Ajo quhet ”candidozyma auris” dhe ka shkaktuar mbi 4 000 raste në vendet e Bashkimit Evropian midis viteve 2013 dhe 2023.

Alarmi u ngrit nga ECDC, Qendra Evropiane për Parandalimin dhe Kontrollin e Sëmundjeve, e cila, bazuar në një studim të 36 vendeve, vuri në dukje një përhapje të shpejtë dhe një kulm të rasteve në vitin 2023 (1 346).

Italia u rendit e treta për sa i përket rasteve të raportuara (712), pas vetëm Spanjës (1 807 raste) dhe Greqisë (852).

Alarmi është përhapur vetëm në pak vite, duke kaluar nga raste të izoluara në shpërndarje të gjerë në disa vende.

“Pavarësisht rritjes së numrit të rasteve, vetëm 17 nga 36 vende aktualisht kanë një sistem mbikëqyrjeje kombëtare. Shkalla e vërtetë e problemit ka të ngjarë të jetë nënvlerësuar”, theksojnë studiuesit.

Shpërthimet e fundit janë raportuar në Qipro, Francë dhe Gjermani, ndërsa Greqia, Italia, Rumania dhe Spanja kanë deklaruar se nuk janë më në gjendje të dallojnë shpërthime specifike për shkak të përhapjes së gjerë rajonale ose kombëtare.

The post Një kërpudhë vr*sëse alarmon spitalet evropiane appeared first on Albeu.com.

Rënie është shënuar edhe te numri i pacientëve të shtruar te spitalet psikiatrike.

Sipas të dhënave të Raportit të Monitorimit të Treguesve Financiar, të Ministrisë së Shëndetësisë për janar-prill 2025 numri i të shtruarve në spitalet psikiatrike është pakësuar me 3.4%, pas një rritjes së shënuar në 2023.

Pavarësisht rënies së përgjithshme të shtrimeve, janë rritur rastet në kardiologji. Për periudhën janar-prill 2025 numri i pacientëve të trajtuar në kardiokirurgji është rritur me 18% krahasuar me të njëjtën periudhë të vitit 2024, duke arritur në 3,899 pacientë. Ky është numri më i lartë i pacientëve të trajtuar në kardiologji që nga viti 2020, duke sinjalizuar parashikimet e bëra nga mjekët për shtim të rasteve me probleme kardiologjike si rezultat i ndotjes së ajrit, kequshqyerjes dhe mungesës së aktivitetit fizik.

INSTAT raportoi sw fundmi se vit pas viti vdekshmëria si rrjedhojë e sëmundjeve të aparatit të qarkullimit të gjakut po rritet, duke pasqyruar një stil jete jo të shëndetshëm. Sëmundjet e aparatit të qarkullimit të gjakut përbënin 52,9% të totalit të vdekjeve në 2024, nga 51,7% në vitin 2023. Brenda këtij grupi sëmundjet kronike të zemrës përbënin 39,1%; sëmundjet ishemike të zemrës 23,2% dhe sëmundjet e enëve të trurit 20,6%.

Rritje e konsiderueshme është shënuar edhe te pacientët e trajtuar me katarakt (sëmundja e syve) me 15%, si dhe në seancat e dializës, që u rritën me 3%, duke arritur në 68,848 seanca.

Shërbimi i urgjencës mjekësore, shënoi një rritje me 6%, pas një rënieje të ndjeshme që kishte nisur pas pandemisë së Covid-19.

Nga ana tjetër, shërbime të rëndësishme si radioterapia kanë shënuar rënie me 15% për periudhën janar-prill 2025, krahasuar me vitin 2024, duke kaluar nga 10,133 që u trajtuan vjet me seanca radioterapie në 8,662 pacientë.

Bie 15% numri i pacientëve të trajtuar me receta të barnave të rimbursueshme

Për periudhën janar-prill 2025 janë trajtuar 333,283 pacientë me recetat e barnave të rimbursueshme. Krahasuar me të njëjtën periudhë të 2024, numri i tyre ëhstë ulur 15%.

Sipas të dhënave të raportit të monitorimit për rimbursimin e barnave të listës është shpenzuar për janar-prill rreth 3,8 miliardë lekë apo 31% e planit vjetor prej 12,6 miliardë lekë. Në këtë periudhë janë pranuar listëtregues të barnave në vlerën 3,9 mld lekë, ose 253,5 mln lekë më pak nga e njëjta periudhë e vitit të kaluar (94%).

Për rimbursimin e pajisjeve mjekësore (fishave të diabetit) janë shpenzuar(paguar) 51,2 mln lekë nga 250 mln lekë të planit vjetor, ose 20% e planit vjetor. Për janar-prill kanë përfituar nga fishat e diabetit 46,048 pacientë, ose 3,641 pacientë më shumë nga e njëjta periudhë e një viti më parë.

Sa i përket rimbursimit të fishave të diabetit, me VKM nr. 492, datë 24.07.2024, përfituan përveç personave me Diabet Mellitus të grup moshës 0-25 vjeç dhe mbi 65 vjeç, edhe invalidët e punës dhe personat me aftësi të kufizuar.

Prej muajit gusht 2024 listës së barnave të rimbursueshme i janë shtuar 50 barna dhe medikamente të reja nga të cilat 38 principe aktive të reja dhe 18 forme doza të reja. Pas shtimit të tyre në total numri i barnave nga lista e rimbursueshme arriti në 1,345 bana nga 1,191 që ishte më parë.

Barnat nga lista e rimbursueshme mbështesin akoma më shumë të gjitha diagnozat dhe patologjitë e sëmundjeve onkologjike, sëmundje kardiovaskulare, diabetin, sëmundje të veshkave, astmën bronkiale, sëmundje pulmonare, etj./ Monitor

The post Bien shtrimet e përgjithshme në spitale për janar-prill, shtohen rastet në kardiologji appeared first on Albeu.com.

Ndër funksionet që janë prekur janë ato që lidhen me analizat e gjakut dhe transfuzionet.

Spitali i King’s College, Guy’s dhe St Thomas’, përfshirë Spitalin e Fëmijëve Royal Brompton dhe Evelina London, dhe shërbimet e kujdesit parësor janë prekur nga sulmet, sipas BBC.

Disa procedura dhe operacione janë anuluar ose ridrejtuar te ofruesit e tjerë të NHS pasi stafi i spitalit vazhdon të vlerësojë se cilat operacione mund të kryhen në mënyrë të sigurt.

The post Sulm kibernetik në spitalet e Londrës, ndërpriten operacionet dhe shërbimet appeared first on Albeu.com.

CNN raporton se Ministria Palestineze e Informacionit, në një deklaratë ka bërë me dije se qindra shtëpi, shkolla, institucione mjekësore dhe ndërtesa qeveritare, u rrafshuan në Gaza ndërsa sulmet ajrore izraelite kanë vijuar edhe gjatë ditës së sotme (10 tetor).

Në një deklaratë të siguruar nga CNN, mësohet se janë shkatërruar plotësisht 168 ndërtesa, duke përfshirë 1009 njësi banimi, ndërsa pjesërisht janë shkatërruar 12,630 njësi banimi.

Sa i përket institucioneve mjekësore, nga 10 bombardime të ndodhura, janë shkatërruar shtatë spitale, ndërsa 12 autoambulanca janë shënjestruar drejtpërdrejt.

Përpos këtyre, sulmeve nuk i kanë shpëtuar as institucionet arsimore dhe qeveritare, ku raportohet për 48 shkolla të shkatërruara si edhe 23 ndërtesa qeveritare.

CNN raporton se pesë anëtar të personelit mjekësor dhe shtatë gazetarë janë vrarë gjatë bombardimeve.

Më tej në deklaratë thuhet se, njerëzit e zhvendosur në Gaza tani po strehohen në 70 qendra për shkak të sulmeve ajrore të vazhdueshme.

The post Lufta në Gaza/ Raketat izraelite nuk “falin” shkollat dhe spitalet, qindra ndërtesa palestineze të rrënuara appeared first on Albeu.com.

Mijëra të plagosur nga 10 provincat e goditura nga tërmeti në Turqinë jugore janë sjellë në Stamboll me avionë ushtarakë të Forcave të Armatosura Turke dhe avionë të ambulancës nga Ministria e Shëndetësisë.

Sipas TRT Haber, 2,193 nga 3,405 personat e sjellë në qytet kanë dalë nga spitali, ndërsa trajtimi vazhdon për 1,212./albeu.com

The post U lënduan nga tërmeti, mbi 2 mijë njerëz dalin nga spitalet në Stamboll appeared first on Albeu.com.

Agjencia e OKB-së tha se të paktën nëntë persona kanë vdekur në 16 sulme në objektet e kujdesit shëndetësor, që nga fillimi i pushtimit rus të Ukrainës, më 24 shkurt.

Ajo nuk tha se kush është përgjegjës për sulmet.

“Ne do të vazhdojmë t’i përditësojmë këto shifra. Ato janë rritur mjaft shpejt gjatë ditëve të fundit”, tha zyrtarja e OBSH-së për urgjenca në Evropë, Catherine Smallwood.

Drejtori për Evropën i OBSH-së, Hans Kluge, tha se organizata po përpiqet ta furnizojë me shpejtësi Ukrainën, ku, siç tha, oksigjeni, insulina, pajisjet mbrojtëse personale, furnizimet kirurgjikale dhe produktet e gjakut po mbarojnë.

Furnizimi me oksigjen, vaksinat e fëmijëve dhe ekspertiza e shëndetit mendor janë ndër prioritetet kryesore të OBSH-së për rajonin, tha Kluge.

Ai po ashtu theksoi rëndësinë për t’u dhënë përparësi nevojave shëndetësore të grave.

“Konfliktet e kaluara na kanë treguar se vajzat adoleshente, gratë me aftësi të kufizuara dhe gratë e moshuara janë në situatën më të cenueshme”, tha Kluge.

Rusia ka nisur pushtimin e Ukrainës më 24 shkurt, pasi nuk ka marrë garanci nga NATO-ja se nuk do të zgjerohet më drejt lindjes.

The post OBSH: Sulmet në spitalet e Ukrainës po shtohen ndjeshëm appeared first on Albeu.com.

“Sot, ajo që ne shohim është fytyra e shëmtuar e luftës që shpërthen sërish në kufijtë tanë. Dhe rusët po bombardojnë gjithçka, spitale, shtëpi, shkolla. Shumë viktima civile. Është një mënyrë barbare për të bërë luftë”, u tha Borrell gazetarëve përpara një takimi të Këshillit të Punëve të Jashtme të BE-së të premten.

Ai i bëri thirrje presidentit rus Vladimir Putin që të ndalojë bombardimet.

“Putini duhet të ndalet për të ndalur këtë luftë. Ne mbetemi të bashkuar për të kërkuar që kjo luftë të ndalet. Për të ndaluar dhe shmangur vrasjen e njerëzve të pafajshëm”, shtoi Borrell.

Shefi i diplomacisë së BE-së shtoi se Këshilli i OKB-së për të Drejtat e Njeriut së shpejti do të “fillojë një mision për të vlerësuar shkeljen e të drejtave të njeriut që po ndodhin në territorin ukrainas”.

Zyrtarë të SHBA dhe të tjerë perëndimorë i kanë thënë CNN se Rusia pritet të godasë gjithnjë e më shumë objektivat civile dhe të zhvendoset drejt një strategjie të “asgjësimit të ngadalshëm” të ushtrisë ukrainase.

CNN ka gjetur dhe verifikuar 13 incidente që përfshijnë civilë gjatë tre ditëve, ndërsa sulmet u intensifikuan në Kharkiv, një qytet me rreth 1.5 milionë banorë, pas rezistencës së Ukrainës. CNN ka analizuar dhe verifikuar provat dixhitale, duke përfshirë video dhe foto, të disa sulmeve pa dallim në qytet.

The post Zyrtari i BE-së: Ushtria ruse po bombardon gjithçka në Ukrainë appeared first on Albeu.com.

92 pacientë janë me oksigjeno-terapi, kurse 9 pacientë në mjekim Intensiv.

Më së shumti pacientë janë duke u trajtuar në Klinikën Infektive.

Ndërkaq në Klinikën e Gjinekologjisë po trajtohen pesë paciente.

Kujtojmë që 1 shkurt të këtij viti në trajtim për Covid-19 në ShSKUKkanë qenë 216 pacientë.

Njoftimi i plotë:

Covid-19:  92 pacientë të shtrirë në QKUK dhe spitalet e përgjithshme

136 pacientë po trajtohen nga Covid-19, në kuadër të klinikave klinikat Covid-19 në QKUK dhe spitalet e përgjithshme.

92 pacientë janë me oksigjeno-terapi, kurse 9 pacientë në Mjekim Intensiv

Raporti sipas klinikave dhe spitaleve të përgjithshme

Klinika Infektive, 52 pacientë

Mjekimi Intensiv i Klinikës Infektive, 8 pacientë

Klinika e Pediatrisë, 4 pacientë

Klinika e Gjinekologjisë, 5 pacientë

Spitali i Prizrenit, 13 pacientë

Spitali i Gjilanit, 13 pacientë

Spitali i Pejës, 10 pacientë

Spitali i Gjakovës, 11 pacientë

Spitalit Mitrovicës, 5 pacientë

Spitali i Ferizajt, 12 pacientë

Spitali i Vushtrrisë, 2 pacientë

The post Bie numri i pacientëve me Covid-19 në spitalet e Kosovës appeared first on Albeu.com.

Prej numrit të përgjithshëm të pacientëve, 12 prej tyre janë me oksgjeno- terapi, kurse në Mjekimin Intensiv të Klinikës Infektive nuk ka pacientë.

Raporti sipas klinikave dhe spitaleve të përgjithshme:

Klinika Infektive, 5 pacientë

Klinika e Pulmologjisë, 24 pacientë post-covid

Mjekimi Intensiv i Klinikës Infektive, nuk ka pacient

Spitali i Gjakovës, 2 pacientë

Spitali i Prizrenit, 4 pacientë

Spitali i Pejës, 1 pacient

Spitali i Ferizajt, 1 pacient./express

The post Si paraqitet gjendja e pacientëve me COVID-19 në Kosovë, që po trajtohen në spitale appeared first on Albeu.com.

Sipas SHSKUK’së, 34 pacientë që po marrin trajtim kanë kaluar virusin.

1 pacientë është në mjekim intensiv dhe 15 me oksigjeno-terapi.

Njoftimi i SHSKUK’së:

Në Shërbimin Spitalor Klinik dhe Univerisitar të Kosovës, në trajtim mjekësor janë 51 pacientë nga Covid-19.17 pacientë janë të konfirmuar me COVID-19 pozitivë, kurse 34 janë pacientë që po marrin trajtim mjekësor post-Covid. 15 pacientë janë me oksigjeno-terapi dhe 1 në mjekim intensiv, në gjendje të rënduar shëndetësore.

Raporti sipas klinikave dhe spitaleve të përgjithshme

Klinika Infektive, 3 pacientë

Klinika e Pulmologjisë,31 pacientë, post-covid

Mjekim Intensiv në Klinikë Infektive, 1 pacient

Spitali i Prizrenit, 2 pacientë

Spitali i Gjakovës, 7 pacientë

Spitali i Pejës, 4 pacientë

Spitali i Mitrovicës, 1 pacient

Spitali i Ferizajt, 2 pacientë

The post Bie numri i pacientëve me Covid në spitale, kjo është gjendja e tyre appeared first on Albeu.com.