Elvisi: Si je ti shpirti i vogël? Marshalla, sa e bukur që je. Keni një sprovë të madhe, por të gjithë bashkë do të përpiqemi, me çfarë të jetë e mundshme, do të mundohemi të bëjmë më të mirën. Ju thatë diçka të bukur, se ana psikologjike ka të bëjë shumë, e kur shikon që shqiptarët janë pranë teje.

Lindoni i tregon Elvisit se shumë shqiptarë e kanë telefonuar, madje deri nga Australia e largët.

Lindoni: Jam mallëngjyer, kur më kanë marrë njerëzit në telefon, nuk i kam numëruar dot. Emigrantë, veçanërisht nga Gjermania. Deri nga Australia më kanë telefonuar. U kam thënë se më ka marrë në patronazh Elvis Naçi, kam fatin e madh.

Elvisi: Ka njerëz shumë të mirë, me zemrën e madhe. Të them të drejtën, mund t’i biesh dhe shkurt e të thuash, çmë duhet mua, por ata që na janë bashkëangjitur, janë ata që gjithmonë thonë, çfarë mund të bëjmë dhe ne. Kjo është diçka e bukur, e shqiptarët asnjëherë nuk na kanë lënë në baltë. Forca e jonë, është forca e tyre.

Kemi qenë në shumë familje, por kjo specifikë e juaja… i tregova Fatmës, nuk ka mundësi, ta shohim mirë si rast. Pyetëm e na treguan, është e vërtetë, që ju ishit prekur nga një sëmundje e se vajza juaj, kjo princeshë, kujdesej për ju. Kemi mbetur pa mend. Tani Margarita nuk do të kesh vetëm babin, por të gjithë ne. Mos harroni diçka, vështirësitë që ju keni, Zoti i sheh.

Gjatë bisedës me Elvisin, Lindoni i tregon për një xhup të vogël që e mban prej vitesh, që në kohën kur e bija ishte fare e vogël dhe ai detyrohej ta merrte Margaritën në punë. Lindoni punonte deri para pak muajsh si shofer autobusi.

Lindoni: Kam një xhup, që do ta ruaj derisa të jem gjallë. Xhupin e vajzës, një xhup të kuq. Autobusi ishte afro 1 kilometër larg shtëpisë dhe vajzën e vishja me xhup dhe e mbaja në gji, pranë, kur ishte ftohtë. Vajza e ka mësuar, i njeh autobuzët nga zhurma

Elvisi: Di t’i japësh makinësh Margarita?

Margarita: Po

Elvisi: Ditke? A po tani të paska mbetur vetëm të marrësh patentën

Lindoni: Kjo është vajza, dashuria e babait.

Elvisi: Ke bërë një vepër të madhe, ke shkrirë jetën tënde për vajzën.

Lindoni: Për Margaritën bëj çdo gjë, jam munduar sadopak, t’ja plotësoj të gjitha dëshirat. Jo të gjitha, por jam munduar.

Elvisi: Bashkë me ne, do t’ja plotësojmë të gjitha dëshirat.

Pas takimit, Lindoni niset drejt spitalit për vizitën e tij mjekësore./abcnews.al/

The post Gruaja e braktisi, babai me sëmundjen e rëndë rrit i vetëm vajzën! Elvisi i premton: Na ke neve në krah appeared first on Albeu.com.

Të pashpresë, prindërit e Omerit iu drejtuan për ndihmë emisionit “Shqiptarët për Shqiptarët”. Brenda një kohe rekord, thirrja për të ndihmuar këtë vogëlush bëri bashkë mijëra shqiptarë. Fondi për kurimin e Omerit u mblodh menjëherë dhe pas një pune të jashtëzakonshme me sigurimin e visa-ve e transportit të posaçëm, vogëlushi u nis për kurim në Itali. Gjatë muajit janar, Omeri ishte duke u shuar…

Por si duket tani ky vogëlush, që preku zemrat e shumë shqiptarëve?

Sidrit Bejleri së bashku me stafin e emisionit “Shqiptarët për Shqiptarët”, udhëtuan drejt Italisë për të parë vogëlushin e plot fëmijë të tjerë të shpëtuar nga shqiptarët.

Sidriti: Diana si je? A je mirë? Omeri… o Omer. Ky është Omeri i famshëm, nga Kosova. Çfarë lufte u bë atë kohë për të…

Diana: Është mrekulli që Omeri është gjallë sot. As mjekët nuk e besonin që do ja dilte dot operimit. Kemi ardhur në janar. Më 14 mars u krye ndërhyrja e operimi ka zgjatur 11 orë e gjysëm.

Sidriti: A t’besohej se mundej të gjendej zgjidhje?

Diana: Kur u nisëm prej Kosove, shpresat i kemi patur shumë të ulta. Mjekët kanë qenë shumë shumë të dashur, nuk na kanë parë ndryshe, këta janë shqiptarë apo italianë. Omeri ka marrë të njëjtin trajtim. Shanset ishin shumë të vogla për të shpëtuar, por fatmirësisht ai erdhi. Falë Zotit sot është mirë.

Sidriti: E shikoj tani, ka shumë energji. Si janë pritshmëritë?

Diana: Me një fjalë na kanë thënë se duhet të jetë nën kontroll. E ka dhe një operim e pritet që edhe më mirë të bëhet.

Sidriti: Pra më e madhja ka kaluar

Diana: Po shyqyr Zotit.

Sidriti: Të jeni të bindur se Fondacioni Firdeus nuk do t’ju lërë pa bërë përpjekjet maksimale. Unë uroj, që dashtë Zoti, Omeri të ketë jetën e gjatë e herën tjerër ta shohim djalin edhe më mirë. Zoti ju ruajtë juve motër

Diana: Zoti ua shpërbleftë juve e të gjithë atyre shqiptarëve që na ndihmuan./abcnews.al

The post “As mjekët nuk e besonin, mrekulli që Omeri është gjallë” appeared first on Albeu.com.

Pas një operimi e disa seancave kemio-terapie, Bonës nisën t’i bien flokët.

Kur filloi kemio- terapinë… vajza kishte ato flokë të bukura, kaçurrela. Kur e pash që po I binin flokët, thash o Zot… nuk po e besoja dot. Nuk e di a do ta përballojë dot… sesi do të shkojë jeta e saj. Frikë shumë kam, se pa të nuk kam jetë. Të gjitha I jap për atë.”-na tregonte i ati i Bonës një vit më parë.

Shqiptarët u bënë bashkë për Bonën e vogël dhe përmes emisionit “Shqiptarët për Shqiptarët” u bë e mundur që vogëlushja të nisej për kurim drejt spitalit Bambino Gesu në Itali. Tashmë ka kaluar kohë dhe emisioni ka udhëtuar drejt Italisë për të parë gjendjen shëndetësore të Bonës e fëmijëve të tjerë të dërguar për kurim.

Sidriti udhëtoi me stafin e emisionit dhe fëmija i parë që takoi ishte Bona. Sot ajo është në gjendje të mirë shëndetësore dhe nuk e rrezikon më jetën, vetëm falë bamirësisë së shqiptarëve që bënë të mundur dërgimin e saj për kurim.

Nëna e Bonës, Xhuljana, i tregoi Sidritit se çfarë ka ndodhur gjatë këtyre muajve. Pas ndërhyrjes e kurave, Fondacioni Firdeus i ka qëndruar në krah familjes, pasi për Bonën ka lindur nevoja që të qëndrojë edhe disa muaj për kurime në Itali.

Xhuljana: Spitali na ka pritur shumë mirë. Vajza vijoi me kemio terapitë 5 mujorshin e parë. Më tutje bëri operimin dhe gjithçka shkoi me sukses. Vajza më pas bëri kemio e radiografi e tani është në gjendje më të mirë. Vajza do të ndiqet akoma, me kemio terapitë, por e rëndësishmja është që, rrezikun e ka kaluar.

Sidriti: Po, për këtë jemi vënë në dijeni. Tani po bëhet viti i dytë që ju qëndroni. Në njëfarë mënyre, ajo pjesë e fondeve që u mblodh për Bonën u ezaurua.

Xhuljana: Po tani kemi kaluar në vitin e dytë dhe Bona vijon të ndjekë kurat e na duhet akoma trajtim.

Sidriti: Duke patur parasysh që Fondacioni Firdeus nuk e ka patur kurrë në parimin e tij për të lënë përgjysëm trajtimin. Fondacioni u fut vetë me mish e me shpirt, që të mos e linte rastin përgjysëm. Një punë s’mund të lihet përgjysëm, si mund ta linim këtë zemë të vogël, pa ardhur 100% e shëruar në Shqipëri.

Xhuljana: Unë ju falenderoj shumë (përlotet), Zoti i shpërbleftë të gjithë ata që kontribuan për Bonën.

Sidriti: Shpresojmë që sa më shpejt Bona të arrijë shëndetin e plotë./abcnews.al

The post Shpëtoi nga “kthetrat” e vdekjes, “Shqiptarët për Shqiptarët” tregojnë si është sot Bona appeared first on Albeu.com.

Shqiptarët bamirës s’mund të linin një nënë 25 vjeçe në baltë. Brenda javës, shuma e nevojshme për të kryer ndërhyrjen kirurgjikale u mblodh. Kur Jonida mësoi lajmin, një fije shprese i mbushi zemrën.

“Sot do të nisem për spital, nesër kam operacionin. Nuk e prisja se do të mblidhej fondi për një javë. I falenderoj të gjithë, ju që keni bërë një punë të palodhur. Ëndërr më të madhe kam që të shoh tim bir të bëhet dikush në jetë. Këtë vit kam në mendje ta çoj në kopësht djalin, e më pas në shkollë… unë djalin nuk dua ta lë vetëm, ai është forca që më bën të shkoj në atë operacion, ishalla ia arrij, ia dal mbanë.”-tregoi 25 vjeçarja.

Tashmë erdhi momenti që Elsa të niset drejt spitalit. Ndarja nga i biri, është një moment tejet prekës, ndërsa vogëlushi nis të thërrasë nënën, kur kupton se ajo po largohet./Abcnews.al/

The post Momente prekëse, nëna me kancer ndahet mes lotësh nga i biri para se të niset drejt spitalit appeared first on Albeu.com.

Emisioni “Shqiptarët për Shqiptarët” e publikoi rastin e familjes Braho javën e kaluar. Në një kohë rekord, me ndihmën e shqiptarëve bamirës, shuma e nevojshme për të dërguar Erkidin për kurim në Itali u arrit. Kur morën lajmin Elsa e Elidoni, me siguri do të kenë derdhur lot gëzimi…

The post Shqiptarët i bëjnë realitet ëndrrën nënës: Një mrekulli për sytë e tim biri appeared first on Albeu.com.

Fatma dhe Meri i dërguan fëmijët dhe Mirianën, nënën e tyre, për të blerë disa veshje të reja.

Lexo edhe: “Këto duar të vogla nuk do të qepin më këpucë”, lot gëzimi dhe emocione në emisionin “Shqiptarët për Shqiptarët”

Denisa e Eduarti prej kohësh nuk kishin blerë më rroba të reja, një “ëndërr” që për mundësitë financiare të Mirianës… do të mbetej një ëndërr.

Fëmijët blenë disa veshje e lodra dhe më në fund pamë që buzëqeshja u rikthye në portretet e tyre.

“U lumturova shumë, nuk kisha blerë ndonjëherë rroba të reja. Më pëlqyen shumë rrobat dhe u lumturova shumë”-tregoi Denisa.

“Jam e lumtur që pashë sot fëmijët e mi duke buzëqeshur, kisha kohë pa i parë… sepse nuk arrija dot t’i lumturoja”-tha nëna e dy jetimëve, e cila punon shumicën e kohës dhe nuk ia del dot as t’i shohë ato./abcnews.al/

The post “Nuk kisha blerë ndonjëherë rroba të reja”, lot gëzimi në familjen Hysa: U lumturuam shumë appeared first on Albeu.com.

Në hyrje të banesës me qira i pret Miriana, nëna e Denisës e Eduartit. Kur sheh Fatmën e Merin, Miriana preket. Brenda shtëpisë Denisën e gjejmë duke qepur këpucë për të ndihmuar mamin.

Fatma: Si je zemra e vogël, çfarë po bën ti aty me duart e tua?

Denisa: Po qep disa këpucë. Ne i marrim shtresat aty tek dyqani.

Meri: Ne jemi mësuar të shohim raste të rënda. Ju jeni në kushte… kjo dhomë nuk është dhomë.

Lexo edhe: “Shqiptarët për Shqiptarët”, Denisa e Eduarti: Pas emisionit na ndihmuan me ushqime, kemi qepur këpucë

Fatma: Edhe sa do kjo të mbarojë?

Denisa: Edhe pak duhet.

Fatma i kërkon Deninës që ta lërë për një moment punën. I premton se duart e saj të vogla nuk do të prekin më lëkurë këpucësh, por lodra dhe libra. Miriana mbushet në lot. Fëmijët po ashtu.

Fatma: Ok, le ta lëmë pak këtë e të ulemi këtu. Këto duar të vogla nuk do të qepin më këpucë. Me këto duar do të mbash vetëm lodra dhe libra (qan)

“Faleminderit shumë”-thotë Denisa me zë të ulët, ndërsa sytë i mbushen në lot.

Kur bëmë thirrjen drejtuar shqiptarëve për këtë familje, Denisa na tregoi se në shkollë e tallnin për faktin se ajo ishte jetime, pa të atin. Me siguri me fjalët e vogëlushes në mendje, Meri mbushet në lot dhe i jep një këshillë Denisës.

Meri: Zemër ti nuk duhet të mërzitesh asnjëherë për ata që të thonë se je pa baba. Ti duhet të jesh krenare për yt atë që ka punuar me nder për t’ju siguruar juve të mirat. Mos e çaj kokën hiç për ata e tregoju sesi ti e ndihmon nënën tënde… asnjëherë mos u mërzit./abcnews.al/

The post “Këto duar të vogla nuk do të qepin më këpucë”, lot gëzimi dhe emocione në emisionin “Shqiptarët për Shqiptarët” appeared first on Albeu.com.

Bashkëshorti i Almirës ndërroi jetë në Gjermani, si pasojë e një infarkti në zemër. Kur Almira e mësoi lajmin e kobshëm, e gjithë bota i ra mbi krye. Mbeti e vetme, me dy fëmijë fare të vegjël.

Ajo rrëfeu për emisionin “Shqiptarët për Shqiptarët”, në ABC momentin kur arkivoli i të shoqit mbërriti në Shqipëri… por brenda arkivolit nuk kishte një trup për të qarë.

“Bashkëshorti shkoi për një jetë më të mirë në Gjermani, por vdiq atje… i ra infarkt. U tmerrova kur më thanë që ai nuk jeton më. Kisha kohë që nuk e shikoja… (qan) Një tmerr, një dhimbje e tmerrshme është. Shkoi për jetë më të mirë e erdhi i vdekur. Nuk e kam parë fare kur erdhi, trupin ia kishin djegur e më erdhi thjesht një arkivol me hirin e tij.

Ne kishim një martesë shumë të bukur. Ishte një kohë e bukur kur lindën fëmijët… por kur iku jashtë shtetit, nuk e di, ishte një tmerr për mua. Gocën e la tre vjeç, ndërsa çunin dy ditësh. Goca shumë mban nga kujtimet për të, kurse djali nuk e njeh fare të atin.

Djali nuk i ka thënë asnjëherë babi… shumë na mungon prezenca e tij.”-rrëfen Almira, e cila vetë është 25 vjeçe.

The post “Babi iku në Gjermani e pastaj në Parajsë”, tregimi rrëqethës i nënës me dy jetimë: Në Shqipëri më sollën vetëm hirin e tij appeared first on Albeu.com.

Erojna Stojna, 15-vjeç, bashkë me vëllain dhe nënën e saj jetojnë në kushte të vështira ndërsa kryefamiljari nuk jeton më pasi humbi betejën me një sëmundje të rëndë.

“Jetoj me mamin dhe me motrën, babi ka ndërruar jetë para dy viteve vuante nga një sëmundje e rëndë e pashërueshme,” tregon djali i shtëpisë i cili thotë po ashtu se babai ia ka lënë të ëmën dhe të motrën amanet.

“Më kapi për dore, më tha bëhu i fortë, të punosh të mbash mamin, motrën, se babi kaq i kishte ditët. Ky ishte amaneti i fundit…”

Kurse, Erjona thotë se dita kur humbi të atin ishte më e keqja që ka kaluar në jetën e saj.

“Kushtet e shtëpisë janë shumë të vështira. Muret janë të plasur, sa herë që bie shi, bie brenda, llamarinet janë të vjetra. Mobiliet janë të shkatërruara. Kam frikë natën kur flë, nga çasti në çast mund të bjerë tavani.”

Nëna e tyre thotë se i mban me 48 mijë lekë në muaj që merr asistencë.

“U lutem shqiptarëve të më ndihmojnë me sa mundësi që kanë.”/abcnews.al/

The post “Babi më la amanet motrën e nënën”, familja në Rrajcë jeton në kushte mjerimi: Kam frikë se më bie tavani appeared first on Albeu.com.

Sheidi na tregoi se falej çdo ditë për nënën e se në këtë muaj të bekuar të Ramazanit, agjëronte. Elvisi e priti 16 vjeçarin për iftar e për të biseduar mbi sprovën e rëndë që ka prekur familjen e tij. Elvisi i tregon Sheidit se çdokush nga ne sprovohet në këtë jetë e se pas sprovës, do të vijë lehtësimi nga Zoti larg.

Elvisi: Zoti na e pranoftë e që sot e tutje të bashkohemi vetëm për gjëra të mira. Sheid për të mira dhe agjërim të pranuar për të gjithë ne.

Elvisi: Babi ku është?

Sheidi: Atje, tek spitali… 24 orë atje është.

Elvisi: Ty Zoti ta shpërbleftë, është sakrificë e madhe, por gjithsesi, duhet bërë durim, duhet të bëhesh i fortë. Zoti thotë në Kuran, pas vështirësisë do të vijë lehtësimi. E në të vërtetë, ashtu do të ndodhë. E kanë thënë njerëzit e dijes, duke qenë se është përforcuar dy herë kjo thënie, është dashur të ngulitet në mendjet e të sprovuarve, se Zoti nuk do t’i harrojë.

Sot po sprovohet familja juaj, nesër mund të më ndodhë mua diçka, një ditë tjerër një tjetri. Ti vetë çfarë ëndrre ke të bësh në jetë?

Sheidi: Unë dua një të ardhme të mirë, të jetoj me familjen time, të jemi të gjithë bashkë.

Elvisi: Shumë njerëz e kanë parë rastin tuaj dhe janë përgjigjur… por edhe janë lutur. Janë me ju. Kuptohet se neve tani do të na keni gjithmonë në krahë. Tani ke vëllezër të mëdhenj, ke motra shqiptarë, do të çuditesh edhe vetë, sesi do të jenë afër teje. Emisioni ynë e ka sensibilizuar rastin.

Me prindërit nuk ka, ne themi babai e nëna si dielli e hëna. Kjo shprehje rrjedh nga Kurani famëlartë. Kur të vjen një sprovë, duhet me qenë i duruar. Tregohet se një mik i Pejgamberit, sëmuret. Doktori, në një vend të huaj, i thotë s’kemi çfarë të bëjmë, duhet tët prejmë këmbën se në të kundërt do të vdesësh. Ai pranoi. Duke u kthyer, ai ishte bashkë me djalin e tij. Djali u rrëzua nga kafsha dhe ndërron jetë. Iku me djalin dhe ai vdiq. Kur u afrua që hyri në qytetin e Medinës, njerëzit u çuditën kur panë se nuk e kishte njërën këmbë. E pyetën ku është djali, e ai u tregoi…

Thoshte një fjalë ai, ‘faleminderit Zot, shumë më dhe… pak më more.’ Njerëzit nuk e kuptonin, por ai thoshte, shumë më dhe, pak më more.

Ai takoi njerëzit e familjes e njerëzit erdhën për ngushëllim. Pasi e panë që ishte qetësuar e pyetën çfarë ishte ajo shprehje që thoje. Ai u tregoi, kam thënë një të vërtetë, sepse Zoti më dha mendjen, më dha shpirtin më dha zemrën, më dha dy duar e dy këmbë. Me të vërtetë më sprovoi e më mori një këmbë, por tjerat mi la… shumë më la, e pak më mori. E dyta, Zoti më dha disa fëmijë, shumë më la e një më mori.

Pra varet sesi e shikon sprovën. Mund ta shikosh nga një dimension ku nxjerr urtësi e jo të shkatërrosh veten tënde. Duhet ta shohësh edhe ti, se Zoti për çdo stres e problem që ke, do të të falë e ngrejë gradët. Asgjë nuk ndodh rastësisht në këtë univers Sheid.

Kështuqë, bëhu i fortë vëlla e Zoti pas kësaj sprove, unë jam i sigurt, se do t’i shohësh gjërat e mira, do të shohësh ndihmën, suportin për familjen tënde. Inshallah keni jetë të gjatë, pse jo edhe nëna se ato janë punë të Zotit… do ta shohësh që do të keni jetën e gjatë, do të bëni juve për mirë e Zoti pas lotëve të trishtimit, do t’ju japë lotë gëzimi. Edhe neve, do të na keni hap pas hapi, jo vetëm për një shtëpi që kemi marrë përsipër, jo vetëm për një pension… por ne prap do të jemi bashkë.

Sheidi: Zoti ju shpërbleftë

Elvisi: Lusim Zotin këto netë Ramazani, që Ai ta ketë në kujdes familjen tuaj. Asnjëherë nuk duhet tët shkojë ndërmend se kur njeriut i ndodh një sprovë, atëherë ai njeri ka bërë një faj. Kur Pejgamberi Muhamed ishte në Medine, ishte në një fazë ku kishte bërë shumë gjëra të mira. Ai kishte ardhur të sugjeronte, të këshillonte që njerëzit të ishin më të mirë, më solidarë, më bamirës, më të drejtë. Në ato 10 vite që ishte në Medine, i ndërron jetë djali i vogël, ende nuk i kishte mbushur 2 vjeç. Kur mjekët i thanë se do të ndërrojë jetë, Pejgamberit i rrodhën lotë. E pyetën përse, e ai u tregoi, lotët janë mëshirë. O biri im tha, zemra është e mërzitur, sytë lotojnë, por ne nuk themi asgjë përveçse atë që e kënaq Zotin… të Zotit jemi, e tek Zoti do të shkojmë. Mos harro se jemi udhëtarë në këtë botë, dikush do të udhëtojë më shpejt, dikush më vonë, por udhëtimi është i sigurt. Për këtë arsye, njerëzit e mirë, njerëzit që nuk kanë bërë padrejtësi ndaj të tjerëve, e presin këtë udhëtim me qetësi dhe në të njëjtën kohë i kalojnë sprovat më lehtë.

Kur janë sprovuar profetët e pejgamberët, atëherë kjo tregon se është një farkëtim, një provim që çdokush e kalon në këtë botë. Çdokush nga ne sprovohet. E di si është Sheid, e juaja sprovë është e madhe, por edhe e dukshme.Mami me të vërtetë është e sëmurë, por para se Zoti t’ja jepte sprovën, ajo i bëri 4 fëmijë, 4 ëngjëj. Pasi nëna është sprovuar, Zoti do t’ju japë juve begati, pasi Zoti në kohën që ka vendosur sprovën, ka vendosur dhe gjërat e mira që do t’i sjellë më pas.

Ju keni nevojë për një shtëpi, por edhe për shumë gjëra të tjera. Ne do t’ja arrijmë atyre. Mos u mërzit, bëhu i fortë. Të kanë rënë problematikat e hallet në moshë të re, por mos harro se kjo do të të forcojë e do të bëhesh më i aftë se të tjerët.

Ne u pamë për iftar, por radhës tjetër të shihemi për një gjë shumë të mirë./abcnews.al/

The post “Shqiptarët për shqiptarët”, Elvis Naçi pret në iftar djalin që ka nënën në koma: Nuk do të lëmë kurrë vetëm (VIDEO) appeared first on Albeu.com.