Bëhet me dije se mjeti është djegur pjesërisht, ndërsa nuk raportohet për persona të lënduar.

Sipas informacioneve paraprake të policisë, dyshohet se zjarri ka qenë aksidental dhe nuk kemi të bëjmë zjarrvënie të qëllimshme.

Policia thekson se hetimet do të përcaktojnë nëse ka pasur probleme teknike apo faktorë të tjerë që kanë ndikuar në ngjarje.

The post Përfshihet nga flakët një makinë e parkuar në Rrëshen, ja dyshimet e policisë appeared first on Albeu.com.

Dëmtimi ka ndodhur orët e para të ditës së djeshme duke sjellë ndërprerjen e menjëhershme të ujit. Janë kryer verifikimet në terren nga punonjësit e Shërbimit të Ujësjellës Kanalizimeve, dhe është konstatuar se kemi të bëjmë me një dëmtim serioz me një gjatësi 85 metra, gjë e cila kërkon ndërhyrje të specializuar dhe mjete të posaçme teknike.

Për shkak të terrenit të vështirë dhe kushteve atmosferike në përkeqësim, ndërhyrja rezulton e vështirë dhe me rrezik dhe shoqëria Rajonale Ujësjellës-Kanalizime Lezhë nuk i ka kapacitetet e plota teknike për riparimin e menjëhershëm të këtij defekti.

Njërkohë gjatë ditës së sotme është bërë furnizimi i pjesshëm me ujë të pijshëm për qytetin e Rrëshenit, ndërkohë që fshatrat e prekur vijojnë të mbeten pa ujë.

The post Dëmtohet linja e ujësjellësit, mijëra banorë në Mirditë e Rrëshen pa ujë të pijshëm appeared first on Albeu.com.

Ngjarja ndodhi pranë godinës së një ish-shkolle të mbyllur, e cila është përshtatur për të shërbyer si qendër votimi në zgjedhjet e 11 majit.

Sipas të dhënave paraprake, tre elektricistët po punonin për vendosjen e lidhjes elektrike në qendër, kur ndodhi një aksident i rëndë teknik, me pasojë fatale për 34-vjeçarin Emiljano Bunga.

Autoritetet kanë nisur hetimet për të zbardhur shkaqet e plota të incidentit, ndërkohë që OSHEE dhe strukturat zgjedhore në zonë janë angazhuar për garantimin e vazhdimësisë së përgatitjeve për zgjedhjet.

The post E rëndë në Mirditë/ Po punonin për të lidhur energjinë në një qendër votimi, humb jetën 34-vjeçari, plagosen dy të tjerë (EMRI) appeared first on Albeu.com.

Viktima e aksidentit ishte një kalimtar i rastit, 70-vjeçarit. Policia ka shoqëruar në komisariat drejtuesin e automjetit.

Njoftimi i plotë:

Mat/Informacion paraprak. Rreth orës 17:45, në fshatin Urakë, shtetasi G.Gj , 40 vjeç, dyshohet se ka humbur kontrollin mbi drejtimin e automjetit të tij dhe ka aksidentuar këmbësorin, shtetasin Q.N., rreth 70 vjeç, i cili si pasojë e aksidentit, ka ndërruar jetë në spital.

Drejtuesi i automjetit, shtetasi G.Gj., u shoqërua në Komisariat për veprime të mëtejshme. Grupi hetimor vijon hetimet për zbardhjen e plotë të rrethanave të aksidentit.

The post Aksident i rëndë në aksin Rrëshen-Burrel, humb jetën një person appeared first on Albeu.com.

Raportohet se këtë të premte, ata kanë bllokuar këtë aks rrugor, duke kërkuar nga qeveria ndërhyrjen për rehabilitimin e kësaj rruge kombëtare, e cila është bërë thuajse e pakalueshme, duke vështirësuar jetën e mijëra banorëve.

The post Degradimi i rrugës Rrëshen-Burrel, banorët e 10 fshatrave në Mirditë dalin në protestë appeared first on Albeu.com.

Gjatë këtij operacioni, janë sekuestruar 2 automjete të vjedhura në Kosovë, që dyshohet se do përdoreshin për qëllime kriminale, në Rrëshen.

Gjithashtu, policia ka arrestuar 34-vjeçaren, Alketa Pjetri, që dyshohet se ka trafikuar në Shqipëri, 2 automjetet me targa kosovare.

Po kështu, është proceduar penalisht administratori i servisit në Rubik, ku u gjetën këto 2 automjete.

“Si rezultat i punës së inteligjencës policore, kontrolleve dhe hetimeve që po kryhen me intensitet, në kuadër të megaoperacionit “Sundimi i ligjit”, me qëllim parandalimin e ngjarjeve kriminale dhe zbardhjen e atyre të ndodhura më parë, specialistët e Seksionit për Hetimin e Krimeve të Komisariatit të Policisë Mirditë kanë goditur një rast të trafikimit të automjeteve të vjedhura, për t’i përdorur për qëllime kriminale.

Për rastin u vu në pranga shtetasja A. P., 34 vjeçe, banuese në Rubik, për veprat penale “Trafikimi i mjeteve motorike” dhe “Mashtrimi me pasoja të rënda”, pasi dyshohet se me anë të mashtrimit, ka trafikuar nga Kosova në Shqipëri, 2 automjete, tip “BMË” dhe “Volksëagen”, me targa kosovare, të cilat dyshohet se do të përdoreshin për qëllime kriminale, në Rrëshen.

Gjithashtu, u referuan materialet në Prokurori, ku nisi procedimi për veprën penale “Përvetësimi i parave ose mallrave që rrjedhin nga veprimtaria kriminale”, për shtetasin D. P., banues në Rubik, pasi dyshohet se ka fshehur në servisin e tij, në Rubik, 2 automjetet e trafikuara, të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme”, thuhet në një njoftim zyrtar të Policisë.

The post Trafikonte makina të vjedhura/ Arrestohet 34-vjeçarja në Rrëshen, dyshohet se automjetet përdoreshin nga grupe kriminale appeared first on Albeu.com.

Ndalesa e parë ishte Rrësheni, të cilin Presidenti i Republikës e konsideroi si nyje komunikimi  jo vetëm me Shkodrën e Lezhën, por dhe me Kosovën, Malin e Zi dhe Maqedoninë e Veriut.

“Mirdita është një pasuri e Shqipërisë, jo vetëm e trevës, për shkak të historisë, kulturës, trashëgimisë, jo vetëm historike, kulturore e sociale, por edhe asaj shpirtërore”, – u shpreh Presidenti Begaj gjatë bisedës me drejtuesit vendorë, deputetët e zonës dhe dom Gjergj Metën, Ipeshkëvin e Dioqezës së Rrëshenit, të cilin e përgëzoi për aktivizimin e tij si misionar në ndihmë të banorëve.

Presidenti i Republikës u shpreh i gatshëm për të ndihmuar bashkinë përmes adresimit të problemeve dhe lobimeve për projekte që do të sjellin zhvillimin që Mirdita meriton.

Sipas tij, kjo trevë duhet të përfshihet në paketën e turizmit patriotik-fetar-historik.

“Nëse ka një vend në Shqipëri, ku ne mund të bëjmë një turizëm të lidhur me religjionin, me pasurinë e kishave, është Mirdita”, – u shpreh Kreu i Shtetit, sipas së cilit, mirditorët kanë çfarë t’u tregojnë shqiptarëve dhe botës përmes promovimit të historisë.

Këto vlera, bashkë me bukuritë që Zoti i ka dhënë trevës së Mirditës, sipas Presidentit Begaj,  promovohen përmes bashkëpunimit.

“Pavarësisht se jeni të zgjedhur të opozitës, jeni bashki e Shqipërisë, bashki e qytetarëve. Për çdo nevojë, duhet që zëri i qytetarëve të dëgjohet dhe të reflektohet ndaj problemeve që kanë”. Me këtë mesazh kundër ndasive partiake iu drejtua Presidenti Begaj përfaqësuesve të Bashkisë së Mirditës. Gjatë kësaj bisede, Kreu i Shtetit bëri bashkë socialistë e demokratë, pasi veç drejtuesve vendorë të opozitës, morën pjesë dhe deputetët Eduard Ndreca i PS-së dhe Elda Hoti e PD-së.

Presidenti Begaj vizitoi Pallatin e Kulturës, Muzeun Etnografik dhe Muzeun e Bandës Frymore në Rrëshen, një muze unikal në Shqipëri. Ai, gjithashtu, zhvilloi një bisedë me gratë artizane të zonës, të cilave iu shprehu dëshirën për trashëgimin e traditës së veshjeve përmes kalimit të teknikave të dijebërjes te brezat e rinj.

Një tjetër qendër promovimi e vlerave të Mirditës është edhe Infokulla, e cila njeh vizitorët me pasuritë e zonës. Presidenti i përgëzoi kontribuuesit e kësaj qendre për angazhimin në ruajtjen dhe përhapjen e historisë dhe traditave ndër shqiptarë e të huaj.

Presidenti i Republikës e mbylli vizitën e tij në Mirditë me kishën monumentale e t’Shëlbuemit”, pikturën e së cilës ia dhuroi Papa Françeskut gjatë takimit në Vatikan disa ditë me parë.

The post President Begaj në Muzeun Etnografik dhe në Muzeun e Bandës Frymore në Rrëshen: Unikal në Shqipëri appeared first on Albeu.com.

Për fat të mirë, dy bashkëshortët dhe vajza e tyre që ndodheshin në këtë makinë kanë shpëtuar pa dëmtime të rënda. Ata janë dërguar për ndihmë mjekësore në spitalin e Mirditës dhe fatmirësisht ndodhen jashtë rreziku për jetën.

Ndërkohë policia e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave te këtij aksidenti./albeu.com

The post Aksident i frikshëm në afërsi të Rrëshenit, shpëton mrekullisht familja appeared first on Albeu.com.

Gjatë fjalës së sajë ajo u ndal dhe te arresti në shtëpi i Sali Berishës, teksa tha se është në këtë situatë për shkak të një procesi politik.

Ndër të tjera Topalli tha se ky regjim shembet vetëm nëse janë të vërtetë dhe të bashkuar me njëri-tjetrin.

“Mirëmbrëma të gjithëve, ky takim bëhet në një moment shumë specifik të zhvillimeve të këtyre tre dekadave. Them specifik, se siç do shqiptar tjetër, ndiqni politikën në detaj, por edhe nëse nuk e ndiqni, e ndjeni atë që ndodh në vendin tonë.

Vendi ynë është në emergjencë dhe ne nuk na falet nëse nuk reagojmë. Jetojmë në republikën e 5D-ve, ku kryetari i Tiranës është biznesmeni më i pasur në Tiranë, jetojmë në qeverisjen e ministrave investitorë strategjikë dhe drejtorëve që kanë status special. Ne jetojmë jo në republikën e korrupsionit apo vjedhjes, por grabitjes para syve tanë të të ardhurave me djersë të taksave qytetarëve.

Jetojmë në vendin ku vetëm nga 2019-2023, kanë ik 93 mijë të rinj. Jetojmë në një vend ku INSTAT nuk jep përgjigje se sa shqiptarë jetojmë në Shqipëri.

Pyetja është se nga cili pushtues janë përzënë të rinjtë, familjet, shtresa e mesme, ajo që bën ekuilibrin e jetës sociale.

Jetojmë në një vend ku Tirana nuk ka teatër, muze, teatër kukullash. Jemi popullsia që plakemi dy herë më shpejt se vendet e tjera të botës.

Ku jemi sot? Jemi vendi ku importet fluturojnë ndërsa bujqësia dhe blegtoria janë në pikiatë. Jemi vend ku në listë jemi zhytur në fund me të dhënat e arsimit.

A ka zhvillim nëse nuk risim cilësinë e arsimit.

Jetojmë në vendin ku kryetari i opozitës është i arrestuar me një proces politik. Një proces që na turpëron secilin prej nesh, që fillon me padinë e Taulant Ballës dhe vazhdon me marrje vendimi në ditëlindjen e Sali Berishës.

Duhet të kesh një urrejtje të pakontrolluar që të bësh të tilla vendime dhe të merret masa arrestimit në natën e vitit të ri. Edhe në luftëra bëjnë armëpushim kur ka festa, por në shoqëritë e civilizuara nuk mund të ndodhë që të mos reagojë kur kryetari i opozitës të arrestohet me proces politik.

Për çfarë sistem drejtësie flasim? Në një vend ku nuk ka drejtësia, qeveria kthehet në një bandë hajdutësh të pandalshëm. Jemi kthyer në një shtet ku kanë rënë të gjitha kolonat. Jetojmë në vendin ku kriminelët vendosin kamera për të kontrolluar policinë dhe drejtuesit më të mëdhenj të policisë janë bashkëpunëtorët më të ngushtë të vrasësve.

Është iluzive të mendosh se mund të votosh në një vend ku krimi dhe korrupsioni janë simbioza më e fortë në qeverisje.

Ka vetëm një zgjidhje, që e bëjnë shqiptarët. Ashtu siç rezistojnë atje në rrugën ku jeton Sali Berisha, duhet të mbushim bulevardin si më 20 shkurt. Është surreale të dëgjosh kryetarin e opozitës nga dritarja të na japë zemër të gjithëve.

Ky regjim mund të shembet, mjafton të jemi të vërtetë me njëri-tjetrin. Është e vërtetë që nuk na kanë lënë të fitojmë, por kemi marrë gjysmë milionë vota, rezultat i jashtëzakonshëm në këto kushte.

Mjafton të kemi pak kurajo më shumë që rezistencën te banesa e Berishës ta kthejmë në rebelim. Nëse ne guxojmë dhe bashkohemi me njëri-tjetrin për interesin e të mirës publike, ne ia dalim të ndryshojmë realitetin”, tha Topalli.

The post Jozefina Topalli: Nuk na falet nëse s’reagojmë! Surreale të dëgjosh kryetarin e opozitës nga dritarja appeared first on Albeu.com.

45-vjeçari lindur në Thumanë, i cili po transportonte mina me telekomandë nga Lura drejt Rrëshenit i armatosur ‘gjer në dhëmbë’, u kap në kuadër të operacionit ‘Safe City2’.

Gjatë kontrollit policia i gjeti:

• 4 mina me telekomandë te lidhura me aparat celular me lëndë të dyshuara eksplozive;
• 3 kallëpe lënde të dyshuar eksplozive me kapsollë dhe fitil;
• 3 kapsolla të lidhura me fitil;
• 2 kallepë të tjera lënde të dyshuar eksplozive.

Po ashtu gjatë kontrolleve në banesën e vjetër të babait të 45-vjeçarit, në Lurë, Dibër, policia e Mirditës në bashkëpunim me atë të Dibrës, gjeti në banesë 2 armë zjarri, lëndë eksplozive si ajo që ishte montuar në minat me telekomandë,10 ndezësa granatash ofensive/defensive, 10 kapsolla detonatore, dhjetëra metra fitil zjarrpërcjellës, si dhe qindra fishekë luftarak.

Sipas burimeve policia kishte siguruar informacione, për veprimtarinë e 45-vjeçarit dhe ishte mbajtur nën vëzhgim prej më shumë se 2 javesh. Ai dyshohet se i prodhonte lënden shpërthyese dhe sendet e tjera të kundraligjshme e më pas i shiste, kundret shumave të ndryshme të parave.

Strukturat hetimore të Komisariatit të Policisë Mirditë, në bashkëpunim me Prokurorinë, vijojnë punën për zbardhjen e plotë të rrethanave të këtij rasti, si dhe për identifikimin dhe arrestimin e shtetasve të tjerë të përfshirë në këtë veprimtari kriminale.

Kujtojmë se dy javë më parë, policia vuri në pranga një 24-vjecar dhe sekuestroi 2 mina me telekomandë.

The post Me mina me telekomandë dhe lëndë eksplozive nga Lura drejt Rrëshenit, arrestohet prodhuesi i lëndëve shpërthyese (EMRI) appeared first on Albeu.com.