Një pjesë e deklaratës i dedikohet dhe marrëdhënieve diplomatike Kosovë – Serbi. Drejtuar Prishtinës zyrtare dhe Beogradit, liderët e BE-së theksojnë se dy vendet po pengojnë integrimin e njëri-tjetrit dhe kjo për shkak të raporteve të tensionuara.

“Mungesa e normalizimit të marrëdhënieve mes Prishtinës dhe Beogradit vazhdon të pengojë të dy partnerët në rrugën e tyre evropiane. Të gjitha marrëveshjet e arritura në Dialogun e lehtësuar nga BE mes Beogradit dhe Prishtinës duhet të zbatohen, në veçanti Marrëveshja për Rrugën drejt Normalizimit dhe Aneksi i saj. Mbështetja në kuadër të Mekanizmit të Reformës dhe Rritjes për Ballkanin Perëndimor kushtëzohet me angazhimin konstruktiv të partnerëve, me përparim të matshëm dhe rezultate konkrete në normalizimin e marrëdhënieve të tyre”, thuhet në këtë deklaratë.

Theksojmë se në këtë samit Serbia nuk mori pjesë, një mungesë kjo që u theksua dhe nga kryeministri hungarez, Viktor Orban.

“Për herë të parë në 13 ose 14 vitet e fundit, as unë dhe as dikush tjetër nuk do të shkojmë në atë konferencë ndërqeveritare. Askush nuk do ta përfaqësojë Republikën e Serbisë, kështu që Ballkani Perëndimor do të jetë pa Republikën e Serbisë”, tha presidenti serb Aleksandar Vuçiç kur njoftoi se nuk do të merrte pjesë.

Kosova ndërkohë është i vetmi vend pjesëmarrës në këtë samit, nga rajoni i Ballkanit Perëndimor që nuk gëzon statusin e vendit kandidat, ndonëse ka aplikuar në dhjetor të vitit 2022. E përfaqësuar nga presidentja Vjosa Osmani, kjo e fundit injoroi plotësisht mungesën e Serbisë në samit. Teksa u pyet nga gazetarët për këtë mungesë, ajo tha se nuk e kishte vënë aspak re.

The post Vjosa Osmani injoron mungesën e Serbisë në samit, deklarata e përbashkët e BE-së: Po pengoni anëtarësimin e njëri-tjetrit appeared first on Albeu.com.

Ajo theksoi se ky është një gabim i së shkuarës, dhe sipas saj duhet të korrigjohet. Komisionerja e BE iu drejtua liderëve të rajonit duke thënë që “shtëpia juaj, Europa po ju pret”.

Marta Kos, shtoi se vendet e Ballkanit janë tashmë pjesë e Europës, por shtoi se thjesht duhet bërë në mënyrë institucionale, pra të bëhen shtete anëtare të BE.

“Evropa nuk mund të jetë e sigurt pa BP. Ky është një gabim që kemi bërë në të shkuarën dhe duhet ta korrigjojmë. Ndaj jam shumë e kënaqur që këto takime që ne po bëjmë për planin e rritjes, po hapim gjithnjë e më shumë dyer.

Shumë dyer të tjera do të hapen, dhe shtëpia juaj, Europa po ju pret. Ju jeni pjesë e Evropës, ne thjesht duhet ta bëjmë në mënyrë institucionale, të bëheni shtet anëtar i BE”, u shpreh Marta Kos.

The post Marta Kos: Europa s’mund të jetë e sigurt pa Ballkanin, është një gabim që kemi bërë në të shkuarën appeared first on Albeu.com.

Rama u ndal te dështimet e së kaluarës për bashkëpunim rajonal, duke theksuar se rajoni ka humbur shumë mundësi teksa ka mbetur peng i konflikteve të vjetra:

“Më mirë vonë se kurrë, mund të thotë dikush, pas gjithë atyre shanseve të humbura kur trenat e bashkëpunimit u nisën dhe ne mbetëm në platformë. Duhet të shkojmë drejt të ardhmes, jo të mbetemi te mosmarrëveshjet e së kaluarës”.

Ai theksoi se Evropa është ndërtuar përmes veprimit dhe jo pritjes, dhe se ky samit shënon pikërisht momentin për të ecur përpara:

“Nuk jemi këtu për të shtyrë punët, por për të ndërtuar së bashku atë që kërkohet të bëjmë sot”.

Rama theksoi gjithashtu se qytetarët shpesh nuk e ndiejnë drejtpërdrejt procesin e integrimit, por përfitojnë përmes uljes së kostove, lirisë së lëvizjes dhe shërbimeve më të shpejta.

Një shembull konkret, sipas tij, është heqja e tarifave të roaming-ut me Bashkimin Evropian:

“Vitin e ardhshëm tarifat e roaming-ut me BE do të hiqen. Ky është një tjetër kufi artificial që bie mes nesh dhe Evropës”.

Në fokus ishte edhe transformimi digjital i rajonit. Kryeministri njoftoi se Ballkani është në prag të një epoke të re me identitetin digjital të unifikuar, ndërsa për Shqipërinë ky hap do të bëhet realitet shumë shpejt: “Revolucioni digjital dhe identiteti digjital në Ballkan do të pasqyrojnë standardet evropiane. Jam krenar t’ju them se nga viti i ri identiteti digjital në Shqipëri bëhet realitet”.

The post Samiti/ Rama mban fjalën hapëse: Rruga jonë drejt BE, për liritë dhe mundësitë, realitet nga viti i ardhshëm appeared first on Albeu.com.

Samiti do të zhvillohet në Pallatin e Brigadave dhe është planifikuar të nisë në orën 09:30.

Pas 30 minutash kryeministri Edi Rama së bashku me komisioneren për Zgjerim, Marta Kos, do të mbajnë fjalën hapëse për të vijuar më pas me punimet e samitit.

Samiti do të përmbyllet me një konferencë të përbashkët mes Ramës dhe komisioneres Kos.

Agjenda e samitit

Ora: 09:30 – 12:00

Vendi: Pallati i Brigadave

09:30 – Mirëseardhja/ Doorstep Statements

10:00 – Nisja e punimeve të Samitit Growth Plan

Fjalët Hapëse

• Kryeministri i Shqipërisë, Edi Rama

• Komisionerja e BE-së për Zgjerimin, Marta KOS

11:30 – Foto Familjare

11:35 – Konferencë për shtyp, Kryeministri i Shqipërisë Edi Rama dhe Komisionerja e BE-së për Zgjerimin, Marta Kos.

The post Sot samiti Growth Plan “Our pathway to EU”/ Rama pret në Tiranë liderët e rajonit dhe Komisioneren Marta Kos appeared first on Albeu.com.

Ekipet e Kombeve të Bashkuara dhe të sigurisë nxituan në vendin e ngjarjes me fikëset e zjarrit dhe u përpoqën ta shuanin atë ndërsa tymi përfshiu korridorin dhe njerëzit u dëgjuan duke bërtitur “zjarr!”

Victoria Martins dhe Júlia Aguiar, personel teknik i lidhur me ngjarjen, thanë se zjarri u raportua në pavijonin e shëndetit dhe shkencës në ditën e parafundit të planifikuar të samitit COP30, raportoi Associated Press.
Tymi dilte brenda dhe jashtë ndërtesës së konferencës ndërsa zjarrfikësit mbërritën në vendngjarje në Belem. Disa video të flakëve po bëjnë xhiron e rrjeteve sociale.

Incidenti ndodhi kur ministrat globalë ishin thellësisht të zhytur në negociata për të thyer një bllokim mbi lëndët djegëse fosile, financimin e klimës dhe masat tregtare, me vetëm një ditë të mbetur në konferencën dyjavore për klimën.

Ministri i turizmit i Brazilit, Celso Sabino, tha se zjarri është vënë nën kontroll, duke informuar se nuk u raportuan të lënduar në incident.

“Incidenti është vënë tashmë nën kontroll”, thuhet se tha Sabino në televizionin brazilian.

Zjarri shpërtheu kur ministrat globalë ishin thellësisht të zhytur në negociata për të thyer një bllokim mbi lëndët djegëse fosile, financimin e klimës dhe masat tregtare.

The post Zjarri shpërthen në vendin e samitit COP30 në Belem të Brazilit, urdhërohet evakuimi appeared first on Albeu.com.

Samiti i mbajtur në Tiranë, mblodhi në një tryezë Presidenten e Kosovës, Vjosa Osmani, Presidenten e Maqedonisë së Veriut, Gordana Siljanovska Davkova, Presidentin e Malit të Zi, Jakov Milatoviç, Presidentin e Serbisë, Aleksandër Vuçiç, Anëtarët e Presidencës trepalëshe të Bosnjë dhe Hercegovinës, Denis Bećirović, Zheljko Komšić dhe Željka Cvijanović, si dhe bashkëkryesuesit e Procesit, Presidenten e Sllovenisë, Nataša Pirc Musar, dhe Presidentin e Kroacisë, Zoran Milanoviç.

Në qendër të diskutimeve ishin temat e integrimit evropian, Planit të Rritjes së BE-së për Ballkanin Perëndimor, forcimi i bashkëpunimit rajonal, roli i të rinjve dhe siguria në rajon.

Presidenti Begaj, theksoi se Shqipëria mbështet dialogun rajonal dhe marrëdhëniet e fqinjësisë së mirë, si elementë thelbësorë për ruajtjen e paqes dhe për zhvillim të qëndrueshëm ekonomik.

Kreu i Shtetit, ftoi homologët e tij të vazhdojnë qasjen konstruktive për të thelluar bashkëpunimin në kuadër të Procesit të Brdo-Brijunit, duke theksuar rëndësinë e qëndrueshmërisë institucionale dhe bashkërendimit të politikave për të përballuar sfidat e përbashkëta.

Gjithashtu, në fjalën e tij, Presidenti Begaj, u ndal te progresi i bërë nga Ballkani Perëndimor në bashkëpunimin rajonal dhe forcimin e marrëdhënieve ekonomike.

Ai theksoi se përparimi i Shqipërisë në procesin e negociatave me Bashkimin Evropian, është rezultat i reformave të ndërmarra për forcimin e institucioneve demokratike, pavarësinë e gjyqësorit, modernizimin e administratës publike, si dhe luftës kundër korrupsionit dhe krimit të organizuar.

Duke vlerësuar arritjet e deritanishme të Procesit të Brdo-Brijunit, Presidenti Begaj nënvizoi se rajoni ende përballet me sfida që kërkojnë bashkëpunim më të ngushtë dhe koordinim të vazhdueshëm:

“Përballja me sfidat e përbashkëta kërkon rritje të bashkëpunimit dhe koordinim më të ngushtë mes nesh”, u shpreh ai.

Në fjalën e tij, Presidenti Begaj, theksoi se aspirata e Shqipërisë për anëtarësim në Bashkimin Evropian nuk është vetëm një objektiv politik, por një mision kombëtar, duke theksuar se ky proces gëzon mbështetjen e gjerë të shoqërisë shqiptare si rrugë drejt forcimit të demokracisë, të drejtave të njeriut dhe sundimit të ligjit.

Samiti i Procesit të Bë rdo-Brijunit, u mbyll me një deklaratë të përbashkët të presidentëve pjesëmarrës, që riafirmon përkushtimin ndaj paqes, stabilitetit dhe perspektivës evropiane të Ballkanit Perëndimor.

The post Presidenti Begaj bën bashkë në Tiranë liderët e rajonit në Samitin e Procesit të i Brdo-Brijunit appeared first on Albeu.com.

Ministria tha se vendimi u mor me qëllim që të “thjeshtësohej puna e sigurisë” për policinë, dhe se ata nuk mund të pranonin “dronë të huaj që krijojnë pasiguri dhe përçarje”.
Danimarka është një nga disa vende evropiane që kanë raportuar “incidente me dronë” në javët e fundit, me dronë të parë mbi bazat ushtarake daneze deri të shtunën.

Ministrat e Mbrojtjes nga 10 vende të BE-së kanë rënë dakord të krijojnë një “mur dronësh”, në përgjigje të pamjeve dhe NATO thotë se ka “rritur vigjilencën” në të gjithë Baltikun.

Në deklaratën e tyre që njoftonte ndalimin, ministria e Transportit tha se policia ishte në “gatishmëri të shtuar ndjeshëm” përpara samitit të kësaj jave, dhe se ata duhej të “kujdeseshin për danezët dhe mysafirët tanë”.

Ndalimi do të mbetet në fuqi deri më 3 tetor dhe shkeljet mund të rezultojnë në një gjobë ose burgim deri në dy vjet.

The post Danimarka ndalon të gjitha fluturimet civile me dronë përpara samitit evropian appeared first on Albeu.com.

Presidenti palestinez Abbas, i cili do të shfaqet nëpërmjet videokonferencës pasi i është ndaluar hyrja në SHBA, foli të dielën për “një hap drejt një paqeje të drejtë dhe të qëndrueshme”.

Kush pritet ta njohë shtetin palestinez sot?

Mbretëria e Bashkuar, Australia, Kanadaja dhe Portugalia e njohën zyrtarisht shtetin palestinez të dielën.

Në konferencën e OKB-së, të bashkëorganizuar nga Presidenti francez Macron dhe Princi i Kurorës Saudite Mohammed bin Salman më vonë sot, pritet që vendet e tjera ta njohin zyrtarisht shtetin palestinez. Këto vende janë: Francë, Luksemburg, Andorra, San Marino, Maltë dhe Belgjikë.

Më shumë se tre të katërtat e 193 anëtarëve të OKB-së e kanë njohur tashmë shtetin palestinez. Midis atyre që nuk e kanë njohur janë SHBA-të, Izraeli, Italia dhe Gjermania.

Kryeministri i Zelandës së Re, Christopher Luxon, tha se po e shqyrtonin këtë mundësi, por një vendim nuk do të shpallet para kësaj jave.

The post Samiti në OKB, ja gjashtë vendet që do ta njohin Palestinën ditën e sotme appeared first on Albeu.com.

Bilanci i takimit në Uashington të krerëve të shteteve dhe qeverive evropiane në Shtëpinë e Bardhë del mjaft i balancuar.

Nga njëra anë, Evropa, kontinenti i kjetër mori frymë lirisht: nuk pati asnjë konfrontim midis Volodymyr Zelenski dhe Donald Trumpit, siç pati shkurtin e kaluar – apo edhe një shkëputje të marrëdhënies transatlantike.

Nga ana tjetër, Donald Trump, nuk i përmbushi kërkesat kryesore evropiane – para së gjithash, kërkesën për një armëpushim përpara se të fillonin negociatat e paqes për Ukrainën.

Niklas Ebert përgjegjës për programin e sigurisë në institutin Marshall Fund thotë, se evropianët në kushtet aktuale arritën më të mirën e mundshme.

Por Evropa duhet të përgatitet për faktin se marrëdhënia transatlantike, nuk është më ajo që ishte dikur.

Uashingtoni nuk është një partner mbi të cilin mund të mbështetesh gjithmonë, paralajmëron Ebert.

Edhe Anthony Gardner, ish-ambasador i SHBA-së në BE gjatë administratës së Barack Obamës dhe tani këshilltar, nuk është shumë optimist se takimi i Uashingtonit do të përmirësojë marrëdhëniet transatlantike, kjo pasi. “Trump ende e sheh Evropën si kryesisht të parëndësishme”, thekson Gardner.

Edhe pse politikanët evropianë arritën ta ndryshonin disi narrativën në favor të Ukrainës, takimi nuk arriti të prodhonte ndonjë rezultat domethënës.

Gardner gjithashtu pret që evropianët do duhet ta përsërisin këtë, pasi Trump ndryshon mendje “çdo orë”. Në fund të fundit, qëllimi i presidentit aktual të SHBA-së është të arrijë një marrëveshje që është e favorshme për të.

Evropa do të japë kontributin e saj për paqen

Megjithatë, gatishmëria e SHBA-së për të marrë pjesë në të ashtuquajturat garanci sigurie për Ukrainën konsiderohet përparimi i ditëve të fundit.

Flitet për premtime mbrojtjeje të ngjashme me ato në Nenin 5 të Traktatit të NATO-s, ku shkruhet mbi detyrimin për të ofruar ndihmë nëse sulmohet një nga aleatët.

Në Uashington, delegacioni evropian kërkoi të theksonte gatishmërinë e tij për të dhënë kontributin e vet.

Për shembull, Presidenti francez Emmanuel Macron iu drejtua Presidentit të SHBA-së: “Mund të jeni të sigurt se Evropa është shumë e vetëdijshme për të dhënë kontributin e saj të drejtë në këto garanci sigurie për Ukrainën – në fund të fundit, siguria e saj është qartësisht në rrezik”.

I ashtuquajturi “koalicion i të vullnetshmëve”, së bashku me forcimin e ushtrisë ukrainase, ka të ngjarë të jetë një element qendror i garancive të sigurisë në të ardhmen.

Cili është “Koalicioni i të Vullnetshmëve”?

“Koalicioni i të Vullnetshmëve”, u krijua disa muaj më parë nga Franca dhe Britania e Madhe. Tani thuhet se ka rreth 30 anëtarë.

Sipas Presidentit të Këshillit të BE-së, Antonio Costa, përveç vendeve evropiane, në një konferencë telefonike të këtij grupi morën pjesë edhe Kanadaja, Turqia, Japonia dhe Zelanda e Re.

Pas përfundimit të luftimeve në Ukrainë, do të vendosen “trupa sigurie”, që kanë për qëllim të ndihmojnë në rindërtimin e forcave tokësore ukrainase dhe të sigurojnë hapësirën detare dhe ajrore të Ukrainës, njoftoi bashkëkryetari Keir Starmer në korrik.

Eksperti Ebert e sheh “koalicionin e të vullnetshmëve” si një “sinjal politik ndaj Uashingtonit” se Evropa është e gatshme të marrë më shumë përgjegjësi dhe të kundërshtojë narrativën amerikane se evropianët po mbahen në kurriz të SHBA-së.

Ish-ambasadori Anthony Gardner, pohon se nga evropianët “po vijnë veprat pas fjalëve tanimë”. Kjo është e rëndësishme, por gjithashtu kërkoi shumë kohë.

Sjellja e Evropës ndoshta nuk është pa interes. Eksperti i sigurisë Ebert thotë se motivi tjetër i evropianëve është gjithashtu t’i mbajnë amerikanët në anën e tyre.

Pa SHBA nuk ka zgjidhje

Një gjë është e qartë: Pa amerikanët, garancitë e sigurisë të lartpërmendura do të jenë të vështira të realizohen, nëse jo të pamundura. Analisti politik Ebert i tha DW se evropianët janë të varur nga SHBA-të si për mbrojtjen ajrore dhe raketore, edhe misionin e zbulimit dhe transportin strategjik ajror. Pra ata kanë nevojë për amerikanët si siguri.

Evropa nuk është në gjendje të mobilizojë një forcë mjaftueshëm të madhe për të mbrojtur në mënyrë efektive një armëpushim të mundshëm. Prandaj, duhet të jetë e qartë, se SHBA-të do të ndërhyjnë nëse ndodh diçka, thekson Ebert.

Aktualisht, po punohet për të formuluar garancitë e sigurisë. Sipas burimeve britanike, një takim midis SHBA-së dhe përfaqësuesve të “Koalicionit të të Vullnetshmëve” është planifikuar të zhvillohet në ditët në vijim.

Trump pret trupa tokësore evropiane

Një çështje e ndjeshme këtu janë “trupat në terren”, pra a duhet të ketë trupa tokësore evropiane në Ukrainë.

Ndërsa kryeministri britanik Keir Starmer, ka deklaruar qëllimin e tij për të dërguar trupa në Ukrainë, qeveria gjermane ende nuk ka marrë një qëndrim përfundimtar për këtë çështje. Rusia kundërshton vendosjen e trupave të NATO-s në Ukrainë.

Ish-ambasadori amerikan Gardner kritikoi faktin se, ndonëse është folur shumë për këtë çështje duket sikur do të bëhet fjalë në fund për shumë më pak.

Edhe pas shumë muajsh, është ende e paqartë se për çfarë është e gatshme të kontribuojë Evropa.

Duke e varur tek njëri-tjetri gatishmërinë e tyre për të vepruar evropianët dhe amerikanët po e zhvendosin përgjegjësinë sa andej këtej.

Në një intervistë me televizionin amerikan Fox News, Donald Trump i bëri të qarta pritjet e tij nga Evropa: Ai pret që Gjermania, Franca dhe Britania e Madhe të dërgojnë trupa tokësore. SHBA-të janë të përgatitura të ofrojnë mbështetje, për shembull, nga ajri. Çështja e trupave tokësore mund të jetë, pra, testi i radhës për marrëdhëniet transatlantike./DW

The post A mund të mbështetet BE tek SHBA pas samitit në Uashington? appeared first on Albeu.com.

Mësohet se Putin ka shprehur gatishmërinë për të hequr dorë nga territore të tjera të pushtuara nga trupat ruse në Ukrainë, në këmbim të njohjes ndërkombëtare të kontrollit mbi Donetskun dhe Luhanskun – dy provinca lindore që ndodhen pjesërisht nën kontrollin e forcave ruse që nga viti 2014.

Në vijim të bisedimeve, Trump ka planifikuar një takim me presidentin ukrainas Volodymyr Zelenskyy në Uashington, të hënën.

Ai ka lënë të hapur mundësinë për një samit trepalësh midis tij, Putin-it dhe Zelenskyy-t, për të avancuar drejt një marrëveshjeje paqeje.

Ndërkohë që disa media sugjerojnë se Trump mbështet një marrëveshje të tillë, Zelensky ka deklaruar më parë se nuk do të pranojë asnjë dorëzim formal territori ndaj Moskës.

Aktualisht, Rusia kontrollon rreth 20% të territorit ukrainas, përfshirë pjesën më të madhe të provincës Donetsk.

Takimi në Alaska, megjithëse i profilit të lartë, përfundoi pa ndonjë marrëveshje konkrete ose shpallje për një armëpushim.

The post Samiti në Alaskë/ Vladimir Putin kërkoi rajone kyçe të Ukrainës në këmbim të paqes appeared first on Albeu.com.