Në fund të sfidës, kuqezinjtë u vlerësuan me notën 6.87 nga faqja e specializuar e statistikave “Sofa Score”.

Në vlerësimin e kësaj faqeje, në krye të listës qëndron Kristjan Asllani me notën 7.63, ndërkohë më pak i vlerësuari rezulton Bajrami me notën 6.2.

The post Shqipëri-Spanjë, ja më të mirët e ndeshjes sipas Sofascore appeared first on Albeu.com.

Teksa ka reaguar lidhur dhe me deklaratën e Ramës, të cilën e cilëson një thikë pas shpine për ekipin tonë kombëtar dhe fansat e tij kuq e zi në prag të ndeshjes.

Postimi i plotë:

“Të dashur miq, sot kombëtarja jonë ka ndeshjen e madhe të saj me kombëtaren e Spanjës.

Edi Rama tersi i madh i kuqezinjve tanë, tashmë i njohur dhe ndërkombtarisht si i tillë, deklaron se sot rezultati është në plan të dytë, por koka lart në plan të parë.

Kjo dekleratë disfatisti e pazarexhiu është një thikë pas shpine për ekipin tonë kombëtar dhe fansat e tij kuq e zi në prag të ndeshjes. Vërtetë ndeshja me Spanjën është ndër më të fortat, por për një ekip të fortë dhe dinjitoz si i yni rezultati nuk mund të jetë kurrë në plan të dytë as dhe fatalitet i paracaktua. Sot kombëtarja jonë do bëj historinë! Fitore. #sb”, shkruan Berisha.

The post Berisha replikon me Ramën: Rezultati me Spanjën s’mund të jetë kurrë në plan të dytë, Kombëtarja sot do bëjë historinë appeared first on Albeu.com.

Ndeshja do të luhet në stadiumin e Dyseldorfit, i cili do të pushtohet nga tifozët e shumtë shqiptarë që do të mbështesin deri në fund Kombëtaren, për të arritur një rezultat historik.

Dyert për tifozët në stadiumin e Dyseldorfit, do të hapen 3 orë para fillimit të ndeshjes dhe procedura për t’u futur në stadium do të jetë e njëjtë.

Biletat e ndeshjes ndodhen vetëm në aplikacionin “UEFA Mobile Tickets”.

Kodi QR i biletës, do të shfaqet pak përpara hapjes së dyerve të stadiumit.

Biletat tuaja do të kontrollohen nga stafi i stadiumit në vend kontrollin e biletave, skanojeni biletën dhe drejtohuni për në vendin tuaj.

Të gjithë tifozët që do të ndjekin ndeshjen nga stadiumi, duhet të respektojnë rregullat e përcaktuara nga UEFA.

Për të parandaluar çdo lloj problemi dhe penalizimi të gjithë tifozët duhet të shmangin ndezjen e flakadanëve gjatë ndeshjes, hedhjen e sendeve në fushë, transmetimin e mesazheve me natyrë jo sportive (politike, etnike, etj) si edhe ndërprerjen e ndeshjes.

Për ju që nuk keni bileta, mund të shijoni ndeshjen në tre Fan Zonat e dedikuara për tifozët në Dyseldorf; Fan Zone Burgplatz, Fan Zone Schauspielhaus dhe Public Viewing Rheinufer.

Për të marrë informacione më të detajuara drejtohuni në fshf.org në seksionin Euro 2024.

The post Informacione të rëndësishme për tifozët që do të ndjekin ndeshjen Shqipëri–Spanjë në stadiumin e Dysseldorfit appeared first on Albeu.com.

Superkompjuteri i OPTA-s, ka bërë së fundmi parashikimin për sa i përket duelit mes kuqezinjve dhe iberikëve.

Nëpërmjet një programi të sofistikuar të dhënash, është simuluar disa herë dhe janë përcaktuar përqindjet.

Spanja është favorit i madh për të përfunduar Grupin B me pikët maksimale, duke mposhtur Shqipërinë në 73.2% të simulimeve para ndeshjes të superkompjuterit OPTA.

The post Përballja Shqipëri-Spanjë/ Superkompjuteri i OPTA parashikon shanset e kuqezinjve appeared first on Albeu.com.

Por në këtë drejtim braziliani ka krijuar një situatë pak misterioze, duke provuar disa variante dhe në njërin prej tyre titullar ishte edhe Amir Abrashin, i grumbulluar në mënyrë surprizë në Europian.

Është ndeshja e tretë dhe e fundit në grup, që vlen shumë për kualifikimin e mundshëm të Shqipërisë në fazën me eliminim direkt. Në fakt, të shtunën stafi teknik kuqezi provoi një formacion të ngjashëm ose të përafërt me atë të dy ndeshjeve të para në grup.

Të dielën ndërkohë ka pasur të tjera lëvizje, ku vetëm skema nuk ndryshonte, kurse emrat në sulm ishin befasues. Në të dy rastet në formacion është provuar Ismajli dhe jo Ajeti, i cili ka qenë titullar deri tani. Taktika dhe strategjia që një skuadër ndjek në një ndeshje të caktuar varet direkt nga kundërshtari. Në rastin konkret, përballë Spanjës nuk ka shumë për të thënë, por Shqipërisë i duhen pikë dhe nuk mund të jetë e orientuar vetëm te mbrojtja.

Sipas formacionit të provuar ditën e shtunë, Shqipëria pritet të ketë dy ndryshime në prapavijë, ku vendin e Ajetit në qendër e merr Ismajli dhe atë të Hysajt në krahun e djathtë e merr Balliu.

Në portë luan sërish Strakosha dhe mbrojtja plotësohet me kapitenin Gjimshiti dhe të pazëvendësueshmin Mitajn. Në mesfushë pritet të jetë treshja që nisi nga minuta e parë ndeshjen me Kroacinë: Ramadani, Asllani dhe Laçi, me këtë të fundit që shënoi golin e parë dhe bëri një paraqitje shumë të mirë. Dhe në sulm, përveç Bajramit dhe Asanit në krahë, pritet të aktivizohet Broja, i cili merr vendin e Manajt, ndërsa Daku është i skualifikuar. Broja luajti kundër Italisë si titullar dhe asnjë minutë ndaj Kroacisë, ku Manaj dha sinjale shumë të mira.

Të dielën trajneri Silvinjo bëri një provë tjetër, ku mbrojtja kishte përsëri Hysajn titullar në të djathtë, për të vazhduar me Ismajlin, Gjimshitin dhe Mitajn përpara Strakoshës. Surpriza e madhe ishte Abrashi në mesfushë, bashkë me Ramadanin dhe Asllanin. Ndoshta është rasti, ku skuadra ka nevojë për grintën e këtij lojtari, pasi është kjo arsyeja pse Abrashi u fut në listën e Europianit përpara Bares.

Te ky formacion surpriza ka edhe sulmi, ku u provuan Bajrami, Manaj dhe Seferi. Bajrami ka qenë titullar në të dyja ndeshjet e para në grup, Manaj luajti mirë me Kroacinë nga minuta e parë, kurse Seferi para Asanit në formacion ngre jo pak dyshime. Asani ka luajtur mirë me Kroacinë, duke dhënë asistin për Laçin dhe një tjetër për Asllanin, i cili u ndal nga portieri. Mbrëmjen e sotme do të mësohen edhe zgjedhjet e trajnerit për këtë sfidë delikate.

The post Shqipëri-Spanjë/ Ndryshon formacioni, Sylvinho do të provojë dy variante për sfidën e sotme appeared first on Albeu.com.

Sipas Asanit, Spanja ka talente të mëdha, ndërsa ne kemi mësuar shumë si një skuadër në Euro 2024, pasi këto ndeshje janë ato që mund të na përmirësojnë si futbollistë.

“Ata luajnë futboll të nivelit të lartë dhe Spanja ka gjithashtu talente të mëdha. Ne kemi mësuar shumë si një skuadër në Euro 2024, pasi këto ndeshje janë ato që mund të na përmirësojnë si futbollistë. Ne e kemi analizuar Spanjën dhe i kemi studiuar.

Nuk kemi asgjë për të humbur, ndaj do të mundohemi të bëjmë më të mirën dhe të marrim tre pikët, edhe pse do të jetë një detyrë shumë e vështirë. Nëse do të kemi pak fat, mund t’ia dalim.

Këpucët me SuperMario? I kam bërë këto këpucë gjashtë apo shtatë muaj më parë, por i kisha ruajtur për një moment special. Nuk i përdora ndaj Italisë, ndaj duhej t’i përdorja ndaj Kroacisë.

Dëshiroja të kisha një dizajn argëtues ndaj zgjodha SuperMarion. Ndoshta këpucët e mia janë më të famshme në Euro 2024 se sa unë”, tha mes të tjerash Asani.

The post Jasir Asani: Nuk kemi çfarë humbim ndaj Spanjës, këpucët u bënë më të famshme se unë appeared first on Albeu.com.

Duke parë se Spanja e ka siguruar tashmë kualifikimin për në fazën e 16-shes në euro 2024, si dhe vendin e parë në grupin B, De la Fuente, duket se ka vendos që të lërë pushim disa nga titullarët e formacionit, përfshirë edhe lojtarët e dëmtuar.

Kështu Naço dhe Ayoze, janë të dëmtuar dhe nuk do të jenë në sfidën kundër Shqipërisë. De la Fuente nuk do të llogarisë as Rodrin për arsye kartonash. Për sfidën e fundit të grupit B, atë ndaj Shqipërisë, Raya ose Remiro mund të kenë minuta në fushë.

Gjithashtu edhe Jesús Navas, Grimaldo, Vivian, Fermin dhe Joselu mund të bëjnë debutimin e tyre në fushë. Aty ku De la Fuente ka më shumë probleme është në mbrojtje, me humbjen e Nachos dhe me Le Normand, të paralajmëruar me karton.

Pra, normale është që të luajë Vivian me Laporte, ky i fundit, nuk luajti kundër Kroacisë, por u aktivizua në ndeshjen me Italinë.

The post Shqipëri-Spanjë/ De La Fuente lë pushim titullarët appeared first on Albeu.com.

Hoxha u shpreh optimist për 3 pikët ndaj një kundërshtari si Spanja, të cilët fituan mbrëmë ndaj Italisë 1-0 dhe duke siguruar kualifikimin.

“Aq sa kam minuta, kam mendu me dhënë maksimumin. Jam i lumtur që jam pjesë e kombëtares në euro. Me Kroacinë luajtëm më mirë. Jemi fokusuar në ndeshjen me Spanjën, besoj se do arrijmë fitoren”.

Më tej, ai shpreh tifozllëkun e tij për Real e Madridit.

“Jam tifoz i Real Madridit”.

Megjithatë, Hoxha e vlerëson Spanjën si kundërshtar dhe kualitetet që ka.

“Krejt e dimë që Spanja ka një grup të jashtëzakonshëm dhe pamë dje ndeshjen me çunat. Na mbeten të përgatisim ndeshjen dhe të qasemi në mënyrën e duhur. Dhe shpresoj të arrijmë fitoren”.

Duke iu rikthyer ndeshjes me Kroacinë, Hoxha shpreh se edhe mund të fitonim pasi raste kishim.

“Tu e marr parasysh luajtëm mjaft mirë, kishim raste për golin e dyte dhe të tretë. Nuk u dorëzuam besoj se do futemi në ndeshje për të fituar pasi vetëm ai rezultat nga çon tutje.

Tu e marrë parasysh edhe tifozët secili lojtar kishte një motiv shtesë. Ndihmova për golin e dytë pastaj kishim edhe një rast për të tretin por nuk e shënuam”.

Pas asaj ndeshjeje Hoxha pati komplimenta edhe nga kundërshtarët kroat, shok ekipi tek Dinamo Zagreb.

“Normal kam dy shok, fola me ta pas ndeshjes, më uruan. Kaq”.

Hoxha shpreh preferencën e tij për lojtarë si Rodri dhe Uilliams tek Spanja.

“Kur shikon ndeshjet e para të Spanjës luajtën dy ndeshje të shkëlqyer dhe mendoj se është ekipi nga më të mirat dhe na duhet të përgatitemi mirë.

Mendoj se ka shumë lojtarë të mirë, por besoj de nga më të mirët është Rodri, por edhe Ullliams”.

Sulmuesi shpreson të ketë më shumë minuta në këmbët e tij në ndeshjen e ardhshme.

“Kjo është një motiv shtesë për me vazhdu. Për 11 shen e parë vendos trajneri. Unë do jap maksimumin.

Duhet me u qas në 100 % në ndeshje. Spanja e ka qef me lujt me topin posedimin. Duhet me pas kujdes në kundërsulm dhe shfrytëzim rasteve. Prej lojës në lojë kemi marrë veten. Ndaj Kroacisë kemi pasur fytyrë tjetër nga ajo me Italinë. Shpresoj të luajmë më mirë ndaj Spanjës”.

Arbër Hoxha, mund të ketë mjaft oferta për transferim pasi është rritur shumë si lojtarë muajt e fundit, por fokusi i tij është kombëtarja dhe Dinamo Zagreb.

“Tu e marr parasysh në janar kam bërë transfer tek Dinamo. Dita ditës kam pasur rritje. Tani në Europian është qershia mbi tortë.

Gjatë kësaj periudhe nuk e kam menduar shumë këtë pjesë. Tani kemi ndeshje play off dhe një ndeshje na çon në Champions, jam i fokusuar në kombëtar dhe te klubi dhe shpresoj të vazhdojmë”.

Së fundmi ai përsërit dëshirën për 3 pikët ndaj Spanjës.

“Po vetëm 3 pikët, nuk do me thënë rezultati. Kroacinë preferoj përpara Italisë”.

The post Arbër Hoxha: Besojmë tek fitorja me Spanjën appeared first on Albeu.com.

E para lidhet me portën dhe është e përhershme. Strakosha apo Berisha, duhet pritur fillimi i ndeshjes për ta mësuar.

Për mbrojtjen italiani i ka idetë e qarta. Balliu e Hysaj do luajnë nga krahët, kurse në qendër treshja e Serie A, Ismajli, Kumbulla e Gjimshiti janë bërë të paprekshëm.

Në mesfushë pritet të debutojë si titullar Kristjan Asllani, ndërkohë që edhe Bare e ka vendin thuajse të sigurt. Reja duhet të zgjedhë mes Laçit dhe Gjasulës për vendin tjetër.

Në sulm është momenti i Armando Brojës. Sulmuesi i Southampton mund të luajë krah Uzunit në repartin e avancuar. Beratasi është në balotazh me Manajn. / h.ll/albeu.com

The post Formacioni kundër Spanjës: Edy Reja ka tre dilema, rreshtimi i mundshëm appeared first on Albeu.com.