Ngjarja ndodhi rreth orës 5:00 të mëngjesit në Via della Repubblica, në qendër të qytetit.

Sipas hetimeve fillestare, 25-vjeçari po kthehej në shtëpi nga një natë në një klub nate në Valdera ku pati një grindje.

Ai ishte me një mik dhe një kushëri kur, në makinë. 25-vjeçari ndodhej ne sediljen e pasagjerit kur u qëllua me armë zjarri nga një automjet tjetër.

Sipas mediave italiane, krimi duket se është shkaktuar nga një sherr që kishte pasur i riu në bar.
Po ashtu nuk përjashtohet mundësia që personi që qëlloi dhe 25-vjeçari njiheshin me njëri-tjetrin. I riu shqiptar punonte në një lavazh makinash në Fucecchio.

Të shtënat dhe britmat

Banorët dëgjuan të paktën tre të shtëna me armë zjarri dhe më pas bërtitën: “Ata vranë Kevinin, ata vranë Kevinin”.

Incidenti ndodhi përpara një bari dhe selisë së afërt të Misericordia di Montecalvoli.

The post Ky është 25-vjeçari shqiptar që u vra në Itali pas një sherri në një klub nate appeared first on Albeu.com.

Tabloidi britanik Daily Mail shkruan se 30-vjeçari i dënuar me 4 vite e 6 muaj burg për pjesëmarrje në një bandë kriminale, ka postuar foto në rrjetet sociale nga qelia e burgut.

Bosi i drogës Selamet Mehmetaj postoi imazhe të tij në rrjetet sociale disa ditë pasi me sa duket kishte akses në një celular që dyshohet se ishte futur kontrabandë në burg.

Pavarësisht se është burgosur, Mehmetaj është rikthyer në rrjetet sociale dhe duket se po e mban veten me të mira që kur u dërgua në burg. Në fotot e postuar shihet se shqiptari ekspozon muskujt, i cili ka lënë edhe një mbishkrim në shqip ku thuhej: “Jeta është si një film”.

Sipas mediave britanike ai ka veshur një bluzë të bardhë nga marka e tij e cila përmban tre shenja të pjerrëta në njërin krah.

Po ashtu, Daily Mail shkruan se shqiptari ka postuar në platformën Tik tok makinën e tij, që mesa duket kërkon ta shesë, teksa thuhet se autoritetet kanë nisur një hetim për shqiptarin, pas denoncimit të bërë nga mediat për mbajtjen e telefonit brenda qelisë.

Në vitin 2021, Mehmetaj ra pre e një investigimi nga media britanike, që e regjistroi atë, teksa rrëfente krimet e rënda që kishte kryer në Britani. Ai cilësohet si “Zoti i drogës”, pasi 30-vjeçari drejtonte dy ferma kanabisi të fshehura në shtëpitë periferike të Londrës veriore, ku kishte rekrutuar emigrantë të paligjshëm.

Nga atje ai shpërndante drogë me vlerë miliona paund në vit në të gjithë Mbretërinë e Bashkuar së bashku me vëllain e tij të vogël Dior, i cili ishte vetë një azilkërkues që i ishte refuzuar kjo kërkesë. Mehmetaj, i cili njihet edhe si Memzo, kishte përdorur më parë llogarinë për t’u mburrur për stilin e jetës së tij luksose.

The post ‘Poston fotot nga burgu’, Gazeta britanike ‘Daily Mail’ nuk i ndahet shqiptarit: Gangsteri mburret me jetën pas hekurave appeared first on Albeu.com.

Mediat greke, kanë publikuar disa foto ku shfaqet 34-vjeçari Renis Fejzolli, i shtrirë përtokë teksa punonjësit e policisë që i japin ndihmën e parë të riut, duke i fashuar plagët.

Ngjarja ndodhi rreth orës 04:00 të mëngjesit, në rrugën ‘Iera Odos’ dhe ‘Spyrou Patsi’.

Sipas policisë i riu shqiptar, është dërguar në spitalin Giorgos Gennimatas ku po trajtohet për dëmtime në bark.

Mediat greke, raportojnë se autorët kanë qenë duke hipur në një mjet me të cilin i janë afruar 34-vjeçarit para se ta qëllonin tre herë.

The post Plagosja me armë në Greqi/ Dalin pamjet, shqiptari i plagosur i shtrirë në tokë appeared first on Albeu.com.

39-vjeçari që jetonte në Asolo (Treviso), u gjet i masakruar me thikë mëngjesin e së dielës në pyjet e Paderno del Grappa.

Hetuesit dyshojnë se bëhet fjalë për një krim pasioni.

Sipas mediave italiane, ai me gjasë tentoi t’i ikte vrasësit nga takimi që përfundoi keq, duke u larguar gati 100 metra nga makina, që u gjet në vendin ku ndodhi krimi.

Po sipas dyshimeve të para, pista e grabitjes është përjashtuar nga hetuesit.

Mediat italiane, thonë se portofoli dhe të gjitha sendet personale të shqiptarit nuk janë prekur, e kjo ka bërë që hetuesit ta përjashtojnë grabitjen si pistë hetimi.

Karabinierët kanë marrë po ashtu në pyetje familjarët dhe miqtë e 39-vjeçarit.

Kryesore për ta është të zbulojnë se kë do të takonte pasditen e së shtunës, pasi kjo është ende mister.

Goditja fatale ishte në mushkëri, ndërsa të shumta janë plagët që mori në duar në tentativë për t’u mbrojtur.

Zona ku ndodhi vrasja nuk është e pajisur me kamera sigurie.

E vetmja shpresë është që makina Mercedes e viktimës të jetë kapur në një prej kamerave private të instaluara nga shtëpitë private në zonë.

The post ‘E kapi thikën me duar për të shpëtuar’, detaje të reja nga vrasja e shqiptarit në Itali appeared first on Albeu.com.

Siaps asaj që raportojnë mediat helene, 60-vjeçari Thimi Prifti nga Berati, mund të jetë vrarë për prishje të pzareve të drogës.

Mediat raportojnë se policia dyshon se vrasja e Priftit mund të jetë porositur nga burgu.

Sipas autoriteteve, viktima ishte një “lojtar i fortë” i trafikut të drogës dhe kishte krijuar rivalitet gjatë kohës që ishte vetë i burgosur, pasi ishte arrestuar disa herë në të kaluarën, pikërisht për drogë.

Si ndodhi vrasja në Paleo Faliro

60-vjeçari sapo kishte mbërritur jashtë shtëpisë së tij në rrugën Atlantos në Paleo Faliro. Ai zbriti nga motori dhe më pas, sipas dëshmitarëve, i është afruar një burrë i maskuar, i cili e ka qëlluar tre herë me pistolet.

Megjithatë, ishte vetëm një plumb që e goditi në gjoks dhe përfundimisht i shkaktoi vdekjen. 60-vjeçari u dërgua me urgjencë në Evangelismos, por pavarësisht përpjekjeve të mjekëve, nuk mundi të mbijetonte.

Sipas dëshmive, autori dyshohet se ka shkuar në vendngjarje në këmbë dhe është larguar në të njëjtën mënyrë. Megjithatë, ajo që po merret në konsideratë është nëse ai ka përdorur një mjet arratisjeje më pas.

Konkretisht, përballë vendit ku ka rënë i vdekur 60-vjeçari ndodhet një park, ndaj autoritetet e konsiderojnë me shumë gjasa që ose ta ketë pritur ndonjë bashkëpunëtor aty, ose të ketë lënë vetë një motor ose një makinë për të shpëtuar pas ekzekutimit.

The post Ekzekutimi i 60-vjeçarit shqiptar në Greqi, policia dyshon se porosia u bë nga burgu: Ishte “lojtar i fortë” në trafikun e narkotikëve appeared first on Albeu.com.

Mediat italiane raportojnë se 40-vjeçari shqiptar ëhstë qëlluar me armë zjarri ndërsa ishte duke lëvizur me biçikletë, dhe për pasojë ka mbetur i plagosur.

40-vjeçari është dërguar me urgjencë në spital, ku sipas mjekëve ndodhet jashtë rrezikut për jetën.

Mediat në Itali thonë se shqiptari është i njohur për autoritetet, pasi më parë ka qenë i arrestuar si pjesë e një bandë grabitësish.

Karabinierët po punojnë për rindërtimin e episodit, duke nisur nga vendi i plagosjes.

I plagosuri nuk ka dhënë shumë detaje për vendin ekzakt ku ka ndodhur plagosja, por thjesht ka deklaruar se ka qenë me biçikletë kur është qëlluar.

Autoritetet po vazhdojnë hetimet për të zbardhur ngjarjen e plotë.

The post Atentat ndaj 40-vjeçarit shqiptar në Itali, dërgohet i plagosur në spital! Mediat: Është emër i njohur për policinë appeared first on Albeu.com.