Në një video mesazh, Sekretari i Përgjithshëm i NATO, Mark Rutte, e ka konsideruar tastierën, si armën e re që përdoret kundër shoqërive tona.

Rutte: Sot tastjera është armë luftë që shënjestron shoqëritë tona. Aktorë shtetërore e jo shtetërorë punojnë kundër nesh. Në përgjigje të kësaj NATO vijon të bëhet edhe më e fortë në hapësirën digjitale. Kundërshtarët tonë e dinë që neni numër 5 mund të aktivizohet edhe nga sulmet klibernetike.

Shqipëria është vendi mikpritës i delegacioneve nga 32 vendet anëtare të Aleancës, të përfaqësuara nga ministritë e jashtme, të mbrojtjes dhe cyber ambassadors.

Ky event i nivelit të lartë shërben si një platformë unike për shkëmbimin e njohurive, forcimin e bashkëpunimit dhe ndërtimin e strategjive të përbashkëta që synojnë mbrojtjen kolektive përballë kërcënimeve gjithnjë në ndryshim në hapësirën kibernetike.

The post Konferenca e NATO për sigurinë kibernetike në Tiranë/ Mark Rutte: Sot tastiera është armë lufte, aktorë shtetërore e joshtetërorë punojnë kundër nesh appeared first on Albeu.com.

Gjatë ditës së djeshme përdoruesit që përdorin kryesisht paisjen e komunikimit apple u janë dërguar mesazhe nga adresa të ndryshme iclaudi duke ju premtuar të ardhura të konsiderueshme në valuta të huaja ku si kriter duhet vetëm aparati i tyre celular e më pas autorët i ftojnë të komunikojnë nëpërmjet aplikacionit Telegram.

Eksperti i IT Kadri Manaj në një intervistë për media ngre alarmin për këtë situatë dhe bën thirrje që qytetarët të mos joshen pasi mund të rrezikohen të dhënat e tyre personale e bankare.

Eksperti thotë se është e vështirë deri në identifikimin e këtyre personave por apelon bankat që të adaptohen e të mos bien pre e këtij kurthi.

Të dhënat persoanle të qytetarëve shqiptarë janë hakeruar edhe më herët e ndodhur në këtë situatë ku rreziku për mbërritjen e një sms-je të tillë në telefonat tuaj policia e shtetit po heton këtë rast.

Ndërsa i bën thirrje qytetarëve që mund të kenë rënë pre e këtij mashtrimi të paraqiten pranë zyrave policore në drejtorinë vendore të policisë dhe drejtorisë për hetimin e krimeve kompjuterike dhe kibernetike.

The post Kujdes nga mesazhet mashtruese, ekspertët thirrje për vigjilencë: Në rrezik të dhënat nga iCloud appeared first on Albeu.com.

Ekspertë të kësaj fushe vlerësojnë se Shqipëria ka përshtatur pjesërisht rekomandimet e Bashkimit Europian sa i takon sigurisë kibernetike.

Qendra për Studimin e Demokracisë dhe Qeverisjes publikoi sot një studim mbi Sfidat e qeverisjes kibernetike në Shqipëri.

Autorët theksojnë se sulmet kibernetike dëshmuan që, Shqipëria ka ende shumë punë me përshtatjen e rekomandimeve të reja të BE-së të vitit 2022, me parandalimin e rreziqeve kibernetike dhe zhvillimin e sistemeve te sigurisë.

Rekomandimet e BE-së për sigurinë kibernetike Shqipëria i ka përshtatur vetëm pjesërisht, e ndërkohë BE-ja ka nxjerrë një paketë të re rekomandimesh në vitin 2022.

Shqipëria po përgatit një projektligj krejt të ri për sigurinë kibernetike, i cili pritet të të zëvendësojë ligjin ekzistues.

Ndërkohë sulmet kibernetike ndaj infastrukturës digjitale të Shqipërisë, nxitur dhe mbështetur nga Irani, nisën 15 muaj më parë dhe kanë vazhduar të shtohen dhe të bëhen më të vështira për t’u përballuar, pohuan autoritetet në mbledhje për sigurinë kombëtare.

Autorja e studimit, Ilvana Dedja, thotë se qeverisja kibernetike e vendit është e paqartë tani në nivel të përgjithshëm, disa institucione publike, private dhe biznese nuk ndërlidhen apo nuk ndërveprojnë për të rritur sigurinë, dhe projektligji i ri që përpiqet të rritë bashkëpunimin e agjencive të specializuara.

“Konstatimet e studimit vërejnë që ligjet deri tani në Kuvend mbi sigurinë kibernetike apo të lidhur me digjitalizimin janë të përafruar pjesërisht me rekomandimet e BE-së. Shqipëria gjendet në përfundim të cluster-it të parë (Grup-Kapitulli 1) të negocimit me BE-në. Pra, ne nuk jemi në atë fazë për të pasur ligje të përafruara pjesërisht. Nëse mbeten të tilla, ne duhet t’i reformojmë këto ligje në të ardhmen, gjë që do të sjellë dëme në buxhetin e shtetit”, thotë autorja e studimit Ilvana Dedja.

Ligjet kanë disa hendeqe sa i takon përcaktimit të infrastrukturave kritike të rëndësishme në Shqipëri, si dhe mungon transparenca e institucioneve me qytetarët, shton ajo.

Sulmet kibernetike ndaj Shqipërisë, thuhet në studim, rritën ndërgjegjësimin për sigurinë dhe zhvillimin, ndërsa shërbimet digjitale janë në shëndetësi, arsim, polici, prona, banka, ekonomi dhe një mori shërbimesh, ku edhe rreziku i ndërhyrjeve nga jashtë bëhet përherë e më i madh për jetën e qytetarëve dhe sigurinë kombëtare të vendit.

Bashkimi Europian ka rishikuar gjithë ligjet dhe rregulloret e kësaj fushe, duke zëvendësuar Direktivën e 2016 me një paketë re, Direktivën 2022, NIS2, thotë Arjan Dyrmishi, drejtues i Qendrës CSDG

“Sugjerimet tona janë që në procesin e miratimit të këtij ligji të ri të shikohet përafrimi me NIS2-shin, paketa e re e BE-së në 2022, sepse në këtë mënyrë ne mund të kapim boshllëqet dhe t’i plotësojmë këto boshllëqe sa i përket qeverisjes kibernetike më mirë dhe të jemi më të përafruar me Bashkimin Europian”, thotë zoti Dyrmishi.

Ekspertët theksojnë se nevojitet një bashkëpunim zinxhir mes institucioneve shtetërore dhe atyre private, duke bërë secili rolin e vet, sepse edhe shërbimet dhe qeverisja digjitale është një sistem zinxhir instrumentash.

Ata pohojnë se investimet në ligje, njerëz dhe teknologji duhen bërë tani, para se pasojat e mëvonshme nga sulmet kibernetike të jenë shumëfish më të larta se fondet fillestare që kërkohen sot./voa

The post Studimi: Shqipëria duhet të përshtasë plotësisht ligjet e sigurisë kibernetike me Direktivën e re të BE-së appeared first on Albeu.com.

Në këtë takim u bë një analizë e gjendjes së sigurisë kibernetike dhe masat e marra nga institucionet për forcimin e mbrojtjes kibernetike në infrastrukturat kritike dhe të rëndësishme të informacionit.

Nga raportimet e institucioneve dhe diskutimet e anëtarëve të Këshillit të Sigurimit Kombëtar konstatohet se përgjatë një viti është bërë progres në forcimin e kapaciteteve dhe mbrotjes kibernetike në vend.

Republika Islamike e Iranit e ka zgjeruar veprimtarinë e saj kërcënuese dhe sulmet kibernetike janë shtuar si në sasi, por janë bërë edhe më të sofistikuar dhe më komplekse.

Institucionet AKSHI dhe AKCESK dhe institucionet e tjera do vijojnë  bashkëpunim me partnerët strategjikë SHBA, BE, NATO-n, si dhe vende të tjera partnere dhe aleate për forcimin e mbrotjes kibernetike.

Do vijojmë me përmirësimet e duhura ligjore, investimet në teknologji, arsimimin, trajnimin dhe ndërgjegjësimin e specialistëve, ekspertëve dhe të gjithë përdoruesve të cilët kanë akses në sisteme teknologjike për krijimin e kultura së sigurisë kibernetike.

Sfidat që po kalojmë sot janë me spektër të gjerë. Në këtë takim të sotëm, u diskutua edhe për çështje të tjera me rëndësi për sigurinë kombëtare, të cilat janë kryesisht të lidhur me kërcënimet që vijnë nga Irani, qofshin këto në formën e propagandës apo formave hibride.

Institucionet ligjzbatuese dhe ato përgjegjëse në fushën e sigurisë kombëtare do vlerësojnë dhe informojnë  në mënyrë të vijueshme partnerët dhe aktorë të tjerë ndërkombëtarë lidhur me kërcënimet që vijnë nga Irani dhe vendosmërinë e Shqipërisë se nuk do të lejojë aktivitetin e asnjë individi apo grupi në dëm të sigurisë kombëtare të Republikës së Shqipërisë.

Institucionet të bëjnë vlerësimin e kërcënimit dhe rrezikut dhe do të marrin masa për forcimin e kapaciteteve të mbrotjes kibernetike, mbrojtjes ajrore, forcimit të strukturave të inteligjencës për grantimin e sigurisë kombëtare.

The post Mbledhja e Këshillit të Sigurisë Kombëtare, çfarë u ra dakord për sigurinë kibernetikën appeared first on Albeu.com.

Mbledhja me temë “Gjendja e sigurisë kibernetike dhe masat e marra për forcimin e mbrojtjes kibernetike në Republikën e Shqipërisë” do të zhvillohet në orën 12:00.

Thirrja e mbledhjes së Këshillit të Sigurimit Kombëtar synon të bëjë një analizë gjendjes aktuale të sigurisë kibernetike, sfidave dhe kërcënimeve me të cilat përballemi në këtë drejtim.

Vendi ynë ra pre e sulmeve kibernetike iraniane verën e kaluar. Gjatë sulmit kibrenetik të korrikut të vitit 2022 u pamiundësua përdorimi i portalit e-Albania, portal ynë shtetëror që  ofron një sërë shërbimesh digjitale, siç janë regjistrimi në shkollë, aplikimet për dokumente personale, regjistrimi i të drejtave të pronës dhe regjistrimi i të dhënave të biznesit.

Për më tepër, sulmi përfshinte edhe rrjedhjen e të dhënave të ndjeshme, të cilat u morën më herët nga serverët e shtetit, thuhet në analizën e Microsoft-it.

Shumica e këtyre të dhënave u botuan në faqen e internetit HomeLand Justice dhe në grupin me emër të njëjtë në aplikacionin Telegram.

Pjesëmarrës në këtë mbledhje do të jenë:

1. Kryetari Kuvendit të Republikës së Shqipërisë, Zonja Lindita NIKOLLA

2. Kryeministri i Republikës së Shqipërisë, Zoti Edi RAMA

3. Zv/Kryeministër dhe Ministër i Infrastrukturës dhe Energjisë, Belinda BALLUKU

4. Ministri i Mbrojtjes, Niko PELESHI

5. Ministri për Evropën dhe Punët e Jashtme, Olta XHAÇKA

6. Ministri i Drejtësisë, Ulsi MANJA

7. Ministri i Brendshëm, Blediar ÇUÇI

8. Minstri i Finacave dhe Ekonomisë, Delina IBRAHIMI

9. Kryetari i Komisionit Parlamentar të Sigurisë, Nasip NAÇO

10. Shefi Shtabit të Përgjithshëm të FARSH, Gjeneral brigade Arben KINGJI

11. Drejtori i Përgjithshëm i Policisë së Shtetit, Drejtues Madhor Muhamet RRUMBULLAKU

12. Drejtori i Shërbimit Informativ Shtetëror, Zonja Vlora HYSENI

Në këtë mbledhje janë ftuar të marrin pjesë edhe:

1. Zv/Kryetar i Komisionit Parlamentar të Sigurisë, Ferdinand XHAFERAJ

2. Drejtori i Autoriteti Kombëtar për Çertifikimin Elektronik dhe Sigurisë Kibernetike, Igli TAFA

3. Drejtori i Agjencisë Kombëtare të Shoqërisë së Informacionit, Mirlinda KARÇANAJ

Njoftimi i Presidencës

Presidenti i Republikës, Bajram BEGAJ bazuar në pikën 3, të nenit 168 të Kushtetutës së Republikës së Shqipërisë dhe nenin 10 të ligjit 64/2014 “Për pushtetet dhe autoritetet e drejtimit dhe komandimit strategjik të Forcave të Armatosura të Republikës së Shqipërisë” (i ndryshuar), ka vendosur mbledhjen e Këshillit të Sigurimit Kombëtar, më datë 13 Qershor 2023 ora 12:00, në sallën e Këshillit të Sigurimit Kombëtar, në Institucionin e  Presidentit të Republikës, me temë:

“Gjendja e sigurisë kibernetike dhe masat e marra për forcimin e mbrojtjes kibernetike në Republikën e Shqipërisë”

Thirrja e mbledhjes së Këshillit të Sigurimit Kombëtar synon të bëjë një analizë gjendjes aktuale të sigurisë kibernetike, sfidave dhe kërcënimeve me të cilat përballemi në këtë drejtim. Insititucionet përgjegjëse do të informojnë Këshillin e Sigurimit Kombëtar për masat e marra për forcimin e mbrojtjes kibernetike në zbatim të rekomandimeve të dhëna nga mbledhja e Këshillit të Sigurimit Kombëtar, në muajt Tetor 2022 dhe Janar 2023.

Pjesëmarrës në këtë mbledhje do të jenë:

1. Kryetari Kuvendit të Republikës së Shqipërisë, Zonja Lindita NIKOLLA
2. Kryeministri i Republikës së Shqipërisë, Zoti Edi RAMA
3. Zv/Kryeministër dhe Ministër i Infrastrukturës dhe Energjisë, Belinda BALLUKU
4. Ministri i Mbrojtjes, Niko PELESHI
5. Ministri për Evropën dhe Punët e Jashtme, Olta XHAÇKA
6. Ministri i Drejtësisë, Ulsi MANJA
7. Ministri i Brendshëm, Blediar ÇUÇI
8. Minstri i Finacave dhe Ekonomisë, Delina IBRAHIMI
9. Kryetari i Komisionit Parlamentar të Sigurisë, Nasip NAÇO
10. Shefi Shtabit të Përgjithshëm të FARSH, Gjeneral brigade Arben KINGJI
11. Drejtori i Përgjithshëm i Policisë së Shtetit, Drejtues Madhor Muhamet RRUMBULLAKU
12. Drejtori i Shërbimit Informativ Shtetëror, Zonja Vlora HYSENI

Në këtë mbledhje janë ftuar të marrin pjesë edhe:

1. Zv/Kryetar i Komisionit Parlamentar të Sigurisë, Ferdinand XHAFERAJ
2. Drejtori i Autoriteti Kombëtar për Çertifikimin Elektronik dhe Sigurisë Kibernetike, Igli TAFA
3. Drejtori i Agjencisë Kombëtare të Shoqërisë së Informacionit, Mirlinda KARÇANAJ

/albeu.com/

The post Rreziqet nga sulmet kibernetike, Begaj mbledh sot Këshillin e Sigurimit Kombëtar appeared first on Albeu.com.

Sipas këtij raporti, kosto e lartë e jetesës është renditur si rreziku më i rëndë botëror për dy vjetët e ardhshme. Aty nënvizohet se kriza ekonomike do të ndajë thëllësisht vendet e pasura dhe ato të varfra, gjë që mund të kthejë mbrapa zhvillimin dhe përparimin njërëzor.

Sa i përket vendeve të rajonit, raporti thotë se Shqipëria rrezikohet më së shumti nga sëmundjet infektive, dështimi i masave të sigurisë kibernetike, inflacion i shpejtë, kontestimi gjeopolitik i burimeve dhe kriza të rënda të furnizimit me mallra.

Kurse, Serbia, rrezikohet nga konfrontimi gjeo-ekonomik, goditje të rënda të çmimeve të mallrave, konflikte ndërshtetërore, kriza të kostos së jetesës dhe kriza të rënda të furnizimit me mallra.

Maqedonia e Veriut, në anën tjetër, mund të përballet me krizë në kosto të jetesës, kriza të borxhit, dëm mjedisor të shkaktuar nga njeriu, inflacion i shpejtë dhe i qëndrueshëm dhe ngecje në rritje ekonomike.

Edhe Mali i Zi, thotë raporti, mund të pëballet me krizën e kostos së jetesës, konfrontim gjeo-ekonomik, stagnim i rritjes ekonomike, dështim në përshtatje ndaj ndryshimeve klimatike, dëm mjedisor të shkaktuar nga njeriu, kriza të rënda të furnizimit me mallra, kriza të borxhit, si dhe kriza në punësim dhe jetesë.

Pasojat ekonomike të COVID-19 dhe luftës në Ukrainë kanë rezultuar në inflacion të lartë dhe ndryshime në politikat monetare, duke shënuar rritje të ulët ekonomike dhe të investimeve në rang global.

“Rikthimi në ‘jetë normale’ pas pandemisë së COVID-19, u ndërpre shpejt nga shpërthimi i luftës në Ukrainë, duke sjellë kriza të reja, veçanërisht në ushqim dhe energji”, shkruan raporti.

Raporti vë në dukje se dekada e ardhshme do të karakterizohet nga krizat mjedisore dhe shoqërore, të nxitura nga tendencat gjeopolitike dhe ekonomike. Gjithashtu, humbja e biodiversitetit dhe kolapsi i ekosistemit janë përkeqësimet më të shpejta globale gjatë dekadës së ardhshme.

“Pothuajse 3.6 miliardë njerëz në mbarë botën janë të ekspozuar në mënyrë të rrezikshme dhe të pambrojtur ndaj ndikimeve klimatike. Vendet në zhvillim, pavarësisht kontributit të tyre të kufizuar në ndryshimet klimatike, po mbajnë mbi supe barrën, por asnjë vend dhe asnjë ekonomi nuk është imune nga kriza klimatike”, thotë raporti./REL./

The post Forumi Ekonomik Botëror: Dëmi mjedisor, inflacioni, siguria kibernetike, rreziqet për Kosovën appeared first on Albeu.com.

Blinken shkruan se kanë folur për dialogun SHBA-Shqipëri, për reformat dhe për mbrojtjen kibernetike.

Good to see my friend @xhacka_olta and celebrate a successful U.S.-Albania Strategic Dialogue. We discussed shared priorities in democratic reform, defense, including cyber defense, climate change, and trade. The United States stands side by side with Albania, a longstanding Ally pic.twitter.com/xROTLc8Txc

— Secretary Antony Blinken (@SecBlinken) October 26, 2022

“Kënaqësi të takohem me mikeshën time Olta Xhaçka dhe të festojmë Dialogun Strategjik të suksesshëm SHBA-Shqipëri. Ne diskutuam për prioritetet e përbashkëta në reformën demokratike, mbrojtjen, duke përfshirë mbrojtjen kibernetike, ndryshimet klimatike dhe tregtinë. Shtetet e Bashkuara qëndrojnë krah për krah me Shqipërinë, një aleate prej kohësh”, shkruan Blinken./albeu.com

The post Blinken reagon pas takimit me Xhaçkën, zbulon çfarë diskutuan appeared first on Albeu.com.

I ftuar në emisionin “Quo Vadis”, Këlliçi është shprehur se janë paguar mbi 400 milionë euro për sistemin e sigurisë kibernetik, i cili tani ka rënë në duart e hakerave.

“Për fatin tonë të madh, vend anëtar i NATO-s jemi por standardet e qeverisë janë që ne kemi republikë bananesh. Shteti tani është i rrënuar komplet nga ana e sigurisë kibernetike. Është çështje e sigurisë kombëtare, është çështje që i prek të gjithë qytetarët shqiptarë për këtë duhet të jemi sensitiv.

AKSH-i ka marrë 189 mln euro tendera sekretë për rritjen e sigurisë kibernetike dhe investimin në infrastrukturën teknologjike, për të cilat unë nuk e di ku i kanë çuar paratë. Në 10 vitet e fundit janë paguar 400 mln euro për të garantuar sigurinë tonë kibernetike”, tha ai.

The post Sulmet kibernetike, Këlliçi: Shteti komplet i rrënuar, Shqipëria si republikë bananesh appeared first on Albeu.com.

Këto sulme janë gjithashtu tema e debatit në emisonin “Log.”, me të ftuarit Ervin Karamuço, Besmir Semanaj, Sokol Bregu, Ferdinand Dervishi dhe Eugen Beçi.

Karamuço tha se qeveria duhet të gjejë sa më shpejt personat përgjegëjs që “e lanë derën hapur” për këto sulme dhe sipas tij kjo nuk është e vështirë.

Eksperti i çështjeve të sigurisë shtoi gjithashtu se në ambasadën e Iranit janë gjetur servera që përdoreshin për këto sulme, ndërsa theksoi se dëbimi i diplomatëve ishte mëse i justifikuar.

“Sot ka pasur një panair për aktivitetet inteligjente, edhe me mbështetjen e SHBA-ve dhe të gjithë kanë rëndë dakord që ti kërkojnë qeverisë shqiptare të gjejë sa më parë personat përgjegjës që lanë derën hapur. Nuk është aq e vështirë. Pastaj po ti hyjmë anës objektive. Nëse jemi përballë një qëllimi, bashkëpunimi apo neglizhence. Kam dyshime që persona të caktuar që blihen fare lehtë. Në ambasadën e Iranit janë gjetur servera për sulmin që është kryer. Servera dhe pajisje që janë përdorur nga diplomat në mbulim, por që kanë qenë nga garda revoulcionare për këto qëllime.

Ambasada iraniane ishte vetëm 100 metra në vijë ajrore nga AKSHI. Kemi shembullin e konsullatës ruse në Bronx që kishte vendosur antena të mëdha dhe kapte të gjitha sinjalet, telefonike etj dhe u vu në alarm i gjithë Nju Jork.

Nuk kam folur se ishte ende i rezervuar si informacion, por kryeministri ka folur, atëherë unë them po, ka ndodhur, kjo është ngjarje shumë e rëndë dhe e kanë merituar largimin. Pas gjetjes së këtyre pajisjeve ndërprerja e marrëdhënieve ka qenë shumë e justifikuar. Po t’i kthehemi konsullatës së Bronxit, aty ka edhe klonim pasaportave të shtetasve amerikanë që aplikonin për vizë në Rusi. Ne jemi në rrezikun e klonimit të të dhënave tona personale te persona të tjerë te vende jo miqësore. Sepse çfarë i duhet një shteti për të regjistruar një individi? Shenjat e gishtave, gjerneralitetet, të dhënat. Nuk ka më sulm, ka vetëm ekspozim dhe përqeshje. Sulmi ka mbaruar. Edhe këto që dalin nuk janë sulm, janë ekspozim, janë demaskim”, tha Karamuço. /abcnews.al

The post Neglizhencë apo bashkëpunim, kush e la “derën” hapur për sulmet kibernetike? Karamuço: Ka njerëz që blihen lehtë appeared first on Albeu.com.

Komentet Balluku i bëri teksa u pyet nëse do të ketë të tjera sulme kibernetike nga Irani.

Ajo tha se Shqipëria ka armiqë vetëm për faktin se është në NATO, por është bërë një punë e mirë nga antiterrori për të ruajtur sigurinë.

“Shqipëria është një nga vendet më të sigurta në Europë që nuk është vendosur kurrë nën sulme terroriste. Vetëm fakti që jemi anëtarë të NATO-S na bën të kemi armiq. Ka qenë një punë e mirë nga shërbimet, nga grupet e antiterrorist, do bëjmë të njëjtën punë të mirë për t’i pasur qytetarët tanë të sigurt”, tha Balluku./albeu.com/

The post Balluku: Jemi një nga vendet më të sigurta në Europë, do punojmë për qytetarët tanë appeared first on Albeu.com.