spitali i dibres Archives - Albeu.com

Lëvizjet në Spitalin Rajonal të Dibrës, drejtoresha e re me “dorë të hekurt”, ndryshon pozicionet e punonjësve pa asnjë motiv

E S — Sun, 11 Dec 2022 21:30:45 +0000

“Piranjat” u rikthyen sërish këtë fundjavë në spitalin Rajonal të Dibrës, ku drejtoresha e re, Irini Shehu, i ka nisur “ me dorë të hekurt” ndryshimet e pozicioneve të punës.

Gazetarja Aida Topalli zbuloi se rasti teknikes së ezhesë, e cila u largua nga pozicioni i saj i punës, nuk ishte i vetmi.

Astrit Çanaku, i cili dikur ishte përgjegjës i teknikës në këtë spital, u lëviz nga pozicioni i tij për t’u emëruar si spcialist i mjedisit.

Vendimi është marrë kur drejtoresha e re kishte vetëm 10 ditë në detyrë dhe nuk ka dhënë asnjë shpjegim për rastin në fjalë.

The post Lëvizjet në Spitalin Rajonal të Dibrës, drejtoresha e re me “dorë të hekurt”, ndryshon pozicionet e punonjësve pa asnjë motiv appeared first on Albeu.com.

Trajtoi pacienten për djegie të rënda, por nuk referoi ngjarjen në polici, ndiqet penalisht mjeku në Dibër pasi 74-vjeçarja ndërroi jetë

E S — Thu, 18 Aug 2022 06:46:21 +0000

Një mjek në Spitalin e Dibrës është ndjekur penalisht nga policia, pasi nuk ka njoftuar uniformat blu për një prej pacienteve që ka trajtuar me ndihmë mjekësore në datë 11 gusht.

Një zonjë 74 vjeçe është paraqitur në spital me djegie të rënda dhe si pasojë e plagëve ka ndërruar jetë pas një jave, por ngjarja nuk ishte referuar në polici.

Shkaku i djegies së të ndjerës është bërë një bombol gazi në banesën e saj dhe ngjarja mësohet të jetë aksidentale.

“Specialistët për Hetimin e Krimeve në Komisariatin e Policisë Bulqizë referuan materialet në Prokurori dhe filloi procedimi penal për shtetasin S. L., banues në Tiranë, mjek në Spitalin Rajonal Dibër, pasi më datë 11.08.2022, ky shtetas, gjatë kryerjes së detyrës si mjek roje, nuk ka njoftuar shërbimet e Policisë se është paraqitur në Urgjencë, me djegie të rëndë, shtetasja B. M., 74 vjeçe, banuese në Bulqizë, e cila si pasojë e dëmtimeve nga djegia, më datë 17.08.2022, ka humbur jetën. Nga veprimet hetimore ka rezultuar se 74-vjeçarja është djegur aksidentalisht në banesën e saj, nga bombula e gazit që e përdorte për gatim”, njofton policia.

The post Trajtoi pacienten për djegie të rënda, por nuk referoi ngjarjen në polici, ndiqet penalisht mjeku në Dibër pasi 74-vjeçarja ndërroi jetë appeared first on Albeu.com.

Bebe Rexha bën gjestin human për Spitalin e Dibrës

A M — Wed, 01 Sep 2021 10:59:55 +0000

Bebe Rexha është një ndër emrat më të njohur me famë botërore, e cila na ka bërë krenarë me talentin e saj. Këngëtarja, e cila festoi së fundmi 32 vjetorin, nuk i ka harruar kurrë rrënjët dhe ka folur gjithmonë me krenari për origjinën e saj.

Këtë gjë e ka treguar së fundmi dhe me gjestin që ka bërë, të cilin e bëri publik në rrjete sociale. Ajo ka dhuruar 10 mijë dollarë për Spitalin e Dibrës që ka nevojë urgjente për furnizime mjekësore bazë për të ndihmuar pacientët që luftojnë me Covid-19.

“Për të gjithë shqiptarët e mi dhe dibranët, ju lutem ndihmoni. Spitali në Dibër nuk ka mjaftueshëm furnizime. Ju lutem ndihmoni duke dhuruar. Çdo gjë ndihmon.”, ka shkruar Bebe krahas postimit.

The post Bebe Rexha bën gjestin human për Spitalin e Dibrës appeared first on Albeu.com.