Varka me 74 persona në bord u gjet 25 milje detare në jug të ishullit të vogël grek të Gavdos të dielën mbrëma, tha roja bregdetare, duke shtuar se një varkë patrullimi transportoi 73 burra dhe një grua në Kretë.

Nuk ishte e qartë menjëherë se ku dhe kur ishte nisur anija ose nga cilat vende ishin pasagjerët. Greqia është një pikë kryesore hyrëse në Bashkimin Evropian për njerëzit që ikin nga konflikti dhe varfëria në Lindjen e Mesme, Afrikë dhe Azi.

Gavdos, i cili shtrihet 27 milje detare në jug të Kretës, dhe bregdeti jugor i Kretës kanë parë një rritje të ardhjeve të emigrantëve në muajt e fundit. Në disa raste, roja bregdetare tha se ata kishin kaluar Mesdheun nga porti lindor libian i Tobruk, duke paguar bandat e kontrabandës deri në 5,000 dollarë secila.

The post Roja bregdetare greke shpëton dhjetra emigrantë në një varkë druri appeared first on Albeu.com.

Shpëtimet erdhën në të njëjtën ditë kur u zbulua trupi i viktimës së 74-të pas përmbytjes së një varke me migrantë në Itali gati dy javë më parë. Viktima është një vajzë e moshës rreth 5-vjeçare.

Tragjedinë e fundit me migrantë në Itali, e cila ndodhi më 26 shkurt në brigjet e Kalabrisë, ka ngjallur kritika të ashpra ndaj qeverisë së krahut të djathtë të udhëhequr nga kryeministrja, Giorgia Meloni, për dështimin e saj për të ndërhyrë në kohë për të shpëtuar varkën.

Roja bregdetare tha të shtunën se pas një operacioni të madh shpëtimi që filloi të premten, u shpëtuan mbi 1.000 migrantë, ku tri varka u zunë duke u larguar nga brigjet në jug të Italisë.

Varka e parë kishte 487 migrantë në bordin e saj, të cilët sipas rojës, u sollën në mënyrë të sigurtë në portin Crotone rreth orës 02:00 të mëngjesit të 11 marsit.

Në varkën e dytë ishin rreth 500 migrantë të tjerë në portin e Reggio Calabria. Ndërsa varka e tretë kishte 379 persona, të cilët u shpëtuan nga dy varka patrullimi të rojës bregdetare dhe migrantët u transferuan në një anije të marinës që drejtohej në portin sicilian të Augusta.

Kryeministrja italiane në shkurt kishte shprehur “pikëllim të thellë” për përmbytjen e varkës, dhe ishte zotuar se do t’i japë fund migrimit të parregullt detar, si mënyrë për të parandaluar më shumë tragjedi.

Ajo më pas u kishte dërguar një letër liderëve evropianë duke iu kërkuar veprim të shpejtë për të zgjidhur problemin afatgjatë të kontinentit me migrantë.

The post Roja bregdetare: Shpëtohen mbi 1.000 migrantë, arrijnë në portet italiane appeared first on Albeu.com.

Sipas informacioneve ekskluzive të pelop.gr, ndaj tij ishin ngritur akuza dhe urdhër arresti për grabitje, formim bande, armëmbajtje pa leje dhe lëndë plasëse dhe sulm ndaj grave. Shqiptari kishte zhvilluar një veprimtari “të pasur” në qytete të ndryshme të Peloponezit, përfshirë Kalamatën, Gythio dhe Spartën.

Dje, e mërkurë 14.7.2022, ai ka mbërritur me makinën e tij në portin e Patrës me destinacion Italinë. Ai u arrestua nga roja bregdetare teksa kontrollonte dokumentet e udhëtimit.

Ai u arrestua për tentativë për t’u larguar në mënyrë të paligjshme nga vendi dhe me dosjen e ngritur në ngarkim të tij do të dërgohet në Prokurorinë e Patrës për procedim të mëtejshëm./albeu.com

The post Pjesë e grupit kriminal, arrestohet shqiptari në Greqi, u kap mat teksa futej në traget për në Itali appeared first on Albeu.com.

Lajmi është konfirmuar nga të mbijetuarit dhe autoritet turke, të cilët kanë thënë se Garda Bregdetare turke, ka arritur të shpëtoj dy azilkërkues nga ishulli Bogaz.

“Garda Bregdetare turke arriti të shpëtojë dy azilkërkues nga ishulli Bogaz, i vendosur në brigjet e provincës Egjeut të Izmirit dhe dy të tjerë nga ujërat përreth.

Trupat e dy personave të tjerë u gjetën gjithashtu. Personi i tretë që vdiq ishte një nga dy të shpëtuarit fillimisht nga uji, i cili më vonë ndërroi jetë në një spital,”-thuhet në një deklarate nga zyra e guvernatorit të provincës.

Po ashtu, të mbijetuarit kanë treguar se zyrtarët grek kanë marrë fillimisht sendet e tyre, iu kanë lidhur duart dhe më pas i kanë hedhur në det.

“Zyrtarët grekë kapën sendet e tyre, u lidhën duart duke përdorur pranga plastike dhe i hodhën në det pa asnjë trap shpëtimi ose anije,’-kanë treguar ata.

The post Roja bregdetare greke hedhin në det një grup azilkërkuesish, tre viktima appeared first on Albeu.com.