“Gëzuar ditëlindjen, shpirti i motrës. Malli për ty s’ka fund, por sot më mungon edhe më shumë. Festo me engjëjt dielli im”, shkruan këngëtarja Sheila Haxhiraj.

Urimi shoqërohet me disa pamje shumë të hershme, kur të dy ishin fëmijë dhe familja e lumtur festonte një ditëlindje të Henrit. Ai shihet duke mbajtur në duar tortën dhe u fryn qirinjve të ndezur, i rrethuar nga dashuria e nënës, babait dhe motrës.

Mesditën e 15 Tetorit 2024, punonjësi i Gardës së Shqipërisë qëlloi vetën me plumb në kokë. Henri Haxhiraj u dërgua me urgjencë në spitalin e Traumës, ku pas disa orë luftë me vdekjen ndërroi jetë për shkak të plagëve të rënda.

Ngjarja ndodhi në zonën e Qytetit Studenti ku banonte familja, por shkaku nuk u raportua asnjëherë.

Nën zë, u tha se 37 vjeçari ishte në gjendje të rënduar psikologjike, ndërkohë që dy vite para të kryente vetëvrasje ishte ndaluar nga Policia si i dyshuar si pjesë e një grupi kriminal që merrej me prodhimin e dokumenteve të huaja të identifikimit, të dyshuara të falsifikuara.

The post Vëllai gardist vrau veten me armën e shërbimit, Sheila Haxhiraj prek me urimin e ditëlindjes: Shpirti i motrës, festo me engjëjt dielli im appeared first on Albeu.com.

Teksa emisioni preku temën e mbështetjes së Henrit në karrierën e saj muzikore, Sheila nuk i përmbajti dot lotët. Thjesht përmendja e emrit të tij mjaftoi për ta prekur thellë.

“Gjithmonë më ka përkrahur në mënyrën e tij”, u shpreh ajo.

“Më mungon çdo ditë. Mbeta pa gjysmën time, fizikisht… por e di që ai është drita dhe energjia që më mban sot këtu”.

Artistja tregoi se dhimbja është ende shumë e freskët dhe se pranimi i humbjes ka qenë i jashtëzakonisht i vështirë.

Gjithashtu, këngëtarja ndaloi edhe te vështirësitë shpirtërore që mund ta vendosin një njeri në situata të pakontrollueshme.

“Ndonjëherë jeta të çon në rrugë që gabon… Ka gjëra që janë më të forta se vetja dhe nuk i kemi në dorë”, tha ajo, duke shtuar se familja e saj ende kërkon përgjigje për çfarë e shtyu Henrin në një moment aq të errët.

E pyetur nëse familja kishte vërejtur ndryshime në sjelljen e tij para se të ndodhte ngjarja tragjike, Sheila ishte e prerë:

“Henri nuk ka treguar kurrë shenja shqetësimi. Nuk ka dashur asnjëherë të na rëndonte me problemet e tij”.

Sheila rrëfeu edhe çastin më të dhimbshëm: momentin kur e gjeti vëllanë pas aktit fatal.

“Kam qenë në shtëpi dhe nuk arrita ta shpëtoja… Ai moment është pengu im më i madh. Pse nuk i kushtova më shumë vëmendje? Pse nuk isha unë në vend të tij? Pse Zoti e sfidoi pikërisht atë, fëmijën më të butë”?

Ajo tha se këto pyetje e shoqërojnë vazhdimisht, edhe pse përgjigje nuk ka. Këngëtarja mohoi kategorikisht lajmet e mediave që pretenduan se Henri vuante nga depresioni.

“Henri nuk ka pasur depresion. Ajo që ka ndodhur ka qenë një moment i papritur axhitimi. Gjithçka tjetër që është thënë ka qenë abuzim mediatik”, deklaroi ajo.

The post Sheila Haxhiraj rrëfen mes lotësh humbjen e vëllait: Mbeta pa gjysmën time… appeared first on Albeu.com.

Së fundmi, përmes një pyetësori pyetje-përgjigje me ndjekësit në Instagram, një ndjekës e pyeti Sheilën për raportet e saj me Noizyn.

“Po me Noizyn si i keni marrëdhëniet më përpara keni qenë miq jeni më?”, ishte pyetja e ndjekësit.

Sheila nuk ka hezituar për ti kthyer një përgjigje përmes një videoje krahas së cilës shkruan: “Më shumë se miq”./albeu.com

The post Në një lidhje me Noizyn? Sheila habit me deklaratën: Jemi më shumë se shokë appeared first on Albeu.com.

Së fundmi është komentuar shumë për afrimitetin e madh që ka me ish-banorit e BB VIP, Kledi Hysa. Ata të dy janë fotografuar shpesh në praninë e njëri-tjetrit, ku shfaqeshin shumë të afërt dhe njerëzit kanë nisur të aludojnë se janë të lidhur.

“Jam i lidhur”, u shpreh modeli në një intervistë pak më herët, ndërsa nga Sheila nuk ka pasur një reagim të qartë. Por dje në një intervistë virtuale në profilin e saj në “Instagram”, këngëtarja ka folur për dashurinë dhe për Kledi Hysën.

Sheila u pyet nga ndjekësit se me kë e ka pirë kafen e parë të vitit 2022, dhe përgjigja e saj ishte pikërisht Kledi Hysa. Ky i fundit e ka ripostuar foton pa bërë ndonjë shkrim, por ajo që është vënë re është kënga me të cilën e ka shoqëruar foton.

Bëhet fjalë për këngën e artistit The Weeknd të titular “Lost in the fire”(humbur në zjarr), ku fragmenti që ai ka vendosur thotë “I can’t lose you baby”.

Ndër të tjera këngëtarja e pyetur se çfarë është dashuria për të është përgjigjur “Lumturi”.

The post Dita e parë e vitit e paska gjetur me Kledin, Sheila nuk le vend për dyshim (FOTO LAJM) appeared first on Albeu.com.

Ndërkohë, pak ditë më parë në faqen zyrtare të Instagramit të “Big Brother Albania” u publikua videoja e konkurrentes së parë por pa ia zbuluar portretin. Sipas mediave të ndryshme bëhet fjalë për këngëtaren Sheila Haxhiraj megjithatë, nuk ka ende një konfirmim zyrtar.

Ndërkohë, sot një tjetët emër po përflitet se do jetë pjesë e programit dhe bëhet fjalë për aktorin Romeo Veshaj. “Panorama plus” shkruan se Romeo është parë shpesh këto ditë në ambientet e “Top Channel” dhe të njohur të tij kanë treguar se ka qenë në bisedime pikërisht për lidhjen e kontratës me këtë televizion, për t’u bërë pjesë e këtij formati, ku nëse do të jetë lojtar i fortë, do të qëndrojë për 100 ditë dhe do të mund të fitojë 100 mijë eurot.

Vlen të theksohet se personazhe të shumta janë përfolur se do bëhen pjesë e spektaklit të njohur dhe gati të gjithë i kanë mohuar zërat. A do ndodhë e njëjta gjë me Sheilën dhe Romeon? Mbetet për tu parë.

The post Pas Sheila Haxhirajt, zbulohet konkurrenti i dytë i “Big Brother VIP”? appeared first on Albeu.com.