Arkeologët kanë nxjerrë në dritë vendvarrimin e lashtë të një luftëtari që daton prej 1300 vjetësh, ku u gjetën gjithashtu mbetjet e kalit të tij, armatura dhe një seri armësh që i përkisnin.

Varri i izoluar është zbuluar në fund të vitit të shkuar në perferi të Ebes, në lindje të Hungarisë.

Varri i izoluar është zbuluar në fund të vitit të shkuar në perferi të Ebes, në lindje të Hungarisë.

Vendi besohet se daton prej shekullit të shtatë, gjatë periudhës Avare të vendit (fundi shekullit të gjashtë deri në shekullin e nëntë). Avarët ishin fillimisht popullsi nomade që rrjedhimisht u vendosën në zonët qendore e juglindore të Evropës, duke përfshirë dhe atë që është sot Hungaria, ku krijuan një perandori që zgjati më shumë se 200 vjet, sipas ekspertëve. Studiuesit gjetën luftëtarin ‘Avar’ që prehej në varrin e cekët, me kalin e varrosur sipër tij, tha arkeologia Tamara Hága, e Muzeumit Déri për rrjetin Newsweek.

Ata zbuluan gjithashtu pjesë të armaturës së tij të plotë trupore, siç ishte zakon të mbanin kavalierët Avar-ë.

Hága shtonte: “Megjithse kishim burime të shkruara e të pikturuara të këtij tipi armature, zbulimi arkeologjik është shumë më i saktë për rikrijimin e strukturës.”

“Varrosja e armaturës me luftëtarin nuk ishte diçka e zakonshme në periudhën Avare, dhe në shumicën e rasteve janë gjetur vetëm disa pllaka ose pjesë të saj në varre”, shton arkeologia.

“Prandaj varri i gjetur në Ebes ka rëndësi të madhe pasi është vetëm armatura e dytë e gjetur thuajse e plotë gjatë gërmimeve”. Zyrtarët shtonin se përveç eshtrave të kalit, e gjithë përmbajtja e varrit të Ebes është ngritur si një bllok i vetëm nga varri, për t’u punuar e restauruar në laboratorë.

The post Luftëtari i lashtë i varrosur me shpatën dhe kalin zbulohet pas 1,300 vjetësh appeared first on Albeu.com.

Zyra shtetërore bavareze për ruajtjen e monumenteve historike (BLfD) tha se shpata, e cila besohet se daton në fund të shekullit të 14-të para Krishtit – mesi i epokës së bronzit – u gjet gjatë gërmimeve javën e kaluar në Nördlingen, midis Nurembergut dhe Shtutgartit.

Shpata ka një dorezë tetëkëndëshe dhe vjen nga një varr në të cilin tre persona – një burrë, një grua dhe një djalë – u varrosën me shpejtësi me objekte bronzi, tha BLfD këtë javë. Nuk ishte ende e qartë nëse të tre kishin lidhje me njëri-tjetrin dhe nëse po, si.

Prof Mathias Pfeil, kreu i BLfD, tha: “Shpata dhe varrimi duhet ende të ekzaminohen në mënyrë që arkeologët tanë të mund ta kategorizojnë këtë gjetje më saktë. Por tashmë mund të themi se gjendja e ruajtjes është e jashtëzakonshme. Një gjetje si kjo është shumë e rrallë.”

Është e pazakontë të gjesh shpata nga ato periudha, por ato kanë dalë nga tumat e varreve që u hapën në shekullin e 19-të ose si gjetje individuale, tha BLfD.

The post Shpata 3 mijë vjeçare zbulohet në Gjermani (FOTO) appeared first on Albeu.com.