe.

o        Shtimi në vitin 2022 i shesh parkimit nëntokësor të kopshti Zoologjik.

Së fundmi, duke marrë parasysh gjithë elementët e mësipërm dhe interesit të shprehur per kontrata të reja dhe rinovim të atyre ekzistuese nga subjektet private, edhe ky zë i të ardhurave të parashikuara nga Tirana Parking parashikohet të rritet mesatarisht me 4%, thekson relacioni./Monitor

The post Rreth 5 milionë euro në vit për të parkuar në Tiranë appeared first on Albeu.com.

Nga 2,500 femrat që morën pjesë në hulumtim, pothuajse gjysma e tyre thanë se arsyeja kryesore që nuk i ndërrojnë pizhamat e tyre mjaft shpesh është fakti se harrojnë sa netë i kanë veshur. Nga ana tjetër, shumica e meshkujve deklaruan se nuk i lajnë atë çdo javë, sepse “veshin çfarëdo që t’ju vijë për mbarë”.

Duke marrë parasysh që gjatë natës djersitemi dhe kështu largojmë qelizat e vdekura të lëkurës, pizhamet bëhen një habitat ideal për riprodhimin e baktereve dhe grumbullimin e lëngjeve vaginale, urinës dhe sekrecioneve të tjera trupore.

Përgjigja në pyetjen se sa shpesh duhet ta lani varet nga një sërë faktorësh dhe nga niveli i higjienës suaj personale. Teknikisht, pjesa e brendshme e pizhamave është në kontakt me lëkurën, kështu që mund t’i konsideroni njësoj si të brendshmet.

Megjithatë, nëse bëni dush ose laheni para se të shkoni në shtrat, pizhamet tuaja nuk do të jenë aq të pista. Në rast se jeni të sëmurë, keni temperaturë ose grip, duhet të lani pizhamet çdo ditë. E njëjta gjë vlen edhe nëse qëndroni me pizhame gjatë gjithë ditës, duke i veshur ato në shtëpi.

The post Sa shpesh duhet t’i ndërroni pizhamet? Çfarë thonë ekspertët appeared first on Albeu.com.

Sipas sondazhit të fundit që bëri kompania Ep & Partners Consultancy (EPPC) në rreth 1400 punonjës, rreth 53% e tyre po marrin në konsideratë të kërkojnë një punë të re, në një shtet tjetër, gjatë 12 muajve të ardhshëm.

Rezultatet e anketës treguan se 25% e punonjësve 2,5 në 10 të punësuar ka shumë mundësi që të lëvizin për një punë të re, në një shtet të huaj, gjatë 12 muajve të ardhshëm.

Ndër arsyet e kryesore të largimit të punonjësve mbizotërojnë ikja për një të ardhme dhe një shkollim më të mirë për fëmijët, pagat më të larta, ikja për një jetë më cilësore dhe një zhvillim më i mirë personal.

Anketa tregon se, tregu i punës në Shqipëri është përfshirë në tranzicion nga niveli i pakënaqësisë. P.sh. gati 62% e punonjësve janë shprehur se do të kërkojnë ndryshimin e vendit të punës gjatë 12 muajve të ardhshëm.

70% do të kërkojnë një pune të re për një pagë më të mirë, faktori kryesor dhe vendimtar për marrjen e këtij vendimi.

Mundësia për karrierë është arsye për kërkimin e një pune të re për gjysmën e punonjësve. Arsye të tjera dytësore janë nevoja për vlerësim, kultura e kompanisë, balanca punë-jetës private, stresi, atmosfera në punë, etj.

Motivacionet që i shtyjnë punonjësit për të kërkuar punë të re janë të ngjashme nga viti në vit, por gjithsesi në vitin 2022 vihet re një përforcim i peshës që zë paga në këtë vendim, si dhe peshës në rritje që ka kultura e punës në një kompani dhe balanca mes punës dhe jetës private.

Paga është arsyeja kryesore për të kërkuar punë të re dhe ka peshë të ngjashme në Shqipëri dhe Kosovë.

Në Kosovë, mundësia për karrierë merr peshë më të madhe, ndërsa në Shqipëri, arsye të tjera si të ndierit i/e vlerësuar, kultura e kompanisë, balanca punë-jetë private, atmosfera dhe stresi në punë si dhe marrëdhënia me drejtuesit.

16% e punonjësve në Shqipëri dhe 21% e punonjësve në Kosovë, punojnë gjithmonë në fundjava dhe/ose në festa zyrtare. 20% e punonjësve të kompanive private deklarojnë se punojnë në fundjavë dhe/ose gjatë festave zyrtare, ndërsa në institucione publike puna në fundjavë dhe festa ndodh më rrallë, konkretisht vetëm mes 4% të punonjësve.

Rezultatet tregojnë përmirësim në 2022, përsa i përket punës në fundjavë dhe/ose gjatë festave zyrtare, për punonjësit në Shqipëri. Gjatë viti 2019, 21% e punonjësve punonin gjithmonë në fundjavë dhe/ose gjatë festave zyrtare, ndërsa gjatë vitit 2022 kjo shifër ka zbritur në 16%./Monitor

The post 53% e punonjësve në kërkim të punës jashtë, 25% planifikojnë të ikin brenda vitit appeared first on Albeu.com.

Sulmuesi i Real Madrid, i cili shënoi kundër Celtic të mërkurën, ka barazuar legjendën e futbollit brazilian në numrin e golave dhe asistimeve që ka shënuar me fanellën e Real Madrid në Champions League.

13 gola dhe 8 asistime në 33 ndeshje për Rodrygo, po aq sa Ronaldo fenomeni por me një ndeshje më pak, pra 32 të tilla./ h.ll/albeu.com

?? @rodrygogoes ya ha igualado los números de @ronaldo en Champions con el Madrid… con un partido menos

⚽ 1⃣3⃣ GOLES
?️ 8⃣ ASISTENCIAS pic.twitter.com/pyicnXuAxa

— MARCA (@marca) November 4, 2022

The post Rodrygo si Ronaldo, braziliani i Realit barazon fenomenin në Champions me fanellën e “Los Blancos” appeared first on Albeu.com.

Argjentinasi është sulmuesi i parë i Interit i aftë të shënojë dhe t’i shërbejë një shoku të skuadrës për një gol gjatë 15 minutave të para të një ndeshje të Serie A.

Diego Milito ishte i fundit që e kishte bërë këtë gjë për Interin, në 19 janar 2011 kundër Cesena./ h.ll/albeu.com

1+1 – Lautaro Martínez è il primo attaccante dell’Inter capace di segnare e servire un assist nel corso dei primi 15 minuti di una partita di Serie A da Diego Milito, il 19 gennaio 2011 contro il Cesena. Albiceleste.#SerieA #FiorentinaInter pic.twitter.com/ZBbt6lB9ZJ

— OptaPaolo ? (@OptaPaolo) October 22, 2022

The post Lautaro si Milito: Gol dhe assist në 15 minutat e para të lojës, hera e fundit ishte në vitin 2011 appeared first on Albeu.com.

Janë paraqitur 14 kallëzime penale, nga të cilat, është vendosur mosfillim i hetimeve për një kallëzim.

Janë regjistruar 22 procedime penale, nga të cilët 11 procedime për vepra penale që lidhen me krimin e organizuar dhe 11 procedime për vepra penale që lidhen me korrupsionin.

Janë dërguar për gjykim 2 procedime penale me 2 persona të pandehur, nga të cilat, një procedim me një të pandehur për vepra penale që lidhen me krimin e organizuar dhe një procedim me një të pandehur për vepra penale që lidhen me korrupsionin.

Bazuar në kërkesat e paraqitura nga Prokuroria e Posaçme është miratuar nga Gjykata e Posaçme masë sigurimi personal ndaj një personi nën hetim.

Pas kërkesave përfundimtare të prokurorëve të posaçëm janë dhënë nga Gjykata e Posaçme 3 vendime themeli, janë deklaruar fajtorë 4 të pandehur, dhe për një të pandehur është dhënë pafajësi.

Janë kthyer 30 përgjigje për shkresa të ardhura nga institucione të ndryshme lidhur me statusin e shtetasve dhe zyrtarëve publikë shqiptarë në raport me procedimet penale ndaj tyre.

Janë ekzekutuar 4 vendime penale ku kanë marrë formë të prerë në Gjykatën e Posaçme të Shkallës së Parë për Korrupsionin dhe Krimin e Organizuar Tiranë.

Janë nxjerrë urdhra ekzekutimi për 7 të dënuar.

Janë miratuar nga prokurorët e posaçëm 15 vendime për miratim takimesh të të paraburgosurve me familjarët e tyre dhe 4 vendime per lejimin e kryerjes së bisedave telefonike.

Janë nxjerrë vendime nga prokurorët për 5 të dënuar për përfundimin e dënimit alternativ.

Janë vënë në ekzekutim 6 letërporosi të ardhura nga autoritetet e huaja të drejtësisë, si dhe janë dërguar 10 letërporosi për ekzekutim pranë autoriteteve të huaja.

Është dërguar pranë autoriteteve të huaja një kërkesë për krijimin e një Skuadre të Përbashkët Hetimore.

Është dërguar dokumentacioni pranë Ministrisë së Drejtësisë me qëllim ekstradimin e një shtetasi shqiptar nga jashtë vendit në Shqipëri.

Është bërë shpallja në kërkim ndërkombëtar e një shtetasi shqiptar.

Janë mbajtur 6 takime koordinuese me autoritetet e huaja sa u përket skuadrave të përbashkëta hetimore në kuadër të procedimeve penale në hetim, palë në këto marrëveshje nga të cilat, 3 takime janë zhvilluar jashtë vendit dhe 3 takime janë zhvilluar në Shqipëri.

Shtatë prokurorë të Prokurorisë së Posaçme kundër Korrupsionit dhe Krimit të Organizuar kanë marrë pjesë në 6 Trajnime dhe Konferenca jashtë vendit.

U është kthyer përgjigje e plotë 13 kërkesave zyrtare për informacion.

Është hartuar Programi Buxhetor Afatmesëm 2023-2025 i SPAK në përputhje me aktet ligjore dhe nënligjore.

Është hartuar Raporti i Monitorimit të Zbatimit të Buxhetit për 8 mujorin 2022 të SPAK.

Janë iniciuar 4 procedura prokurimi.

Janë nënshkruar 7 kontrata të furnizimit me mallra dhe shërbime.

The post SPAK publikon statistikat për shtatorin, 14 kallëzime dhe 22 procedime penale appeared first on Albeu.com.

Kështu thuhet në informacionin e Entit Shtetëror të Statistikave.

Siç bëjnë të ditur nga Instituti, numri i vdekjeve në tremujorin e dytë të vitit 2022 ka shënuar një rënie prej 33,4% krahasuar me të njëjtin tremujor të vitit 2021 dhe ka arritur në 4760 vdekje, nga të cilat 22 foshnja.

Numri i martesave të lidhura në këtë tremujor është ulur me 7,3% krahasuar me të njëjtën periudhë të vitit 2021 dhe arrin në 2670 martesa.

The post Bie numri i kurorëzimeve dhe lindjeve të foshnjave në Maqedoninë e Veriut appeared first on Albeu.com.