Rama ka njoftuar se është hapur godina e misionit të Shqipërisë pranë Bashkimit Europian.

“Dikur, kur vinim, binte shi e bënte ftohtë jashtë dhe binte shi e bënte ftohtë brenda. Tashmë është ndryshe. Çfarëdo të ketë jashtë, brenda bën ngrohtë dhe është plot energji pozitive, fytyra pozitive dhe buzëqeshje të këndshme. Nuk jemi mësuar me këtë, Marta, ndaj është e jashtëzakonshme më në fund ta përjetosh këtë gjë, që është e vazhdueshme gjatë gjithë vitit dhe po bëhet e përhershme. Dua t’ju falënderoj të gjithëve sinqerisht që jeni këtu dhe të falënderoj sinqerisht e me gjithë zemër për punën secilin prej jush”, thotë Rama në ceremoni.

Ndërkohë Ambasadori i Shqipërisë pranë Bashkimit Europian, Ferit Hoxha deklaroi: Është shumë komode për mua të mbroj kauzën e Shqipërisë sot, sepse përfaqësoj një vend e shoqëri që kurrë nuk e ka humbur besimin tek Europa, një qeveri me një përkushtim të patundur politik ndaj BE-së dhe e gatshme të shfrytëzojë çdo sekondë.

Në ceremoni foli edhe Komisionerja për Zgjerimin e Bashkimit Europian, Marta Kos:

E ndjej veten… ndjesë, si ambasadoren e katërt të Shqipërisë këtu në Bruksel. Po ju po jepni rezultate. Arsyeja e dytë është se ju nuk po flisni vetëm, ju po realizoni. Ne shohim veprat. Nuk jua shpreh dot sa e lumtur jam kur kam mundësi të shpjegoj me fakte që ju keni bërë një përparim vërtet gjigant dhe është e gjitha falë punës suaj.

Më pëlqen gjithnjë ta theksoj, nuk ka asnjë proces anëtarësimi pa një udhëheqje të përkushtuar, që nuk i kthehet së shkuarës duke kërkuar të gjejë justifikime se pse diçka është e pamundur, por ju keni një udhëheqje ose keni një udhëheqës, i cili sheh nga e ardhmja që të shquajë apo të kërkojë arsyet e përgjigjet se pse diçka është e mundur. Ky është – dhe do thoja mos më citoni – ky është një nga dallimet më të mëdha midis Shqipërisë dhe disa shteteve të tjera nga Ballkani Perëndimor. Sigurisht, i dashur Kryeministër, i dashur Edi, e kam fjalën për ju dhe do ta mbyll duke thënë: “Kjo është shtëpia juaj e re”. Detyra ime është t’ju sjell ju, Shqipërinë, në shtëpi, në Europë.

The post Rama ndan pamjet nga hapja e godinës së misionit të Shqipërisë në BE, Marta Kos: S’keni vetëm fjalë, por vepra appeared first on Albeu.com.

Pas fitores 1 -0 kundër Andorras, Shqipëria do të jetë për herë të parë në “play off”.

Tani Kombëtarja shikon përpara, duke studiuar rregulloren dhe kundërshtarët e mundshëm. “Playoff”-et do të përfshijnë skuadrat që janë renditur të dyta në grupet e tyre dhe katër ekipet më të mira të Nations League që nuk janë kualifikuar drejtpërdrejt.

Shqipëria në “Playoff”-et e Botërorit: kundërshtarët e mundshëmDuke qenë se Shqipëria nuk është kokë serie në “playoff”, por momentalisht përfshihet në vazon e tretë shorti do ta vendoste fillimisht përballë një skuadre të dalë nga vazo e dytë. Por cilat përfshihen në këtë kategori?

Aktualisht, asnjë kombëtare nuk është matematikisht e sigurt për pjesëmarrjen në “playoff”, me përjashtim të Skocisë.

Renditja në vazo bëhet në bazë të renditjes FIFA të skuadrave të renditura në vendet e dyta të grupeve të tyre.

Vetëm Vazo e katërt përfshin katër skuadrat më të mira të Nations League që nuk kanë arritur të zënë vendin e parë ose të dytë në grupet kualifikuese për Botëror.

Sipas renditjeve aktuale, Shqipëria mund të përballet në gjysmëfinale me një ndër Republikën Çeke, Hungarinë, Sllovakinë, apo Skocinë.

Në rast kualifikimi për në finale, “Shqipëria” do të ndeshej me një kundërshtar të cfarëdoshëm, pavarësisht vazos në të cilën bënte pjesë në gjysmëfinale.

Vazo e parë: Italia, Turqia, Ukraina, Polonia.

Vazo e dytë: Republika Çeke, Hungaria, Sllovakia, Skocia.

Vazo e tretë: Maqedonia e Veriut, SHQIPËRIA, Bosnja dhe Hercegovina, Kosova.

Vazo e katërt: Skuadrat e rikthyera nga Nations League – Uellsi, Rumania, Suedia, Irlanda e Veriut.

Si funksionojnë “playoff”-et e Botërorit 2026, kush kualifikohet

Për të siguruar pjesëmarrjen në Botëror, gjashtëmbëdhjetë skuadrat që arrijnë në “playoff” nuk do të përballen me një kundërshtar të vetëm, por do të duhet të kalojnë dy raunde.

Mekanizmi parashikon një gjysmëfinale dhe një finale, të dyja me eliminim direkt, dhe ndeshja do të zhvillohet në fushën e skuadrës më mirë të renditur në klasifikimin e FIFA-s.

Shqipëria, aktualisht e 61 në renditjen botërore, është teorikisht jofavorite, por humbja në Palermo e një skuadre si Italia kundër një kundërshtari si Maqedonia e Veriut para Botërorit 2022 tregon se në këto ndeshje ka rëndësi mbi të gjitha momenti: llogaritjet dhe strategjitë tepër ambicioze mund të jenë të rrezikshme.

Me skuadrat më të mira tashmë pranë kualifikimit të drejtpërdrejtë, kuqezinjtë, duke mbyllur grupin në vend të dytë, do të kenë gjasa të jenë në vazon e tretë, duke luajtur kështu ndeshjet e marsit përpara publikut kundërshtar.

Kur luhen “playoff”-et e Botërorit 2026

Pamja e plotë e “playoff”-eve do të përcaktohet përmes shortit, ku do të marrin pjesë gjashtëmbëdhjetë skuadrat e kualifikuara. I parashikuar në nëntor, menjëherë pas përfundimit të fazës së grupeve, shorti do të përcaktojë çiftet për ndeshjet që do të zhvillohen më 26 dhe 31 mars.

Për përballjet e kësaj faze do të hidhet një short më date 20 nëntor kur do të përfundojnë të gjitha ndeshjet e fazës eliminatore të grupeve.

Shortet do të hidhen njëra pas tjetrës, me shortin për turneun Play-Off të Kupës së Botës FIFA 2026 që fillon në orën 13:00.

The post Kundërshtarët e mundshëm të Shqipërisë në “play-off”, ja kur hidhet shorti appeared first on Albeu.com.

Sipas raportit më të fundit të Pasqyrës Ekonomike Globale të tetorit, të sapopublikuar, ekonomia shqiptare parashikohet të zgjerohet me 3.4%, nga 3.8% që ishte pritshmëria në raportin e pranverës.

Në të kundërt, është rishikuar me rritje të lehtë pritshmëria për vitin 2026, ku ekonomia vendase parashikohet tashmë të zgjerohet me 3.6%, nga 3.5% në raportin e pranverës.

Inflacioni mesatar vjetor pritet të rritet lehtë në 2.3%, nga 2.2% që ishte në 2024-n dhe të kërcejë në 2.8% në 2026-n.

Në rajon, rritjen më të lartë pritet ta ketë Kosova, me 3.9% në 2025-n dhe 4% në 2026-n.

Maqedonia e veriut pritet të ketë të njëjtën rritje si Shqipëria me 3.4% në 2025-n. Në Mal të Zi performanca pritet në 3.2% në 2025-n.

Ekonomia e Bosnjë Hercegovinës do të zgjerohet me 2.4% në 2025 dhe 2.7% në 2026. Në të njëjtat nivele prej 2.4% në 2025-n pritet edhe Serbia.

FMN: Ekonomia botërore po tregon qëndrueshmëri përballë tarifave të Trump, por perspektiva mbetet “e zymtë”

Fondi Monetar Ndërkombëtar, paralajmëroi se ekonomia botërore po tregon shenja presioni nga tarifat e gjera amerikane dhe proteksionizmi, edhe pse deri tani ka rezistuar më mirë se pritej.

Sipas raportit të fundit World Economic Outlook, publikuar të martën nga institucioni me qendër në Uashington, ekonomia botërore pritet të rritet me 3.2% këtë vit, nga 3% që ishte parashikimi në korrik.

Në vitin 2026, rritja parashikohet të ulet lehtë në 3.1%.

FMN tha se përmirësimi i parashikimit për këtë vit vjen kryesisht nga faktorë të përkohshëm, si një rritje e aktivitetit ekonomik, ndërsa kompanitë dhe familjet u nxitën të furnizohen përpara tarifave të larta, si dhe një dobësim i dollarit që ka ndihmuar tregtinë globale.

Megjithatë, perspektiva përpara mbetet me “pritshmëri të zbehta”, si në afat të shkurtër ashtu edhe të gjatë.

“Nuk është aq keq sa kishim frikë, por është më keq se sa prisnim një vit më parë — dhe më keq se sa do të duhej”, tha kryeekonomisti i FMN-së, Pierre-Olivier Gourinchas, në një deklaratë për mediat.

Ministrat e Financave dhe drejtuesit e bankave qendrore po mblidhen këtë javë në Uashington për takimet vjetore të FMN-së dhe Bankës Botërore, nën kërcënimin e rinovuar të një lufte tregtare mes ekonomive më të mëdha të botës.

Pas një periudhe relative qetësie në muajt e fundit, tensionet janë rritur sërish, me presidentin amerikan Donald Trump që tha javën e kaluar se do të vendosë një tarifë shtesë prej 100% ndaj Kinës, duke filluar nga 1 nëntori — një përgjigje ndaj kufizimeve të fundit të Pekinit për eksportet e elementeve të rralla.

Që atëherë, të dyja palët kanë sinjalizuar se bisedimet mbeten të mundshme për të shmangur çdo përshkallëzim.

Në SHBA, rritja ekonomike do të ngadalësohet në 2% këtë vit, duke shënuar një rënie të ndjeshme krahasuar me vitin 2024, dhe pritet të mbetet e qëndrueshme në 2.1% në vitin 2026, sipas FMN-së.

Në zonën e euros, rritja pritet të rritet në 1.2% këtë vit dhe në 1.1% vitin e ardhshëm, ndërsa zgjerimi i Kinës parashikohet të ulet në 4.8% në 2025 dhe në 4.2% në 2026.

Për të shmangur luhatjet në parashikimet e këtij viti dhe për të eliminuar shtrembërimet e shkaktuara nga importet e parakohshme që nxitën aktivitetin në gjysmën e parë të vitit, FMN analizoi rritjen e njëpasnjëshme nga gjysma e dytë e vitit 2025 deri në 2026.

Kjo analizë parashikon që ekonomia botërore të rritet me një mesatare vjetore të përafërt prej 3% gjatë kësaj periudhe 18-mujore — një ulje prej 0.6 pikë përqindjeje krahasuar me normën mesatare 3.6% të vitit 2024.

FMN shton se inflacioni po stabilizohet mbi objektivat e bankave qendrore në disa vende të tjera, ndërsa perspektiva për çmimet mbetet e pasigurt, duke e vështirësuar punën e politikëbërësve monetarë.

Një tjetër arsye shqetësimi është rritja e huamarrjes. Qeveritë do të duhet të shkurtojnë shpenzimet, veçanërisht në Europë, për shkak të kostove shtesë të lidhura me plakjen e popullsisë, rritjen e shpenzimeve për mbrojtjen dhe sigurinë energjetike./Monitor

The post FMN ul ndjeshëm parashikimin për rritjen ekonomike të Shqipërisë në 2025-n appeared first on Albeu.com.

Lajmi raportohet nga mediat, duke iu referuar burimeve nga mbledhja e zhvilluar paraditën e sotme, ku Qeleshi ka fituar besimin e anëtarësisë për të përfaqësuar dhe mbështetur drejtësinë në vend.

Ajo zëvendëson në këtë detyrë Saimir Vishajn.

Joana Qeleshi, ka shërbyer më parë si kryegjyqtare e Gjykatës së Durrësit, ku dha dorëheqjen para procesit të vetingut dhe kaloi në profesionin e avokates.

Aktualisht, ajo mban edhe detyrën e pedagoges së procedurës penale në Fakultetin e Drejtësisë.

The post Zgjidhet kryetarja e re e Shoqatës së Avokatëve Penalistë të Shqipërisë (EMRI) appeared first on Albeu.com.

Marrëveshja e lëvizjes së lirë mes pikave kufitare të Vërmicës dhe Morinës, nga 1 marsi kishte pushuar së funksionuari, ndërsa rikthehet sërish pas një periudhe dymujore.

Udhëtarët që e shfrytëzuan pikën kufitare mes Kosovës dhe Shqipërisë, nga 1 marsi paraqitën dokumentet e identifikimit, për arsye se nga kjo datë për dy muaj rresht u krye përpunimi i të dhënave të sakta i automjeteve.

The post Rikthehet lëvizja e lirë në kufirin Kosovë-Shqipëri appeared first on Albeu.com.

“Presidenti ritheksoi dhe patjetër që ramë dakord që duhet të bëhet më shumë për investime të drejtpërdrejta nga ana turke në sektorin e turizmit. Falë zotërisë në krahun tim, Turqia ka bërë një transformim marramendës, jo thjesht mikëpret miliona turistë, por ka kapacitet të dijes që për ne do të ishte shumë i vyer.

Nga ana tjetër, sot firmosëm disa marrëveshje, por më e mirëpritura ishte firmosja e marrëveshjes për Universitetin Teknik të Stambollit në Tiranë. Kjo është e rëndësishme në disa aspekte dhe është diçka që do të sjellë një hapësirë të re studimesh të larta, të nivelit të lartë botëror.

Ne jemi shumë të interesuar dhe shumë të përmbushur sot, pas konfirmimit të një etape të re në fuqizimin e industrisë ushtarake të Shqipërisë dhe në fuqizimin e kësaj marrëdhënie në aspektin ushtarak. Dihet që Turqia ka një nivel të lartë të kapacitetit ushtarak. E çmoj dhuratën e Presidentit në këtë kohë të trazuar, ku bota ka marrë një drejtim të çuditshëm për ta thënë me një fjalë të butë për t’i dhënë ushtrisë shqiptarë një numër dronesh kamikazë. Nuk duhet të shqetësojë askënd se kë do godasë Shqipëria, por besoj që është një dhuratë që mban brenda një mesazh të qartë të Turqisë, në raport me këtë marrëdhënie që Shqipëria është e pagoditshme”,- tha Rama.

The post Presidenti Erdogan i dhuron disa dronë kamikazë Shqipërisë/ Rama: S’duhet të shqetësohet askush, ne nuk do godasim askënd appeared first on Albeu.com.

Pushuesit që planifikojnë arratisjen e tyre të ardhshme jashtë Britanisë së Madhe, nuk kanë nevojë të shkojnë në Greqi. Ata mund zgjedhin një alternativë më të lirë me peizazhe po aq mahnitëse, plazhe të qeta, mot me diell dhe fluturime direkte nga aeroporti i Birminghamit për vetëm 22 euro.

Shqipëria është një nga vendet më të lira për t’u vizituar në Evropë, ku një krikëll birrë vendase shkon rreth 2,5 euro dhe akomodimi në hotele kushton 48 euro për një natë.

Një vakt me tre pjata për dy persona, në një restorant të nivelit të mesëm kushton rreth 42 euro.

Vendi më pak i njohur, ofron shumë nga të njëjtat cilësi joshëse si fqinji i tij më i famshëm, por ai është shumë më pak i mbushur me vizitorë se Greqia.

Shumë nga peizazhet piktoreske të Shqipërisë, të cilat variojnë nga malet, livadhet dhe deri te bregdeti i thyer, mbeten kryesisht të pazbuluara nga turistët.

E lagur nga detet Adriatik dhe Jon, Shqipëria ndan një kufi prej 175 miljesh të gjatë me Greqinë dhe gjithashtu ndan verën e saj të nxehtë, me temperatura që arrijnë mesataren maksimale prej 34 gradë Celsius.

Edhe në muajin tetor, kryeqyteti i Tiranës shënon rregullisht temperaturën 25 gradë Celsius.

Një nga vendet më të bukura për t’u vizituar në Shqipëri është Plazhi i Gjipesë, një zonë e largët me rërë të bardhë që ndodhet midis Himarës dhe Dhërmiut – dhe e renditur mes 50 plazheve më të mira në botë.

Ujërat e bruztë, limanet shkëmborë dhe limanet e veçuara – të veshura me një sfond malor – nuk janë të vështira për t’u gjetur përgjatë Rivierës Shqiptare.

Plazhet e bardha të fshatit Ksamil shpesh janë konsideruar nga ekspertët e udhëtimeve si “Maldivet e Evropës”.

Vendi i Trashëgimisë Botërore të UNESCO-s, Berati është një nga qytetet e stilit osman më të ruajtura në Evropë – dhe rrugët e tij me kalldrëm fshehin kishat dhe minaret bizantine midis mureve të qytetit të tij të lashtë.

Tirana është një qytet tjetër që ia vlen të vizitohet. Rrugët e saj të shëtitshme, shtëpitë, kafenetë , restorantet – shumë prej të cilave ofrojnë shërbim në ambient të hapur në muajt e verës – dhe jeta e gjallë e natës.

Dajti Ekspres, vetëm 15 minuta nga kryeqyteti, ofron një eksperiencë të paharrueshme nga teleferiku me pamje mahnitëse nga maja e malit.

Tirana është gjithashtu një orë larg me makinë nga plazhet e Durrësit dhe Golemit.

The post Media britanike: Vizitoni vendet mahnitëse të Shqipërisë appeared first on Albeu.com.

Një ndeshje vendimtare për kuqezinjtë, të cilët sot do të përballen me Kroacinë dhe çdo hap i gabuar bën thuajse të mbyllur çdo diskutim për kualifikimin e mëtejshëm.

Të dy skuadrat vijnë pas humbjeve në ndeshjet e para me Kroacinë që është mundur 3-0 nga Spanja, ndërsa Shqipëria është mundur me shifrat 2-1 nga Italia.

Kjo është përballja e parë në arenën ndërkombëtare për këto dy përfaqësuese.

SHQIPËRIA: Strakosha, Hysaj, Ajeti, Gjimshiti, Mitaj, Ramadani, Asllani, Laçi, Bajrami, Asani, Manaj.
Trajner: Silvinjo

The post Del formacioni i Shqipërisë ndaj Kroacisë/ Silvinjo befason me zgjedhjet, ul edhe Armando Brojën në stol appeared first on Albeu.com.

Mashtrimi i qytetarvë nga subjektet financiare dhe përmbaruesit privat është një skemë e ngjashme me firmat piramidale. Kështu e cilëson avokati Rezart Kthupi zhvatjen e qytetarëve shqiptarë nga shoqëritë financiare MCA dhe Final. Ai i kërkon Bankës së Shqipërisë të marrë më shumë përgjegjësi dhe të gjendet një zgjidhje për qytetarët e prekur.

Drejtori i mbikqyrjes në Bankën e Shqipërisë deklaroi se gjatë inspektimeve në këto shoqëri financiare janë gjetur parregullsi por nuk është evidentuar skema e mashtrimit. Aktualisht Banka Qendrore po diskuton gjetjen e zgjidhje për kreditorët e prekur.

Pas hetimeve rezultoi se në këtë skemë ishin të përfshirë 3 shoqëri përmbarimore dhe 2 institucione financiare që kanë vënë në jetë përmes ndihmës së një noteri dhe avokatëve skemën e zhvatjes së qytetarëve ndërsa u dhanë 9 masa arresti.

The post Zhvatja me mikrokreditë/ Avokati: Më i keq se firmat piramidale. Banka Qendrore: Po punojmë për një zgjidhje për kreditorët appeared first on Albeu.com.

Përmes një komunikate Policia e Shtetit kërkon mirëkuptimin dhe bashkëpunimin e qytetarëve për shmangien e rrugëve ku zhvillohen garat çiklistike.

Gjithashtu ka bërë publike edhe akset të cilat do të jenë të bllokuara deri në përfundm të turit në Tiranë edhe në disa qytete të vendit.

Akset e bllokuara do të jenë:

Aktviteti çiklistik starton me etapën e parë, ne orën 12.00 të datës 20.05.2024, nga sheshi “Skenderbej”, Tiranë dhe përfundon në Korçë.

Etapa e dytë starton në orën 12.00 të datës 21.05.2024, nga Korça dhe përfundon në Elbasan.

Etapa e tretë starton në orën 12.00 të datës 22.05.2024, nga Elbasan-Kuçovë-Ura vajgurore-Lushnjë dhe përfundon në Vlorë.

Etapa e katërt starton në orën 12.00 të datës 23.05.2024, nga Vlora-Lumi i Vlorës-Himarë dhe përfundon në Llogara.

Etapa e pestë dhe e fundit starton në orën 10.00 të datës 24.05.2024, nga Vlora dhe përfundon në Fier.

The post Turi i 81 çiklistik i Shqipërisë, policia njofton masat, ja rrugët që bllokohen appeared first on Albeu.com.