“Transmetimi i programeve të këtij televizioni vetëm sa do të ndërlikojë situatën politike në Bosnjë dhe Hercegovinë. Nga ana tjetër kjo është tregues i marrëdhenieve ndërmjet Republikës Serbe dhe Federatës së Bosnjës dhe Hercegovinës”, tha ish ambasadori Haliloviç.

Russia Today i themeluar në vitin 2005 nga qeveria ruse, është nën sanksionet e Bashkimit Evropian që nga viti 2022 për shkak të shpërndarjes së propagandës së Kremlinit për agresionin rus në Ukrainë. Delegacioni i Bashkimit Evropian në Bosnjë thotë se vendi ka harmonizuar dukshëm politikën e jashtme më atë të bllokut, por masat kufizuese janë ende temë e diskutueshme politike, që ka ngritur pengesa për zbatimin e tyre, përfshirë edhe transmetimet e medieve shtetërore ruse.

“Presim që Bosnja të bëjë më shumë për të pamundësuar përzierjen e jashtme dhe keqpërdorimin e informacioneve. Lejimi i transmetimit të propagandës në territorin e saj është në kundërshtim me këto përpjekje”, thonë në delegacionin e Bashkimit Evropian.

Elmir Sadikoviç, profesor i Integrimeve Evropiane në Fakultetin e Shkencave Politike në Sarajevë thotë po ashtu se transmetimet e një kanali rus në hapësirat e Bosnjës mund të dëmtojnë rrugën e saj evropiane.

“Jo rastësisht do të realizohet këto javë kur pritet që Këshilli Evropian të vendosë për hapjen e negociatave të Bosnjës me Bashkimin Evropian dhe në dritën qasjes së bllokut ndaj Rusisë do të jetë një hap prapa dhe me siguri kjo çështje do të shtrohet nga Këshilli Evropian”, tha profesori Sadikoviç

Kanali Russia Today në rusisht është i qasshëm në Bosnjë nëpërmjet operatorëve të caktuar kabllorë.

Vitin e kaluar kanali publikoi një dokumentar që mbron tezën për ekzistimin e Kalifatit në Bosnjë dhe radikalizmin fetar të myslimanëve si dhe mohon gjenocidin në Srebrenicë.

Ndikimi rus në Bosnjë është i dukshëm për shkak të lidhjeve të ngushta të presidentit të Republikës Serbe, Milorad Dodik me presidentin rus Vladimir Putin.

Udhëheqësi nacionalist pro-rus Milorad Dodik ka bërë thirrje hapur për shkëputje të Republikë Serbe nga Bosnja, duke sfiduar sanksionet e Shteteve të Bashkuara dhe të Britanisë ndaj tij për shkak të qasjes politike.

Konflikti i përgjakshëm në Bosnjë që u mori jetën mbi 100 mijë vetave mori fund në vjeshtën e vitit 1995 me një marrëveshje paqeje të ndërmjetësuar nga Shtetet e Bashkuara, Marrëveshja e arritur në Dejton çoi në krijimin e entitetit serb dhe atij boshnjako-kroat në Bosnje, që mbahen të lidhur nga institucione të dobëta qendrore.

Vendet perëndimore janë të shqetësuara se Rusia mund të përpiqet të nxisë telashe në Ballkan për të shmangur vëmendjen nga agresioni i saj në shkallë të gjerë në Ukrainë, të cilin Moska e nisi gati dy vjet më parë./VOA/

The post Pas hapjes në Serbi, “Russia Today” synon transmetimet e programeve të saj edhe në Bosnje appeared first on Albeu.com.

Lajmi është konfirmuar në Twitter nga kryeredaktorja e RT-së, Margarita Simonyan, me mesazhin: “Ne e nisëm RT-në në Ballkan, sepse Kosova është Serbi”.

Në një deklaratë të publikuar në uebsajtin e RT-së në gjuhën ruse, thuhet se transmetimi i programit televiziv në gjuhën serbe do të fillojë në vitin 2024.

“Me siguri, askund në botë nuk na kanë pritur aq shumë sa këtu. Unë dua t’u drejtohem serbëve të dashur në gjuhën e tyre: ‘Vëllezër, shikoni RT’”, tha Simonyan në një njoftim zyrtar të televizionit shtetëror rus.

Është cituar edhe deklarata e kryeredaktores së programit serb, Ellena Millinçiq, e cila tha se “banorët e rajonit do të kenë qasje në kanalin e RT-së në gjuhën serbe, e cila do të jap një pasqyrë më të plotë të botës moderne”.

“Të bëhesh pjesë e hapësirës mediatike të Ballkanit është një sfidë e madhe për ne. Ne jemi gati për të”, tha ajo, përcjellë RT.

Bashkimi Evropian ka pezulluar transmetimin e disa mediave të mbështetura nga Rusia, përfshirë RT-së, më 1 mars.

Blloku evropian ka sanksionuar edhe Margarita Simonyan, kryeredaktore e kanalit të RT-së në gjuhën angleze.

“Sputnik dhe Russia Today janë nën kontroll të drejtpërdrejtë apo jo të drejtpërdrejtë të autoriteteve të Federatës Ruse dhe janë instrumente të rëndësishme për të rritur mbështetjen për agresionin ushtarak kundër Ukrainës, si dhe për destabilizim të shteteve fqinje”, ka thënë shefi i diplomacisë së BE-së, Josep Borrell më 2 mars.

BE kishte ka reaguar në korrik pas njoftimeve jozyrtare se Russia Today planifikon të hapë një stacion televiziv në Serbi.

Brukseli tha atëherë se pret që Serbia të përmbahet nga intensifikimi i marrëdhënieve me Rusinë.

Por autoritetet në Serbi, pavarësisht thirrjeve nga Brukseli, refuzojnë të respektojnë sanksionet evropiane.

E lansuar më 2005 si Russia Today, është media shtetërore e Rusisë, e cila është zgjeruar në vazhdimësi.

Aktualisht ka kanale në disa gjuhë përfshirë ato: angleze, franceze, spanjolle dhe atë arabe.

Pavarësisht operimit në platforma të ndryshme përreth botës, RT është përballur me goditje të mëdha muajve të fundit, pasi kompani të mëdha të teknologjisë kanë bllokuar kanalet e saj për shkak të sulmit të paprovokuar të Rusisë në Ukrainë.

The post Russia Today nis transmetimin në serbisht me mesazhin “Kosova është Serbi” appeared first on Albeu.com.

Rregullatori i transmetimit në Britani, Ofcom, nuk e ka hequr licencën e transmetuesit, ndryshe nga Bashkimi Evropian, i cili të mërkurën ndaloi mediat RT dhe Sputnik në bllokun 27 vendësh.

Putin “nuk duhet të lejohet të shfrytëzojë median tonë të hapur dhe të lirë për të përhapur propagandë helmuese në shtëpitë britanike,” tha Dorries.

“Isha shumë e lumtur kur pashë dje se kanali tani është zyrtarisht jashtë transmetimit në televizorët britanikë”, tha ajo.

Ministrja tha se kishte kontaktuar rrjetet sociale Meta dhe TikTok “duke u kërkuar atyre të bëjnë gjithçka që mund të bëjnë për të parandaluar qasjen në RT në Britani, siç kanë bërë në Evropë”.

Ofcom të mërkurën tha se kishte hapur 27 hetime mbi “paanshmërinë” e programeve të lajmeve të transmetuara në RT të financuar nga shteti.

Rregullatori së pari njoftoi hetimin e tij të hënën, duke thënë se kishte parë “një rritje të konsiderueshme” në numrin e shkeljeve të mundshme në programet e lajmeve të RT pas pushtimit rus të Ukrainës.

Kanalet televizive të kontrolluara nga Rusia janë vënë nën kritika ndërsa Perëndimi dhe aleatët e tij kërkojnë të godasin keqinformimin rreth sulmit të Moskës në Ukrainë./REL

The post Britania heq nga transmetimi televizioni shtetëror rus appeared first on Albeu.com.

“Për shkak të luftës në Ukrainë, ne po bllokojmë kanalet e YouTube të lidhura me Russia Today dhe Sputnik në të gjithë Evropën, duke hyrë në fuqi menjëherë. Sistemeve tona do të duhet pak kohë për t’u përfunduar. Ekipet vazhdojnë të monitorojnë situatën vazhdimisht për të ndërhyrë me shpejtësi,” tha një zyrtar. zëdhënësi i YouTube në Twitter.

Në orët e fundit, Facebook dhe Twitter kanë njoftuar gjithashtu një goditje platformave të mediave të lidhura me shtetin rus, të akuzuar për dezinformim në pushtimin rus të Ukrainës.

The post Vazhdojnë goditjet ndaj Rusisë, YouTube bllokon dy mediat e mëdha ruse appeared first on Albeu.com.

Duke folur në një konferencë të përbashkët shtypi në Bruksel të dielën, përfaqësuesi i Lartë i BE-së për Punët e Jashtme dhe Politikën e Sigurisë njoftoi se blloku do të ndalonte të dy mediat në një përpjekje “për të luftuar” dezinformimin rus, shkruan CNN.

“Sot ne po ndërmarrim një hap vendimtar për të mbyllur rubinetin për manipulimin e informacionit të rusëve në Evropë, duke ndaluar transmetimin e Rusisë Sot dhe Sputnik në Bashkimin Evropian”, tha Borrell.
“Ne po e vrasim gjarprin në qafë”, vazhdoi diplomati./albeu.com

The post BE ndalon transmetimin e gjigandëve mediatike rusë, Russia Today dhe Sputnik appeared first on Albeu.com.