Mësohet se zjarri ka rënë në dhomën e farmacisë së këtij spitali.

Forcat zjarrfikëse ndodhen në vendin e ngjarjes dhe po punojnë për të vënë situatën nën kontroll.

Paraprakisht mësohet se nuk ka rrezik për pacientët. Ky është rasti i dytë për këtë vit, pasi një tjetër zjarr ra në janar.

Shkaqet janë duke u hetuar./albeu.com

The post Përfshihet nga flakët spitali i Shkodrës appeared first on Albeu.com.

Mësohet se Princi ka shkuar për të takuar vajzën e cila jeton ne oborrin mbretëror me mamanë e saj, por aty është përballur fillimisht me ofendimet e ish- vjehrrit dhe më pas me dhunë fizike me sende të forta ndaj tij.

Nën kërcënimin verbal dhe fizik, Princ Leka është detyruar të lagohet nga oborri mbretëror për të shmangur këtë moment të pakëndshëm që po ndodhte në sy të vajzes së tij 3-vjeçare.

Menjeherë pas kësaj përplasje fizike, Leka ka shkuar në komisariat ku ka bërë denoncimin dhe ka kërkuar urdhër mbrojtje.

Gjithashtu, princi është paraqitur edhe ne ambientet e spitalit Nënë Tereza, për të marrë ndihmën mjekësore shoqëruar dhe me kartën përkatëse.

Kujtojmë se Princ Leka, po shijon lidhjen e re të dashurisë me fotografen Blerta Celibashi.

Kjo romancë e Princit, vjen pas divorcit të Princit me Elia Zaharian, me të cilën kishte 7 vite martesë.

Pritet seanca gjyqësore për të marrë një vendim në lidhje me këte çështje.

The post Princ Leka përfundon në spital, sulmohet nga ish-vjehrri dhe ish-gruaja e tij appeared first on Albeu.com.

Mësohet se Dako ka mohuar akuzat e SPAK.

Në lidhje me pallatin që Prokuroria thotë se është dhënë leja në kundërshti me ligjin, Dako i tha Gjykatës se nuk ka dijeni, madje nuk e di dhe sa kate është.

Më tej, ai ka dhënë sqarime edhe në lidhje me tenderin për blerjen e projektit për zhvillimin e vijës bregdetare, nga zona e “Brrylit” deri në “Currila”, me pretendimin se nuk ka pasur dijeni dhe gjithçka ka qenë në dorën e specialistëve.

Sipas Dakos, kjo procedurë prokurimi publik është zhvilluar nga specialistët.

Ish-kryebashkiaku ka deklaruar se nuk e ka shkelur në asnjë moment procedurën e prokurimit për këtë tender. Gjithashtu ai i ka kërkuar Gjykatës masë më të butë sigurie.

Avokati i tij mbrojtës, Petrit Ismalili përpara gjykatës është shprehur se Dako nuk ka lidhje me akuzat, e për këtë ai ka kërkuar masa më të buta si ajo e “arrestit shtëpiak”, “detyrim për t’u paraqitur”, apo edhe garanci pasurore.  Ndërkohë, seanca vijon ku janë të pandehurit e tjerë që po japin shpjegimet e tyre për akuzat e ngritura nga SPAK.

Pse akuzohet Dako?

Ish-kryebashkiaku i Durrësit Vangjush Dako dhe bashkëpunëtorët e tij në bashki akuzohen për shpërdorim detyre dhe falsifikim dokumentesh në dy raste. Rasti i parë ka të bëj me një pallat që u nis me 7 kate në 2010 dhe përfundoi 11 kate në vitin 2014. Ky pallat për shkak se nuk ishte bërë kontrolli sizmik nuk arriti që të përballonte tërmetin në vitin 2019 dhe u dëmtua. Për këtë u arrestua dhe ndërtuesi i pallatit Fiqiri Farruku. Për këtë rast akuzohen Vangjush Dako, Drejtori i Drejtorisë së Kontrollit dhe Planifikimit të Territorit Adhurim Qehajaj. Arkitekti Ermal Lama, projektuesja Meri Semini topografët Fatmir Ejupi dhe Adrian Bulku.

Rasti i dytë ka të bëjë me një tender të datës 25 mars 2014 për shërbim konsulence, sigurimin e një projekti të quajtur “Projektim zbatim për Promenadën Bregdetare dhe Plazhin publik nga Bërryli deri në Currila”. Për këtë akuzohen Vangjush Dako dhe grupi punës i përbërë nga, Adhurim Qehajaj, Diana Dedja, Adnan Toçila, anëtarë të cilët kanë patur si detyrë, përcaktimin e termave të referencës dhe fondin limit. Fondi limit i tenderit në fjalë ishte 21 milionë lekë, por për shkak të një gabimi në sipërfaqen e projektit, ku u ndryshua nga 2.04 hektarë në 20.4 hektarë, vlera arriti në 210 mln lekë./ALbeu.com./ 

The post Seanca ndaj Vangjush Dakos, ish-kryebashkiaku mohon akuzat: Nuk kam dijeni! appeared first on Albeu.com.