Sipas raportit të parë, pas vetëm gjashtë metrash udhëtim, kabinat “papritmas humbën fuqinë ekuilibruese të kabllos lidhëse”.

Autoritetet kanë bërë të ditur se sistemi i sigurisë, reagoi menjëherë duke aktivizuar frenat. Megjithatë, këto masa nuk patën efekt: vagoni vazhdoi të përshpejtonte në mënyrë të pakontrolluar dhe doli nga shinat me shpejtësi rreth 60 kilometra për orë, duke u përplasur në një ndërtesë brenda më pak se 50 sekondash.

Hetuesit, sipas raportit preliminar, kanë konstatuar se mekanizmat e tjerë ishin funksionalë. Një inspektim rutinë ishte kryer madje në mëngjesin e ditës së aksidentit, por defekti që solli këputjen e kabllos nuk mund të vërehej pa u çmontuar pajisjet.

“Gloria”, i cili funksionon prej 140 vjetësh dhe është shpallur monument kombëtar, është një prej atraksioneve më të njohura turistike në kryeqytetin portugez.

Ai lidh Sheshin Restauradores me lagjen e njohur Bairro Alto, përmes një udhëtimi që zakonisht zgjat tre minuta.

Sistemi i “Glorias” përbëhet nga dy tramvaje që lëvizin paralelisht dhe tërhiqen nga kabllo çeliku: kështu, Kur njëri zbret, pesha e tij e tërheq tjetrin përpjetë.

Shumica e viktimave ishin turistë të huaj, ndërsa autoritetet portugeze kanë paralajmëruar se hetimet do të vazhdojnë.

The post Tragjedia me 16 viktima në Lisbonë, zbardhet shkaku që çoi në aksidentin fatal të tramvajit appeared first on Albeu.com.

Raportohet se veç autorit, 46-vjeçarit Mikel Selimaj nga Vlora, policia greke ka arrestuar edhe dy persona të tjerë.

Ata ndodheshin në të njëtin automjet me viktimën dhe autorin, kur ndodhi krimi. Tre të arrestuarit pritet të dalin ditën e sotme para gjykatës.

Si viktima, ashtu edhe autori janë persona me precedentë penalë në Greqi, si dhe të përfshirë në trafikun e drogës.

Por, gruaja e viktimës, duke folur ekskluzivisht për televizionin grek “STAR”, ka dhënë një version tjetër për motivet që lidhen me krimin.

Sipas saj, shkaku ishte një shtëpi në pronësi të një amerikani dhe e marrë me qira prej vitesh nga një kanadez.

“Ky burrë e kishte paralajmëruar, i thoshte vazhdimisht ‘largohu sepse shtëpia është e imja, do ta marr unë, je në mes të asgjësë’”.

Mediat greke, raportojnë se Mikel Selimaj dhe Altin Arapaj, njiheshin prej kohësh dhe kishin qenë shqetësues për autoritetet policore në një moshë më të re.

Megjithatë, takimi fatal duket se është organizuar për të zgjidhur një keqkuptim në lidhje me një shtëpi luksoze në zonën e Lucas, ndërsa pak ditë më parë pati një vendim gjyqësor përkatës.

“Të hënën, kur humbën gjyqin dhe iu desh të paguanin kompensim, sipas mendimit tim, kanadezi e telefonoi dhe i tha: ‘E dini çfarë? Meqë duhet të paguaj këtë kompensim, merr këto para dhe hiqi nga dora ime.’ Në fund, e shlyen shtëpinë bashkë me vdekjen e burrit tim”, tha gruaja e Altin Arapajt.

“Ishte një akt që për fat të keq u krye në një shpërthim pasioni mendor. Ajo që rezulton për klientin tim, dhe ne do të kërkojmë testet përkatëse, është se ai kishte konsumuar sasi të mëdha droge, veçanërisht kokainë”, tha avokati i Mikel Selimaj, Nikos Roussopoulos.

Oficerët e policisë këqyrën makinën e autorit, ndërsa pronari i shtëpisë me qira afatshkurtër ku ai kishte gjetur strehim përshkruan momentin e arrestimit të tij:

“Ndërsa po e thyenim derën, ai ende nuk ishte zgjuar, kështu që e gjetën në koma, që do të thotë se ende flinte… Oficeri i policisë e njohu dhe unë u shokova kur pashë imazhet e tij duke u prangosur. U ngjita lart dhe qava”.

46-vjeçari Mikel Selimaj dhe dy persona të tjerë që ishin të pranishëm në vrasje, po mbahen në paraburgim.

The post Zbulohet shkaku i vrasjes së Altin Arapajt në Greqi, në pranga autori dhe dy të tjerë appeared first on Albeu.com.

Mësohet se sipas akt-ekspertizës, ngjarja ka qenë aksidentale, si pasojë e një keq funksionimi të baterive.

“Ngjarja në fjalë është aksidentale, dhe zjarri në katin e dytë në dhomën teknike të godinës ka rënë si pasojë e një keq funksionimi të pajisjeve bateri (U.P.S-ve) nga ku rezulton se është edhe vatra e zjarrit”, thuhet në dokument.

QSUT njoftoi më herët se për shkak të zjarrit, shërbimi i urgjencës polivalente pranë Qendrës Spitalore Universitare

“Nënë Tereza” vazhdon të ofrohet sipas një grafiku të mirëpërcaktuar në Spitalin Universitar të Traumës si dhe në Qendrën Spitalore Rajonale e Tiranës “Shefqet Ndroqi”.

Ndërkaq, qytetarët e Gjirokastrës, Vlorës , Fierit e Beratit vijojnë të marrin urgjencën kardiologjike, atë të sëmundjeve të brëndshme e atë ortopedike në Spitalin Memorial, ndërsa urgjencat kardiologjike për qarkun Shkodër dhe Lezhë trajtohen në Spitalin Rajonal Shkodër.

Zjarri ra në 11 shkurt në godinën e sapondërtuar të Urgjencës së QSUT-së.

The post Zjarri në Urgjencën e QSUT-së, zbardhet shkaku appeared first on Albeu.com.

Sipas rezultateve të analizave turistët janë helmuar nga norovirus i cili përhapet nga mungesa e higjienës, kontaminimi i ushqimeve dhe ujit.

Norovirusi, ndryshe quhet gripi i verës ose stomakut dhe ka shenja gastro intestinale. Ndërsa, pritet të verifikohet nëse ushqimi që është konsumuar në anije, ishte gatuar në ndonjë kuzhinë brenda anijes apo është marrë nga ndonjë restorant. AKU ka gjobitur anijen turistike “Black Pearl” me 600 mijë lekë.

The post Dalin analizat e helmimit të turistëve polakë në Vlorë, zbulohet shkaku appeared first on Albeu.com.

Ai u shpreh se i riu ka dashur të vendosë flamurin e Shqipërisë në dritaren e Kryeministrisë, por se nuk është lejuar nga policia.

“Ka dashur të vendosë flamurin e shqipërinë tek Kryeministria, po të ishte flamuri serb nuk do e gjente gjë. Për këtë flamur e kanë marrë atë djalë. E shkelën me këmbë nuk e lanë. Ua thash një prej policëve që je betuar për këtë flamur. T’i kërkojnë falje jo vetëm flamurit, por edhe djalit”, tha ai

The post U shoqërua nga policia pas protestës, mësohet çfarë tentoi të bënte qytetari te kryeministria appeared first on Albeu.com.

Mësohet se 17-vjeçari Kenad Shira ishte i dashuruar dhe ngacmonte vajzën 16-vjeçare të autorit të ngjarjes, Fiqiri Mjeshtri.

Mësohet se familja Mjeshtri ishte kundër kësaj lidhje dhe jane takuar në një lokal për sqarim. Fiqiri Mjeshtri ishte i shoqëruar nga dy vëllezërit Besnik (ky ishte polic bashkiak) dhe Fatmir Mjeshtri, ndërsa 17-vjeçari ishte me babanë e tij, Ilir Shira. Sherri degradoi ne përdorimin e armeve ku te vdekur mbeten babe e bir, Kenado dhe Ilir Shira.

Ndersa dy te plagosurit e tjere Renato dhe Eglant Hasula jane te njohur te autorit te krimit, por i ka plagosur aksidentalisht gjate konfliktit me Kenado dhe Ilir Shiren.

The post Zbardhet shkaku që shkaktoi tragjedinë në Klos, dy të plagosurit e pësuan aksidentalisht appeared first on Albeu.com.

Laporta ishte në tribunë përkrah zëvendëspresidentit Rafael Yust dhe legjendës së Real Madridit dhe njëkohësisht presidentit të Valladolid, Ronaldo.

Ai fillimisht u fut në stadium me syze dielli, por sapo Ronaldo iu afrua ai i hoqi dhe në pah i doli syri i nxirë.

Mbetet e paqartë saktësisht sesi 60-vjeçari e ka dëmtuar syrin, por sipas AS, klubi ka deklaruar se ai është përfshirë në një incident në shtëpi./albeu.com

The post Në “Camp Nou” më sy të nxirë, mësohet çfarë ka ndodhur me presidentin e Barcelonës appeared first on Albeu.com.

Sipas burimeve të ABC gjithashtu mësohet se  Ismail Morina është vënë praga pasi kishte një urdhër arresti dhe me vendim të Gjykatës së Durrësit ishte arrestuar me 5 muaj e 12 ditë burg për armë mbajtje pa leje.

Lajmin për arrestimin e tij filloi të qarkullonte rreth një orë më parë, pasi faqia e zyrtare e Ismail Morinës në “facebook” kishte shpërndarë njoftimin për ndalimin e tij.

Njoftimi i policisë:

Kukës

Efektivët e Komisariatit të Policisë Kukës ndaluan shtetasin Ismail Morinaj, 40 vjeç, banues në fshatin Shikaj, Kukës, i shpallur në kërkim për llogari të DVP Durrës.

Ky shtetas u ndalua pasi gjatë verifikimeve ka rezultuar person në kërkim nga Drejtoria Vendore e Policisë Durrës.

Për këtë shtetas, Gjykata e Rrethit Gjyqësor Durrës ka vendosur revokimin e vendimit penal të Gjykatës së Rrethit Gjyqësor Tiranë, për lirimin e tij me kusht dhe ka caktuar vuajtjen e pjesës së mbetur të dënimit, 5 muaj e 12 ditë burgim, për veprën penale “Prodhimi dhe mbajtja pa leje e armëve luftarake dhe municioneve”.

Procedurat e mëtejshme për këtë shtetas do të kryhen nga DVP Durrës./albeu.com

The post Konfirmohet arrestimi i Ballist Morinës, zbulohet arsyeja pse appeared first on Albeu.com.

Burime për Kryefjala kanë zbuluar se Atdheu dhe Arjola kanë prishur miqësinë mes tyre. Madje Atdheu e hoqi Arjolën nga Instagrami para se te vendoste ta mbyllte përfundimisht atë.

Mësohet se Arjola ka qenë shkaktarja e prishjes se kësaj miqësie, por se cila ka qenë arsyeja në mes mbetet për t’u parë!

Kujtojmë se gjatë qëndrimit në “Big Brother” një nga përplasjet më të mëdha të Arjola Demirit ishte ajo me Antonelën dhe për këtë përplasje ishte pikërisht Atdheu ai i cili u dërgua nga produksoni brenda në shtëpi, për të dya vajzat.

Prandaj Antonela vjen në mendjen e publikut e para si arsye për prishjen e miqësisë mes dyshes.

The post Çfarë ndodhi papritur? Prishet miqësia e ngushtë mes Atdheut dhe Arjolës (FOTO LAJM) appeared first on Albeu.com.

Nutricionistja thotë se sëmundjet malinje po prekin gjithmonë e më shumë moshat e reja për shkak të stilit të keq të jetesës. Ajo theksoi se të dhënat shkencore tregojnë se personat mbipeshë apo obezë kanë një probabilitet më të madh për të pasur sëmundje malinje sesa ata me një peshë normale.

“Mosha është ulur, arrijë të diagnostikojmë forma të sëmundjeve malinje në mosha më të reja. Kjo i atribuohet dhe rritjes së ekzaminimeve që kapen më herët por dhe prishjes totalisht të stilit të jetës. Sa më i ri është personi që kapet nga sëmundja malinje, aq më agresive është ajo për shkak të luftës që bën organizmi. Një kancer gjiri në moshë të re është më agresiv se një grua që ka kaluar në menopauzë. Ka bërë që sot të kemi sëmundje malinje më shumë dhe në mosha më të reja.”, tha Daka.

Dr. Albana u ndal tek ushqimet specifike që duhet të hanë ose jo personat që kanë vuajtur nga sëmundje të tilla. Ajo vuri theksin tek minimizimi i mishit të kuq dhe sidomos sheqernave, që i cilësoi si “armikun” kryesor të sëmundjeve tumorale. “Njerëzit që e kanë kaluar dhe kanë në rikuperim duhet të eliminojnë sheqernat e procesuara por dhe ata që marrin në mënyrë natyrale. Duhet të jenë në formën e frutave dhe në sasi të limituara të mjaltit.

Të heqin dorë nga ëmbëlsirat, sidomos ata të blera. Pijet alkoolike, të paketuara me gaz apo jo, pijet energjike nuk duhet të jenë pjesë e regjimit të tyre. Të kenë sasi të limituara të mishit të kuq, të kenë sasi të peshkut dhe të mishit të bardhë, dhe të jenë të fokusuar te perimet dhe frutat e stinës. Ky është regjimi ushqimor ideal për një person që ka kaluar një sëmundje onkologjike.“, shpjegoi Daka.

The post Pse sëmundjet tumorale po prekin moshat e reja? Mjekja e njohur zbulon shkaktarin appeared first on Albeu.com.