Agjencia e lajmeve “Reuters” shkruan se; “Balluku u shkarkua, ndërsa ajo përballet me akuzat për abuzime me tenderat publik”, ndërsa theksohet se këto akuza kanë nxitur edhe protestat e opozitës.

“Struktura e Posaçme kundër Korrupsionit dhe Krimit të Organizuar, e njohur si SPAK, ngriti aktakuzë ndaj Ballukut në dhjetor, nën dyshimin se ka ndërhyrë në dhënien e dy kontratave ndërtimi në vitin 2021, me vlerë mbi 200 milionë euro”, thuhet më tej në shkrimin e “Reuters”.

Ndërkohë, Parlamenti pritet të vendosë më 5 mars nëse do të votojë apo jo për heqjen e imunitetit të Belinda Ballukut, duke i hapur rrugë SPAK për ta arrestuar atë.

Kryeministri, i cili drejton vendin që prej vitit 2013, nuk dha arsye konkrete për shkarkimin e saj, që erdhi në kuadër të një riorganizimi më të gjerë të qeverisë, ku u prekën shtatë poste, përfshirë ministrat e Mbrojtjes dhe të Jashtëm.

Zëdhënësja e qeverisë, Manjola Hasa, deklaroi për Reuters se; “Rama kishte paralajmëruar që në fillim të mandatit se riorganizimet mund të ishin më të shpeshta, ndërsa gjatë katër muajve të fundit kishte refuzuar tre herë dorëheqjen e Ballukut”.

“Që prej marrjes së saj të pandehur, forca më e madhe opozitare, ka organizuar protesta duke kërkuar dorëheqjen e Ramës. Gjatë tubimeve janë regjistruar përplasje, ku protestuesit kanë hedhur bomba molotov, ndërsa ka pasur të lënduar si nga radhët e policisë ashtu edhe të demonstruesve”, shkruan Reuters.

Shqipëria, e cila synon anëtarësimin në deri në vitin 2030, përballet me presion nga Brukseli për të intensifikuar luftën kundër korrupsionit dhe krimit të organizuar.

Zyrtarë të BE-së, kanë deklaruar se po ndjekin nga afër mënyrën se si qeveria po i trajton çështjet e korrupsionit, duke theksuar se progresi në këtë drejtim është kyç për integrimin evropian të vendit.

The post Shkarkimi i Ballukut jehonë në mediat ndërkombëtare/ “Reuters”: SPAK e akuzon për abuzime me tenderat, BE ndjek qeverinë shqiptare si po trajton çështjet e korrupsionit appeared first on Albeu.com.

Sipas raportimit të Reuters, një gjykatë pezulloi në nëntor zëvendëskryeministren Belinda Balluku, pas një padie të ngritur nga Prokuroria e Posaçme kundër Korrupsionit dhe Krimit të Organizuar, SPAK. Ajo akuzohet për ndërhyrje të dyshuar në një tender për projekte infrastrukturore, akuza që i ka mohuar.

Çështja ka nxitur përplasje mes SPAK-ut, i cili i ka kërkuar Kuvendit heqjen e imunitetit të Ballukut për të mundësuar arrestimin e saj, dhe kryeministrit Rama, i cili ka kritikuar atë që e cilëson si tejkalim kompetencash nga ana e gjyqësorit, veçanërisht lidhur me masat e paraburgimit.

Shqipëria synon anëtarësimin në European Union deri në vitin 2030, por Brukseli ka theksuar vazhdimisht se vendi duhet të intensifikojë luftën kundër krimit dhe korrupsionit.

Partia Socialiste, e drejtuar nga Rama, e cila siguroi një mandat të katërt radhazi vitin e kaluar dhe gëzon shumicë të konsiderueshme parlamentare, pritet të ketë rol vendimtar në çdo vendim për imunitetin e Ballukut, e cila më herët ka mbajtur edhe postin e ministres së Infrastrukturës dhe konsiderohet aleate e afërt e kryeministrit.

“Momenti kur një ministër shkarkohet, nuk është vetëm një person i shkarkuar, por e gjithë puna e atij institucioni”, citohet të ketë thënë Rama para deputetëve socialistë, duke shpallur planin për ndryshimet ligjore.

Ndërkohë, Partia Demokratike e Shqipërisë ka reaguar ashpër, duke e akuzuar kryeministrin se po kërkon të ndikojë në procedurat gjyqësore në favor të tij.

“Kjo nuk është gjë tjetër veçse një përpjekje e Ramës për të mbrojtur veten, duke hedhur në erë si pavarësinë e gjyqësorit ashtu edhe ndarjen e pushteteve… sepse pas Ballukut dhe keqbërjeve të saj qëndron Rama”, thuhet në deklaratën e opozitës për Reuters.

Në muajt e fundit, opozita ka organizuar protesta në Tiranë duke kërkuar dorëheqjen e Ballukut, ndërsa debati mbi rolin e drejtësisë dhe balancën e pushteteve mbetet në qendër të zhvillimeve politike në vend.

The post Reuters: Kryeministri Rama paralajmëron ndryshime ligjore për të mbrojtur ministrat nga pezullimi! appeared first on Albeu.com.

Reuters raporton se prokurorët ndërkombëtarë për krime lufte kanë kërkuar dënim me 45 vjet burg për ish-presidentin e Kosovës, Hashim Thaçi, dhe tre të bashkëakuzarit, ish-komandantë të Ushtrisë Çlirimtare të Kosovës (UÇK).

Sipas raportit të Reuters, ata janë akuzohen për përndjekje, vrasje, torturë dhe zhdukje të detyruara gjatë dhe menjëherë pas konfliktit të vitit 1998–99, që çoi drejt pavarësisë së Kosovës nga Serbia.

Gjykimi ndaj Thaçit dhe të tjerëve në fazën përfundimtare – ZPS kërkon 45 vjet dënim për secilin

Prokurorja Kimberly West i tha gjykatës në Dhomat e Specializuara në Hagë se të akuzuarit kryen krime kundër “personave që i potenconin si kundërshtarë” për të marrë kontrollin e Kosovës, duke përfshirë më shumë se 100 vdekje dhe keqtrajtime në kampet e UÇK-së.

Thaçi, i cili ka shërbyer si kryeministër, ministër i Jashtëm dhe president i Kosovës midis viteve 2008 dhe 2020, mohon të gjitha akuzat së bashku me të bashkëakuzarit.

Raporti i Reuters nënvizon se kjo gjykatë, e themeluar në Hagë me gjyqtarë dhe prokurorë ndërkombëtarë, është ngritur për të trajtuar krimet e dyshuara të luftës sipas ligjit të Kosovës, por ka sfiduar perceptimet e brendshme ku shumë e shohin UÇK-në si heroike e gjykatën si të njëanshme.

The post Reuters raporton për fazën përfundimtare të gjykimit ndaj krerëve të UÇK-së appeared first on Albeu.com.

Sipas agjencisë ndërkombëtare të lajmeve Reuters, samiti që do të mbahet në Tiranë do të mbledhë krerët e shteteve më të fuqishme të kontinentit, përfshirë liderët e Francës, Gjermanisë dhe Mbretërisë së Bashkuar.

Takimi zhvillohet në një moment kritik kur Ukraina dhe Rusia po përgatiten për bisedimet e para për paqe që prej fillimit të luftës.

Përtej sfidave globale, vëmendja e Ballkanit është e përqendruar tek procesi i anëtarësimit në BE. Shqipëria, si një nga vendet më të varfra të Evropës me një të kaluar të rëndë komuniste dhe sfida të mëdha ekonomike e politike, pret që samiti të jetë një pikë kthese drejt integrimit evropian.

Reuters raporton se vendi është në përgatitje të plotë për mikpritjen e liderëve. Aeroporti i Tiranës, që ndodhet në proces rikonstruksioni për shkak të një rritjeje të ndjeshme të turizmit, ka paralajmëruar ndërprerje të mundshme të fluturimeve për shkak të ngarkesës ajrore.

Kufizime të forta janë vendosur edhe në qarkullimin rrugor në kryeqytet, sidomos përreth qendrës ku do të mbahet samiti, në një strukturë të re gjigante për konferenca.

Megjithatë, rruga drejt BE-së nuk është e lehtë. Shqipëria përballet ende me probleme serioze të sundimit të ligjit, pastrimit të parave dhe mungesës së transparencës politike. Zgjedhjet e fundit, të fituara bindshëm nga kryeministri Edi Rama, janë në hetim nga prokuroria mes akuzave për manipulim nga opozita.

Kundërshtarët politikë nuk kanë qëndruar në heshtje. Lideri i opozitës, Sali Berisha, ka bërë thirrje për një protestë paqësore gjatë zhvillimit të samitit.

Sipas Reuters, ekspertët ndërkombëtarë vlerësojnë se politika e jashtme aktive e Shqipërisë, përfshirë marrëveshjen me Italinë për emigrantët dhe angazhimin në investime të huaja si ajo e Jared Kushner, mund të rrisin besueshmërinë e vendit në sytë e BE-së.

Ndërkohë, edhe Kosova dhe Serbia ndjekin të njëjtën rrugë integrimi, ndonëse përplasjet mes tyre vazhdojnë të mbeten pengesë. Kosova është aktualisht nën sanksione të BE-së për rolin e kryeministrit Albin Kurti në tensionet etnike në veri, ndërsa presidenti serb Aleksandar Vuçiç mori pjesë në një ceremoni përkujtimore në Moskë, në kundërshtim me qëndrimet e Brukselit.

Samiti në Tiranë, sipas Reuters, është një provë për vetëdijen politike të Evropës dhe për vendosmërinë e saj për të mbështetur jo vetëm sigurinë dhe demokracinë, por edhe aspiratat e vendeve të Ballkanit Perëndimor.

The post Komuniteti Politik Europian në Tiranë, agjencia ndërkombëtare e lajmeve Reuters: Shqipëria e vogël dhe aspiruese pret samitin gjigant europian appeared first on Albeu.com.

Pjesë nga intervista:

Edi Rama: Gjermania duhet të gjejë një partner tjetër, sepse Shqipëria ka krijuar një marrëveshje me Italinë dhe Shqipëria nuk mund ta bëjë këtë me të gjithë. Dhe nëse Gjermania gjen një partner tjetër në rajon, do të ishte mirë të shihej nëse funksionon në të njëjtën mënyrë.

Kur mbeten edhe pak muaj nga zgjedhjet e përgjithshme, kreu i qeverisë shfaq hapur objektivin e tij për të kandiduar për një mandat të katërt si kryeministër.

Edi Rama: Plani është të kandidojmë. Unë besoj se duhet të kandidoj sepse ka punë për të përfunduar. Në këto tre mandate, ne kemi bërë gjëra të mahnitshme. Shqipëria ishte vetëm një lajm i keq kur bëhej fjalë për lajme, por tani kemi kapërcyer tavanin e 10 milionë turistëve në një vend ku turizmi ishte një ide e mire, por nuk ishte bërë ende realitet. Ka ende shumë gjëra për tu bërë, siç është lufta kundër korrupsionit që duhet të jetë një luftë e pakthyeshme.

Dhe një nga arsyet që sipas tij shqiptarët duhet t’i besojnë socialistëve një mandat tjetër është edhe integrimi i Shqipërisë në Bashkimin Europian brenda vitit 2030.

Edi Rama: Mundësia është tani më shumë se kurrë. Kështu që synimi ynë gjithsesi është që ta bëjmë Shqipërinë një vend anëtar si një vend për të bërë të gjitha detyrat e shtëpisë, duke përfshirë të gjitha reformat e ndërtimit të institucioneve, të përmbushin të gjitha kriteret dhe standardet brenda vitit 2030.

The post Kryeministri Rama flet për “Reuters”: Nuk ka marrëveshje tjetër si ajo me Italinë për emigrantët appeared first on Albeu.com.

Shkrimi i “Reuters” për kombëtaren shqiptare dhe për tifozerinë “kuqezi”:

Shqipëria kthehet në shtëpi si skuadra e fundit e grupit të tyre në Euro 2024 me vetëm një pikë, por këto fakte nuk tregojnë asgjë për kontributin e saj të shkëlqyeshëm në turne në betejat pasionante kundër tre prej skuadrave kryesore të turneut.

Me Shqipërinë në Gjermani, përballë kampionëve në fuqi, Italisë në ndeshjen e tyre hapëse, trajneri brazilian Sylvinho nuk mund ta imagjinonte kurrë në ëndrrat e tij më të çmendura se sa mirë do të fillonte turneu i dytë Europian në histori për “kuqezinjtë”.

Nga nisja e ndeshjes, Shqipëria bëri tre pasime, Italia gaboi nga rivënia dhe Nedim Bajrami u hodh për të goditur topin, duke shënuar pas vetëm 23 sekondave lojë dhe duke realizuar golin më të shpejtë në historinë e EURO. Një gol që ndezi festën në mesin e dhjetëra mijëra tifozëve të veshur “kuqezi” në Dortmund, kaos në baret dhe shtëpitë e kryeqytetit shqiptar, Tiranë dhe një moment i pavdekshëm për kombin krenar ballkanik.

Italia më pas shënoi dy gola, por Shqipëria i mbajti nën presion deri në fund, për pak sa nuk barazoi në shtesë, duke sjellë duartrokitje në stadium dhe duke habitur mbarë botën për një ekip që askush nuk kishte shpresë se mund të bënte diçka në grupin ku ndodhej.

Kundër Kroacisë në ndeshjen e radhës të Grupit B, Shqipëria i emocionoi sërish tifozët e saj pasi sfidoi dhe barazoi 2-2 me një gol në sekondat e fundit, në një nga ndeshjet më pulsuese të turneut deri më tani.

Shqiptarët u shfaqën më të përmbajtur në ndeshjen e tyre të tretë, në një humbje të ngushtë 1-0 ndaj Spanjës, por gjithsesi i dhanë kundërshtarëve të tyre shumë momente të pakëndshme nëpërmjet Jasir Asanit dhe Kristjan Asllanit.

Federata ambicioze e futbollit e Shqipërisë shpreson që përvoja në Gjermani t’i ndihmojë për të ardhmen, me paraqitje më të rregullta. Një gjë për të cilën mund të jenë të sigurt shqiptarët është mbështetja e jashtëzakonshme.

Shumë ishin të befasuar kur panë shqiptarët në numër më të madh se italianët në ndeshjen hapëse, dhe kjo vazhdoi gjatë gjithë kohës, zhurma dhe ngjyra e tifozëve “kuqezi” përputheshin me numrin e madh të tyre. Disa erdhën nga shtëpia e disa të tjerë nga diaspora globale shqiptare.

The post “Reuters” shkrim për Kombëtaren: Nga goli më i shpejtë te tifozët fantastikë, Shqipëria solli surpriza në EURO 2024 appeared first on Albeu.com.

Agjencia e lajmeve Reuters i kushton një reportazh zbulimit të nje rezervuari që përmbante nga 5 mijë deri në 50 mijë ton hidrogjen të bllokuar mes minerës, i cili mund të ndihmojë ne sigurimin e përgjigjeve për reduktimin e emetimeve të gazit në rajon.

Baki Bajraktarit, thotë Reuters, nuk i kishte shkuar kurrë në mendje se prania e hidrogjenit në minierën e kromit të Bulqizës ku ai punon, e ku një kolegu I tij kishte humbur jetën, mund të konsiderohej një lajm i mire.

“Sasia e hidrogjenit këtu është e konsiderueshme sepse që nga shpërthimi i parë në vitin 2011 dhe deri në vitin2024 nuk ka pushuar asnjëherë burimi, prandaj duhet të ketë një sasi të konsiderueshme, përndryshe do të kishte përfunduar 13 vjet më parë”.

Hidrogjeni prodhohet duke elektronizuar ujin dhe konsiderohet i pastër nëse prodhohet duke përdorur energji te ripërtëritshme apo bërthamore. Ndërsa vendet e Ballkanit Perëndimor nxitojnë të përmbushin objektivat e BE-së për emetimet, ato i bashkohen shteteve në mbarë botën që kërkojnë të reduktojnë varësinë nga karburantet fosile për prodhimin e energjisë.

“Ne kemi zbatuar të gjitha masat e nevojshme dhe çdo punëtor është i pajisur me detektorë që tregojnë përqindjen e pranisë së Hidrogjenit. Kur detektorët fillojnë të japin luhatje, minatorët duhet të evakuojnë menjëherë zonën pasi nivelet e hidrogjenit kanë arritur maksimumin. Megjithatë, falë ventilimit situata mbahet nën kontroll. Kompania ka investuar rreth 13 milionë dollarë për ventilimin e minierës, pa këtë investim, puna në këtë zonë do të ishte e pamundur”.

BE planifikon të investojë deri në 470 miliardë euro (510 miliardë dollarë) në hidrogjen të rinovueshëm deri në vitin 2050.

“Zbulimi në Bulqizë shënon rastin e parë që ai konsiderohet si një rezervuar i H2, që përmban 84 për qind të gazit. Kjo është domethënëse në shkallë globale, sepse shkencëtarët nuk kanë zbuluar ende një rezervuar të tillë gjetkë. Si një grup studiuesish, Ne besojmë me vendosmëri se ky përbën një rezervuar, një nocion i përqafuar nga komuniteti shkencor që studion këtë fushë. Shkencërisht, ky zbulim ka një rëndësi të jashtëzakonshme në mbarë botën. Vlera e tij qëndron në atë që H2 konsiderohet si një burim alternativ energjie, pa emetim CO2 dhe ndotje të ajrit,” shprehet Bardhyl Muceku, profesor i gjeologjisë në Universiteti i Tiranës

Ekspertët e energjisë thonë se Ballkani ka shumë potencial energjie të rinovueshme për të rritur prodhimin e energjisë së hidrogjenit, por sfidat mbeten, duke përfshirë rritjen e investimeve private dhe zgjerimin e rrjetit.

Sasitë e hidrogjenit të gjetura në minierën e Bulqizës Shqipërisë janë të vogla dhe do të jenë të kushtueshme për t’u nxjerrë, thuhet në raportin e janarit. Por ata ofrojnë shpresë.

The post Zbulohet hidrogjen në Bulqizë, ekspertët: Është një burim alternativ energjie appeared first on Albeu.com.

BBC dhe Reuters i kanë kushtuar vëmendje tensionit, tymueseve dhe flakadanëve që mbizotëruarn në seancën plenare të ditës së hënë.

Prestigjiozja BBC, teksa ka shpërndare video ku shihen moment e ndezjes së flakadanëve në seancë, ndërsa shkruan se deputetët e opozitës protestuan kundër buxhetit 2024, duke ndezur flakadanë.

 

View this post on Instagram

 

A post shared by BBC News (@bbcnews)

Gjithashtu tensionet që shoqëruan seancën e sotme kanë marrë vëmendjen edhe të “Reuters”. “Deputetët e opozitës ndezën tymuese e zjarr në Parlament, në përpjekje për të kundërshtuar buxhetin 2024. Deputetët gjithashtu grumbulluan karriget në qendër të Kuvendit, tymi e kaosi shoqëroi seancën  e sotme”, shkruan Reuters.

The post Tymueset, flakadanët dhe tensionet në Kuvend tërheqin vëmendjen e mediave ndërkombëtare! Çfarë shkruajnë BBC dhe Reuters appeared first on Albeu.com.

Sondazhi i 135 analistëve të tregut që ndjekin futbollin në mbarë botën ra dakord me kompanitë e basteve që Brazili do të triumfojë për herë të parë që nga viti 2002.

Pothuajse gjysma e të anketuarve thanë se prisnin që Brazili të fitonte, ndërsa 30% u ndanë në mënyrë të barabartë midis Francës dhe Argjentinës.

“Brazili ka një shans të madh këtë herë me shumëllojshmërinë e tyre në sulm të kombinuar me përvojën e Casemiro dhe Thiago Silva në prapavijë”, tha Karima Kapoor, ekonomiste në Elara Capital në Mumbai.

“Ne shohim një shans 17% që Brazili të fitojë turneun, që përkthehet në shanset 5-1”, shkroi Peter Dixon, kreu i Fitch Solutions në Londër.

Fitorja e Spanjës në turneun e vitit 2010 në Afrikën e Jugut ishte sondazhi i fundit i Reuters që parashikoi saktë fituesin. / h.ll/albeu.com

The post Kupa e Botës 2022: “Reuters” parashikon fituesin në Katar appeared first on Albeu.com.

Uragani i dobësuar, por megjithatë i rrezikshëm, Ian, ka zbarkuar të mërkurën në mbrëmje në Florida, me erëra të fuqishme dhe shi që ka vërshuar komunitetet afër Oqeanit Atlanik.

Ian është shtrirë me forcë të madhe, teksa ka qenë në nivelin e katërt të uraganeve, me erëra deri në 241 kilometra në orë.

Për pasojë, më shumëse dy milionë njerëz kanë mbetur pa energji elektrike.

Aktualisht, Ian është dobësuar në kategorinë e parë, sipas Qendrës Kombëtare për Uragane në SHBA.

Ian është vlerësuar si një prej uraganeve më të fuqishme që janë shtrirë në tokën amerikane në vitet e fundit.

Autoritetet nuk kanë raportuar për viktima apo të lënduar seriozisht si pasojë e uraganit.

Një numër i madh i njerëzve është thënë se kanë mbetur të bllokuar në zonat me rrezik të lartë, meqë kanë injoruar thirrjet e autoriteteve për evakuim.

Stuhitë e fuqishme janë zakonisht fenomenet më shkatërruese që shoqërojnë uraganet.

Çfarë është vala e stuhive?

Kur uragani i afrohet një gjiri bregdetar, erërat e forta e shtyjnë ujin e oqeanit drejt tokës.

Edhe presioni atmosferik që krijon stuhinë, ndihmon në shtrirjen e saj në tokë.

Sa më i ulët të jetë bregu, aq më i madh është rreziku për vërshime.

Ujit i duhen disa ditë për t’u kthyer në nivelet e mëparshme.

Qendra Kombëtare për Uragane në SHBA, ka thënë se këto valë stuhish “janë zakonisht kërcënimet më të mëdha për jetë”.

Pse janë stuhitë kaq shkatërruese dhe të rrezikshme?

Uji është i rëndë dhe në sasi të madhe: rreth 770 litra për metër kub.

Kjo sasi i shtyn njerëzit drejt vdekjes, i përplas anijet, makinat dhe strukturat tjera të mëdha.

Luhatjet bëhen edhe më të rrezikshme për shkak të baticës.

Stuhitë e fuqishme mund të shkaktojnë dëme afatgjata sikurse shkatërrimi i tërësishëm i rrugëve, i plazheve dhe kontaminimi i tokës me ujin e detit, çka rrezikon kafshët dhe bujqësinë.

Në vitin 2005, Uragani Katrina pati shkaktuar stuhi në lartësi mbi shtatë metra në Nju Orlins.

Autoritetet patën regjistruar më shumë se 1.500 persona të vdekur, drejtpërdrejt apo jodrejtpërdrejt nga stuhitë.

Çfarë tjetër shkatërroi Ian?

Përveç shtëpive, Ian ka detyruar edhe stafin e një spitali që t’i evakuojë pacientët – disa prej të cilëve kanë qenë shumë të sëmurë dhe nëpër ventilatorë.

“Për aq kohë sa pacientët tanë janë mirë dhe askush nuk vdes, apo nuk e pëson nga kjo situatë, asgjë tjetër nuk ka rëndësi”, ka thënë mjekja, Birgit Bodine nga Spitalit Fawcett në Florida.

Brittany Hailer, një gazetare në Pitsburg, ka kontaktuar ekipet e shpëtimit për nënën e saj, e cila ka mbetur në rajonet e vërshuara.

Nëna e saj i ka treguar se sasia e ujit në shtëpi ka arritur në 1.5 metra.

“Ne nuk e dimë kur do të ulet niveli i ujit. Nuk e dimë si do të dalin ata nga shtëpitë, makinat e tyre janë shkatërruar”, ka thënë Hailer.

“Mënyra e vetme për t’u larguar është përmes anijes”.

Guvernatori i Floridas, Ron DeSantis, i ka paralajmëruar njerëzit që të përgatiten për disa ditë të rënda.

Patrulla kufitare e Shteteve të Bashkuara është në kërkim të 23 migrantëve që janë zhdukur pasi barka e tyre është fundosur gjatë stuhisë.

Ian ka zbarkuar fillimisht në Kubë, ditën e martë, duke lënë të vdekur dy persona dhe duke dëmtuar rrjetin e furnizimit me rrymë./REL

The post Si krijojnë uraganet stuhi shkatërruese? appeared first on Albeu.com.