Ai tha se dora kriminale bëri batërdi në zgjedhje nën thundrën e policisë dhe prokurorisë që i kanë dhënë krah krimit për të kërcënuar dhe për të ndarë para mes tyre.

Maliqi: Nisma për shkarkimi ne Metës, është një diversion politik për të shmangur vëmendjen nga vjedhja e votave me patronazhistë. Kjo është një shashkë e radhës sepse nuk ka një shkelje sepse presidenti largohet vetëm kur bën ndonjë krim të madh kriminal.

Dora kriminale bëri batërdi në zgjedhje nën thundrën e policisë dhe prokurorisë që i kanë dhënë krah krimit për të kërcënuar dhe për të ndarë para mes tyre. SPAK-u dhe prokuroritë nuk kanë vepruar aspak lidhur me krimin elektoral. Vepra e blerja e votës ka ndodhur para votimeve.

Sipas Maliqit, komisioni për shkarkimin e Metës është qesharak dhe do të përfundojë si një flluskë sapuni nga deputetët që as do jenë në kuvendin e ri.

Maliqi: Edhe sot u mblodhën me shpejtësi për komisionin e presidentin. Pamë edhe Baba Takun e Skraparit, ai i dosjes dhe i çantave, në ato dosjet që thoshte se mbante DVD, por mund të kishte edhe para për të kaluar pensionin me babylino. Aq qesharak është bërë ky komision sa dëgjon gjëra të tilla. Ky është një skandal që do të përfundojë si një flluskë sapuni. Të gjithë janë hedhur në rrugë dhe askush nuk do të jetë më deputet në Kuvendin e ri./oranews

The post Lefter Maliqi i del në krah Ilir Metës: Shkarkimi, qesharak! appeared first on Albeu.com.

“Nëse Presidenti do ta vlerësojë, të vijë, është e drejtë e tij, por nga ana tjetër ky Komision ka të drejtën për ta thirrur Presidentin nëse e vlerëson të domosdoshme praninë e tij në Komision”, sqaroi Hyseni.

Plani paraprak i hetimit, i cili mori bekimin e deputetëve pritet të ndryshojë në ditët në vijim. Propozimet nuk munguan në ditën e parë.

“T’i kërkojmë zyrtarisht SHISH, Drejtorisë së Pergjithshme të Policisë dhe Antiterrorit çfarë informacionesh kanë patur gjatë 30 ditëve fushate. Çfarë ndikimi dhe efekti kanë pasur deklarata e Presidentit të Republikës për nxitje dhune”, tha Myslim Murrizi.

Spartak Braho shtoi:

“Të kemi edhe raportet e Komisionit të Venecias dhe vendimet e Gjykatës Kushtetuese, të cilat në disa raste kanë trajtuar marrëdhëniet me Presidentin. Do të na duhen jo vetëm deklarimet, por edhe filmimet e deklarimeve te Presidentit me video, t’i shohim këtu”.

Socialistët po nxitojnë të kapin afatet me Parlamentin aktual, ku falë votave të opozitës parlamentare ka treguar se gëzon shumicën kushtetuese për të shkarkuar Ilir Metën. /albeu.com/

The post Myslim Murrizi i bën thirrjen e rëndësishme SHISH për të shkarkuar Ilir Metën appeared first on Albeu.com.

Nga Elbasani ku mori pjesë në ceremoninë e nderimit të dëshmorëve me rastin e 5 Majit, Kryetari i Grupit Parlamentar të Partisë Socialiste Taulant Balla komentoi edhe deklaratat e opozitës për të mos njohur zgjedhjet e 25 Prillit.

Balla tha se gjatë këtij mandati të ri qeveria do të ketë një qasje të re me opozitën pasi edhe kjo e fundit ka një rol të rendësishëm për çuarjen përpara të reformave.

“Kjo është një ditë që na motivon më shumë për të punuar më shumë për çuar përpara amanetin dhe për të kurorëzuar aspiratat historike të të gjithë shqiptarëve për integrimin europian. Sot nga Elbasani dua të falënderoj të gjithë familjet e dëshmorëve përfaqësuesit e organizatës së veteranëve të luftës, punonjësve të policisë që kanë humbur jetën në përpjekjen me krimin dhe këtu në Elbasan kemi një sërë punonjësh policie që kanë humbur jetën në kryerjen e detyrës. Kjo është një ditë që na bën të jemi sa më shumë të vetëdijshëm për të krijuar në këtë mandat të ri një klimë të re politike larg konfliktualitetit dhe të punojmë së bashku për më shumë kontribute në dobi të punëve të mira që duhet të bëjmë për atdheun tonë të dashur.

Sot është dita e dëshmorëve dhe s’është dita të merremi me opozitën, ajo që tha Rama është se gjatë këtij mandati të ri do kemi një qasje tjetër me opozitën dhe do të punojmë sa më shumë për punët e rëndësishme që na presin dhe opozita ka rolin e saj të pazëvendësueshëm në shumë reforma të rëndësishme që duhet të çojmë përpara dhe kontributi i tyre në Kuvend është i mirëseardhur”, tha Balla.

I pyetur nga gazetarët lidhur me nismën e shkarkimit të Presidentit, Balla u shpreh se ky proces do të shkojë deri në fund.

“Të jeni të sigurt se ne këtë proces do ta çojmë deri në fund”, shtoi ai.

Përsa i përket hetimit të krimeve zgjedhore nga SPAK mbi denoncimet e bëra nga opozita,Taulant Balla deklaroi se mbështesin çdo hetim serioz.

“Duhet të hetohet çdo denoncim”.

The post Taulant Balla nuk i ndahet Ilir Metës: Shkarkimi? Sigurisht, do i shkojmë deri në fund! appeared first on Albeu.com.

Në seancën e ditës së sotme do të shqyrtohen disa projekt-ligje të kthyera nga Presidenti Ilir Meta, si dhe njoftohet kërkesa e PS për ngritjen e komisionit hetimor për shkarkimin e Kreut të Shtetit.

Kujtojmë se mandati i deputetëve aktualë në Kuvendit të Shqipërisë, përfundon në muajin shtator, kohë në të cilën pritet që të bëhet edhe betimi i ligjvënësve të rinj.

The post Sot seanca e parë plenare pas zgjedhjeve të 25 prillit, diskutohet shkarkimi i Metës appeared first on Albeu.com.