‘Cilët ishin autorët e rikthimit kaq të shpejtë në identitet të opozitës sot në parlament? Një kriminel italian i dënuar 17 vjet nga drejtësia shqiptare; Një ish-zv.kryeministër i arratisur për t’i ikur drejtësisë;

Një ish-kryeministër në arrest shtëpie me vendim të drejtësisë; Një ish-prokuror i përjashtuar nga sistemi i drejtësisë për mosjustifikim pasurie; Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës.

Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e radhës me emrin e Shqipërisë i duhet futur në llogaritë që do të bëhen në zgjedhjet e afërta. Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush.’- shkruan Rama.

The post Kaosi i Rithemelimit në Kuvend, Rama: Mos e falni baltën e tyre, duhen shkatërruar përfundimisht me votë! Shqipëria ka kryer punë me ta appeared first on Albeu.com.

Kërkesa e firmosur nga deputeti Tritan Shehu përmban 13 pyetje drejtuar Koçiut mbi nismën, duke kërkuar përgjigje pse ky projektligj mbi surrogacinë është kërkuar pikërisht tani duke thënë se është një procedurë që godet dinjitetin e gruas duke e trajtuar si skllave me pagesë.

Po ashtu deputeti i Rithemelimit ngre 13 pyetje edhe për ndryshimet mbi abortin.

Pr/ligji për riprodhimin e asistuar është hedhur për konsultim publik, ndërsa ka hasur kundërshtimin e komuniteteve fetare dhe shoqërisë civile në dëgjesat që ministria ka patur me ta.

The post Pr/ligji mbi surrogacinë, Rithemelimi kërkon interpelancë me ministren Albana Koçiu appeared first on Albeu.com.

Krahas Bylykbashit, në takim ishin Luçiano Boçi, Tomor Alizoti dhe Ervin Salianji, ndërsa u vu re mungesa e Ferdinand Xhaferajt, i cili deri më tani ka bërë vazhdimisht thirrje publike për atë që ai e ka quajtur “bashkim në diversitet dhe jo dorëzim pa dinjitët” duke theksuar se “Berisha është i nevojshëm në opozitë, por jo në krye të saj”.

Xhaferaj nuk ka bërë reagim publik në lidhje me mungesën e tij, si deputeti më i votuar i qarkut, por më herët ai ka mbajtur qendrime të forta sa i përket kushteve me të cilat duhet të bashkohen demokratët, që me mosprezencën e tij ka treguar se nuk janë plotësuar.

Ndërkohë, gjatë fjalës së tij, Bylykbashi kërkoi lirimin e Berishës duke i lejuar atij vijimin e jetës politike normalisht.

“Sot PD-ja e ka liderin e saj, Sali Berishën të burgosur politik, në një arrest të paligjshëm, antikushtetues, vendim i marrë vetëm me qëllimin që liderin e opozitës ta shkëpusë nga mundësia që të ju drejtojë ju. Por kjo është e pamundur”, tha Bylykbashi.

The post Ferdinand Xhaferaj mungon në takimin e Rithemelimit në Durrës, çfarë kishte paralajmëruar appeared first on Albeu.com.

Në zbatim të planit të masave, Policia e Shtetit njofton se, ditën e nesërme, prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime.

“Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore por përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t’u distancuar nga çdo akt dhune”, thuhet në njoftimin e policisë.

Prej javësh grupi opozitar i Rithemelimit të Sali Berishës dhe Partia e Lirisë së bashku me Aleancën për Mbrojtjen e Teatrit protestojnë para bashkisë së Tiranës duke kërkuar doreheqjen e kryebashkiakut Erion Veliaj pas arrestimit të ish drejtorëve të bashkisë të akuzuar se i kishin dhënë vetes tendera. Një tjetër mesazh që përsëritet gjatë këtyre protestave është edhe lirimi i ish kryeministrit Sali Berisha. Ky i fundit prej 30 dhjetorit 2023, akuzohet për ‘korrupsion’ lidhur me aferën e privatizimti të ish kompleksit Partizani.

The post Rithemelimi merr lejen për protestën nesër para bashkisë, policia thirrje organizatorëve: Distancohuni nga dhuna appeared first on Albeu.com.

Mësohet se Luçiano Boçi, nga një veprimtari e gjatë politike në Elbasan, tashmë pritet të lëvizë në një qark tjetër. Mësohet se atij do i besohet bastioni historik i demokratëve, Shkodra.

Në zgjedhjet e fundit lokale të 2023-it, demokratët humbën pushtetin mbi këtë qytet. Duket se Luçiano Boçi do të ketë një bast të vështirë për të fituar, për t’u rikthyer demokratëve bastionin e tyre.

Një tjetër qark, i cili tashmë drejtuesit e tij politik është Vlora.

Ky qark do të drejtohet nga Bujar Leskaj dhe Ina Zhupa.

Leskaj do të drejtojë veprimtarinë politike në qytetin e Vlorës, Himarë, Selenicë, ndërsa Zhupa në qytetin e Sarandës, Delvinë, Konsipol, Finiq.

Ndërkohë në qarkun Berat drejtues politik do të jetë Enno Bozdo, i cili është votuar në një mbledhje të kryesisë së PD së Rithemelimit.

The post PD e Rithemelimit ndryshon drejtuesit politik të qarqeve! Kujt i besohet Shkodra, Vlora dhe Berati appeared first on Albeu.com.

Arrestimi i 53-vjeçarit të identifikuar si Artan Muçmata vjen si rrjedhojë e hetimeve që po kryehen nga policia e shtetit në lidhje dhunën e ushtruar nga protestuesit të thirrur nga Rithemelimi dhe Partia e Lirisë, në protestën para Bashkisë Tiranë, më 19 prill 2024.

“Në vijim të veprimeve hetimore të kryera në lidhje me aktet e dhunshme gjatë protestës së datës 19.04.2024, përpara Bashkisë Tiranë, u ndalua shtetasi A. M., 53 vjeç, banues në Tiranë.

Gjatë protestës, 53-vjeçari ka kundërshtuar dhe ka ushtruar dhunë ndaj punonjësve të Policisë”,-njofton policia

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.

The post Protesta e dhunshme e Rithemelimit dhe PL-së para Bashkisë Tiranë, arrestohet 53-vjeçari! Kundërshtoi dhe dhunoi policinë (EMRI) appeared first on Albeu.com.

Bardhi kërkon faljen e të gjithë protestuesve, si dhe përjashtimi nga amnistia i zyrtarëve të lartë të dënuar nga GJKKO.

Tre amendamentet e propozuara nga Bardhi, u përshëndetën edhe nga ministri i Drejtësisë Ulsi Manja. Vetë ai përmes një postimi në rrjtete sociale një ditë më parë, pohoi se këto kërkesa do të kenë dakordësinë e maxhorancës. Nga amnistia penale pritet të përfitojnë rreth 700 të burgosur.

Ndërkohë, në seancën plenare të ditës së sotme do të futen në rend dite për votim 5 ligjet e seancës së 7 marsit, votimi i të cilave u anulua nga Sekretariati i Etikës, pas kërkesës së Rithemelimit se nuk pati kuorum për votimin e ligjeve.

Ndër këto 5 ligje, përfshihet edhe ai për zgjatjen me 1 vit të afatiti për ligjet për investimet strategjike, çështje të cilën opozita e ka kontestuar shumë.

Po ashtu, sot deputetja Ina Zhupa, ka kërkuar një interpelancë me ministren e Turizmit, Mirela Kumbaro për ligjin për zonat e mbrojtura.

3 propozimet e Rithemelimit

1.Propozim që të përjashtohen nga vuajtja e dënimit dhe ndjekja penale, të gjithë personat e gjykuar apo hetuar për vepra penale të kryera gjatë grumbullimeve dhe manifestimeve të kryera deri në datën 31 Mars 2024, pavarësisht datës së regjistrimit të tyre.

2. Propozim për përjashtimin nga amnistimi, qoftë sa i përket vuajtjes së dënimit, uljes së dënimit apo ndjekjes penale, të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.

3. Propozim për një rritje të masës së përfitimeve nga amnistia, qoftë në drejtim të uljes së dënimit me 2 vite për gratë dhe 1.5 vite për burrat, qoftë në drejtim të datës së dënimit, fillimit të hetimeve apo kryerjes së veprës penale deri në 31 Mars 2024, nga 31 Janari 2024 qê parashikonte versioni aktual i projektligjit.

The post Pas arritjes së dakordësisë mes PS dhe Rithemelimit, pritet votimi i Amnistisë Penale appeared first on Albeu.com.

Ai theksoi se do të marrë votat e të gjithë deputetëve në Kuvend, duke lënë të kuptohet se PS do të pranojë tre propozimet e vendosura nga Rithemelimi.

“Përshëndes vendimin e opozitës për të miratuar më në fund Amnistinë Penale, e cila u vonua si asnjëherë tjetër nga agjenda politike të turbullta që e morën peng këtë akt kushtetues mëshire të shtetit, duke dëmtuar afro 700 përfituesit e kësaj aministie.

Me kënaqësi të veçantë konstatova se opozita mbështeti variantin e amnistisë së propozuar nga Ministria e Drejtësisë dhe Qeveria Shqiptare, ku as nuk bëhej fjalë për amnistimin e subjekteve të SPAK-ut e të Gjykatës Speciale.
Së fundmi nuk e fsheh dot kënaqësinë që siç e pata deklaruar publikisht për mediat përpara Kuvendit – kur turbullia e një pjese të parlamentit e bënte aministinë të dukej e pashpresë – Aministia Penale do të marrë të gjitha votat e deputetëve!

Nuk thotë kot populli, i duruari i fituari dhe le të shërbejë ky zhvillim pozitiv edhe për ata që s’kanë pse ikin më nga tavolina e punës, për të marrë rrugë të shkurtra që s’çojnë askund dhe si përfundim për t’i dalë gjatë rikthimit në tavolinë”, shkruan Manja.

Vetëm një ditë para seancës plenare, në të cilën pritet të futet për votim amnistia penale, Gazment Bardhi njoftoi votën pro të deputetëve të opozitës, duke çuar 3 amendamente për votim, mes të cilave falja e të gjithë protestuesve si dhe përjashtimi nga amnistia i zyrtarëve të lartë të dënuar nga SPAK.

‘1. Propozim që të përjashtohen nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë grumbullimeve dhe manifestimeve të kryera deri në datën 31 Mars 2024, pavarësisht datës së regjistrimit të tyre.

2. Propozim për përjashtimin nga amnistimi, qoftë sa i përket vuajtjes së dënimit, uljes së dënimit apo ndjekjes penale, të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.

3. Propozim për një rritje të masës së përfitimeve nga amnistia, qoftë në drejtim të uljes së dënimit me 2 vite për gratë dhe 1.5 vite për burrat, qoftë në drejtim të datës së dënimit, fillimit të hetimeve apo kryerjes së veprës penale deri në 31 Mars 2024, nga 31 Janari 2024 qê parashikonte versioni aktual i projektligjit.’- njoftoi Rithemelimi.

Nga amnistia penale pritet të përfitojnë rreth 700 të burgosur.

Në seancën e nesërme, krahas amnistisë penale pritet të rivotohen edhe ligjet e anuluara të 7 marsit, ku votimi u bë pa kuorum.

The post Mazhoranca pranon 3 propozimet e Rithemelimit për amnistinë, Manja: U vonua si asnjëherë tjetër nga agjenda politike të turbullta appeared first on Albeu.com.

Njoftimi:
Bazuar në Vendimin Nr. 3, datë 26 shkurt 2024 të Kryesisë së PDSH dhe në Vendimin Nr. 4, datë 28 shkurt 2024, të Komisionit për Organizimin dhe Kontrollin e Operacioneve Elektorale, në datat 23 dhe 24 mars 2024 u zhvilluan zgjedhjet për Kryetar në 10 degë të PDSH.

Procesi u hap në orën 8.00 dhe u mbyll në pjesën më të madhe të degëve në orën 18.00.

Pas numurimit të fletëve të votimit, sipas procesverbaleve zyrtare të mbërritura pranë KOKOEs nga Komisionet e Votimit dhe Numurimit, fitues në garën për Kryetar sipas degëve, u shpallën si më poshtë vijon:

1.PD dega Mallakastër, z. Resmi Bilbil Shanaj me 82% të votave

2.PD dega Devoll, z. Elvis Jani Hajdërlli me 74% të votave

3.PD dega Polican, z. Behar Veli Xhaferaj me 63% të votave

4.PD dega PEqin, z. Mustafa Zylyf Pashja me 88% të votave

5.PD dega Shijak, z. Denis Lutfi Duka me 53% të votave

6.PD dega Bulqizë, z. Shaqir Mislaf Manjani me 78% të votave

7.PD dega Tropoje, z. Bardhyl Sahit Hoxhaj me 71% të votave

8.PD dega Kukës, z. Rrahman Shefqet Dema me 58% të votave

9.PD dega Kucovë, z. Nevjan Pasho, me 94% të votave

10.PD dega Mirditë, z. Aleksandër Lala, me 85% të votave

Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë aktive e procesit të votimit për zgjedhjen me parimin një anëtar një votë të Kryetarëve të degëve të tyre.

KOMISIONI I ORGANIZIMIT DHE KONTROLLIT TË OPERACIONEVE ELEKTORALE

The post Rithemelimi nxjerr listën, ja drejtuesit e rinj të 10 degëve appeared first on Albeu.com.

Por Basha e ka refuzuar ftesën e Bardhit duke nënvizuar se qëllimi nuk ishte karrigia. Ai shtoi se Enkelejd Alibeaj ishte në Komisionin për Reformën Zgjedhore për të kërkuar listat e hapura, votimin elektronik, votën e diasporës dhe Shqipërinë një zonë votimi.

“Edhe ata pak që kanë mbetur dhe që se kuptonim se cilat janë motivet e vërteta të atyre që për interes personal u përpoqën ta thyenin në dysh Partinë Demokratike, duke i bërë dhuratën më të mirë pushtetit të korruptuar ilegjitim të Edi Ramës. Po sot ku janë? Me përqafimin të Edi Ramës me shokë. E kanë nisur si pazar dhe duan ta vazhdojnë si pazar.

Shikoni çfarë thonë sot, “ejani ju se kemi dhe një karrige për ju”. Ne se kemi nisur këtë për karrige. Se kemi nisur për karrige, s’ishte kjo punë për karrige. Enkelejd Alibeaj nuk ishte aty për karrigen e tij. As i kisha thënë unë rri për karrige. Ishin listat e hapura, ishte për votimin elektronik, ishte për votën e diasporës, ishte për Shqipëria një zonë.”

Ndërsa e kosideroi sërish marrëveshjen PS- Rithemelimi një pazar, tha se që të sigurohen ndryshimet e sugjeruara nga pala e tij në Kodin Zgjedhor duket të marrë fund.

“S’duam karrigen, ne duam të drejtat e shqiptarëve, ne duam që pazari 34 vjeçar i fëlliqtë, trashëgimnia më e pisët e Ramiz Alisë, trashgimtarit të fundit komunist të marrë fund. Sepse është ky Pazar që rëndon pronarët dhe të përndjekurit, sipërmarrësit dhe profesionistët, fermerët dhe arsimtarët, rininë shqiptare. S’na duhen karriget. Thojini shqiptarëve sot, ku qëndroni në raport me listat e hapura? Jeni për lista të hapura, po apo jo, votoni për listat e hapura, votimin elektronik, Shqipëria një zonë, votën e diasporës, s’na duhen karriget. Këtë betejë nuk e nisëm për karrige, por janë kaq të obsesuar me karrigen, e kanë ngjitur kaq shumë kokën, barkun pas karrigeve sa u është bërë mendja karrige. Dhe mendojnë se pasi bënë pazarin me Edi Ramën, mund të kthehen tek ne e të na thonë: keni dhe ju një karrige. Ju plaçin sytë, se kuptoni që kemi 2 vite e gjysmë që e bëjmë për shqiptarët jo për karrige? Dhe të bësh betejë për shqiptarët nuk është e lehtë në një vend që ka 34 vite kastë politike që bëjnë betejë për veten e vet me metodat dhe mënyrat më të pista”, tha Basha

The post I la një vend në grupin për reformat, Basha refuzon ftesën e Bardhit: Ne s’jemi nisur për karrige appeared first on Albeu.com.