Përfitimet shëndetësore që ofron ushqyerja me gji për të sapolindurit diskutohen shpesh, por më pak flitet për mënyrën se si ushqyerja me gji ndikon te nënat.

Tani, një studim i ri nga Universiteti i Adelaide dhe Universiteti Flinders, të dy në Australinë e Jugut, ka ekzaminuar përfitimet që mund të sjellë ushqyerja me gji në shëndetin kardiometabolik të nënave. Sëmundjet kardiometabolike janë një grup kushtesh të zakonshme, por të parandalueshme, duke përfshirë presionin e lartë të gjakut, sulmin në zemër, goditjen në tru, kolesterolin e lartë, diabetin e tipit 2 dhe rezistencën ndaj insulinës.

Studiuesit zbuluan se gratë që ushqenin me gji për të paktën gjashtë muaj pas lindjes së një fëmije kishin indeksin e masës trupore (BMI) dhe presionin e gjakut dukshëm më të ulët se ato që nuk i kishin ushqyer. Ky reduktim nuk u ndikua nga variabla të tillë si BMI, mosha dhe statusi socio-ekonomik në shtatzëninë e hershme ose pirja e duhanit para lindjes. Për më tepër, ushqyerja me gji për të paktën gjashtë muaj u shoqërua me nivele më të larta të HDL-C (kolesteroli i mirë).

Gjatë analizimit të të dhënave në lidhje me gratë që kishin pasur të paktën një ndërlikim gjatë shtatzënisë, duke përfshirë preeklampsinë, presionin e lartë të gjakut dhe diabetin gestacional, ato që kishin ushqyer me gji për të paktën gjashtë muaj treguan nivele më të ulëta të insulinës dhe triglicerideve në gjak dhe HDL-C më të lartë. Ky është një lajm i mirë për gratë me shtatzëni të komplikuara, pasi ato dhe fëmijët e tyre janë në rrezik të shtuar të zhvillimit të problemeve shëndetësore, thonë studiuesit.

Studiuesit thonë se gjetjet e studimit tregojnë se ushqyerja me gji për të paktën gjashtë muaj lidhet me një përmirësim të përgjithshëm të shëndetit kardiovaskular. Ata rekomandojnë studime të mëtejshme duke përdorur mostra më të mëdha, duke krahasuar gratë që ushqejnë me gji me ato që zgjedhin të mos e bëjnë këtë.

The post Ushqyerja me gji rrit shëndetin kardiovaskular të nënës për të paktën 3 vjet appeared first on Albeu.com.

Kjo ditë merr edhe më shumë rëndësi nisur nga fakti që sëmundjet kardiovaskulare vazhdojnë të jenë vrasësi numër 1 në botë duke rezultuar me rreth 18.6 milion vdekje në vit. 1 në 2 shqiptarë kanë të paktën një faktor rreziku për zhvillimin e Dislipidemive dhe 80% e ngjarjeve kardiake janë të Parandalueshme.

Shkaktarët që çojnë në shfaqjen e sëmundjeve kardiovaskulra janë nga më të ndryshmet, disa prej të cilave janë të pamundura për t’i shmangur. Por ekzistojnë edhe një sërë faktorësh të tjerë të cilët mund t’i evitoni duke ulur kështu ndjeshëm rrezikun dhe pasojat e sëmundjeve kardiake.

Faktorë rreziku të vlerësuar si të pashmangshëm janë: Mosha

Rreziku i shfaqjes së sëmundjeve të zemrës rritet me kalimin e moshës. Kategoria më e rrezikuar janë meshkujt mbi 45 vjeç dhe femrat mbi 55 vjeç.

Gjinia

Sëmundjet kardiovaskulare prekin në mënyrë të barabartë si meshkujt ashtu dhe fermat, por statistikat tregojnë se meshkujt e moshës së mesme preken më shumë nga ataku në zemër krahasuar me gratë e të njëjtës grup moshe.

Historia familjare

Historia familjare, pra në rastet kur një familjar i juaji ka vuajtur apo vuan nga sëmundjet e zemrës, atëherë probabiliteti për t’u prekur nga këto sëmundje është më i lartë.

Ndërkohë, për sa i përket faktorëve që mund të menaxhohen nga ana jonë, mjekët kardiologë këshillojnë:

Mbani në normë presionin arterial

Presioni i lartë arterial është një faktor i madh rreziku për sëmundjet e zemrës. Për këtë arsye mjekët rekomandojnë monitorim të herëpashershëm të presionit të gjakut duke kryer kontrolle rutinë te mjeku kardiolog.

Mbani nën kontroll nivelet e kolesterolit dhe triglicerideve

Niveli i lartë i Kolesterolit nuk shoqërohet me simptoma, por ndërkohë dëmton në heshtje enët e gjakut, duke ndërtuar pllakëza në muret e arterieve të cilat mbivendosen duke çuar kështu në ngushtimin e tyre.

Mjekët specialistë rekomandojnë kryerjen e kontrolleve dhe analizave të gjakut në mënyrë periodike me qëllim parandalimin e këtyre sëmundjeve. Është e rëndësishme që përveç kolesterolit të përgjithshëm, të kontrollohet edhe kolesteroli i keq (LDL), i miri (HDL) dhe trigliceridet.

Mbani nën kontroll peshën

Obeziteti në të shumtën e rasteve lidhet drejtpërdrejt me faktorët e tjerë të rrezikut të sëmundjeve kardiovaskulare.

Mbani regjim të shëndetshëm ushqimor

Përpiquni të kufizoni konsumin e yndyrnave të ngopura, ushqimet me përmbajtje të lartë natriumi dhe sheqernat.

Konsumoni sa më shumë fruta & perime të freskëta.

Merruni me aktivitet fizik

Aktiviteti fizik, qoftë edhe 30 minuta ecje çdo ditë, ka shumë përfitime shëndetësore ndër të cilat forcon zemrën dhe përmirëson qarkullimin e gjakut

Limitoni alkoolin & duhanin

Menaxhoni stresin

Stresi është i lidhur me sëmundjet kardiake në shumë mënyra, duke filluar që nga rritja e presionit të gjakut e deri në atak kardiak.

Mbani nën kontroll diabetin

Diabeti dyfishon rrezikun e shfaqjes së sëmundjes së zemrës prandaj është me rëndësi vitale që të kryeni në mënyrë periodike të gjitha kontrollet e nevojshme për diagnostikimin e hershëm të diabetit.

Prandaj për një zemër të shëndetshme mjekët rekomandojnë të mos neglizhoni kontrollet periodike te mjeku dhe të adaptoni një stil jete të shëndetshëm.

Spitali Hygeia

Kontakto: 04 23 90 000/albeu.com/

The post 29 Shtatori, Dita botërore e Zemrës, disa këshilla nga Spitali “Hygeia” për shëndet më të mirë kardiovaskular appeared first on Albeu.com.