Ju presin ditë të nxehta, 3 receta të thjeshta akulloresh që mund t’i bëni në shtëpi

E S — Mon, 15 Aug 2022 17:41:08 +0000

Akullore me banane dhe gjalpë kikiriku

Përbërësit:
– Banane të prera dhe të ngrira
– Gjalpë kikiriku

Përgatitja: Vendosni bananet në një blender dhe përsëriteni procesin derisa pamja të duket kremoze dhe e njëtrajtshme. Më pas vendosni dhe gjalpë kikiriku dhe përziejini në blender përsëri. Nëse nuk ju shqetësojnë shumë kaloritë, mund ta zëvendësoni gjalpin e kikirikut edhe me krem çokollate. Konsumoheni në moment ose vendoseni në ngrirje për ta konsumuar më vonë.

Akullore me copa frutash

Në fillim duhet të zgjidhni një enë mbajtëse ku do të hidhni përbërjen. Përgjithësisht preferohen kupa të gatshme, por mund të përdorni edhe enë të tjera, rezistente ndaj temperaturave të ftohta. Në blender, vendosni copa frutash sipas dëshirës. Mund të shtoni qumësht lope, qumësht kokosi pa sheqer ose edhe ujë të gazuar, mjaltë, vanilje etj., në varësi të dëshirës. Më pas, vendosni enët me lëngun e frutave të grira në frigorifer në zonën e ngrirjes dhe prisni të paktën tri orë përpara se t’i konsumoni. Për një rezultat më të mirë, lërini një natë.

Akullore me banane dhe luleshtrydhe

Përbërësit:
– 3 gota ose 450 g luleshtrydhe të ngrira (ose zgjidhni një sasi të përafërt)
– 2 banane të ngrira
– 1/2 gotë kos pa yndyrë (ose kos i thjeshtë, çfarë ju gjendet në shtëpi)
– Mjaltë

Përgatitja: Vendosini në blender derisa përbërësit të jenë të njëtrajtshëm dhe masa të jetë kremoze. Mund ta konsumoni në moment ose ta vendosni në ngrirje dhe ta konsumoni më vonë./albeu.com

The post Ju presin ditë të nxehta, 3 receta të thjeshta akulloresh që mund t’i bëni në shtëpi appeared first on Albeu.com.

Akullore në kushte shtëpie, receta që do ju shoqërojë gjatë verës

E S — Tue, 24 May 2022 12:38:53 +0000

Ndërkohë që temperaturat e larta më në fund kanë ardhur, dëshira për të ngrënë ushqime të freskëta dhe kryesisht akullore sa vete dhe shtohet. Sot do ju paraqesim një recetë shumë të thjeshtë për të bërë akullore vet në shtëpi. E mira e kësaj recete është se ju do të keni të njëjtin rezultat me çfarëdolloj shije tjetër qe do ta provoni.

Luleshtrydhet janë akoma në treg më çmim të mirë kështu që përveshni mëngët dhe përgatisni akulloren që do ju ëmbëlsoj stinën e verës!

Koha e përgatitjes: 20 minuta plus disa orë ftohja në ngrirje.

PËRBËRËSIT

2 gota krem qumështi (pana për ëmbëlsira)
1 gote qumësht 3.5% yndyrë
2/3 e gotës sheqer
1/8 e lugës së çajit krip
6 të verdha vezësh të mëdha
Luleshtrydhe ( ky përbërës mbetët në vlerësimin tuaj, mund të përdorni vanilje, çokollatë ose çdo lloj shije tjetër të preferuar)

PËRGATITJA
Në një tenxhere të vogël përzieni kremin e qumështit, qumështin, sheqerin dhe kripën për pesë minuta derisa sheqeri të jetë shpërbërë plotësisht. Ndërkohë që keni hequr tenxheren nga i nxehti, në një enë tjetër trazoni mirë të verdhët e vezëve. Ndani një të tretën e kremit të bërë në fillim dhe hidheni atë në enën ku janë të verdhat e vezëve. Trazojeni mirë derisa masa të bëhet e njëtrajtshme. Pasi ta keni përzier mirë riktheni tenxheren në nxehtësi të mesme dhe lëreni derisa të trashet mjaftueshëm sa të qëndroj në pjesën e mbrapme të lugës së drurit.
Hidhni përzierjen, tashmë të trashur mjaftueshëm, në një enë qelqi. Do të preferohej që përzierjen ta lakoni nëpërmjet një “site” në mënyrë që mos kalojnë pjesët e forta të pa tretura. Mbuloni përbërjen dhe lëreni të ftohet për disa orë.
Ndërkohë prisni luleshtrydhet dhe në madhësinë e dëshiruar ose të tretura plotësisht dhe lërini të ftohen. Pasi është ftohur mjaftueshëm përzierja jonë nxirreni nga frigoriferi bashkë me luleshtrydhet dhe trazojini bashkë. Mjaftojnë disa orë në ngrirje dhe akullorja juaj është gati për tu shijuar!/albeu.com

The post Akullore në kushte shtëpie, receta që do ju shoqërojë gjatë verës appeared first on Albeu.com.

receta akulloresh Archives - Albeu.com

Ju presin ditë të nxehta, 3 receta të thjeshta akulloresh që mund t’i bëni në shtëpi

Akullore në kushte shtëpie, receta që do ju shoqërojë gjatë verës