shofere Archives - Albeu.com

Sot shofere autobusi, flet 33-vjeçarja: Makinën e kam mësuar që 9 vjeç me ZIS

E B — Sat, 18 Feb 2023 19:23:05 +0000

Eranda, një shofere autobusi e linjës Shqipëri-Itali, rrëfeu profesionin e saj të pazakontë në emisionin “Real People” në Euronews Albania.

Eranda tha se makinën e ka mësuar që në moshën 9-vjeçare me ZIS-in e babait të saj.

33-vjeçarja me banim në Novoselë të Vlorës, rrëfen se që e vogël ka qenë “djali i babait” për shkak se i ati kishte 4 vajza dhe asnjë çun në familje.

“Jetojë në Novesolë të Vlorës me punë jam në Fier. Babain e kam pasur shofer dhe që e vogël ngaqë nuk ka patur djalë, ai ma ka mësuar makinën që 9-vjeçe me ZIS.

Ishte shumë e vështirë se timoni ishte i madh dhe leva e marshit shumë e fortë. Babi ka qenë shofer për transport mallrash. Punoi me kamion dhe më pas doli në pension. Unë kam dhe tre motra, djalë nuk pati babai. Ishte pasioni dhe këmbngulja ime për këtë profesion. Studiova për mësuesi, mbarova dhe masterin dhe fillova punë në një agjensi turistike, ku punova 7 vite.

Pastaj hapi ky kolegu që e kam pronar agjensinë dhe më tha hajde këtu se t’i e di si punë. Unë kam dy vjet që punoj në Fier, kurse si shofere kam një muaj e pak që kam marrë dhe patentën. Vështirësi për mua nuk kishte patenta se kam dhe patentën e kamionit”, tha Eranda./euronews

The post Sot shofere autobusi, flet 33-vjeçarja: Makinën e kam mësuar që 9 vjeç me ZIS appeared first on Albeu.com.

Policia kap mat shoferët te vijat e bardha, si rrezikohen qytetarët në Tiranë

E B — Thu, 03 Mar 2022 09:12:11 +0000

Respektimi i këmbësorëve dhe siguria e tyre teksa kalojnë rrugën duhet të jetë parësore për një shofer, por duket se jo të gjithë e kanë parasysh këtë rregull.

Në rrugët e kryeqytetit, kalimtarët rrezikohen jo pak, e madje edhe kur kalojnë te vizat e bardha, që i detyrojnë automjetet të ndalojnë.

Shumë shoferë nuk e kanë aspak problem të shkelin gazin, edhe pse përpara kanë qytetarë duke kaluar rrugën. Kjo shkelje e tyre nuk është lënë pa ndëshkuar nga policia, duke i gjobitur me 2 mijë lekë.

Mosrespektimi i rregullave të qarkullimit është bërë shkak për shumë aksidente të rënda në vend, teksa statistikat tregojnë se janë pikërisht shoferët shkaktarët e përplasjeve./shqiptarja

The post Policia kap mat shoferët te vijat e bardha, si rrezikohen qytetarët në Tiranë appeared first on Albeu.com.

E konfirmon studimi i fundit: Gratë janë shofere më të mira sesa burrat

A M — Mon, 14 Feb 2022 14:43:30 +0000

Gratë për vite me radhë i janë nënshtruar vërejtjeve seksiste në lidhje me ngasjen e veturave, por hulumtimet e reja kanë vërtetuar se ato janë më të mira në drejtimin e timonit sesa burrat.

Përkundër faktit se më shumë gra dështojnë për herë të parë në testin e tyre, pasi të gjejnë veten në rrugë zonjat janë shoferë më të sigurt, sipas hulumtimeve të reja në Britani.

Confused.com zbuloi se kur bëhet fjalë për thyerjen e ligjit në rrugë burrat tejkalojnë gratë pothuajse katër me një me më pak se një përqind e grave të dënuara për ngarje të pakujdesshme në krahasim me dy përqind të burrave.

Dhe vetëm një përqind janë kapur duke ngarë të dehur në krahasim me pesë përqind të burrave.

Nga 600,000 vepra penale automobilistike të kryera në Angli dhe Uells vitin e kaluar, 79 përqind e tyre ishin kryer nga burrat.

Në fakt kur bëhet fjalë për veprat më të zakonshme, burrat mbizotërojnë në të gjithë bordin që tregon studimi.

Kishte 1.4 milion kërkesa të sigurimit në 2018 dhe janë burrat ata që kanë dy herë më shumë të ngjarë të bëjnë një kërkesë sigurimi sesa gratë.

Studimi zbuloi se ata gjithashtu kanë më shumë të ngjarë të jenë “fajtorë” sesa gratë kur bëjnë kërkesë për sigurim pas aksidenteve.

Historikisht, gratë gjithashtu paguajnë më pak për sigurimin e makinës së tyre sesa burrat dhe kjo për shkak se ato shihen se janë shoferë statistikisht më të sigurt.

The post E konfirmon studimi i fundit: Gratë janë shofere më të mira sesa burrat appeared first on Albeu.com.

Nuk ka punonjës, prodhuesi rus i kamionëve punëson të burgosur

E S — Thu, 30 Dec 2021 12:18:19 +0000

Prodhueri rus i automjeteve të rënda, Kamaz po konsideron të punësojë të burgosur për shkak të mungesës së fuqisë punëtore. Firma po përballet me një mungesë prej 4 mijë punonjës në pikat e saj të prodhimit në Naberezhnye Chelny, një qytet në lindje të Moskës.

Kufizimet e lidhura me pandeminë kanë bërë që shumë punëtorë migrantë të largohen nga Rusia, duke i detyruar autoritetet dhe kompanitë private të mendojnë për mënyrat për të plotësuar mungesat e punëtorëve.

Shërbimi Federal i Ndëshkimit në fillim të këtij viti propozoi një plan për të përdorur të dënuarit për të plotësuar fuqinë punëtore, duke këmbëngulur se sistemi i ri nuk do t’i ngjante sistemit të gjerë të kampeve të punës GULAG të epokës sovjetike.

The post Nuk ka punonjës, prodhuesi rus i kamionëve punëson të burgosur appeared first on Albeu.com.

Blendi Gonxhe: Kategoria e shoferëve që do të futen në testim patente dhe 20 pyetjet

E B — Thu, 18 Nov 2021 18:50:00 +0000

Drejtori i Transportit Rrugor të Shqipërisë, Blendi Gonxhe në një bisedë me gazetaren Jonida Shehu mbrëmjen e sotme në “Radarin Informativ” në “ABC” sqaroi kategorinë e shoferëve që do të futen në ritestim. Ai u shpreh se drejtuesit e makinave me të paktën tre shkelje të rënda dhe pikë të hequra nga patenta do të ritestohen, por theksoi se në fund leja e drejtimit nuk do të hiqet dhe se gjithçka po bëhet si “pit stop” për kujtesë për shoferët.

Intervista

Kush, si dhe perse do të ritestohen drejtuesit e makinave?

Ne kemi një moment, që duam ta shfrytëzojmë për “trokitje” në ndërgjegjen e atyre që paraqiten në sportelet për rinovim të lejes së drejtimit. Kemi gjykuar që është e nevojshme për shkak të shtimit të numrit të drejtuesve dhe mjeteve, kemi 710 mijë aktive. Kemi 1.1 milion drejtues mjetesh. Kemi edhe rreth 300 mijë tranzitues në sezone të ndryshme duke bërë që të kemi rreth 1 mln mjete në lëvizje në vend.

Është e domosdoshme edhe për shkak të detyrimeve të kodit rrugor për të investuar cdo lloj mundësie për rifreskimin e dijeve, gjetëm këtë hapësirë për këtë ndërhyrë me këtë “trokitje”, një “pit stop” edukativ që vjen dhe targeton kategorinë më kryesore që vjen për rinovimin, që janë kontigjenti i atyre që kanë një numër shkeljesh, mbi tre vitin e fundit. Nuk është se caktojmë ne, por sistemi.

Pra jo të gjithë që do të shkojnë për rinovim të patentës do të kalojnë në këtë testim?

Po. Vetëm ata që i sinjalizon sistemi.

T’i shpjegojmë më saktë?

Këtu nuk hyjnë gjobat e nivelit që nuk kanë pasoja, si për parkimet, hyjnë vetëm ato gjoba që dënohen me heqje pikësh, shkelje e semaforit, mungesa e rripit të sigurimit, përdorimi i celularit në timon. Duhet të jenë tre (gjobat) në vitin e fundit. Përdorimi i alkoolit, manovrat e shpejtësisë së lartë, etj.

Çfarë ritestimi do t’ju bëhet?

Si në shumë vende kemi menduar që të kemi një kujtesë të normave kryesore të sjelljes që lidhet me sigurinë rrugore, që janë shumë thelbësore dhe që janë mjaft të njohura dhe jo gjithmonë drejtuesit nuk i dinë, por nuk dua t’ja dinë.

Kjo “trokitje” është një pyetësor, me 20 pyetje që do jenë të gjeneruara nga sistemi dhe në rast se nuk u përgjigjesh 70% të tyre, atëherë do të kalosh në një seancë 10-12 minuta që do të të japë në mënyrë grafike këto nocione në këto minuta në një sallë dhe më pas ky person që ju përgjigjet 70% të pyetjeve vazhdon ulet në sportel, rinovon lejen e drejtimit me këtë kujtesë.

Qëllimi nuk është të mos rinovohet patenta?

Qëllimi është përdorimi i të gjitha mundësive për të ndërgjegjësuar për të rikujtuar këto nocione./abcnews.al

The post Blendi Gonxhe: Kategoria e shoferëve që do të futen në testim patente dhe 20 pyetjet appeared first on Albeu.com.

Shoferët me shpejtësi deri në 178 km/h në rrugët e Tiranës, “Rrugorja” heq 24 patenta në pak orë (VIDEO)

E B — Tue, 16 Nov 2021 06:56:51 +0000

Policia ka hequr 24 patenta gjatë kontrolleve të befta të zhvilluara mbrëmjen e djeshme në aksin Sauk – Teg – Krrabë e anasjelltas dhe Tiranë – Vorë – Tiranë. Patentat janë hequr për shpejtësi tej normave të lejuara dhe për drejtimin e mjetit në gjendje të dehur.

Gjithashtu janë ndëshkuar me gjobë 26 drejtues mjetesh për shpejtësi nga 121 km/h deri në 127 km/h.

Njoftimi i policisë:

Tiranë

Policia Rrugore e Tiranës ka rritur prezencën në rrugë dhe ka intensifikuar kontrollet me radarë e dragera me qëllim parandalimin e aksidenteve rrugore.

Përgjatë ditë së sotme dhe deri në orët e vona të mbrëmjes, Policia Rrugore e Tiranës ka monitoruar me radar qarkullimin rrugor në aksin Sauk – Teg – Krrabë e anasjelltas dhe Tiranë – Vorë – Tiranë.

Gjithashtu, shërbimet e Policisë Rrugore të Tiranës kanë vijuar me kontrolle të befasishme dhe me afat të shkurtër kohor në shumë pika të kryeqytetit me qëllim evidentimin e drejtuesve të automjeteve që drejtojnë mjetet nën efektin e alkoolit apo në gjendje të dehur.

Si rezultat i kontrolleve vetëm gjatë orëve të mbrëmjes së sotme deri në orën 23:20, janë evidentuar nga monitorimi me radar,13 drejtues mjetesh që qarkullonin me shpejtësi mbi normat e lejuara, shpejtësi që varionin nga 140 km/h deri 178 km/h, rrezik potencial për përfshirje në aksident rrugor, të cilëve iu është pezulluar leja e drejtimit nga 1 deri në 12 muaj.

Janë ndëshkuar me masë administrative nga 2.000 deri në 4.000 lekë të rinj, 26 drejtues mjetesh për shpejtësi nga 121 km/h deri në 127 km/h.

Kontrollet kanë vazhduar dhe po vijojnë në të gjitha rrugët e kryeqytetit duke përdorur alkooltestuesit dhe si rezultat janë evidentuar deri në këto momente dhe iu është pezulluar leja e drejtimit 11 drejtuesve të automjeteve, të cilët drejtonin mjetin nën efektin e alkoolit, në masën që varionte nga 0.31 mg/l deri në 0.47 mg/l.

Janë ndëshkuar me masë administrative nga 5.000 deri në 15.000 lekë të rinj 17 drejtues mjetesh për drejtim mjeti nën efektin e alkoolit që varionte nga 0.11 mg/l deri në 0.29 mg/l.

Gjithashtu, janë evidentuar dhe arrestuar në kushtet e flagrancës 2 drejtues mjetesh që drejtonin mjetin në gjendje të dehur dhe një që drejtonte mjetin pa leje drejtimi./albeu.com

The post Shoferët me shpejtësi deri në 178 km/h në rrugët e Tiranës, “Rrugorja” heq 24 patenta në pak orë (VIDEO) appeared first on Albeu.com.

Policia Rrugore në aksion, ndëshkon 1339 drejtues mjetesh në 24 orë (VIDEO)

E B — Wed, 22 Sep 2021 13:30:56 +0000

Gjatë 24 orëve të fundit, Policia Rrugore ka evidentuar dhe ndëshkuar 1339 drejtues mjetesh, për shkelje të ndryshme që janë rrezik potencial për përfshirje në ngjarje rrugore.

Nga monitorimi me dron i kryer nga Njësia Operacionale e Policisë Rrugore, në akset rrugore Elbasan-Peqin dhe Rinas-Thumanë, janë evidentuar dhe ndëshkuar me masa administrative që varionin nga 7.000 deri 10.000 lekë të rinj, 143 drejtues mjetesh që kanë kryer parakalime të gabuara dhe të rrezikshme në rrugë.

Sipas Policisë, në të gjithë vendin janë konstatuar dhe arrestuar 9 drejtues mjetesh, nga të cilët 6 për drejtim mjeti në gjendje të dehur dhe 3 për drejtim mjeti pa leje drejtimi.

Janë pezulluar 43 leje drejtimi, nga të cilat 26 për shpejtësi mbi normat e lejuara, që arrinte nga 181 km/h në rrugën interurbane Tiranë-Elbasan deri në 200 km/h në autostradën Levan-Vlorë, 15 për drejtim mjeti nën efektin e alkoolit dhe 2 për qarkullim në sens të kundërt.

Janë vendosur 395 masa administrative me vlerë deri në 4.000 lekë të rinj, për shpejtësi tej normave të lejuara dhe 65 masa administrative me vlerë 5.000 lekë të rinj (pa masën plotësuese të pezullimit të lejes së drejtimit), për drejtim mjeti nën efektin e alkoolit.

Policia e Shtetit apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor.

Të gjitha rrugët nacionale dhe urbane në të gjithë vendin janë të monitoruara me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike./albeu.com

The post Policia Rrugore në aksion, ndëshkon 1339 drejtues mjetesh në 24 orë (VIDEO) appeared first on Albeu.com.

“Rrugorja” ndëshkon keq shoferët, 34 të arrestuar, 209 patenta të pezulluara dhe mijëra gjoba në dy ditë (VIDEO)

E B — Tue, 07 Sep 2021 14:21:31 +0000

Gjatë 72 orëve të fundit, Policia Rrugore ka arrestuar 34 drejtues mjetesh dhe motomjetesh, ka pezulluar 209 patenta dhe ka vënë mbi 7 mijë gjoba në të gjithë vendin, për shkelje të rregullave të qarkullimit rrugor.

Njoftimi i policisë:

Policia e Shtetit

Vijojnë në të gjitha rrugët e vendit, qendrat urbane dhe rurale kontrollet intensive nga Policia Rrugore, me radarë, dronë, mjete të paloguara, kamera, aparate fotografike e alkooltestues, me qëllim parandalimin e aksidenteve rrugore.

Si rezultat i kontrolleve gjatë 72 orëve të fundit, janë konstatuar përsëri shumë drejtues mjetesh që kanë tejkaluar shpejtësinë më shumë se limiti i lejuar dhe drejtues mjetesh që kanë drejtuar mjetet nën efektin e alkoolit apo në gjendje të dehur.

Janë arrestuar në flagrancë 34 drejtues mjetesh dhe motomjetesh, nga të cilët 19 për drejtim mjeti pa leje drejtimi dhe 15 për drejtim mjeti në gjendje të dehur.

Janë pezulluar 209 leje drejtimi, nga të cilat 136 për shpejtësi mbi normat e lejuara, 65 për drejtim mjeti nën efektin e alkoolit apo në gjendje të dehur dhe 8 për qarkullim në sens të kundërt.

Janë ndëshkuar me masë administrative, në të gjithë vendin, 7101 drejtues mjetesh, për shkelje që sjellin pasoja në jetën dhe shëndetin e përdoruesve të rrugës dhe për parkime të gabuara.

Policia e Shtetit apelon për të gjithë drejtuesit e automjeteve, vendas dhe të huaj, që të zbatojnë me rigorozitet sinjalistikën rrugore, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparatë fotografik.

Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe reagim të shpejtë e profesional.

The post “Rrugorja” ndëshkon keq shoferët, 34 të arrestuar, 209 patenta të pezulluara dhe mijëra gjoba në dy ditë (VIDEO) appeared first on Albeu.com.

Me shpejtësi skëterrë dhe të dehur, në 4 orë policia arreston disa shoferë dhe pezullon 16 patenta në Sauk-Teg (VIDEO)

E B — Sat, 21 Aug 2021 06:54:43 +0000

Policia Rrugore e Tiranës ka shtuar patrullat e lëvizshme në rrugë duke intensifikuar kontrollet me radarë e dragera me qëllim rritjen e parametrave të sigurisë rrugore përgjatë fundjavës.

Shpejtësia mbi normat e lejuara dhe alkooli në timon, të çojnë vetëm në një destinacion, mos abuzo të arrish më të keqen.

Kontrolle me radar në aksin Sauk-Teg dhe kontrolle me dragera në të gjitha rrugët e kryeqytetit.

Prej orës 20:00 të mbrëmjes e deri në 24:00 janë evidentuar nga kontrolli me radar 12 drejtues mjetesh që qarkullonin me shpejtësi mbi normat e lejuara, shpejtësi që varionin nga 144 km/h deri 156 km/h, të cilëve u është pezulluar leja e drejtimit nga 2 deri në 8 muaj.

Janë ndëshkuar me masë administrative nga 6.000 deri në 12.000 lekë të rinj, 15 drejtues mjetesh për shpejtësi nga 123 km/h deri në 127 km/h.

Kontrollet kanë vazhduar dhe po vijojnë në të gjitha rrugët e kryeqytetit duke përdorur alkool testuesit dhe si rezultat janë evidentuar deri në këto momente dhe u është pezulluar leja e drejtimit 16 drejtuesve të automjeteve, të cilët drejtonin mjetin nën efektin e alkoolit , në masën që varionte nga 0.31 mg/l deri në 0.48 mg/l.

Janë ndëshkuar me masë administrative nga 5.000 deri në 15.000 lekë të rinj, 26 drejtues mjetesh për drejtim mjeti nën efektin e alkoolit që varionte nga 0.07 mg/l deri në 0.28 mg/l.

Gjithashtu, janë evidentuar dhe arrestuar në kushtet e flagrancës 4 drejtues mjetesh që drejtonin mjetin në gjendje të dehur, në masën që varionte nga 0.65 mg/l deri në 1.23 mg/l../albeu.com

The post Me shpejtësi skëterrë dhe të dehur, në 4 orë policia arreston disa shoferë dhe pezullon 16 patenta në Sauk-Teg (VIDEO) appeared first on Albeu.com.

Shoferët problematikë shkelin gazin deri në fund në Bypass-in e Vlorës, “Rrugorja” i ndëshkon me pezullim patentash dhe gjoba (VIDEO)

E B — Sat, 14 Aug 2021 16:36:38 +0000

Njësia Operacionale e Drejtorisë së Policisë Rrugore , në bashkëpunim me Policinë Rrugore vendore vijon monitorimin e qarkullimit të automjeteve në Bypass, në autostradën Vlorë-Levan dhe anasjelltas, me qëllim evidentimin dhe ndëshkimin e atyre drejtuesve të automjeteve që abuzojnë me rregullat e qarkullimit rrugor në dëm të sigurisë së jetës.

Nisur nga fluksi shumë i madh i mjeteve që qarkullojnë në drejtim të zonave bregdetare, veçanërisht në fundjavë, Njësia Operacionale e Drejtorisë së Policisë Rrugore ka marrë masa shtesë, duke monitoruar trafikun me dronë e radarë.

Si rezultat i monitorimit me dronë në Bypass, gjatë ditës së sotme janë evidentuar 53 drejtues automjetesh që kryenin parakalime të gabuara dhe sjellje agresive në rrugë, të cilët janë ndëshkuar me masë administrative 3.000 lekë të rinj secili.

Po gjatë monitorimit janë ndëshkuar me masë administrative 25.000 lekë të rinj secili, 11 drejtues mjetesh, për shkelje të semaforit në Bypass.

Nga monitorimi me radar në Bypass janë evidentuar 31 drejtues mjetesh që qarkullonin me shpejtësi, të cilët janë ndëshkuar me masë adminstrative nga 6.000 deri në 12.000 lek të rinj, pa masë plotësuese të pezullimit të lejes së drejtimit.

Në autostradën Vlorë-Levan-Vlorë janë konstatuar drejtues mjetesh që shpejtonin duke shkelur sinjalistikën rrugore, me shpejtësi që varionin nga 130 km/h deri në 177 km/h, shpejtësi që në fluksin e madh të lëvizjes së automjeteve ishin rrezik potencial për përfshirje në ngjarje rrugore.

Gjatë ditës së sotme janë pezulluar 18 leje drejtimi, me afate që variojnë nga 1 muaj deri në 4 muaj, bashkë me masa administrative nga 6.000 deri në 12.000 lekë të rinj, si dhe janë vendosur 32 masa administrative për shpejtësi, pa saksionin pezullim i lejes së drejtimit.

Njëkohësisht, po për shpejtësi që varionte nga 150 km/h deri në 170 km/h, janë vendosur edhe 9 masa administrative 40.000 lek të rinj, pasi drejtuesit e automjeteve që u konstatuan në shkelje, ishin rezident në një shtet tjetër.

Policia Rrugore apelon për të gjithë drejtuesit e automjeteve që të respektojnë sinjalistikën rrugore, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparate fotografike./albeu.com

The post Shoferët problematikë shkelin gazin deri në fund në Bypass-in e Vlorës, “Rrugorja” i ndëshkon me pezullim patentash dhe gjoba (VIDEO) appeared first on Albeu.com.