Në padinë e paraqitur, Bajri kërkon shfuqizimin si të papajtueshëm me Kushtetutën të tre vendimeve gjyqësore që kanë caktuar dhe lënë në fuqi masën e arrestit në burg.

Konkretisht, ai kundërshton vendimin nr. 22, datë 24.02.2025 të Gjykata e Posaçme e Shkallës së Parë për Korrupsionin dhe Krimin e Organizuar; vendimin nr. 20 (87-2025-93), datë 20.03.2025 të Gjykata e Apelit për Korrupsionin dhe Krimin e Organizuar; si dhe vendimin nr. 00-2025-1018, datë 24.06.2025 të Kolegjit Penal të Gjykata e Lartë e Shqipërisë.

Sipas kërkesës, Bajri pretendon se vendimet në fjalë cenojnë të drejtat dhe liritë e tij kushtetuese, duke argumentuar se masa e sigurimit “Arrest me burg” është e pajustifikuar dhe jo proporcionale.

Tashmë pritet që Gjykata Kushtetuese të vendosë fillimisht mbi pranueshmërinë e kërkesës, përpara se të shqyrtojë në themel pretendimet e paraqitura nga kërkuesi.

The post Safet Bajri kërkon në Kushtetuese shfuqizimin e masës “Arrest me burg” appeared first on Albeu.com.

Safet Bajri ka qenë më herët i ndaluar nga autoritetet e drejtësisë, gjatë operacionit “Oaz” të zhvilluar nga ish-Prokuroria për Krime të Rënda, por më pas është liruar. Ai ka qenë i dënuar edhe në Belgjikë, ndërsa gjatë javëve të fundit banesa e tij në Dobraç është kontrolluar disa herë me urdhër të SPAK, në kuadër të disa procedimeve penale.

Përplasja e fiseve Bajri-Liçi?

Përplasjeve mes fiseve Bajri dhe Lici dyshohet se ka nisur që prej atentatit në janar të 2018 ndaj biznesmenit Lulzim Kulla. Shpërthimi i telekomanduar shkaktoi tetë persona të plagosur, mes të cilëve dhe Kulla.

Më 15 korrik të vitit të 2018, poshtë banesës që kishin me qira u ekzekutuan çifti Boran Bërçana dhe Silva Ndoci, ndërsa bashkë me ata në makinë ndodhej edhe një fëmijë 3 vjeç, që u shpëtoi mrekullisht plumbave. Ish-polici Bërçana dyshohej se kishte lidhje me grupin Bajri dhe dyshohej si i përfshirë në atentatin ndaj Lul Kullës në janarin e 2018-ës. Vrasja dyshohet se është kryer nga fisi Lici në Shkodër.

Më 10 gusht të 2018-ës vritet Fatbardh Lici, pjesëtar i familjes Lici, vëllai i të fortit Sokol Lici dhe anëtarit të Këshillit Bashkiak të Shkodrës, Mustafa Lici. Kjo vrasje dyshohet se erdhi si hakmarrje nga fisi Bajri pas vrasjes së ish-policit Bërcana.

Më 23 gusht zhduken shtetasit Agron Mollaj dhe Gëzim Hysa, nip dhe dajë, dhe ende sot nuk janë gjetur. Këta dy shtetas dyshohet se kishin lidhje me fisin Lici. Më pas vjen vrasja e Arjan Ferracakut, i cili u qëllua teksa ndodhej me kalin e tij në zonën e Livadheve, më 1 shtator të vitit të 2018. Arjan Ferracaku, pak minuta para se të vritej, kishte komunikuar me Astrit Bilalin dhe ky i fundit e kishte thirrur që të dalë me kalë.

Më 14 nëntor vritet Fatos Ferracaku, kushëri i Arjan Ferracakut. Fatos Ferracaku u vra në mes të ditës, teksa po shiste peshk në lagjen “Rus”.

Më 20 mars ndodh një tjetër vrasje, teksa ekzekutohet me 20 plumba Ferdinand Polia, por që është një vrasje që është zbardhur nga Policia dhe nuk ekziston asnjë lidhje me përplasjet e grupeve Bajri-Lici, por me disa ngjarje të ndodhura në Itali, ku viktima ka qenë pjesë e një grupi kriminal atje, 9 vite më parë. Më pas saga e vrasjeve vijoi me vrasjen e Endri Mustafës dhe autor dyshohet se është sërish Ibrahim Lici.

Hamza Lici është vëllai i Ibrahim Licit, i cili sipas policisë është autori kryesor i atentatit ndaj vëllezërve Astrit dhe Brahim Bilali, ngjarje kjo e ndodhur në datën 30 mars të 2019. Ata u ekzekutuan në portën e shtëpisë me breshëri kallashnikovi dhe ngjarja u hetua si përplasje mes bandave rivale në Shkodër. Po ashtu ai dyshohet si autor i Endri Mustafës.

Astrit Bilali, i cili mbetur i vdekur së bashku me të vëllanë e tij me 30 mars 2019, është babai i Astmer Bilali, ish kampionit boksit i arrestuar si pjesë e grupit “Bajri” në Shkodër. Ndërkohë viktima Endri Mustafa ka qenë shok me Astmer Bilalin, ndërsa emrat e tyre dalin bashkë në disa ngjarje kriminale.

Më 18 qershor, u vra në servisin e tij teksa po riparonte brava makinash shtetasi Mehdi Kavaja, vrasje e dyshuar për hakmarrje. Ende ajo ngjarje është pa autor, ndërsa riparuesi i bravave u qëllua me plumb në kokë, duke gjetur vdekjen në vend.

Safet Bajri u arrestua më 21 shkurt 2025. Bashkë me masën “arrest me burg” GJKKO ka miratuar me kërkesë të SPAK edhe për kryerjen e një analize të ADN-së së Safet Bajrit. Sipas raportimeve, ditën që u soll nga Shkodra në policinë e Tiranës e pranishme ka qenë edhe ekspertja që do të merrte kampionet për ADN, por nuk është lejuar në atë moment nga i arrestuari, i cili ka kërkuar të bëhet në një ditë tjetër.

Në njoftimin e Prokurorisë së Posaçme, pas ekzekutimit të masave të arrestit ndaj tire thuhej se ndaj Safet dhe Behar Bajrit dhe Asmer Bilalit rëndojnë akuzat për “Vrasje me paramendim”, “Grupi i strukturuar kriminal” dhe “Kryerja e veprave penale nga organizatat dhe grupet kriminale të strukturuara”.

Të tre në lidhje me njëri-tjetrin akuzohen se kanë dhe kryerjen e vrasjes së Fatbardh Licit. SPAK ka bërë me dije se ka zgjedhur prova për të zbardhur ekzekutimin e Licit. Në njoftimin e prokurorisë thuhej gjithashtu se motivi i vrasjes së tij dyshohet se lidhet me faktin që Behar Bajri ka bërë fajtor Ibrahim Licin për vrasjen e ish-efektivit të ushtrisë së shtetit, Boran Bërçana. Ky i fundit u ekzekutua bashkë me bashkëjetuesen e tij, Silva Ndocin, në mjetin e tyre.

The post Vrasja e Fatbardh Licit, SPAK mbyllet hetimet për Safet Bajrin dhe bashkëpunëtorët appeared first on Albeu.com.

Tre të pandehurit kishin kundërshtuar vendimin e Gjykatës së Apelit, që i la në burg, duke depozituar rekurs në instancën më të lartë gjyqësore të vendit. Por Gjykata e Lartë vendosi të mos e pranojë rekursin, duke lënë në fuqi vendimin e Apelit.

Ngjarja për të cilën akuzohen është konsideruar si një nga rastet më të rënda me sfond hakmarrjeje dhe përplasje mes grupeve kriminale në veri të vendit.

Në pretendimet e tyre, të pandehurit dhe avokatët mbrojtës kishin argumentuar se procesi gjyqësor kishte pasur shkelje procedurale dhe mungesë provash të plota. Ata kanë paralajmëruar ndjekjen e mëtejshme të rrugëve ligjore për të provuar, sipas tyre, pafajësinë e klientëve të tyre.

The post Vrasja e Fatbardh Licit! Gjykata e Lartë rrëzon rekursin për Safet Bajrin, Astmer Bilalin dhe Behar Bajrin appeared first on Albeu.com.

Në dosjen hetimore jepet dhe dëshmia e Mustafa Licit, vëllait të viktimës, Fatbardh Lici, i cili tregon një mesazh domethënës që ka marë nga shtetasi G. J, një ditë pas vrasjes.

Mësuar se Mustafa Lici, ka deklaruar se një ditë pasi i është vrarë vëllai shtetasi G.J e ka telefonuar, duke i kërkuar ta takojë e më tej i ka treguar se i kishte shkuar një një fuoristradë e zezë me dy persona me të dhe i kanë lënë porosi t`i thotë që gjakun e kanë të line….”. të njëjtën deklaratë Mustafa Lici i ka kërkuar ta thotë sërish kur të ishte prezent dhe Sokoli dhe më tej kanë biseduar të tre në një kafe ku dhe shtetasi G.j tregoi sërish bisedën.

Ndërkohë nga përgjimet që janë në dosje, familjarët e Fatbardh Licit, sipas komunikimeve të rezultuara, dyshojnë se autorë të mundshëm të vrasjes janë personat nën hetim.

Gjithashtu, në dosjen hetimore thuhet se Arma pistoletë me të cilën është vrarë Fatbardh Lici, rezulton të jetë përdorur në një ngjarje kriminale të ndodhur në Shkodër në vitin 2014, për të cilin është arrestuar dhe më pas lënë i lirë, A. Raja. Kjo e dhënë ka dalë nga ekspertiza e armës

Nga verifikimet e bëra për A. Raja, dyshohet të këtë pasur lidhje shoqërore e ngushtë e Gjin Ndoj dhe kanë qenë të pranishëm në datën 9 gusht 2018, në një festë në Tiranë së bashku me Safet Bajrin, Astmer Bilalin dhe Eria Agon.

Kjo e fundit, e cila është e dashura e personit nën hetim Safet Rustemi, ka deklaruar në 2018 se gjatë kohës që ka ndodhur vrasja e Fatbardh Licit, ka qenë në Tiranë dhe se nuk ka qenë në Shkodër dhe se nuk e ka përdorur asnjëherë makinën e Astmer Bilalit.

Nga të dhënat e përftuara nga përgjimet dhe tabulatet e numrit telefonik celular qe ka disponuar Eria Ago, rezulton e kundërta.

Nisur nga kjo situatë SPAK e konsideroi të arsyeshme arrestimin e saj.

The post Bisedat në “SKY”/ Vrasja e Fatbardh Licit, ja mesazhi që mbërriti tek Mustafa: U thuaj Licëve që gjakun e kanë të… appeared first on Albeu.com.

Sipas raportimeve, e dyshuara me inicialet E.A., është pronare e një butiku në rrugën “Myslym Shyri”.

Gjykata e Posaçme mësohet se ka caktuar ndaj saj masën e arrestit më burg për akuzat e krijimit të kushteve për të kryer vrasje dhe përpkrahje të autorit të krimit.

Mësohet se E.A., ndodhet në burgun e grave në Pojskë të Pogradecit.

The post Arrestohet e dashura e Safet Bajrit, ja çfarë dyshohet appeared first on Albeu.com.

Gazetarja Klodiana Lala deklaroi në emisionin “Të Paekspozuarit” në MCN TV, se ndaj Bajrit u ngrit një “kurth” që të arrestohej. Ai u urdhërua që të paraqitej te policia e Shkodrës dhe më pas u soll në Tiranë.

“Prokuroria e Posaçme e ka arrestuar Safet bajrin, Behar Bajrin dhe Astmer Bilalin për vrasje dhe grup të strukturuar kriminal. Ata akuzohen për një vrasjen e Fatbardh Licit, ndërsa dy të tjerë i mbijetuan atentatit.

Prokuroria e Posaçme dhe policia i ngritën “kurth” Bajrit. GJKKO, me gjykatësin Erjon Çela urdhëruan policinë që ta shoqëronin për t’i marrë ADN-në për një vrasje. Policia vajti atje, por doli duarbosh, pra ishte aksion i dështuar. Safet Bajri nuk u gjet në banesë dhe kishte probleme me aksionin e RENEA-s, madje nuk kishte as karroatrec.

Më pas Safet Bajrit doli në televizion dhe foli për akuzat. Policia i tha që të paraqitej për t’i marrë ADN-në, por Safet Bajri i bindur se nuk do të kishte masë ndaj tij tha se nuk kishte automjet, sepse ia kishin sekuestruar automjetet e blinduara.

Kur ai shkoi në polici, shoqëruar nga avokati dhe njerëz që e fotografonin për të thënë se u vetëdorëzua, nuk kishte ardhur ende policia nga Tirana, pra eprorët.

Policia erdhi pas pak dhe e morën për në Tiranë.

Safet Bajri, Behar Bajri dhe Astmer Bilali, akuzohen se kanë organizuar vrasjen e Fatbardh Licit, si hakmarrje për vrasjen e Boran Bërçanës, polic, që u vra në vitin 2018, bashkë me partneren Silvi Ndoci.

Ndërkohë, në janar të vitit 2018, në Shkodër ndodhi një nga ngjarjet më të rënda, e cila u konsiderua edhe si një akt i mundshëm terrorist. Në tregun e qytetit, në automjetin e Lulëzim Kullës, u vendos një sasi e madhe tritoli me qëllim për ta ekzekutuar atë. Kulla mbeti i plagosur, por po ashtu u plagosën edhe disa kalimtarë të rastësishëm.

Pas kësaj ngjarjeje, fillimisht familjet Bajri dhe Lici u pajtuan mes tyre dhe u bënë kumbari sipas dokëve dhe Kanunit. Megjithatë, në momentin që u vra Boran Bërçana, konflikti rifilloi dhe tashmë është zbuluar nga provat që pretendon prokuroria e posaçme. Këto prova rëndojnë mbi Safet Bajrin, Behar Bajrin dhe Asmer Bilalin për akuzën e vrasjes dhe pjesëmarrjen në një grup të strukturuar kriminal”- tha Lala.

The post Arrestimi i Safet Bajrit në Shkodër, Klodiana Lala tregon “kurthin” që i ngriti GJKKO appeared first on Albeu.com.

Ata akuzohen për vrasjen e Fatbardh Licit në gusht të vitit 2018 në Shkodër, si dhe për pjesëmarrje në një grup të strukturuar kriminal.

Sipas SPAK, tre të dyshuarit dyshohet se ekzekutuan xhaxhain e kundërshtarit të tyre, Ibrahim Lici, si një akt hakmarrje për vrasjen e mikut të tyre, Boran Bërcana.

Ky i fundit, u ekzekutua brenda në makinën e tij, së bashku me partneren e tij, Silvi Ndoci.

The post Dyshohen se vranë Fatbardh Licin, Safet Bajri dhe të dyshuarit e tjerë dalin sot para gjykatës appeared first on Albeu.com.

Gazetari i “Ora News”, Elton Qyno, ka mësuar se operacioni i kryer dy ditë më parë nga SPAK, bën fjalë për një dosje të nxjerë nga arshiva e Prokurorisë së Krimeve të Rënda, e cila prej disa vetesh e deri më tani ndodhej në arkivë, për shkak të moszbulimit të autorëve.

Në këtë dosje, bëhet fjalë për 7 atentate me 8 viktima të rregjistruara në 2018 në Shkodër, e cila ka mbëritur për moskopetencë nga Shkodra në Tiranë në muajin Nëntor 2018, duke bërë që dy prokurorë të Krimeve të Rënda, të angazhohen për identifikimin e autorëve.
Shkodra në këtë periudhë u “pushtua” nga vrasjet e njëpasnjëshme që kryenin dy klanet kriminale në qytet “Lici” dhe “Bajri”.
Në dosje janë bashkuar 7 ngjarje kriminale por shkëndija e parë që i vuri flakën Shkodrës, ishte sulmi me motobombë ndaj Lulzim Kullës në janar 2018 në tregun e Shkodrës, duke e plagosur atë. Një akt-terorist i pastër, i kryer ndaj anëtarit të familjes Lici. (Dhëndërit)

Më pas ngjarjet rrodhën me vrasjen Mehdi Kavajës në 18 qershor 2018. Dukë u pasur më tej me vrasjen në 15 korrik 2018 të ish-policit Boran Bërçana dhe gruas së tij, Silvi Ndoci.

Ndërkohë pas kësaj ngjarje në 10 Gusht vritet duke pirë kafe, Fatbardh Lici, dhe në 23 Gusht 2018 rrëmbehen dhe zhduken pa adrresë dy peshkatarët Agron Molla dhe Gëzim Hysa.

Saga e vrasjeve vijon me ekzekutimin në 1 shtator 2018 të Arjan Ferracakut dhe mandej në 14 nëntor 2018 vritet Fatos Ferracaku, kushëri i Arjan Ferracakut. Fatos Ferracaku u vra në mes të ditës, teksa po shiste peshk në lagjen “Rus” në Shkodër.

Kjo situatë detyroi kreun e prokurorisë së Shkodrës, të shpallte moskopetencën dhe kaluar për hetime të mëtejshme Krimeve të Rënda, pasi ngjarjet kriminale kishin ndodhur në kuadër të grupit kriminal.
Në kuadër të këtij htimi, për këtë çcështje Safet Bajrit i është marë 4 herë analiza e ADN-së, ku fillimisht në vitin 2019 i është marë në paraburgimin Nr. 302 në Tiranë, më pas në paraburgimin Nr.313 në Tiranë, e më tej në burgun e Fierit dhe e fundit herë në Shkodër

The post Safet Bajri në dosjen me 7 atentate dhe 8 vikt*ima. Çështja doli nga arshiva e Krimeve të Rënda. Bajrit ju mor 4 herë analiza e ADN-së appeared first on Albeu.com.

Safet Bajri, u arrestua mesditën e së premtes në Shkodër. Atij fillimisht iu tha që duhet të paraqitet në Drejtorinë e Policisë në Shkodër për një verifikim, por sapo ai ka shkuar, efektivët së bashku me Forcat RENEA e kanë sjellë në Tiranë.

Fillimisht, ai u dërgua në Drejtorinë e Policisë, ku iu komunikua masa e arrestit, ndërsa më pas u nis drejt bllokut të sigurisë.

Përveç Safet Bajrit, SPAK kërkoi masë edhe për Behar Bajrin dhe Astmer Bilalin, të cilët aktualisht ndodhen në burg për krime të tjera.

Ishte një dosje e vjetër, e cila, në bazë të hetimeve të Prokurorisë së Posaçme, nxori në dritë detaje të reja lidhur me vrasjen e xhaxhit të Ibrahim Licit, armik i përbetuar i fisit Bajri. Kanë qenë transkriptimet e aplikacionit të Sky ECC që nxorën në pah rolin e Bajrave dhe Bilalit në këtë vrasje.

Referuar dosjes hetimore, SPAK akuzon grupin kriminal për planifikimin dhe vrasjen e Fatbardh Licit në vitin 2018 në lagjen “Kiras” të Shkodrës.

Sipas grupit hetimor, motivi i vrasjes lidhet me dyshimin e Behar Bajrit se Ibrahim Lici, kishte vrarë një pjesëtar të grupit të tyre, ish-policin Boran Bërçana, ngjarje kjo e ndodhur më 15 korrik të po atij viti.

Ish-efektivi u ekzekutua në makinë, bashkë me partneren e tij Silvi Ndoci, ndërsa fëmija 3-vjeçar i shpëtoi mrekullisht plumbave.

Ndaj Safet dhe Behar Bajrit dhe Astmer Bilalit, rëndojnë akuzat për vrasje me paramendim, grup të strukturuar kriminal dhe kryerje të veprave penale nga organizata kriminale.

Ndërkohë, një tjetër dosje e bujshme në duar të SPAK është edhe masakra e Dobraçit, ku humbën jetën 4 persona.

Në këtë atentat, u vra Hamza Lici dhe Arlind Bushati, ndërkohë si pasojë e përplasjes nga mjeti ku po udhëtonin dy të rinjtë, humbi jetën edhe çifti i bashkëshortëve Flutura dhe Bashkim Basha.

Menjëherë pas vrasjes, mbi trupin e pajetë të Hamza Licit qëndronte një i ri, i cili dyshohet se është Ibrahim Lici. Madje ky i fundit, dyshohet se ishte në makinë bashkë me të vëllanë dhe Bushatin. Ibrahim Lici prej disa kohësh ndodhet në kërkim policor, por ende autoritetet nuk kanë arritur ta kapin.

The post Tre akuza ndaj Safet Bajrit, pritet të dalë të dielën para Gjykatës për masën e sigurisë appeared first on Albeu.com.

Mësohet se Bajri do të shoqërohet për në ambientet e policisë së Tiranës, ku dhe do të merret në pytetje për dyshimet e prokurorëve.

Dy ditë më parë, forcat RENEA kryen kontrolle në banesën e Safet Bajrit në Dobraç të Shkodrës.

Sipas avokatëve të Safet Bajrit, ky i fundit ishte thirrur në orën 11:00 për të dhënë deklarime, por pas mbërritjes në polici, i është komunikuar se marrja në pyetje e tij do bëhet në Tiranë.

Mbrojtja nuk konfirmon t`u jetë komunikuar ndonjë urdhër arresti, ndërsa pohon se për herë të dytë kërkohet marrja e ADN-së së këtij shtetasi.

Bajri është nisur drejt Tiranës i shoqëruar me masa sigurie.

The post Arrestohet me urdhër të GJKKO, Safet Bajri appeared first on Albeu.com.