Rudina Hajdari feston sot ditëlindjen dhe mbush 37 vjeç.

Këtë ditë feste ajo e ka kaluar me njërëzit më të dashur për të, si e bija dhe dashuria e saj e re. Partneri i ish-deputetes është Tan Kazazi, një producent dhe regjisor filmash.

The post Rudina Hajdari feston ditëlindjen, nuk do ta besoni sa vjeç mbush appeared first on Albeu.com.

Anëtarja e PD-së, Rudina Hajdari ka bërë një analizë që sipas saj solli humbjen e thellë të kësaj force politike në zgjedhjet vendore.

Përmes një video mesazhi ku shpjegon problematikat e shumta të PD-së, Hajdari thotë se është koha që humbësit të mos fshihen më pas retorikës së përdorur ndër vite, por të reflektojnë si humbës.

Ajo i referohet deklaratave të Sali Berishë për vjedhje masive të votave, dhe shton se ndoshta është koha që Berisha të reflektojë nëse duhet apo jo të vazhdojë më në këtë rrugë.

Më tej Hajdari thotë se demokratët duhet të gjejnë forcë brenda vetes për t’u bashkuar.

Mesazhi i Rudina Hajdarit:

Rezultatet e zgjedhjeve vendore ishin një goditje shumë e fortë për opozitën në tërësi. Por ama ishin akoma një goditje më e fortë për Partinë Demokratike. Unë mendoj se ne jemi ardhur në këtë pikë si rrjedhojë e shumë faktorëve. Si fillim mendoj se dëmi i opozitës ka filluar qysh kur u mor vendimi për të bojkotuar parlamentin, më pas zgjedhjet lokale, duke i dhënë kështu Edi Ramës çdo pushtet në dorë. E duke e lënë atë për të kontrolluar të gjitha pushtetet. Mungesa e opozitës në Kuvend për vite me radhë, mungesa e opozitarizmit, krijoi një mungesë besimi dhe respekti të të gjithë qytetarëve në vend. Mungesa e përfaqësimit të tyre, aksioneve të mëdha përballë një pushteti arrogant dhe të korruptuar.

Mungesa e opozitës më pas në garën për zgjedhjet lokale, edhe në zonat ku PS nuk do të fitonte dot kurrë. Nuk do të kishin ndonjëherë shans të kalonte në anën e tyre duke lënë opozitën edhe në ato vende pa asnjë lloj përfaqësimi. Përçarja më pas, rikthimi i lidershipit të vjetër. Mungesa e figurave të reja në lidershipin e PD. Mungesa e një vizioni të mirëfilltë, bashkë me çdo faktor që përmenda më sipër, treguan qartë që PD ka marrë një goditje të rëndë në zgjedhje. Dhe pësoi humbjen më të madhe që ka pasur ndonjëherë në historinë e saj.

Ndaj sot është koha për një reflektim të madh dhe serioz. Humbësit në këtë rast duhet ta trajtojnë veten e tyre si të tillë dhe nuk mund të fshihen mbrapa retorikës së njëjtë të përdorur gjithë këto vite, e cila është bërë tejet e lodhshme për qytetarët. Duke filluar kështu që nga kryetari i PD, që duhet të respektojë statutin dhe të reflektojë thellë për humbjen e tij. Të reflektojë a duhet të vazhdojë më në këtë rrugë apo ka ardhur koha për një ndryshim të madh brenda PD-së. Unë mendoj se së pari PD duhet të bashkohet patjetër. Duhet të gjejmë forcë brenda nesh, për të kuptuar që PD gjithmonë do të ketë lidera të rinj, vizion të rinj dhe një komunikim më të ri, më të hapur dhe më të dashur me qytetarët shqiptarë. Nuk është Edi Rama njeriu i preferuar i qytetarëve shqiptarë. Jemi ne që nuk po gjejmë dot komunikimin e duhur me shqiptarët. Dhe jemi ne që duhet të ndryshojmë sa më parë në mënyrë që të mos kemi më rezultate të tilla.

Unë i kam dhënë PD-së kontributin tim pa asnjë lloj kushti. Është koha që çdo anëtar të reflektojë dhe të marrë mendime të cilat nuk burojnë nga militantizmi apo nga forca e zakonit por nga arsyeja dhe dëshira për të ndryshuar dhe fituar. Ndaj mendoj që në mënyrë që të fitojmë, së pari duhet të ndryshojmë.

The post Rudina Hajdari mesazh Sali Berishës: Reflekto thellë, ka ardhur koha për një ndryshim të madh brenda PD-së appeared first on Albeu.com.

Pasi seancat gjyqësore janë shtyrë disa herë, sot gjykata mund të dalë me një vendim ku do të mësohet nëse partia më e madhe opozitare do të jetë nën drejtimin e Enkelejd Alibeajt apo Sali Berishës.

E pyetur në lidhje me fatin e Partisë Demokratike, Rudina Hajdari, tha se kryetari i opozitës zgjidhet nga populli dhe jo gjykata, duke shtuar se në këtë mënyrë po shkelen të drejtat.

Ajo i bën thirrje gjykatës që të ketë parasysh që partitë dhe kryetarët e tyre zgjidhen si proces i votës së lirë dhe jo përmes gjyqeve”,

“Ajo që po ndodh është e paprecedentë. I kujtoj gjykatës , shoqërisë që ky është një problem që na përket të gjithë. Gjykata nuk mund të mohojë të drejtën. PD nuk mund të trajtohet si pronë private, s’mund të vendoset nga një trup gjykues nëse kjo i përket zoti Berisha apo jo. E inkurajoj gjykatën që ta shoh këtë vendim. Po e them dhe si nënë, jam e shqetësuar. jam këtu për t’i kujtuar gjykatës, se gjithë procesi është falsitet. PD nuk mund të trajtohet si pronë private. Do e inkurajoja gjykatën që mos të harrojë drejtësinë, dhe të prevalojë shumicën. Shumica është vullneti përmes votës. E vendosin anëtarët e PD të ardhmen e kësaj partie. Parimi po thuhet, dhe dua t’ua rikujtoj gjykatës. Jam këtu si gardiane e këtij parimi, pasi jam e bija e Azem Hajdarit, që dha jetën për këto parime. Ndaj i bëj thirrje gjykatës që të kenë parasysh që partitë dhe kryetarët e tyre zgjidhen si proces i votës së lirë dhe jo përmes gjyqeve”, tha Rudina Hajdari.

Ndërkohë, në një njëjtën kohë, ish-kryeministri Sali Berisha ka thirrur një protestë kombëtare. Protestuesit do të mblidhen para Kryeministrisë rreth orës 12:00. Për pasojë, në disa akse rrugore do të bllokohet qarkullimi. Konkretisht, në Bulevardin “Dëshmorët e Kombit”, sheshin “Nënë Tereza”, rrugën “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Berisha ka deklaruar për mediat se kjo protestë nuk ka lidhje me gjyqin, ndërkohë që nuk ka dhënë një përgjigje nëse është i gatshëm të pranojë vendimin që do të japë Gjykata e Apelit.

/albeu.com/

The post Vendimi i Gjykatës për “fatin” e PD-së, Hajdari: S’mund të vendoset nga një trup gjykues appeared first on Albeu.com.

Hajdari u shpreh se mazhoranca vijon me një mentalitet të vjetër dhe se deputetët e saj janë thjeshtë kartona që i binden urdhrave të kryeministrit Edi Rama.

Edi Rama u rikthye “surprizë” sot në Parlament, edhe pse nuk foli.

Hajdari, e ftuar në News 24 tha se ishte një kthim  jo shumë burrëror, sepse nëse do të ishte i tillë Rama do të kishte dhënë një shpjegim mbi çështjen McGonigal apo të pakët të kishte folur, gjë që ai nuk e bëri.

Ç’prodhon gjithë ky tension?

Rudian Hajdari: Parlamenti është kthyer në shëmbëlltyrën e shëmtuar të mungesës së demokracisë në vend. Sjellja e kryeparlamentares dhe zëvendësueses së saj tregon një drejtim që në fakt e kemi parë dhe nuk ka ndodhur në 32 vite të përjashtohen kaq shumë deputetë të opozitës duke u ndaluar të drejtën e fjalës. Të gjitha aktet e shëmtuara tregojnë sjelljen e qeverisë Ra,amqë ashpërsohet përballë opozitës.

Rama së pari të japë shpjegime para shqiptarëve dhe Kuvendi është vendi më institucional për ta bërë një gjë të tillë. Mënyra se si herët e tjera ia ka hedhur fajin vartësve të tij, tregon imoralitetin e një politikani.

Si e patë rikthimin e Ramës në Kuvend?

Rudian Hajdari: U kthye si struci sepse po të ishte burrë shteti do kishte thënë dy fjalë. Uroj shqiptarët që na u bashkuan në protesta për t’i treguar Ramës se kush është në të vërtetë dhe se shpërfillja ndaj opozitës është shpërfillje e shqiptarëve.

Përjashtimi i deputetëve të opozitës. Si e krahasoni me Parlamentin që është sot me atë që ishte kur ishit ju deputete?

Rudian Hajdari: Deputetët e Ramës janë thjeshtë kartona. Nëse ai ka një këndvështrim autokratik dhe sillet në mënyrë arrogante me opozitën, sjellje që nuk i takon një kryeministri, ata thjeshtë duartrokasin dhe ngrenë kartonin. Nuk i kanë ikur mentalitetit të vjetër që kur ngrihet kryetari i Kuvendit duhet të duartrokitet. Kur jepet urdhri i Ramës duhet ta ndjekin pas, të gjithë veç Braces që ka një sjellje pak më ndryshe. Janë të gjithë si ato bilbilat që binin sot, nuk thonë asgjë të re për publikun shqiptar./Albeu.com/.

The post “Rama u kthye si struci në Kuvend”, Rudina Hajdari: Po të ishte burrë shteti do kishte thënë dy fjalë appeared first on Albeu.com.

E ftuar në “S’e Luan Topi”, Hajdari u shpreh se tashmë ai jeton në Amerikë dhe kanë zgjedhur rrugë të ndara,  por janë gjithmonë aty për vajzën e tyre.

Ish-deputetja u shpreh se i japin shumë dashuri vajzës së tyre, që të mos ndjehet sikur familja është e paplotë.

“Ne jemi munduar që ajo të ndjehet që familja e saj nuk është e plotë. Ne i japim shumë dashuri. Kemi një marrëdhënie të jashtëzakonshme si dy partner të fortë, në kuptimin që jemi njohur shumë të rinj. Jemi totalisht të dedikuar që ajo të ketë një jetë familjare të shëndoshë, por realiteti është që ne jemi të ndarë. Ai jeton në Amerikë dhe unë në Shqipëri, kemi zgjedhur rrugën tonë”, u shpreh ajo.

The post Rudina Hajdari flet për ndarjen nga bashkëshorti: Kemi zgjedhur rrugët tona appeared first on Albeu.com.

Ish-deputetja Rudian Hajdari është e radhës që është ngjitur të podium për t’iu drejtuar mijëra qytetarëve të cilët kanë mbushur sheshin plot.

Ajo u shpreh se kjo nuk është një betejë mes partive politike apo ideologjive, por një betejë mes gjithë shqiptarëve nga njëra anë dhe klubit të miliarderëve nga ana tjetër.

Teksa vija këtu bëra një copë rrugë me disa qytetarë që historikisht e kanë mbështetur PS-në dhe sot janë këtu në shesh. Do doja t’i përshëndesja ata dhe të gjithë ata që e kanë kuptuar që beteja sot nuk është mes partive, mes militantëve, beteja është mes gjithë shqiptarëve nga njëra anë dhe klubit të miliarderëve nga ana tjetër. ky klub miliarder po zhvat jo vetëm buxhetin e shtetit, jo vetëm burimet natyrore, jo vetëm pronën publike, por mbi të gjitha është duke zhvatur ëndrrat tona dhe të fëmijëve tanë, për një të ardhme më të mirë.

Ky shesh sot nuk është vetëm i demokratëve, por për të gjithë ata sepse kjo betejë nuk mund të jetë vetëm e demokratëve, por e gjithë shqiptarëve që duan të jetojnë në Shqipëri dhe të çlirohen njëherë e mirë nga kthetrat e miliarderëve në pushtet.

Sa prej jush i kanë fëmijët sot në emigrim, çoni duart tuaja. E shikoni sa jemi sot në shesh që fëmijët tanë nuk i kemi këtu. Si mund të begatohet një vend kur rinia largohet. Si mundet një baba e një nënë që të çojë dritën e syve në emigrim, si mundet një familje që nuk paguan dot faturën e energjisë dhe nuk paguan dot ushqimin të rrijë në këtë vend. Si mundet një baba të jetë i qetë kur nuk i siguron dot veshjet e lodrat e fëmijëve, arsimin. A e dini që në këtë vend ka fëmijë që akoma nuk e kanë parë detin. Si mundet një student të jetë i qetë kur nuk paguan dot as ushqimin, as qiranë. Si mundet një pensionist të jetë në paqe kur nuk paguan dot me pensionin e tij as ushqimin as ilaçe. Ndaj ne duhet të sigurohemi që as klubi i miliarderëve të mos ketë paqe.

Motra dhe vëllezër, unë jam Rudina Hajdari dhe sot të flas këtu është një privilegj i madh në këtë foltore dhe ju që jeni mbledhur këtu më kujtoni Azem Hajdarin, Azemi kishte vetëm një mision që ta kthente Shqipërinë në një vend të begatë. Ju më mbushni me shpresë dhe energji që të luftoj sa më shumë. Ju përqafoj dhe ju dua shumë të gjithëve”, deklaroi Hajdari.

The post “Ky shtet po zhvat ëndrrat e tona dhe fëmijëve tanë”, Hajdari përlotet gjatë fjalës së saj në protestën e opozitës appeared first on Albeu.com.

Hajdari ka uruar një fundjavë të bukur për të gjithë.

“Me perëndimin e diellit në këtë ditë të ngrohtë tetori dua t’iu uroj një fundjavë të bukur dhe të qetë”, shkruan Hajdari./albeu.com

The post Me dy gishtat lart, Rudina Hajdari poston foton nga plazhi (FOTO LAJM) appeared first on Albeu.com.

Në një deklaratë për mediet, Hajdari u shpreh se një nga gjetjet kryesore të këtij sondazhi, të zhvilluar nga profesionistë dhe mbështetur nga partnerë ndërkombëtarë është: 83.1% e shqiptarëve e perceptojnë korrupsionin e nivelit të ulët si të përhapur ose shumë të përhapur, ndërkohë që 83.7% e perceptojnë korrupsionin e madh apo të nivelit të lartë me një përhapje po të tillë.

“Pra 83.7 % e shqiptarëve e konsiderojnë qeverinë si të korruptuar dhe nuk ka se si të jetë ndryshe. Teksa shqiptari mesatar është duke u përpjekur të mbyllë muajin, mes çmimeve të rritura të mallrave, ushqimeve dhe shërbimeve, dhe pagave me të ulëta në rajon, qeveria e Edi Ramës vazhdon të paguajë miliona euro për Incineratoret që nuk ekzistojnë, për koncesione te cilat nuk i japin asnjë shërbim qytetarit; vazhdon të shpenzojë para të buxhetit për luksin dhe tekat e Kryeministrit. Sikur të mos mjaftonte kjo, qytetarëve u duhet edhe te paguajnë ryshfet për shërbimet që ofron qeveria e te cilat u takojnë me ligj, siç e konfirmon edhe sondazhi. Pasigurisë nga korruptimi qeveritar i shtohet edhe pasiguria nga krimi. Siç zbulon sondazhi 73 përqind e shqiptarëve ndihen të pasigurt për shkak të rritjes së kriminalitetit në vend. Kjo pasiguri e dyfishtë është edhe shkaktari kryesor i shpopullimit të vendit. Partia Demokratike angazhohet të përdorë të gjitha mekanizmat ligjor për tu bërë mburojë e qytetarëve, të cilët sot po vuajnë pasojat e keqqeverisjes dhe korrupsionit, edhe i bën thirrje çdo qytetari shqiptar që të bashkohet me ne, duke denoncuar abuzimet dhe marrë pjesë në protestat popullore me synim shpëtimin e vendit nga kjo klikë skandaloze”, tha ajo.

The post Rudina Hajdari: Qeveria e korruptuar, shqiptarët të bashkohen me PD-në appeared first on Albeu.com.

Ajo ka deklaruar se babai i saj guxonte dhe luftonte për tre arsye: Familjen, atdheun dhe lirinë.

“Sa herë kam udhëtuar në Shqipëri më kanë treguar një kujtim. Disa në këtë shesh janë të rinj. Azemi ishte fare i ri kur ngriti krye kundër regjimit më të egër. Kush ka jetuar e di se ç’guxim duhej atëherë për më tepër për një student të ardhur nga Tropoja. Ç’guxim duhej për të bashkuar studentët e për të thirrur Liri Demokraci. Çfarë e motivonte të sakrifikonte aq shumë?

Pse guxonte aq shumë dhe ç’mund të bëjmë ne sot të ecim në atë lloj rruge. Në jetën time kam deduktuar që ai jetonte për tre gjëra, Familjen atdheun e lirinë. E urrente komunizmin mbi çdo gjë sepse përdhosi familjen duke i vënë familjarët kundër njëri tjetrit.

Komunizmi e përdori atdheun si lopë për ta mjelë vetëm disa në Bllok. ia mohoi lirinë shqiptarëve të thjeshtë.

Ndaj ai u përkushtua që ato parimi ti kthente në piedestal për të gjithë shqiptarët. Kishte mundësinë të emigronte por zgjodhi të luftonte këtu. Nuk zgjodhi të bënte të mirën për familjen e tij, por për të gjithë.

A nuk i ngjan Rilindja Komunizimit? A nuk po zaptojnë bregun si ata në Bllok dikur? Janë duke privuar lirinë e shqiptarëve, duke i përndjekur me patronazhistë, prapagandë, dhe inspektorë që godasin. Refuzoni nënshtrimin, mashtronim dhe investoni këtu në këtë vend. Jepni vlerë moshës që keni brenda jush”, tha ajo.

The post “Kishte mundësi të emigronte, por zgjodhi të luftonte këtu”, Rudina Hajdari tregon tre arsyet se përse jetonte e guxonte Azemi appeared first on Albeu.com.

“Shqiptarët kanë humbur të gjitha shpresat se ndryshimi do vij, ndaj mendoj se Azemi është figura që të frymëzohemi dhe të mendojmë se ai është personi, që si student u çua për të sjellë ndryshimin. Mesazhi im sot është për të rinjtë që duan ta ndërtojnë jetën në Shqipëri, hajde të organizohemi dhe të luftojmë për idealet tona, të fitojmë betejat për më shumë demokraci, drejtësi, meritokraci. Besoj se nëse Azemi kishte guxim t’i bënte ato gjëra atëherë, ne mund t’i bëjmë të gjithë së bashku”, tha Hajdari.

The post Ceremonia përkujtimore e Azem Hajdarit, Rudina Hajdari mesazh të rinjve: Të ndjekim shembullin e tij appeared first on Albeu.com.