Ditën e enjte, Kryeministri Rama do të takohet me Kryeministren e Italisë Giorgia Meloni dhe më pas së bashku me delegacionin e ministrave të kabinetit që e shoqëron, do të marrë pjesë në seancën plenare të mbledhjes ndërqeveritare.

Në agjendën e ditës së enjte është parashikuar edhe shkëmbimi i Marrëveshjeve Dypalëshe dhe Memorandumeve të Mirëkuptimit.

The post Edi Rama në Romë për mbledhjen e parë ndërqeveritare Shqipëri-Itali, pritet të takohet me Melonin dhe ministrat e kabinetit appeared first on Albeu.com.

Një ditë më parë, qeveria shqiptare miratoi në parim një marrëveshje për bashkëpunim strategjik me qeverinë italiane, në të paktën 10 fusha që nga shëndetësia, energjia e Mjedisi deri te industria e sigurisë apo rritja inteligjente.

Pikërisht kjo marrëveshje, do të jetë ajo që pritet të nënshkruhet mes kryeministrit Edi Rama dhe homologes së tij italiane Giorgia Meloni.

Ky dokument do të përbëjë bazën mbi të cilën, po atë ditë pritet të firmosen dhe një numër i lartë marrëveshjes që përfshijnë bashkëpunime në sektorë të ndryshëm.

The post Për herë të parë zhvillohet mbledhja e përbashkët dy qeverive Shqipëri-Itali, zbulohet data dhe vendi appeared first on Albeu.com.

Operacioni i koduar “Ura”, është fokusuar në goditjen e një rrjeti të strukturuar kriminal që dyshohet për trafik heroine dhe kokaine nga Ballkani drejt vendeve të Bashkimit Evropian.

Burime nga grupi hetimor, bëjnë me dije se janë lëshuar 52 urdhër-arreste në Shqipëri dhe Itali me akuzat për trafik droge, shpërdorim detyre dhe pastrim parash ndërsa janë sekuestruar pasuri me vlerë miliona euro.

Në aksionin e shtrirë në disa qytete marrin pjesë forcat e rendit, agjentë të Byrosë Kombëtare të Hetimit (BKH), si dhe përfaqësues të antimafias italiane.

Sipas mediave italiane, në listën e urdhër-arresteve ka edhe punonjës policie, avokatë dhe emra të njohur të botës së krimit, të dyshuar për përfshirje në rrjetin e trafikut dhe për shpërdorim detyre.

Një urdhër arrest është lëshuar edhe ndaj Ervis Doçin, i njohur në Durrës si “Visi i Pojës” në kuadër të operacionit antidrogë mes Italisë dhe Shqipërisë.

Ndërkohë, mësohet se deri tani janë arrestuar tre persona në Fier, Vlorë dhe Durrës, ndërsa burimet bëjnë me dije se në këtë operacion janë implikuar njerëz të rëndësishëm në botën e krimit.

Po ashtu, urdhër-arreste është dhënë edhe për një avokat në Durrës, për një ish-punonjës policie, si dhe për një person të identifikuar si Orges Molla.

Gjithashtu, burimet mediatike raportojnë se në kuadër të operacionit të përbashkët Shqipëri-Itali është ndaluar edhe Ligor Çombashi, pronar i agjencisë së udhëtimit “Ligori Travel”.

Hetimet po udhëhiqen nga Prokuroria e Posaçme kundër Krimit të Organizuar dhe Korrupsionit (SPAK), në bashkëpunim me autoritetet italiane dhe Europol-in.

Operacioni “Ura”, parashikon ekzekutimin e vendimeve për sekuestrimin e pasurive në Shqipëri dhe në Itali, që përfshijnë pasuri të luajtshme dhe të paluajtshme, me një vlerë prej disa miliona eurosh, si dhe urdhra për arrest me burg, të lëshuara nga gjyqtari hetues i Barit dhe nga Gjykata e Posaçme kundër Korrupsionit dhe Krimit të Organizuar në Tiranë, ndaj 52 personave të dyshuar për përfshirje në trafik ndërkombëtar të sasive të mëdha të lëndëve narkotike, pastrim parash dhe shpërdorim detyre.

Në orën 10:30 në një konferencë të përbashkët për shtyp mbi detajet e operacionit Ura, do të jetë kreu i SPAK Altin Dumani e Kryeprokurori i Barit Roberto Rossi, Drejtori i Antimafias italiane Gjeneral Michele Carbone e përfaqësuesi për Eurojust për Italinë Gianluca Forlani.

The post Operacion i madh/ Urdhër arrest për “Visin e Pojës”, ndalohet edhe pronari i agjencisë së udhëtimit (EMRAT) appeared first on Albeu.com.

UNHCR theksoi se nuk është pjesë e marrëveshjes mes Italisë dhe Shqipërisë, duke shtuar se ende ka rezerva lidhur me marrëveshjen. Kjo agjenci tha po ashtu se ka kërkuar sqarim se si do të zbatohet marrëveshja. Por, UNHCR-ja tha më 15 gusht se është pajtuar të monitorojë zbatimin, në mënyrë që të ndihmojë “në respektimin e të drejtave dhe dinjitetit të personave që janë subjekt” i marrëveshjes.

Agjencia tha se do të këshillojë emigrantët për të drejtën e tyre për të kërkuar azil dhe do të sigurohet që procedurat që do të përdoren të jenë “në vijë me standardet ndërkombëtare dhe rajonale për të drejtat e njeriut, të jenë të drejta dhe të ofrojnë mbrojtje dhe zgjidhje për ata që kanë nevojë për mbrojtje ndërkombëtare”.

Italia dhe Shqipëria vitin e kaluar arritën paktin pesëvjeçar. Sipas marrëveshjes, Shqipëria do të strehojë emigrantë që do të shpëtohen në det, teksa Italia me procedurë të përshpejtuar do të shqyrtojë kërkesat e tyre për azil. Dy qendrat ku do të vendosen emigrantët është dashur të funksionalizohen këtë javë, por për shkak të vonesave në ndërtim, hapja e tyre është shtyrë. Dy qendrat, që do të financohen dhe menaxhohen nga Italia, mund të akomodojnë deri në 3.000 migrantë që do të vijnë nga Italia përmes detit./ REL

The post UNHCR do të monitorojë zbatimin e marrëveshjes Itali-Shqipëri për emigrantët appeared first on Albeu.com.

Në Signal Iduna Park, me një kapacitet prej 62 mijë vendesh, rreth 50 mijë prej tyre pritet të jenë shqiptarë.

Teksa tifozët shqiptarët festojnë, një tjetër ka zgjedhur të argëtojë dhe të dhurojë show në rrugët e Mynihut.

Fabian Duro është zhongleri i famshëm shqiptar, ka mahnitur kalimtarët me truket e tij me topin.

Videon e tij e ka bërë publike media prestigjoze spanjolle MARCA.

View this post on Instagram

A post shared by MARCA (@marca)

The post Shqiptari mahnit rrugët e Gjermanisë, pak orë para ndeshjes dhuron spektakël para kalimtarëve (VIDEO) appeared first on Albeu.com.

Rrecaj: “Numri më i madh që dominon është ai i tifozëve kuqezi.

Që nga dje shumë nga shoqëria ime që kanë udhëtuar në grupe nga Prishtina e Tirana që të jenë në Dortmund sot.
Ka një numër të madh të tifozëve nga Kosova në Gjermani sot.

Është një numër i madh.

Po bëjmë një atmosferë shumë të zjarrtë”, shpehet ajo.

The post Ndeshja Shqipëri-Itali/ Tifozja kosovare: Shumë tifozë nga Kosova kanë udhëtuar në Gjermani appeared first on Albeu.com.

Përmes një shënimi në llogarinë e tij në “Facebook”, Kryeministri Edi Rama, shkruan se nga kjo marrëveshje përfitojnë mbi 500 mijë shqiptarë, dhe shumë italianë në vendin tonë.

Postimi:

“Mirëmëngjesi dhe me lajmin e mirë që sot firmoset dokumenti përfundimtar i marrëveshjes së shumëpritur për njohjen reciproke të Sigurimeve Shoqërore në Romë, ku mbi 500 mijë shtetas shqiptarë në Itali dhe mijëra shtetas italianë në Shqipëri janë përfitues të drejtpërdrejtë nga kjo marrëveshje, ju uroj një ditë të mbarë”,-shkruan Rama.

Marrëveshja do të nënshkruhet në Romë nga Ministri për Evropën dhe Punët e Jashtme Igli Hasani dhe homologu i tij italian Antonio Tajani.

The post Marrëveshja e pensioneve Shqipëri-Itali firmoset sot/ Kryeministri Rama: Përfitojnë mbi 500 mijë shqiptarë appeared first on Albeu.com.

Për këtë ndeshje ka pasur një interesim të jashtëzakonshëm të tifozëve, kjo për shkak edhe të lidhjes së ngushtë së shqiptarëve me Italinë.

Sa i përket pjesëmarrjes, stadiumi do të jetë i mbushur me kapacitet të plotë, pra rreth 22 mijë tifozë.

Policia ashtu si në cdo prag ndeshje ka bërë publike masat që do të marren, si për brenda dhe jashtë stadium.

Njoftimi:

Drejtoria Vendore e Policisë Tiranë

Policia e Tiranës, plan masash për ruajtjen e rendit dhe sigurisë, para, gjatë dhe pas zhvillimit të ndeshjes miqësore të futbollit midis Shqipërisë dhe Italisë, ndeshje e cila do të zhvillohet ditën e sotme, më datë 16.11.2022, në orën 20:45, në stadiumin “Air Albania”.

Masat e marra nga Policia e Tiranës përfshijnë jo vetëm ambientet e stadiumit, por edhe perimetrin jashtë tij.

Në këtë kuadër do të ketë bllokime të disa segmenteve rrugore gjatë kalimit të tifozëve, nga ora 18:00 deri në përfundim të aktivitetit, konkretisht do të bllokohen:

– rruga “Lekë Dukagjini”, përreth stadiumit; rruga “Dervish Hima”; rruga “Gjergj Filipi”; rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”.

Sheshi “Nënë Tereza” nuk do të ketë bllokime të lëvizjes.

Policia do të garantojë lëvizjen e tifozëve përgjatë rrugëkalimeve të përcaktuara dhe nuk do të lejojë grumbullim apo kalim të tifozëve jashtë itinerarit të caktuar.

Policia e Tiranës kërkon mirëkuptimin e tifozerive respektive, për zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete, në segmentet rrugore të lartpërmendura, nga ora 18:00 deri në përfundim të aktivitetit.

Po në zbatim të planit të masave, do të ushtrohen kontrolle ndaj tifozëve, para hyrjes në stadium, për sende të kundërligjshme (si armë, sende të forta, bidonë uji, çadra, çelësa metalikë, lëndë piroteknike etj). Çdo tifoz duhet të jetë i pajisur me dokument identifikimi.

Nuk do të lejohen të futen në stadium, persona të papajisur me dokument identifikimi, si dhe fëmijët nën moshën 16 vjeç, të pashoqëruar nga prindi apo kujdestari.

Gjithashtu, nuk do të lejohen të futen në stadium tifozët, që në aktivitete të mëparshme sportive, janë të identifikuar nga Policia, si problematikë.

Policia e Tiranës apelon edhe njëherë për tifozëritë e të dyja skuadrave, që të zbatojnë rregullat dhe ligjin./albeu.com

The post Miqësorja e luksit me Italinë në “Air Albania”, Policia e Tiranës publikon masat: Rrugët që do të bllokohen dhe apeli për tifozët appeared first on Albeu.com.

Mësohet se janë sekustruar 600 kg lëndë narkotike e llojit “canabis-sativa” dhe gjithashtu janë arrestuar e tre personave. Tre skafe , shkëmbyen në det Me një velietë sasinë e kanabisit.

Droga është sekuestruar në afërsi të Karaburunit, pranë vendit të quajtur “Gjiri i Arushës”.

Në momentin kur ka ndërhyrë policia, trafikantët po shkëmbenin drogën në det të hapur.

Policia deri tani nuk ka reagim zyrtar për operacionin./albeu.com

The post Transportonin “mallin” me skafe, Guarda di Finanza dhe policia e Vlorës sekuestrojnë 600 kg “bar” appeared first on Albeu.com.

Një 20-vjeçar shqiptar ka humbur jetën tragjikisht sot në Itali. Ai është gjetur i vdekur në një tokë bujqësore, në një serë ku kishte pak kohë që kishte filluar punë.

Mediat italiane kanë nxjerrë detaje të reja për jetën e të riut fatkeq, i cili vetëm pak kohë më parë ishte bashkuar me familjen e tij, e cila kishte vite që jetonte në Sparanise, në Agro Caleno.

Ashtu si prindërit e tij, 20-vjeçari kishte gjetur punë në një fermë të madhe të specializuar në kultivimin e serave.

Dyshimet e para për vdekjen e papritur të tij, lidhen me temperaturat e larta, por priten rezultatet e autopsisë./albeu.com

The post Humbi jetën në Itali, detajet e trishta të vdekjes së 20-vjeçarit shqiptar appeared first on Albeu.com.