23 vjeçari Sebastiano Gjoni dhe 26 vjecari Skelidano Koliqi, u arrestuan pasi kishin hyrë në një shtëpi në zonën e vilave të futbollistëve në Cheshire, gjatë të ftohtit të janarit që shkoi.

Policia u sinjalizua për vjedhjen kur rezidentët që gjendeshin në shtëpi telefonuan në numrin e emergjencës 999 pasi dëgjuan zhurma në banesë rreth orës 21.00

Ata më pas kishin thërritur ‘Grabitësit, grabitësit’ dhe ishin mbyllur në një dhomë derisa pas 13 minutash erdhën oficerët dhe kapën të akuzuarit teksa hynin brenda shtëpisë.

Në gjykatë iu tha se Gjoni e Koliqi kishin hyrë ilegalisht në Britani me shpresë të gjenin punë por pasi u kapën nga policia 23-vjeçari kishte komentuar: “Bëtë mirë që na kapët. Është shumë ftohtë këtu, nuk kishim ku të rrinim.”

Me sa u kuptua Gjoni e Koliqi kishin ardhur aty nga baza e tyre 200 km larg në Harringay, në veri të Londrës, por nuk e kishin menduar se do të gjenin njerëz në shtëpi.

Policia zbuloi se Gjoni i cili fliste italisht, gjermanisht e anglisht, kishte kryer një tjetër vjedhje banese disa ditë më herët në një banesë aty pranë.

Në banesë ata kishin marrë një vlerë prej 1000 paundë në bizhuteri e sende luksi teksa nuk kishin gjetur pronarët në shtëpi.

Gjykata e Chester burgosi Gjoni me 28 muaj ndërsa dhe 18 muaj për Koliqi të cilët tani presin depërtimin në Shqipëri.

Prokurori Patrick Gartland, tha se viktimat e moshuara të grabitjes ishin mbyllur në dhomën e gjumit kur dëgjuan grabitësit dhe nisën të jepnin alarmin sa mundnin.

“Gjoni tha në polici se nuk donte të lëndonte njeri dhe ishte i kënaqur që u kapën pasi ishte shumë ftohtë atë natë dhe nuk kishin ku të shkonin”.

Koliqi tha se punonte në ndërtim kur gjente punë për rreth £50 – £60 paundë në ditë dhe se jeton ilegalisht në vend prej vitit 2018.

Duke dhënë dënimin gjykatësi Patrick Thompson tha: “Të zotët e shtëpisë u tmerruan nga të huajt që i hynë në shtëpi. Ju do të kryeni dënimin dhe me shumë gjasa më pas do të deportoheni ne Shqiperi”.

The post U arrestuan duke vjedhur shtëpinë e futbollistit, shqiptarët në Angli: Mirë bëtë që na kapët, se këtu është shumë ftohtë appeared first on Albeu.com.

Duke diskutuar të enjten në dhomat e “Komuneve”, ku ju shtruan 129 pyetje të ndryshme, kryeministri Boris Johnson tha se ai mbështet një amnisti, duke deklaruar se rreth 500 mijë njerëz nuk janë në gjendje të marrin pjesë plotësisht në ekonomi dhe të paguajnë taksa.

Boris Johnson thotë se është i hapur për idenë e një amnistie për migrantët që jetojnë në Mbretërinë e Bashkuar në mënyrë të paligjshme.

“Ndërkohë që njerëzit kanë qenë këtu për një kohë shumë të gjatë dhe nuk kanë shkelur ligjin, është e kuptueshme të përpiqemi të rregullojmë statusin e tyre,” tha Johnson.

Ai tha se kjo është pothuajse ajo që tashmë ndodh sipas rregullave ekzistuese, por komenti i tij sugjeron se ai është i hapur për të shkuar më tej.

Idenë e amnistisë Johnson e ka mbështetur që në të kaluarën, si një politikan që dihet të jetë më liberal se shumë prej kolegëve të tij konservator për sa i përket emigracionit.

Duke iu drejtuar gazetarëve të mbledhur kryesisht për të diskutuar pandeminë, Johnson tha se ai është në favor të një goditje ndaj bandave kriminale që trafikojnë emigrantë të paligjshëm me anije të vogla nëpër Kanalin Anglez për në Britaninë e Madhe. Njerezit kane vdekur duke u përpjekur të bëjnë këtë kalim, theksoi ndër të tjera kryeministri Johnson.

Një amnisti e tillë do tu vijë në ndihmë mijera shqiptarëve që jetojnë në Britaninë e Madhe pa dokumenta.

The post Lajm i mirë për shqiptarët! Boris Johnson jep lajmërimin e rëndësishëm appeared first on Albeu.com.