rrezohen Archives - Albeu.com

E rëndë në Kamëz/ Dy punëtorë rrëzohen nga lartësia, arrestohen inxhinierët e objektit në ndërtim

V K — Tue, 16 Jul 2024 06:50:44 +0000

Ditën e djeshme, rreth orës 13:00, në Kamëz, dy punëtorë janë rrëzuar nga lartësia në një objekt në ndërtim në Kamëz.

Dy punonjësit me iniciale B. B., 58-vjeç, dhe Q. K., 48-vjeç, ndodhen nën kujdesin e mjekëve.

Ndërkohë uniformat blu kanë arrestuar dy inxhinierët e firmës, shtetasit me iniciale B. Sh., 39-vjeç, dhe M. N., 26-vjeç, të dy banues në Tiranë, për veprën penale “Shkelja e rregullave të mbrojtjes në punë”.

“Specialistët për Hetimin e Krimeve të Komisariatit të Policisë Nr. 5 arrestuan shtetasit B. Sh., 39-vjeç, dhe M. N., 26-vjeç, të dy banues në Tiranë, për veprën penale “Shkelja e rregullave të mbrojtjes në punë”, parashikuar nga neni 289 i Kodit Penal.

Ditën e djeshme, rreth orës 13:00, në Kamëz, në një objekt që po ndërtohet nga firma ku këta dy shtetas punojnë si inxhinierë, janë rrëzuar nga lartësia dy punëtorë, shtetasit B. B., 58-vjeç, dhe Q. K., 48-vjeç, të cilët si pasojë janë dëmtuar dhe ndodhen nën kujdesin e mjekëve”, njoftoi policia.

Materialet i kaluan Prokurorisë.

The post E rëndë në Kamëz/ Dy punëtorë rrëzohen nga lartësia, arrestohen inxhinierët e objektit në ndërtim appeared first on Albeu.com.

“Jepi gjyshe!” Pankarta e tifozit shtrin përtokë qindra çiklistë (VIDEO)

admin — Sun, 27 Jun 2021 15:07:37 +0000

I trembeshin erës dhe reshjeve të shumta në rrugët e zonës së Bretanjës në Francë. Por në fakt ajo që e bëri të paharrueshme etapën e 108 të Turiq të Francës, nga Bresti në Landerno, ishte një pankartë ku shkruhej “Jepi gjyshi jepi gjyshe” e fokusuar nga kamera ndërkohë që mbahej në dorë nga një e re 47 kilometra nga finishi.

Kur grupi i çiklistëve arriti thuajse në majë, drejt kësaj pankarte shkoi gjermani Tno Martin. Në një rrugë të gushtë, rrëzimi i tij shkaktoi një varg zinxhir rrëshqitjesh.

Më pas u duk se grupi u riformua dhe vazhduan garën, por 10 km nga fundit shkaktohet rrëzimi tjetër masiv, kur një nga çiklistët e skuadrës Movistar përveçse humbi kontrollin mori përpara edhe disa spektatorë që ndodheshin buzë rruge. Një rrëzim që përfshi mbi 20 çiklistë, mes tyre edhe pretendenti kryesorë Chris Froome, katër herë fituesi i Turit të Francës.

The post “Jepi gjyshe!” Pankarta e tifozit shtrin përtokë qindra çiklistë (VIDEO) appeared first on Albeu.com.

Era e fortë rrëzon dy punëtorët nga çatia në Sarandë

admin — Tue, 01 Jun 2021 14:36:36 +0000

Një ngjarje e rëndë ka ndodhur në qytetin e Sarandës, ku era e fortë ka rrëzuar nga çatia dy punëtorë të cilët po punonin aty.

Si pasojë kanë dy punëtorët Mehmet Metali, 35 vjeç dhe Sokol Cukari, 31 vjeç, të cilët janë transportuar me urgjencë në spital.

Njeri prej tyre, Sokol Cukari i është nënshtruar operacionit në këmbë ndërkohë që 35-vjeçari Metali, për shkak të dëmtimeve në shtyllën kurrizore u transportua me helikopter drejt spitalit të Traumës në Tiranë.

The post Era e fortë rrëzon dy punëtorët nga çatia në Sarandë appeared first on Albeu.com.