Merz-i shpjegoi se shifra prej 900.000 sirianësh bazohej në deklaratat e bëra nga al-Scharaa. Qeveria federale e kishte marrë parasysh shifrën, por ishte në dijeni të përmasave të detyrës. Ministri i Jashtëm gjerman Johann Wadephul, gjithashtu i CDU-së, mbështeti deklaratën fillestare të kancelarit. Ai pohoi se, sigurisht, ky ishte objektivi i qeverisë federale.

Kritika ndaj deklaratës së Merz-it

Merz-i ishte përballur më parë me kritika, përfshirë edhe nga partneri i koalicionit qeveritar, SPD. Zëvendëskryetarja federale e SPD, Anke Rehlinger, deklaroi se vendosja e shifrave dhe afateve specifike nuk ishte një ide e mençur. Kjo do të rriste pritjet që Merz-i mund të mos jetë në gjendje t’i përmbushë. Duke folur për gazetat e Funke Media Group, Rehlinger shtoi: “Shumë sirianë tani janë bashkatdhetarë tanë sepse janë integruar këtu, duke punuar në profesione me mungesa stafi, duke u kujdesur për të moshuarit ose duke drejtuar autobusë, dhe nuk është e pazakontë që ata të jenë bërë edhe qytetarë gjermanë.” Përfaqësuesit e të Gjelbërve dhe të Majtës shprehën ndjenja të ngjashme.

Shoqata Gjermane e Spitaleve vuri në dukje se mjekët sirianë përbëjnë grupin më të madh të mjekëve të huaj në Gjermani. “Prandaj, ata janë me rëndësi të konsiderueshme për kujdesin shëndetësor,” tha zëvendëspresidentja Neumeyer për Rrjetin Editorial Gjerman (RND). Në fund të vitit 2024, në spitalet gjermane punonin 5745 mjekë sirianë. Stafi i infermierisë siriane është gjithashtu me rëndësi të madhe.

Një studiues i migrimit beson se pritjet janë joreale

Daniel Thym, studiues i migrimit, beson se objektivi i kthimit të rreth 80 përqind të sirianëve që jetojnë në Gjermani është jorealist. “Shifra kaq të larta kthimi ka të ngjarë të jenë një iluzion dhe madje të paarritshme përmes largimit vullnetar”, i tha ai gazetës Handelsblatt. Deri tani, vetëm disa mijëra sirianë janë kthyer vullnetarisht në vendin e tyre të origjinës. Nuk është e qartë pse kjo duhet të ndryshojë rrënjësisht. E njëjta gjë vlen edhe për kthimet me detyrim./DW

The post Kërkoi kthimin e refugjatëve sirianë në atdhe, Merz tërheq deklaratat e tij appeared first on Albeu.com.

Mësohet se avioni u godit nga një raketë tokë-ajër nga forcat ukrainase, ndërsa pilotët u hodhën me parashutë.

Pas rënies në tokë, njëri prej tyre u gjet i vdekur, kurse tjetri i plagosur.

The second pilot, “Maj. K.V. Krivolapov”, was reportedly dead https://t.co/0IVxCBP5QT

— English Luhansk (@loogunda) March 5, 2022

Черниговская обл., 05/03/22, поймали пилота https://t.co/GXHwis0nPI https://t.co/Oa93wKVMOx #RussianUkrainianWar pic.twitter.com/dxoFBssu0k

— Necro Mancer (@666_mancer) March 5, 2022

Verifikuesit e fakteve zbuluan se të dy pilotët kishin shërbyer për vite me radhë në Siri gjatë pushtimit të forcave ruse duke u vënë në shërbim të regjimit të Bashar al Asadit.

Rusët dhe ushtarët e Asadit kanë kryer masakra të tmerrshme gjatë viteve të luftës që nuk është mbyllur ende në Siri dhe duket se ajo që ndodhi në Ukrainë, ky njëri prej pilotëve vdiq dhe tjetri u kap i plagosur, të jetë një lloj hakmarrje për bombardimet e tyre ndaj civilëve atje.

Черниговская обл., 05/03/22, сбили самолёт (предположительно, российский), “пидоры спрыгнули” https://t.co/JMEtm2WNJm #RussianUkrainianWar pic.twitter.com/spWNevkvad

— Necro Mancer (@666_mancer) March 5, 2022

The post Hakmarrje për fëmijët sirianë të vrarë nga rusët, kush janë dy pilotët e avionit të rrëzuar sot në Ukrainë (VIDEO) appeared first on Albeu.com.

Operacioni nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë, në bashkëpunim me Sektorin e Forcës së Posaçme “Shqiponja”, Sektorin e Forcës Operacionale dhe me Prokurorinë pranë Gjykatës së Shkallës së Parë Tiranë.

Vihen në pranga 3 shtetas që mbanin në banesë emigrantët e paligjshëm.

Procedohen penalisht edhe 14 emigrantët, për kalim të paligjshëm të kufirit.

Specialistët e Seksionit për Hetimin e Trafiqeve të Paligjshme në DVP Tiranë, në bashkëpunim me Sektorin e Forcës së Posaçme “Shqiponja”, dhe me Sektorin e Forcës Operacionale, në bazë të informacioneve të siguruara në rrugë operative, se në një banesë të përshtatur si hotel, në zonën e Laprakës, po mbaheshin të mbyllur rreth 30 persona, emigrantë të huaj, organizuan dhe finalizuan operacionin “Just in time”, për goditjen e kësaj veprimtarie kriminale.

Në kuadër të këtij operacioni u bë arrestimi në flagrancë i shtetasve:

– M. K., 40 vjeç, banues në Tiranë, M. E., 26 vjeç, banues në Tarablos, Libi, dhe Z. D., 27 vjeç, banues në Casablanca, Marok, për veprat penale: “Ndihma për kalim të paligjshëm të kufijve”, “Shtrëngimi me anë të kanosjes ose dhunës për dhënien e pasurisë” dhe “Heqja e paligjshme e lirisë”.

Në banesën e shtetasit M. K., në katin e parë, të tretë dhe te katërt, shërbimet e Policisë kanë gjetur rreth 30 persona të shtetësive të ndryshme, kryesisht nga Lindja e Mesme, të cilët mbaheshin në këto dhoma, pa u lejuar të dilnin, duke ju marrë mjetet e komunikimit dhe duke i kërcënuar familjarët në vendet e origjinës, për kryerjen e pagesës së transportit të këtyre shtetasve, drejt vendit tonë.

Në vijim të veprimeve u proceduan penalisht dhe 14 shtetasit e huaj, për veprën penale “Kalim i paligjshëm i kufirit shtetëror”.

Po punohet për dokumentimin e plotë të kësaj veprimtarie kriminale dhe identifikimin e personave të tjerë të implikuar në të.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

The post Laprakë: Mbanin peng 30 emigrantë dhe i kërcënonin, arrestohen 3 persona appeared first on Albeu.com.

Të rinjtë e arrestuar, në bashkëpunim me njëri-tjetrin, kishin marrë në Konispol, në afërsi të kufirit të gjelbër me shtetin grek, 6 shtetas sirianë që kishin hyrë në mënyrë të parregullt në vendin tonë, me qëllim transportimin e tyre në drejtim të Tiranës, kundrejt pagesës 300 euro, me destinacion final vendet e BE-së.

Njoftimi i policisë:

Sarandë/Finalizohet operacioni policor i koduar “Kranea”, për parandalimin dhe goditjen e veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.

Operacioni i zhvilluar nga Komisariati i Policisë Sarandë, në bashkëpunim me Komisariatin e Policisë Delvinë.

Vihen në pranga 4 shtetas. Sekuestrohen dy automjete të marra me qira në Tiranë, 6 aparate celulare dhe një shumë parash.

Në zbatim të planit të masave për parandalimin dhe goditjen e veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, me destinacion final vendet e BE-së, shërbimet e Policisë në Komisariatin e Sarandës, në bashkëpunim me Komisariatin e Policisë Delvinë, bazuar dhe në informacionet e siguruara në rrugë operative, finalizuan me sukses operacionin policor të koduar “Kranea”, në kuadër të të cilit u bë arrestimi i shtetasve:

– E. S.,19 vjeç, K. R., 20 vjeç, E. D., 21 vjeç dhe K. M., 23 vjeç, banues në Tiranë.

Këta shtetas, në bashkëpunim me njëri-tjetrin, kishin marrë në Konispol, në afërsi të kufirit të gjelbër me shtetin grek, 6 shtetas sirianë që kishin hyrë në mënyrë të parregullt në vendin tonë, me qëllim transportimin e tyre në drejtim të Tiranës, kundrejt pagesës 300 euro, me destinacion final vendet e BE-së.

Në kuadër të operacionit, në urën e Kranesë, është bërë bllokimi i dy automjeteve dhe arrestimi në flagrancë i shtetasve të lartpërmendur.

Në cilësinë e provës materiale janë sekuestruar dy automjete të marra me qira në Tiranë, 6 aparate celulare dhe një shumë parash.

Në bashkëpunim me Prokurorinë vijon puna për dokumentimin e plotë të ngjarjes, kapjen dhe vënien përpara përgjegjësisë ligjore të personave të tjerë të dyshuar të implikuar në këtë veprimtari kriminale.

Materialet për hetime të mëtejshme i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve” kryer në bashkëpunim.

The post Transportonin sirianë me mjete të marra me qira, 4 të arrestuar në Sarandë appeared first on Albeu.com.

Bëhet fjalë për dy shtetas sirianë, babë e bijë, të cilët kishin humbur orientimin në malin e Moravës dhe policia i gjeti pas disa orësh kërkim.

Njoftim:

Policia Kufitare në bashkëpunim me shërbimet FRONTEX-it, Komisariatet e Policisë Devoll dhe Korçë, ju vijnë në ndihmë dy shtetasve të huaj të cilët kishin humbur rrugën në terren të vështirë.

Pas marrjes së njoftimit se në një terren malor në malin Moravë, mbi fshatin Dishnicë, Korçë, një vajzë e mitur siriane kishte humbur rrugën së bashku me babain e saj, forcat e policisë në bashkëpunim me shërbimet FRONTEX-it, menjëherë janë nisur drejt zonës së raportuar për të verifikuar rastin.

Pas disa orë kërkimesh, forcat e policisë nga informacionet e grumbulluara, të ndihmuar edhe nga banorë të zonës, bënë të mundur gjetjen e dy shtetasve, vajzës së mitur 11-vjeçare dhe shtetasit M. A., 28 vjeç, banues në Siri, emigrantë të paligjshëm.

Dy shtetasit e huaj janë transportuar në Spitalin e Korçës për ndihmë mjekësore dhe ndodhen jashtë rrezikut për jetën.  Ata kanë falënderuar shërbimet e policisë, FRONTEX-it dhe banorët për ndihmën e ofruar ndaj tyre.

The post Babë e bijë nga Siria kishin humbur rrugën në Korçë, gjenden pas disa orësh kërkime në një zonë malore appeared first on Albeu.com.