regjisori Archives - Albeu.com

Presidenti Begaj mesazh ngushëllimi pas humbjes së Leka Bungos: Figurë e shquar e artit shqiptar, që i shërbeu vendit me pasion dhe dinjitet

V K — Wed, 11 Jun 2025 09:56:26 +0000

Këtë të mërkurë, u nda nga jeta në moshën 81-vjeçare, regjisori, aktori dhe skenaristi i njohur shqiptar, Leka Bungo.

Presidenti i vendit Bajram Begaj, ka dërguar një mesazh ngushëllimi për familjarët e regjisorit dhe skenaristit të shquar Leka Bungo.

Kreu i Shtetit, në mesazh, shpreh dhimbjen për humbjen e një prej figurave më të dalluara të artit shqiptar:

“Mësova sot me dhembje ndarjen nga jeta të regjisorit dhe skenaristit Leka Bungo, një nga figurat më të shquara të skenës shqiptare, të cilin pata fatin ta njihja nga afër dhe jo vetëm përmes artit të tij.

Krijimtaria e tij e pasur do të mbetet e gjallë në kujtesën kulturore të vendit tonë. Humbja e tij lë një boshllëk të ndjeshëm në skenën e teatrit dhe artit shqiptar”.

Presidenti Begaj shton gjithasjtu se “njeriu që, me pasionin, dinjitetin, si edhe humorin e tij të hollë i dha aq shumë Shqipërisë”, do të mbahet mend për trashëgiminë e pasur artistike që la pas.

The post Presidenti Begaj mesazh ngushëllimi pas humbjes së Leka Bungos: Figurë e shquar e artit shqiptar, që i shërbeu vendit me pasion dhe dinjitet appeared first on Albeu.com.

Mashtroi Netflix-in! Arrestohet regjisori me 11 milionë dollarë

D Marku — Wed, 19 Mar 2025 13:43:34 +0000

Regjisori hollivudian Carl Erik Rinsch është arrestuar me akuzën se ka mashtruar Netflix për një projekt fantastiko-shkencor që nuk u realizua kurrë, duke përvetësuar 11 milionë dollarë për investime në kriptovaluta dhe blerje luksoze, përfshirë një Rolls-Royce dhe një Ferrari.

Sipas CNN, Netflix fillimisht pagoi rreth 44 milionë dollarë për një shfaqje të quajtur “Kali i Bardhë”, por Rinsch kërkoi 11 milionë dollarë shtesë, duke pretenduar se i nevojiteshin për përfundimin e prodhimit. Në vend që t’i përdorte për këtë qëllim, ai i transferoi paratë në një llogari personale brokerimi për investime.

Netflix nuk ka komentuar mbi arrestimin, ndërsa mbetet e paqartë nëse Rinsch ka angazhuar një avokat. Kjo ngjarje ka tronditur industrinë e argëtimit, duke ngritur pikëpyetje mbi menaxhimin e fondeve në projekte të mëdha filmike

The post Mashtroi Netflix-in! Arrestohet regjisori me 11 milionë dollarë appeared first on Albeu.com.

“Big Brother VIP 4” vjen shumë shpejt? Ҫfarë zbulon regjisori Ergys Lubonja

V K — Mon, 27 May 2024 08:51:15 +0000

Ditën e shtunë 25 Maj, “Big Brother VIP 3” pati finalen e madhe, pas një spektakli që zgjati më shumë se 4 muaj. Një punë kolosale është bërë nga stafi dhe produksioni, që në fund u përmbyll me një sukses

Për të na folur më shumë mbi sfidat, por dhe disa detaje ekskluzive, ka qenë i ftuar në studion e “Wake Up”, regjisori i këtij edicioni Ergys Lubonja.

E ke takuar Eglën pas fitores?

“E kam takuar. Shumicën e tyre i njoh, Eglën e kam pasur kolege në Akademi, Julin po ashtu. E kam takuar pasi fitoi. U përqafuam, nuk kishim kohë të flisnim. Ka qenë lojtarja më e fortë. E ka luajtur shumë fort këtë “Big Brother”. Ka pasur ekzagjerime dhe tejkalime, por ky format këtu e ka gjënë e bukur sepse është reale. Njerëzit ashtu janë. Egla nuk luan një personazh që nuk është”.

Të martën dhe të shtunën do të ketë post “Big Brother VIP”, çfarë duhet të presim?

“Kemi pasur raste me ‘post’ shumë të fortë, por çfarë shpresoj është që të ‘mos bie shi në studio’ (qesh). Ka pasur shumë ngarkesë dhe debate dhe mendoj se duhet të ketë një lloj paqeje. Ka qenë lojë nervash, por me të dalë jashtë shumë gjëra duhet të sheshohen. Çfarë ndodhi aty, le të ngeli aty”.

Po sa i përket “Big Brother VIP 4”, kur do të mund të vijë?

“Do të vijë pak më herët… Mendoj se do jetë edhe më interesant. Sepse të tre këto edicione kanë qenë ndryshe”.

The post “Big Brother VIP 4” vjen shumë shpejt? Ҫfarë zbulon regjisori Ergys Lubonja appeared first on Albeu.com.

Regjisori iranian dënohet pasi shfaqi filmin në Festivalin e Kanës

K Agaj — Wed, 16 Aug 2023 11:17:15 +0000

Një gjykatë në Teheran ka dënuar regjisorin e njohur Said Rustagi me gjashtë muaj burg për shfaqjen e filmit të tij “Leila dhe vëllezërit e saj” në Festivalin e Filmit në Kanë 2022.

Filmi artistik përshkruan historinë e një familjeje të varfër në një Iran të zhytur në krizë ekonomike. Ai u ndalua në Iran pas lëshimit të tij vitin e kaluar “për shkak të shkeljes së rregullave nga pjesëmarrja e paautorizuar në festivalet e Kanës dhe Mynihut”, sipas autoriteteve iraniane.

“Gjykata revolucionare e Teheranit dënoi Said Rustagi dhe Javad Norouzbegi, regjisorin dhe producentin e filmit “Leila dhe vëllezërit e saj” me gjashtë muaj burg”, shkruante gazeta reformiste Etemad në faqen e saj të internetit. Të dy u shpallën fajtorë për “kontribuim në propagandën e opozitës kundër sistemit islamik” në Iran.

Megjithatë, gjykata vendosi që dy të dënuarit të vuajnë një të njëzetën e dënimit, pra nëntë ditë, ndërsa pjesa tjetër e dënimit do të pezullohet për pesë vjet.

“Gjatë periudhës së pezullimit, i dënuari do të përmbahet nga aktivitetet që lidhen me krimin e kryer dhe nuk do të ketë komunikim me persona aktivë në industrinë e filmit”.

34-vjeçari Said Rustagi njihet edhe nga filmi i vitit 2021 “Ligji i Teheranit”, një film kriminal për industrinë e drogës dhe shtypjen e saj nga shteti iranian.

Për filmin “Leila dhe vëllezërit e saj” regjisorit iranian iu dha çmimi i komitetit të Federatës Ndërkombëtare të Shtypit Kinematografik në maj të vitit 2022.

The post Regjisori iranian dënohet pasi shfaqi filmin në Festivalin e Kanës appeared first on Albeu.com.

Arti shqiptar në zi, ndahet nga jeta pas një sëmundjeje të rëndë regjisori i njohur

Tau Lanti — Wed, 21 Jun 2023 15:21:15 +0000

Ndahet nga jeta aktori dhe regjisori Anastas Nika. Ky i fundit vuante prej 1 viti nga një sëmundje e rëndë.

Pavarësisht përpjekjeve të familjes dhe donacioneve të mbledhura për kurimin e tij, nuk ka mundur të fitojë betejën.

Lajmi u bë i ditur nga djali i tij në rrjetet sociale.

‘Te dashur miq, Me keqardhje ju lajmeroj qe babai, Anastas Nika sot ne mengjes u bashkua me Zotin ne spitalin e Athines. Presim ngushellimet te “Shtepia funerale Bebri” (ne limion perball varrezave). Varrimi do jete neser ne oren 13:00 ne varrezat e Sarandes. Me respekt familja Nika!’

The post Arti shqiptar në zi, ndahet nga jeta pas një sëmundjeje të rëndë regjisori i njohur appeared first on Albeu.com.

Ndahet nga jeta në moshën 77-vjeçare regjisori i njohur Kristaq Mitro

K Agaj — Mon, 03 Apr 2023 10:02:19 +0000

Regjisori i njohur Kristaq Mitro është ndarë nga jeta në moshën 77-vjeçare.

Mitro ishte një nga regjisorët më të famshëm të kinematografisë shqiptare, që ka lënë gjurmë të thella në historinë e filmit tonë.

Filmat e tij të realizuar ndër vite kanë mbetur për publikun, ndërsa vlerësimet nuk kanë munguar jo vetëm brenda kufijve shqiptarë, por dhe më gjerë.

Shumë filma të njohur të kinematografisë shqiptare mbajnë emrin e tij si regjisor. Ndër ta edhe Një djalë edhe një vajzë, Duaje emrin tënd, Njeriu i mirë, Nusja dhe shtetrrethimi etj.

The post Ndahet nga jeta në moshën 77-vjeçare regjisori i njohur Kristaq Mitro appeared first on Albeu.com.

“Super mashtrim, ti gjithmonë krijon sherre”, bashkëpunëtoret e Binjakët Show tregojnë si qëndron e vërteta e largimit të Einxhel

A M — Wed, 02 Feb 2022 13:16:48 +0000

Regjisori i programit “Binjakët Show”, Kreshnik Saraçi ka reaguar lidhur me debatin e ashpër që ndodhi dje mes Donaldit dhe Einxhel në shtëpinë e Big Brother Vip. Einxhel hodhi akuza se vëllezërit Veshaj e kishin hequr padrejtësisht nga puna.

Por Donaldi tha se arsyeja ka qenë se Einxhel nuk kishte qenë korrekte në punë. Regjisori ka shkruar se e ndjen detyrim që të tregojë arsyen e vërtetë. Ky postim është rishpërndarë dhe nga Romeo në profilin e tij.

“Kam qenë regjisor i “Binjakët Show”. Për sa i përket debatit të mbrëmshëm midis Donaldit dhe Einxhel në Big Brother Albania VIP, ndjej detyrimin të mbaj një qëndrim për të mirën e asaj që jo gjithë çfarë thuhet duhet përtypur. Einxhel nuk ka qenë korrekte me oraret. Kjo ishte arsyeja e shkëputjes së bashkëpunimit.”, ka shkruar ai.

Nga ana tjetër, ka reagur edhe Sara Gjordeni, e cila ishte gjithashtu ajo që ka bashkëpunuar me Donaldin dhe Romeon në emisionin e tyre.

Ajo akuzoi Einxhel për mashtrim, duke thënë se e gjithë familja e Donaldit është treguar korrekte, ndërkohë që Einxhel, sipas saj, kudo që ka punuar ka krijuar konflikte, sherre dhe shumë pakënaqësi.

The post “Super mashtrim, ti gjithmonë krijon sherre”, bashkëpunëtoret e Binjakët Show tregojnë si qëndron e vërteta e largimit të Einxhel appeared first on Albeu.com.

Ndërron jetë në kasollen e tij regjisori i njohur

A M — Mon, 27 Dec 2021 10:42:52 +0000

U nda nga jeta në moshën 58 vjeccare regjisori dhe skenaristi i njohur, Jean-Marc Vallée.

Mediat ndërkombëtare bëjnë me dije që ai është gjetur i vdekur në kasollen e tij në periferi të qytetit, Quebec. Shkaku i vdekjes nuk dihet ende.

Në një deklaratë për shtyp, partneri në biznes i Vallees, Nathan Ross tha se ai ishte një artist i vërtet dhe një njeri shumë zemërgjerë dhe i dashur.

” Vallee ishte një njeri që promovonte kreativitetin. Të gjithë ato që kanë punur me të nuk kanë si mos ta dinë që ai ishte një njeri që posedonte talent dhe viozion. Ai ishte mik, partner dhe një vëlla i madh për mua. Vallee, do të na mungojë shumë por duke e ditur që puna e tij me stil dhe ndikimin ai të cilin e ndau me botën, do të vazhdojë të jetojë, ky është një ngushëllim për të gjithë ato që donin Valleen dhe punën që ai bënte”.

Edhe pse ai nuk ishte i martuar, regjisori la pas dy djemtë Alex dhe Émile.

Gjithashtu ai njihet për regjinë e filmave, “Dallas Buyers Club” dhe “Wild” si dhe serialet hit të kanalit HBO, “Big Little Lies” dhe “Sharp Objects”./Albeu.com

The post Ndërron jetë në kasollen e tij regjisori i njohur appeared first on Albeu.com.

Xhirimi “Squid Game” ishte aq i vështirë, sa regjisori humbi 6 dhëmbë

A M — Tue, 12 Oct 2021 11:56:48 +0000

Për Hwang Dong-hyuk, krijuesin dhe regjisorin e “Squid Game”, njeriun që kohë më parë ishte trokë dhe e kalonte kohën duke shkruar skenarin e serialit nëpër kafene, xhirimi i “Squid Game” nuk ishte i lehtë.

“Pasi u rrita, pyesja veten se si do të ishte të kthehesha dhe të luaja sërish lojërat e fëmijërisë?” tha ai për CNN.

Për Hwang, “Squid Game” pasqyron “shoqërinë konkurruese” në të cilën jetojmë sot.

“Kjo është një histori për humbësit,” tha ai – për ata që luftojnë sfidat e jetës së përditshme dhe lihen pas, ndërsa “fituesit ngrihen lart”.

Prodhimi i “Squid Game” ishte një përvojë intensive dhe Hwang humbi gjashtë dhëmbë gjatë xhirimeve për shkak të stresit. Megjithatë ai nuk e përjashton plotësisht idenë për një sezon të dytë.

Regjisori shtoi gjithashtu se dy nga personazhet kryesorë, Seong Gi-hun dhe Cho Sang-woo, të cilët janë emëruar në nder të miqve të tij të vjetër, përfaqësojnë “klonet e tij të brendshme”.

“Ata përfaqësojnë dy anët e mia. Ashtu si Gi-hun, unë jam rritur nga një nënë beqare në një mjedis të trazuar financiarisht në Ssangmun-dong,” shpjegoi ai për CNN. “Në të njëjtën kohë, si Sang-woo, unë shkova në Universitetin Kombëtar të Seulit dhe e gjithë lagja më lavdëroi dhe kishte pritshmëri të larta nga unë.”

The post Xhirimi “Squid Game” ishte aq i vështirë, sa regjisori humbi 6 dhëmbë appeared first on Albeu.com.

Ndarja nga jeta e Radojës, regjisori i njohur: Vdiq nga pakujdesia

admin — Wed, 05 May 2021 08:13:17 +0000

Lidhur me lajmin e trishtë të ndarjes nga jeta të aktorit të njohur Guljelm Radoja, ka reaguar dhe miku i tij regjisori Mevlan Shanaj.

Në një lidhje për News 24, regjisori është shprehur se ndarja nga jeta e Radojës ishte një lajm tronditës.

Në mesazhin e tij prekës, Shanaj u shpreh se Radoja nuk vdiq nga ataku kardiak, por nga pakujdesia, pasi nuk iu dha ndihma e specializuar, edhe pse është një aset kombëtar.

“Është shumë lajm tronditës. Para disa ditësh thashë se besoja që do i jepej ndihma e specializuar. Është figurë kombëtare, është një aset kombëtar me vlera të jashtëzakonshëm. Kush kujton Radojën, e ka parasysh imazhin e njeriut të shkëlqyer. Ai nuk vdiq nga një atak kardiak, por nga një pakujdesi. Le të flasë çdo mjek në botë, ka mbi një muaj që është në gjendje të rëndë. Si e lanë Guljelmin për një muaj në këtë gjendje?! Patjetër që duhej të tregohej një ndihmë e specializuar më e madhe. Tani që na iku mund të flasim të gjithë, por e vërteta është se ka ikur një vlerë kombëtare, një njeri që nuk harrohet dot. Vepra e tij është madhore.

Unë njihem shumë herët me të, në vitin 1961 e mbaj mend ishim me shkollat pranë. Ai ishte i spikatur si djalosh, ku këndonte. Ky njeri gazmor, i dhënë i shoqërisë, ky është imazhi im për Guljelmin. Ai ka lëvizur, se ashtu i shkoi jeta, por nuk ka njeri që nuk e mban simbolin e tij si të dashuruar me biçikletën, me sportin, njeri i pashembullt, i jashtëzakonshëm.

Këtë vit jemi çoroditur ne, nuk po dimë kë kemi parë e kë jo. Por, kjo është një goditje, një mik i dytë që ikën nga kjo sëmundje e tmerrshme. Ai vuajti me këtë sëmundje, nuk e meritonte. Djali e vajza i erdhën nga jashtë dhe patëm shpresë. Sikur u krijua një përshtypje që ai do ja hidhte, por ja që s’paska qenë e shkruar”, u shpreh Shanaj.

The post Ndarja nga jeta e Radojës, regjisori i njohur: Vdiq nga pakujdesia appeared first on Albeu.com.