Sipas tij, sulmet do të vazhdojnë me qëllim dobësimin e aftësisë së Rusisë për të financuar luftën kundër Ukrainës.

“Këto operacione janë të planifikuara dhe të drejtuara për të reduktuar burimet ekonomike që Moska përdor për të mbështetur agresionin e saj ushtarak,” tha Maliuk në një deklaratë për media.

Ai shtoi se Ukraina do të vijojë të synojë infrastrukturën energjetike ruse derisa “mekanizmi i luftës” i Kremlinit të bëhet i paqëndrueshëm financiarisht.

The post Ukraina goditi 160 objekte ruse të naftës dhe energjisë gjatë këtij viti appeared first on Albeu.com.

Këta janë disa nga dhjetëra titujt në mediat shtetërore ruse të mbështetura nga Kremlini, RT Ballkan dhe Sputnik Serbia, të cilët janë publikuar gjatë fushatës parazgjedhore në Kosovë, nga 11 janari deri më 9 shkurt.

Misioni i Bashkimit Evropian për Vëzhgimin e Zgjedhjeve theksoi në raportin e tij se këto dy medie kanë publikuar rreth 60 artikuj për zgjedhjet në Kosovë, që nga fillimi i janarit, dhe se disa prej tyre kanë pasur një narrativ manipulimi kundër komunitetit serb.

Raporti nuk veçoi ndonjë tekst me “përmbajtje manipuluese”, por Radio Evropa e Lirë i analizoi disa prej tyre.

Theksi vihet kryesisht te Lista Serbe si “mbrojtëse” e interesave serbe në Kosovë, ndërsa autoritetet kosovare dhe kryeministri aktual, Albin Kurti, lidhen me “persekutimin” e serbëve apo “sulmet” ndaj tyre – ndonëse pa asnjë provë që do t’i mbështeste pretendimet e tilla.

Ivana Stradner, bashkëpunëtore në Fondacionin joqeveritar për Mbrojtjen e Demokracive, me bazë në Uashington, thotë për Radion Evropa e Lirë se Rusia ka një histori të gjatë të “operacioneve informative për të ndërhyrë në zgjedhje, për të mbështetur një kandidat të caktuar, për të polarizuar shoqërinë ose për të zvogëluar rëndësinë e demokracisë”.

“Në Ballkan, Rusisë i duhet kaos, në mënyrë që ta përdorë atë në negociatat me Perëndimin, në të cilat [presidenti rus, Vladimir] Putin do të pozicionohej si ndërmjetës dhe do t’i thoshte Perëndimit se, nëse nuk dëshiron që të përshkallëzohet kaosi, ai duhet të negociojë me të. Pra, do ta përdorte si mjet pazaresh”, thotë Stradner.

Ajo shton se Moska “nuk ka nevojë të dërgojë tanke dhe avionë” për të destabilizuar rajonin, por se janë të mjaftueshme “operacionet informative dhe sabotimet”.

Radio Evropa e Lirë i kërkoi Qeverisë së Kosovës komente në lidhje me vlerësimet e Misionit të BE-së për Vëzhgimin e Zgjedhjeve se RT Ballkan dhe Sputnik Serbia kanë publikuar dhjetëra tekste me përmbajtje manipuluese kundër komunitetit serb, gjatë fushatës parazgjedhore, dhe e pyeti se çfarë është bërë për të parandaluar ndikimin e këtyre mediave, por nuk mori asnjë përgjigje.

Shkrimi i titulluar “Prishtina llogariti gabimisht – as koktejet e molotovit nuk do t’i trembin serbët”, i publikuar më 28 janar në ueb-faqen Sputnik Serbia, aludon se autoritetet e Kosovës donin “t’i frikësonin” serbët në Kosovë me kokteje molotovi.

Ky narrativ nis që nga fjalia e parë:

“Nuk duhet të çuditemi nëse në Kosovë dhe Metohi vazhdojnë incidentet, me të cilat Prishtina do të tentojë t’i frikësojë serbët dhe Listën Serbe përpara zgjedhjeve të shkurtit, por le të kujtojë se serbët janë popull sfidues”.

Edhe pse ky është një citat që i atribuohet Lluka Jovanoviqit, profesor në Universitetin e Mitrovicës së Veriut, autori i tekstit nxjerr në plan të parë se si “Prishtina përpiqet t’i frikësojë serbët para zgjedhjeve”, ndërsa në paragrafin pasues mund të lexohet se si persona të panjohur kanë hedhur, në fakt, koktej molotovi në makinën e një aktivisteje të Listës Serbe.

Në tekst më tej thuhet se ka ndodhur një “sulm kundër serbëve” dhe se “një akt i tillë duhet parë në kontekstin e dhunës në rritje, të ushtruar nga regjimi i Prishtinës kundër popullatës serbe”.

Aty nuk përmendet askund se Policia e Kosovës ka nisur hetime apo se, një ditë më parë, autorë të panjohur i kanë djegur billbordin Lëvizjes Popullore Serbe – gjithashtu pjesëmarrëse në zgjedhjet në Kosovë – që ndodhej para shtëpisë së kandidates së saj për deputete.

Në artikullin e RT Ballkanit “Çfarë u sjellin zgjedhjet serbëve në Kosovë dhe Metohi: Nga Adem Jashari dhe Hashim Thaçi te Kurti e mbrapa”, i botuar më 30 janar, aludohet se lideri i Vetëvendosjes, Albin Kurti, u përpoq t’i “përdorte” Forcat e Sigurisë së Kosovës në një tubim parazgjedhor në Skenderaj, ndërsa më pas konstatohet se “nuk ka ndryshime në qëndrimin e elitave shqiptare dhe në politikën e Prishtinës ndaj serbëve” dhe se synim ka qenë gjithmonë “përzënia” e serbëve nga Kosova.

Aty thuhet se “metodat kanë ndryshuar”, se nuk ka më “rrëmbime, bombardime, vrasje, kampe, heqje organesh, si në kohën e UÇK-së”, por se tani serbët shtyhen në një “eksod të heshtur” përmes “presioneve të vazhdueshme, arrestimeve, akuzave të rreme për krime lufte…”.

Për këto pretendime nuk paraqitet asnjë provë. Nuk përmendet as fakti se forcat serbe kanë kryer krime kundër civilëve shqiptarë, gjatë luftës së viteve 1998/99 në Kosovë, dhe se për to janë gjykuar disa individë para Gjykatës Ndërkombëtare në Hagë.

Gjithashtu, kurrë nuk është gjetur asnjë provë për “trafikim organesh”.

Gjatë luftës në Kosovë janë vrarë rreth 13.000 persona, ndërsa rreth 1.600 persona të zhdukur, kryesisht nga komuniteti shqiptar, janë ende në kërkim.

Ka edhe lajme në të cilat Sputnik Serbia dhe RT Ballkan kanë pasqyruar ekskluzivisht fushatën e Listës Serbe, si dhe kanë transmetuar deklarata të zyrtarëve të kësaj partie, duke thënë se vetëm Lista Serbe sjell unitet për serbët në Kosovë, se ajo lufton për mbijetesën e serbëve në kushte të pamundura e të ngjashme.

Ky narrativ mund të shihet edhe në titujt e këtyre lajmeve, disa prej të cilëve janë: “Tubimi përmbyllës i Listës Serbe në Zveçan: Të dielën, referendum i popullit serb në Kosovë dhe Metohi”, “Lista Serbe në Kufcë të Epërme: Në Kosovë dhe Metohi zhvillohet betejë për mbijetesën e serbëve”, “Tubimi i Listës Serbe në Mitrovicë të Kosovës: Të dielën do të fitojnë shteti serb dhe uniteti serb”, “Lista Serbe: Ne i përfaqësojmë interesat e popullit serb, prandaj e shqetësojmë Kurtin”.

Në asnjë tekst në RT Ballkan apo Sputnik Serbia lidhur me zgjedhjet në Kosovë, lexuesi nuk ka mundur të mësonte se, përveç Listës Serbe, në garën për deputetë në Kuvendin e Kosovës kanë marrë pjesë edhe pesë subjekte të tjera politike nga komuniteti serb: Partia Demokracia Serbe, Partia për Liri, Drejtësi dhe Mbijetesë, Lëvizja Popullore Serbe, Partia e Serbëve të Kosovës dhe Iniciativa Qytetare Drejtësia Popullore.

Gjithashtu, nuk përmendet askund se deputetët e Listës Serbe kanë qenë të ekspozuar ndaj kritikave nga opinioni dhe kundërshtarët politikë, sepse, në dy vjetët e fundit, i kanë bojkotuar seancat e Kuvendit të Kosovës, duke u paraqitur për nënshkrim çdo gjashtë muaj, vetëm për të ruajtur mandatet dhe pagat.

Për shkak të politikës së bojkotimit të Listës Serbe, pas tërheqjes së saj nga institucionet e Kosovës në nëntor të vitit 2022, pushtetin në katër komunat me shumicë serbe në veri të Kosovës e kanë marrë kryetarët shqiptarë – gjë që ka çuar në protesta të komunitetit serb dhe kriza të shpeshta.

Situata ka kulmuar në shtator të vitit 2023, kur një grup i armatosur i serbëve, i udhëhequr nga ish-nënkryetari i Listës Serbe, Millan Radoiçiq, ka sulmuar Policinë e Kosovës në fshatin Banjskë dhe ka vrarë një polic.

Në raportin monitorues të keqinformimit për muajin janar, portali Hibrid.info, i cili monitoron dezinformatat për Kosovën në media, shkruan se Sputnik në disa raste gjatë janarit është marrë me teori konspirative dhe se lexuesit janë mashtruar duke besuar se zgjedhjet në Kosovë “kurdisen”.

Një shembull është lajmi i Sputnik-ut më 21 janar, në të cilin përfaqësuesja e Ministrisë së Jashtme ruse, Maria Zakharova, pretendon se kryeministri i Kosovës, Albin Kurti, “ka ndërmend t’i falsifikojë zgjedhjet në Kosovë në dëm të Listës Serbe, si dhe të vendosë në vendet parlamentare kukulla besnike të Prishtinës”.

Për këto pretendime nuk u paraqit asnjë provë.

“Me duart e autoriteteve të vetëshpallura të Prishtinës, me bashkëpunimin dhe inkurajimin e Uashingtonit dhe aleatëve të BE-së, vazhdon një fushatë e pamëshirshme për pastrimin e Kosovës dhe Metohisë nga serbët, si dhe për zbatimin e albanizimit të dhunshëm”, tha Zakharova, deklaratën e së cilës, përveç Sputnik-ut, e transmetoi edhe RT Ballkan.

Hibrid.info ka nxjerrë në pah edhe një tekst në Sputnik, në të cilin drejtori i Zyrës për Kosovën në Qeverinë e Serbisë, Petar Petkoviq, pretendon se Kurti synon të krijojë një Kosovë etnikisht të pastër dhe të formojë një “Shqipëri të madhe”.

As për këtë pretendim nuk u paraqit ndonjë provë.

RT dhe Sputnik janë nën sanksione në Kosovë, në përputhje me politikën e sanksioneve të Bashkimit Evropian, që u ndërmor pasi Rusia filloi pushtimin në shkallë të plotë të Ukrainës, në shkurt të vitit 2022.

Kështu që kanalet televizive të këtyre mediave nuk janë të disponueshme në operatorët kabllorë, përfshirë ata në zonat me shumicë serbe në Kosovë, të cilët kryesisht mbulohen nga kompania MTS d.o.o – filial i kompanisë serbe “Telekom”. Kjo kompani doli nga Marrëveshja e Brukselit ndërmjet Kosovës dhe Serbisë dhe është e regjistruar sipas ligjeve të Kosovës.

Përndryshe, Serbia nuk ka vendosur sanksione ndaj Rusisë e, për rrjedhojë, as ndaj mediave ruse të mbështetura nga Kremlini.

Platformat online RT Ballkan dhe Sputnik Serbia nuk ishin të qasshme në Kosovë më 13 dhe 14 shkurt përmes kompanive të internetit që operojnë në Kosovë – Vala, Ipko dhe MTS.

Megjithatë, më 18 shkurt, faqja e internetit Sputnik Serbia ishte e qasshme përmes internetit të të gjithë këtyre operatorëve, ndërsa RT Ballkan mbetej i bllokuar.

Radio Evropa e Lirë kontaktoi Valën, Ipko-n dhe MTS-në për t’i pyetur se si është e mundur qasja në ueb-faqen e Sputnik-ut nëse është nën sanksione nga Qeveria e Kosovës, por nuk mori përgjigje.

Më herët, MTS-ja i ka thënë REL-it se kompania i përmbahet listës për bllokim që i është dërguar nga Autoriteti Rregullativ për Komunikime Elektronike dhe Postare i Kosovës (ARKEP).

“Edhe pse i jemi përmbajtur rreptësisht listës së ofruar nga ARKEP-i, ne e pranojmë mundësinë e daljes së portaleve të reja që nuk janë pjesë e direktivës fillestare”, ka thënë MTS-ja.

Autoriteti Rregullativ për Komunikime Elektronike dhe Postare thotë për Radion Evropa e Lirë se të gjithë ofruesit e internetit dhe operatorët mobilë janë të detyruar t’i bllokojnë faqet e internetit të mediave ruse, në përputhje me sanksionet e vendosura ndaj tyre, por se për shkak të natyrës dinamike të internetit, disponueshmëria e këtyre ueb-faqeve mund të ndryshojë.

“Kjo varet nga masat e zbatuara nga autoritetet vendore, si dhe përdorimi i rrjeteve private virtuale (VPN) ose i serverëve ‘proxy’, të cilët mund t’i anashkalojnë këto kufizime. Mungesa e domeneve të internetit/kodit të vendit (ccTLD) gjithashtu krijon sfida shtesë në këtë proces”, thotë ARKEP.

Misioni i Bashkimit Evropian për Vëzhgimin e Zgjedhjeve thekson në raportin e tij se shtrirja e RT Ballkanit dhe Sputnik-ut është e kufizuar edhe në mediat sociale, për faktin se ato janë të pranishme vetëm në platformën X, ku postimet e tyre rrallë arrijnë më shumë se 2.000 përdorues.

Megjithatë, këto dy medie janë të disponueshme edhe në kanalet në Telegram, ku përmbajtja e tyre mund të lexohet pjesërisht, pa hyrë drejtpërdrejt në faqet e tyre zyrtare.

Ivana Stradner, bashkëpunëtore në Fondacionin joqeveritar për Mbrojtjen e Demokracive në Uashington, thotë se dëgjon shpesh deklarata se RT dhe Sputnik nuk kanë ndikim në Ballkan, sepse nuk lexohen dhe nuk kanë mjaftueshëm “pëlqime” dhe ndërveprime në rrjetet sociale.

Por, kjo tezë, sipas saj, “bie në ujë”, sepse tekstet e tyre i transmetojnë mediat lokale, blogerët dhe influencuesit përmes rrjeteve të tyre sociale.

“RT dhe Sputnik janë armë të Moskës, përmes të cilave ajo kontrollon ose imponon narrativë. Strategët ushtarakë rusë e thonë hapur se kushdo që ka epërsi informacioni, do ta fitojë luftën. Dhe, Perëndimi tashmë është në një luftë informacioni me Moskën, por edhe me Iranin dhe me Kinën”, thotë Stradner.

Organizata Reporterët pa Kufij, në raportin e vitit të kaluar me titull “Nga Rusia në Serbi: Si RT-ja përhap propagandën e Kremlinit në Ballkan, pavarësisht sanksioneve të BE-së”, theksoi se përmbajtja e RT Ballkanit citohet në mediat në Serbi, përfshirë edhe në transmetuesin publik – Radio Televizionin e Serbisë.

“RT citohet si një burim i besueshëm i lajmeve në lidhje me Rusinë dhe, si rezultat, RT Ballkan funksionon si agjenci shtetërore e lajmeve, e ngjashme me TASS-in e Rusisë”, thuhej në raport.

Rusia nuk e njeh pavarësinë e Kosovës, por ka zyrën e saj ndërlidhëse në Prishtinë që nga viti 2005. Megjithatë, aktivitetet e kësaj zyre nuk janë të njohura për publikun.

Qytetarë të Mitrovicës së Veriut, të anketuar nga Radio Evropa e Lirë, thonë se dikur ndiqnin RT Ballkanin dhe Sputnik-un në internet, por se nuk janë më të disponueshëm.

Nenadi thotë se asnjëherë nuk u ka besuar plotësisht mediave të mbështetura nga Kremlini, por se nuk u beson as mediave të caktuara të mbështetura nga vendet perëndimore.

“Sidomos në këto momente, marrë parasysh tablonë globale. Të dyja palët bëjnë propagandë”, thotë ai.

Stefani thotë se kur ka mundur, e ka ndjekur Sputnik-un në Serbi. Sipas tij, është jodemokratike që të privohet qasja në të.

“Unë mendoj se Sputnik-u është demokratik, sepse i transmeton të gjitha palët. Pastaj, u takon njerëzve t’i besojnë ose jo”, thotë ai.

Aleksandri thotë se derisa nuk kanë qenë të ndaluar, i ka hapur herë pas here Sputnik-un dhe dhe RT Ballkanin, por se nuk i ka ndjekur rregullisht.

“Gjithmonë, çdo gjë shikoj me një grimë dyshimi, por varet edhe nga lajmet… Do t’i bëja kërkimet e mia në media të tjera dhe ndoshta më pas do të dilja në një përfundim”, thotë ai.

Reporterët pa Kufij mbi themelimin dhe ndikimin e RT Ballkanit

Në raportin e vitit 2024, organizata Reporterët pa Kufij vlerësoi se njoftimi në rrjetin X i kryeredaktores së RT-së, Margarita Simonyan, la të kuptohej motivin e medias për t’u zgjeruar edhe në Serbi.

“E kemi nisur RT-në në Ballkan. Sepse Kosova është Serbi”, tha në njoftimin pas hapjes së RT Ballkanit, më 15 nëntor, 2022.

Reporterët pa Kufij thanë, gjithashtu, se në shtator të vitit 2024 i kanë dërguar një pyetësor këtij mediumi, në lidhje me misionin në Ballkan, por, siç thanë, ata kanë marrë një përgjigje sarkastike: “E kemi themeluar RT Ballkanin me një qëllim – për të mërzitur Reporterët pa Kufij”.

“Përgjigjja provokuese, politike tregon se si RT-ja pozicionohet si antitezë e një organizate që mbron median e pavarur. RT-ja, gjithashtu, nuk dëshiron të zbulojë informacione në lidhje me misionin ose marrëdhëniet e saj me qeverinë, të cilat mediat e pavarura – siç pretendon se është ky medium rus – duhet të jenë në gjendje t’i ofrojnë”, thanë në raportin e tyre Reporterët pa Kufij.

Stradner thekson se Rusia “i njeh shumë mirë pikat e ndjeshme në rajon” dhe se “me qejf përdor rolin e fesë dhe të tensioneve etnike në operacionet e saj”.

“Përmes rritjes së tensioneve, qëllimi është të krijohet kaos në rajon, sidomos në Bosnje e Hercegovinë, por edhe në Kosovë”, thotë ajo.

Stradner shton se ndikimi i Rusisë nuk do të bjerë, megjithëse “shumëkujt në Perëndim i pëlqen të fantazojë për këtë”.

“Së voni, RT-ja hapi edhe një stacion televiziv. Operacionet informative në Telegram, që unë i ndjek, vetëm se rriten, ndërsa Moska e ka përshtatur strategjinë e saj, duke u marrë më shumë me ndikimin te blogerët e influencuesit në rrjetet sociale në Ballkan, në mënyrë që ata t’i përhapin narrativët e saj”, thotë Stradner.

Për të parandaluar dezinformimin nga Rusia, Perëndimi duhet të dërgojë ekipe kundër luftës hibride, thotë ajo, duke shtuar se Moska nuk i ndjek rregullat që ekzistojnë në hapësirën e informacionit, “sepse nuk është demokraci”.

Në këtë kontekst, ajo thekson se vendet perëndimore duhet të investojnë më shumë në edukimin e të rinjve dhe në mediat e lira, si dhe t’i ndëshkojnë liderët dhe subjektet në rajon që kontrollojnë lirinë e mediave dhe përhapin dezinformata./REL

The post REL: Si shpërndanë mediat ruse përmbajtje manipuluese para zgjedhjeve në Kosovë? appeared first on Albeu.com.

E më së shumti u përfol për lidhjen me modelen ruse, Ariana Lirey, edhe pse ndodhi pak vite më parë.

Në një intervistë për Prive, këngëtari u pyet për këtë pjesë dhe ka folur pa doreza.

“Oh rusja, o Zoti mos ma vraftë atë. Rusja është shtatzënë çka me thënë, ka qenë shumë gjë e fortë lidhja me të”, u shpreh ai.

Tutje ndër tjerash tha: “Kam kaluar shumë mirë. Është shumë e ëmbël”.

Ariana tashmë është e martuar dhe po pret që të bëhet nënë për herë të parë.

The post Don Xhoni flet për lidhjen me modelen ruse: Ka qenë shumë e fortë, kam kaluar shumë mirë appeared first on Albeu.com.

Në Komisionin e Posaçëm “Për të koordinuar dhe mbikëqyrur të gjitha veprimet institucionale për të luftuar dezinformimin dhe format e tjera të ndërhyrjes së huaj në proceset demokratike të vendit”, ministri Hoxha tha se Ministria e Brendshme e ka vlerësuar të domosdoshme marrjen e masave të qëndrueshme për mbrojtjen dhe reagimin efektiv ndaj këtyre kërcënimeve.

“Intensifikimi dhe përhapja e shpejtë e kërcënimeve publike, paraqitet si një sfidë shumë serioze dhe komplekse për stabilitetin vendeve demokratike.

Shqipëria si një vend i ndërvarur nga zhvillimet globale dhe duke qenë vend anëtarë i NATO-s, dhe kandidat për në BE, e konsideron aftësinë për t’ju përgjigjur sulmeve hibride si një prioritet madhor me qëllim ruajtjen e rendit dhe sigurisë kombëtare, kohezionit social me qëllim garancinë e sigurisë kombëtare”, u shpreh ai.

“Tashmë ka një vlerësim të përbashkët të institucioneve në përballje më sulmet hibride që kërkon një qasje bashkëpunuese mes gjithë strukturave dhe agjencive shtetërore që janë të angazhuara në përmbushjen e sigurisë në nivel kombëtar dhe ndërkombëtar”, tha Hoxha.

Ministri Hoxha tha se në bazë të vlerësimeve të institucioneve të ndryshme të vendeve europiane dhe amerikane, “burimet e inteligjencës së vendeve partnere konkludojnë se autorët kryesorë të fushatave hibride dhe formave kryesore të tyre në sulmet kibernetike, janë aktorë shtetërorë dhe organizma të sponsorizuara prej tyre dhe më pak organizata biznesi joqeveritare”.

Hoxha theksoi se në nivelin global është e pranuar se në çdo sulm kibernetik janë të ashtuquajturit “Big Four”, 4 shtete kryesore, Rusia Kina Irani dhe Koreja e Veriut.

Duke u ndalur tek vendet e Ballkanit Perëndimor, ministri Hoxha, theksoi se “ndër vendet më aktive në luftën hibride është Rusia”.

“Rajoni i Ballkanit Perëndimor ndodhet i ndarë dhe në të veprojnë forca konkurruese politike.

Vlerësohet se Rusia ka shtuar prezencën dhe ndikimin në rajon duke vonuar e kundërshtuar procesin europian të këtyre vendeve nëpërmjet influencës politike dhe ekonomike”, tha Hoxha.

Ministri Hoxha nënvizoi se “propaganda politike e Moskës nuk vjen direkt nga Moska, por vjen e ripaketuar në të njëjtën mënyrë si të vinte nga andej dhe të shpërndahej ndërmjet satelitëve të saj në rajon. 90% e propagandës ruse bëhet në gjuhën serbe”.

Sa i përket Shqipërisë, Hoxha theksoi se “është më pak e prekur dhe më pak e ndikuar nga kjo fushatë hibride e Rusisë dhe e satelitëve të saj në rajon”.

“Kohët e fundit vlerësohet se infrastrukturës dezinformuse ruse në rajon i janë shtuar portale edhe në gjuhën shqipe. Këto vazhdojnë të kenë një shikueshmëri dhe lexueshmëri të kufizuar dhe një numër të vogël klikimesh”, tha ministri.

Ministri Hoxha tha se “format kryesorë të dezinformimit përfshijnë sulmet kibernetike duke ndërhyrë në baza elektronike të të dhënave qeveritare, manipulimi i mediave sociale për të ndikuar në perceptimet publike dhe për të polarizuar opinionin e ushtruar kryesisht me të ashtuquajtura, lajmet të gjeneruara nga Inteligjenca Artificiale.

Narrativa kulturore duke shfrytëzuar tensionet fetare dhe etnike për qëllime destabilizimi.

Mediat tradicionale audiovizive të cilat përdoren për përhapjen e informacioneve të manipuluara”.

“Ashtu sikur jemi në dijeni në korrik të 2022, Shqipëria ra pre e sulmeve kibernetike të organizuara nga një grup hakerash me origjinë nga Irani.

Falë bashkëpunimit me partnerë ndërkombëtarë u arrit minimizimi i dëmeve të shkaktuara nga ky sulm”, tha ministri.

Sipas ministrit Hoxha, Shqipëria i ka kushtuar rëndësi të veçantë forcimit të kuadrit ligjor strategjik.

“Vendi ynë ka një kuadër të plotë ligjor dhe strategjik në fushën e sigurisë kombëtare dhe për mbrojtjen sulmet me natyre hibridë dhe nga aktivitete të ndryshme të quajtur të zonës gri.

“Ministria e Brendshme ka nisur dhe do të përmirësoje të gjithë mekanizmat për votuesit jashtë vendit për rinovimin e  dokumenteve të identifikimi.

Rishikimi i kodit penal duhet të mbajë në konsideratë dhe aspektet zhvillimit të më së fundmi të legjislacionit të BE-së dhe implementimit të tij”, tha ministri Hoxha.

The post Hoxha: Infrastrukturës dezinformuese ruse në rajon i janë shtuar edhe portale në gjuhën shqipe appeared first on Albeu.com.

Zëdhënësja e Ministrisë së Jashtme të Rusisë, Maria Zakharova, e përshkroi vendimin si censurë dhe shkelje e lirisë së mediave.
Kanalet e prekura përfshijnë Channel One, Rossiya 1, RT, Sputnik, NTV dhe REN TV dhe vendimi hyn në fuqi që nga 10 korriku.

Agjencia e vendit për Median Elektronike udhëzoi agjencitë përkatëse dhe kompanitë e telekomunikacionit të bllokojnë transmetimet ose do të përballen me një gjobë prej 1000 deri në 40 000 euro.

“Ne e konsiderojmë këtë akt nga qeveria malazeze si një akt armiqësor censure, si shkelje e rëndë e lirive të medias dhe, nga ana tjetër, si një formë për të marrë favorin e të qenit pjesë e BE-së”, thuhet në një deklaratë të Zakharova.

Pas pushtimit rus të Ukrainës në vitin 2022, Mali i Zi iu bashkua vendeve të tjera në vendosjen e sanksioneve ndaj Rusisë dhe dëboi një numër diplomatësh të saj.

The post Mali i Zi ndalon transmetimin e 20 kanaleve televizive ruse appeared first on Albeu.com.

Ajo ka kurorëzuar dashurinë me partnerin e saj, me të cilin krijoi një histori pas ndarjes nga Don Xhon. Modelja ka ndarë pamjet e para në rrjete sociale, ku shihet me veshjen e bardhë.

View this post on Instagram

A post shared by Arina Kim (@arianalirey)

Kujtojmë se edhe në vitin 2022 ajo i dha fund beqarisë, por mesa duket ajo martesë nuk i zgjati shumë.

Modelja u përfol për lidhje me reperin shqiptar Don Xhoni rreth viteve 2022 e deri më 2023, atëherë kur mori fund romanca e tyre. Dyshja ende nuk ka dhënë arsyet e vërteta të ndarjes, po sikurse shihet, secili ka vazhduar jetën e tij.

The post Ish e dashura e Don Xhonit i jep fund beqarisë, publikohen fotot nga ceremonia appeared first on Albeu.com.

“Para së gjithash, në lidhje me sulmin rus në mëngjes…130 persona u plagosën. Të gjithëve po iu ofrohet ndihma e nevojshme. Fatkeqësisht, 18 persona u vranë”, tha Presidenti ukrainas Volodymyr Zelensky në një fjalim.

Ai tha se më shumë se 200 vende u goditën, duke përfshirë 139 shtëpi.

“Në veçanti, operacioni i shpëtimit në Kharkiv është ende duke u zhvilluar, rrënojat e ndërtesës janë duke u çmontuar”, shtoi ai.

Duke përcjellë ngushëllimet e tij për familjet dhe miqtë e viktimave, Zelensky paralajmëroi se numri i të vdekurve mund të rritet.
Një deklaratë e Ministrisë së Mbrojtjes ruse tha se forcat e armatosura të vendit kryen sulme në mëngjes, të cilat synonin “objektet e kompleksit ushtarak-industrial të Ukrainës që prodhojnë raketa dhe përbërësit e tyre, municione dhe eksplozivë”.

“Qëllimi i sulmit është arritur. Të gjitha objektivat e përcaktuara janë goditur“, thuhet në deklaratë.

Moska dhe Kievi, kanë shkëmbyer akuza për sulmet ajrore kundër njëri-tjetrit që janë intensifikuar që nga fundi i dhjetorit, kur të paktën 40 persona u vranë në rajone të ndryshme të Ukrainës në një sulm masiv ajror, të cilin Zelensky e përshkroi si “sulmin më të rëndë” që nga fillimi i luftës.

Më 1 janar, presidenti rus Vladimir Putin tha se vendi i tij nuk do të linte “një krim të vetëm të këtij lloji” të mbetet i pandëshkuar pas një sulmi në qytetin rus të Belgorodit, i cili vrau 25 njerëz dhe plagosi shumë të tjerë.

The post 18 të vrarë dhe 130 të plagosur në sulmet ajrore ruse në Ukrainë appeared first on Albeu.com.

Tre burra dhe dy gra akuzohen për “konspiracion për të mbledhur informacione me qëllim që ato në mënyrë të drejtpërdrejtë apo tërthorazi të jenë të dobishme për një armik”, kryesisht Rusinë. Ata dyshohet se këtë vepër penale e kanë kryer mes gushtit të vitit 2020 deri në shkurt të këtij viti.

Pesë të pandehurit akuzohen se janë pjesë e një rrjeti që ka kryer vëzhgime në emër të Rusisë. Shumicën e aktivitetit ata e kanë kryer jashtë Mbretërisë së Bashkuar, por koordinimin e kanë bërë brenda këtij shteti, thanë prokurorët.

Pesë të akuzuarit – Orlin Roussev, 45 vjeç, Bizer Dzhambazov, 41, Katrin Ivanova, 31, Ivan Stoyanov, 31 dhe Vanya Gaberova, 29 – dolën para gjykatës në Londër përmes videolidhjes. Ata nuk folën për akuzat, por vetëm për detajet bazike.

Të dyshuarit u arrestuan nga forcat kundër terrorizimit në shkurt.

Akuzat ndaj Roussev, Dzhambazov dhe Ivanova u ngritën në shkurt, pasi ata u gjetën se kishin dokumente false të identitetit, por lajmi për akuzat ndaj tyre nuk u bë publik deri në gusht.

Të tre të akuzuarit kishin 31 dokumente false të identitetit të Mbretërisë së Bashkuar, Bullgarisë, Francës, Italisë, Spanjës, Kroacisë, Sllovenisë, Greqisë dhe Republikës Çeke.

The post Anglia akuzon 5 bullgarë si spiunë rusë appeared first on Albeu.com.

Ata kanë shkruar simbolin “Z” në një automojet të KFOR-it, i cili ëhstë i njëjti simbol që u përdor nga rusët në tanket që luftojnë në Ukrainë.

Para objekteve komunale në katër komunat veriore po qëndrojnë ende një numër të madh protestuesish, mes të cilëve edhe persona të maskuar.

Protestuesit që po qëndrojnë rreth automjeteve të blinduara të Policisë së Kosovës, paraprakisht kanë shkruar në to simole të njëjta dhe të tjera të flamurit të Serbisë.

Simboli “Z” së pari u pa në tanket që ishin nisur drejt kufirit të Ukrainës, disa ditë para se presidenti rus, Vladimir Putin, të urdhëronte pushtimin e shtetit fqinj. Ky simbol u shndërrua shumë shpejt në simbol për mbështetjen e luftës së Putinit në Ukrainë dhe është parë e vizatuar edhe në ndërtesa të ndryshme në Komunën e Mitrovicës së Veriut, të banuar me shumicë serbe, në protestat në mbështetje të Putinit në Beograd, e në vende të tjera.

The post Serbët protestojnë me simbolet ruse në Kosovë, shikoni çfarë shkruajnë mbi automjetet e “KFOR” (FOTO) appeared first on Albeu.com.

Midis viteve 2020 dhe 2022, sipas të dhënave të emigracionit argjentinas, më shumë se 22,000 qytetarë rusë u futën në Argjentinë, rreth gjysma e tyre gra. Shumë prej tyre ishin në fazat e vona të shtatzënisë dhe lindën fëmijë në atë vend.

Kirill Makoveev, themeluesi i agjencisë “RuArgentina”, e cila ndihmon gratë ruse të lindin në Argjentinë, thotë për Zërin e Amerikës se biznesi po funksionon mirë.

“Vitin e kaluar rreth 70,000 njerëz morën të dhëna në faqen tonë të internetit në lidhje me lindjet në Argjentinë”.

Sipas ligjit argjentinas, çdo fëmijë i lindur në vend merr automatikisht shtetësinë. Prindërit e foshnjës marrin statusin e qëndrimit të përhershëm dhe më vonë mund të aplikojnë për një pasaportë argjentinase.

Pasaporta argjentinase i mundëson rusët që të udhëtojnë lirshëm në 170 vende. Por largimi nga Rusia është bërë më i kushtueshëm dhe në disa raste i pamundur, për shkak të kufizimeve të vendosura nga disa vende. Shumë po largohen për t’i shpëtuar mobilizimit të detyruar ushtarak për të luftuar në Ukrainë.

Natalia Ksenofontova u zhvendos në Argjentinë nga qyteti Ufa i Rusisë, ndërsa ishte shtatzënë me fëmijën e saj të tretë.

“Kam dy djem. E ardhmja e mrekullueshme që kisha planifikuar për ta, për t’u shkolluar në Evropë, u shkatërrua brenda një dite. Kur mora vesh që isha shtatzënë me fëmijën e tretë, menduam gjatë se çfarë duhet të bënim, dhe vendosëm të largohemi nga Rusia”.

Autoritetet argjentinase thonë se shumë gra ruse që lindin në atë vend, nuk po qëndrojnë në Argjentinë. Gjatë vitit të kaluar, mbi gjysma e rusëve që shkuan në Argjentinë, rreth 13,000 janë larguar, shumë prej tyre nëna me fëmijë.

Në muajin shkurt, Florencia Carignano, drejtoresha e zyrës së imigracionit të Argjentinës, njoftoi vendimin për të pezulluar dhënien e lejes së përhershme të qëndrimit për shtetasit rusë që lindin në Argjentinë, por kalojnë shumicën e kohës në vende të tjera.

“Në janar 2023, 4,523 shtetas rusë u futën në Argjentinë. Këto shifra po rriten në mënyrë dramatike. Po vërejmë rritjen e numrit të fluturimeve që vinë në vend dhe të grave shtatzëna ruse…”

Alla dhe Andrey Prigolovkin qëndruan. Fillimisht ata shkuan në Argjentinë për të shmangur mundësinë që burri i saj të thirrej për të luftuar në Ukrainë.

“I thashë se mund ta detyronin të shkonte në luftë dhe të vritej dhe unë do të rrisja fëmijët e vetme”.

Natalia Ksenofontova gjithashtu ((Mandatory courtesy: Natalya.Ksenofontova_ + Instagram Logo)) nuk ka plane të largohet nga Argjentina. Aktualisht ajo dhe bashkëshorti i saj po punojnë nga distanca, duke mësuar spanjisht dhe kërkuar punë në Buenos Aires. Ata thotë se Argjentina është streha e tyre e re, ((End courtesy)) dhe një shpresë për një të ardhme më të mirë për fëmijët e tyre./voa

The post Pse gratë ruse po shkojnë për të lindur në Argjentinë? appeared first on Albeu.com.