renie guresh Archives - Albeu.com

Rënie gurësh në aksin Kukës-Bushtricë, vështirësohet lëvizja e automjeteve

V K — Thu, 05 Feb 2026 10:38:40 +0000

Gjatë orëve të natës, i gjithë qarku i Kukësit është përfshirë nga reshje shiu me intensitet mesatar, të shoqëruara herë pas here edhe me erë, duke krijuar vështirësi në disa segmente rrugore.

Reshjet kanë vijuar deri në orët e para të mëngjesit të kësaj të enjteje, kur janë ndërprerë gradualisht.

Si pasojë e motit të paqëndrueshëm, në disa akse rrugore të qarkut janë shënuar rënie gurësh dhe inertesh nga shpatet malore, veçanërisht në zonat me terren të thyer.

Problematika më e theksuar është evidentuar në segmentin rrugor Kukës–Bushtricë, ku në orët e para të ditës së sotme janë regjistruar rënie gurësh dhe masash dherash, duke vështirësuar përkohësisht lëvizjen e automjeteve.

Aktualisht, ky aks kombëtar që lidh Kukësin me Peshkopinë është i qarkullueshëm normalisht, megjithatë drejtuesit e mjeteve këshillohen të tregojnë kujdes të shtuar gjatë orëve në vijim.

Sipas raportimeve nga strukturat vendore, në bashkitë Kukës, Tropojë dhe Has, nuk janë konstatuar dëme në banesa apo infrastrukturë tjetër publike dhe nuk ka pasur situata emergjente që të kërkojnë ndërhyrje shtesë.

Furnizimi me energji elektrike vijon normalisht në të gjithë territorin e qarkut, pa ndërprerje. Autoritetet vendore dhe shërbimet emergjente mbeten në gatishmëri për të monitoruar situatën, ndërsa u bëhet thirrje qytetarëve dhe drejtuesve të mjeteve të ndjekin informacionet zyrtare dhe të tregojnë kujdes gjatë lëvizjes, sidomos në akset malore.

The post Rënie gurësh në aksin Kukës-Bushtricë, vështirësohet lëvizja e automjeteve appeared first on Albeu.com.

Rënie masive gurësh te “Kthesa e Murrashit”, dhjetëra mjete të bllokuara

Xh — Wed, 29 Nov 2023 07:47:50 +0000

Si pasojë e reshjeve të dendura, ka pasur rënie masive dherash në segmentin “Çezma e Myftarit”-Kthesat e Murrashit”, në aksin Librazhd-Elbasan.

Drejtuesit e automjeteve që kanë qarkulluar në këtë segment kanë hasur vështirësi pasi mbi trasenë e rrugës kanë rënë gurë të përmasave të mëdha nga shpatet e kodrave.

Në pak minuta një segment prej afro 200 metra linear i rrugës kombëtare Librazhd-Elbasan është mbuluar nga masivë gurësh e shkëmbinjsh.

Fatmirësish nuk raportohet për dëme në njerëz edhe pse ka pasur fluks qarkullimi automjetesh.

Ky segment vazhdon të mbetet një prej më të rrezikshmëve për përdoruesit e rrugës në kohë me mot të keq. Ndërkaq në të dy anët e rrugës kanë mbetur me dhjetëra automjete të bllokuara.

/albeu.com

The post Rënie masive gurësh te “Kthesa e Murrashit”, dhjetëra mjete të bllokuara appeared first on Albeu.com.

Rënie gurësh dhe ngrica për shkak të motit të keq, këto janë dy akset e bllokuara (VIDEO)

E B — Wed, 02 Feb 2022 08:16:50 +0000

Pas reshjeve të borës dhe shiut, temperaturat kanë rënë ndjeshëm duke bërë që rrugët të bllokohen nga bora dhe në disa të tjera të ketë rënie gurësh dhe inertesh. Këto problematike janë në aksin rrugor Bajram Curri – Valbonë dhe rrugët Has dhe Kukës Shishtavec.

Shtabi i Emergjenca ka njoftuar për situatën në qarkun Kukës

Situata e motit është e qetë, shoqëruar me erë.

Nga informacionet e marra nga terreni rezulton se:

Rrugët nacionale janë të qarkullueshme normalisht.

Nga kontraktorët është punuar gjatë gjithë kohës për pastrimin e inerteve dhe gurëve , kriposjen dhe mbajtjen funksionale të rrugëve.

Rrugët rurale në administrim të bashkive janë të kalueshme, përveç rrugës që lidh Nj.Ad Arrën me rrugën nacionale.

Furnizimi me ujë të pijshëm është normal në shkallë Qarku.

Furnizimi me energji elektrike është normal në gjithë Qarkun Kukës .

Deri në këto momente nuk kemi të raportuar ndonjë problematikë emergjente./albeu.com

The post Rënie gurësh dhe ngrica për shkak të motit të keq, këto janë dy akset e bllokuara (VIDEO) appeared first on Albeu.com.