Bloomberg në një analizë pas publikimit të rezultateve finale, e përshkruan kryebashkiakun aktual të Stambollit si një “armik” të Erdoganit, duke kujtuar se ishte ai që në vitin 2019 i kishte dhënë fund kontrollit 25-vjeçar të qendrës financiare turke nga Partia për Drejtësi dhe Zhvillim (AKP).

“Rezultati i së dielës do të jetë një nxitje e madhe për popullaritetin e Ekrem Imamoglu, pasi kryebashkiaku i Stambollit fitoi me më shumë se 11 pikë ndaj të zgjedhurit të Erdoganit, Murat Kurum , ndërsa sondazhet po flisnin për një betejë votë për votë në zgjedhjet për qytetin më të madh turk”, shkruan Bloomberg.

“Ky është vetëm fillimi”, tha Imamoglu të dielën përpara një ‘deti’ me flamuj të kuq turq, me kryebashkiakun e Stambollit që festoi nën zhurmën e këngëve patriotike.

Duke dashur, në fakt, të shfaqej unifikues, përballë vizionit për të qenë kundërshtari i madh i Erdoganit në zgjedhjet e 2028-ës, Imamoglu të hënën në mëngjes postoi një video të shkurtër në platformën X me mesazhin: “Fituan 16 milionë Stambollinjë”.

Sipas Bloomberg, disfata e Erdoganit i atribuohet gjendjes së ekonomisë. Nga njëra anë, inflacioni i pakontrolluar dhe nga ana tjetër, kostot më të larta të huamarrjes që nga ardhja në pushtet e presidentit aktual të Turqisë.

Rezultatet tregojnë se turqit ia kthyen shpinën AKP-së në pjesën më të madhe të vendit, por disfata për partinë e Erdoganit ishte më dramatike në zonat urbane. “Votuesit duket se e kanë ndëshkuar AKP-në dhe kandidatët e saj për vështirësitë financiare me të cilat po përballen”, tha drejtori i çështjeve evropiane të Eurasia Group, Emre Peker. Sipas tij, “Erdogan nuk është më imun ndaj shqetësimeve të votuesve për ekonominë, të cilën ai e anashkaloi në maj 2023 për t’u rizgjedhur President”.

AKP fitoi në 24 bashki, nga 39 që kishte në 2019. Në total, CHP fitoi 36 bashki nga 81 provincat e Turqisë, duke hyrë në disa nga bastionet e partisë së Erdoganit. Partia kryesore opozitare fitoi 37% të votave kombëtare, krahasuar me 36% që mori partia e Presidentit, duke shënuar fitoren më të madhe elektorale të CHP që kur Erdogan mori pushtetin dy dekada më parë.

Analiza e Bloomberg ia atribuon gjithashtu një pjesë të humbjes së Erdogan vendimit të Partisë Islamike të Mirëqenies për të paraqitur kandidatët e saj, duke i dhënë fund kështu aleancës së saj me AKP-në. Kandidatët nga Partia e Prosperitetit, e cila ka kritikuar politikat ekonomike të Erdoganit si dhe tregtinë e vazhdueshme me Izraelin, mblodhën më shumë se 6% të votave.

Megjithatë, sipas bashkëkryetarit të konsulencës Teneo, Wolfgang Piçoli, rezultati i zgjedhjeve nuk ka gjasa të përcaktojë distancën midis Erdoganit dhe grupit të politikëbërësve kryesorë ekonomikë, të kryesuar nga Ministri i Financave Mehmet Simsek. Siç shpjegon Piçoli, rreziku kryesor sipas planit politik të Simsek, i cili përfshin disiplinën fiskale dhe normat e larta të interesit për të zbutur inflacionin, është se Erdogan do të luftojë për të mos rritur pagën minimale dhe pagat e pensionistëve në gjysmën e dytë të vitit 2024.

Megjithatë, rruga e Imamoglu nuk do të jetë e qartë pasi edhe pas fitores së dytë radhazi në Stamboll, atij i duhet të bëjë një betejë tjetër – gjyqësore këtë herë – pasi akuzohet për fyerje ndaj anëtarëve të Këshillit të Lartë Zgjedhor, e cila mund të çojë në ndalimin e ushtrimit të të drejtave të tij politike.

Erdogan, mesazh rigrupimi duke pranuar humbjen

Erdogan pranoi humbjen e tij zgjedhore në një fjalim të mbajtur nga ballkoni i pallatit presidencial, duke thënë se “31 marsi për ne nuk është fundi, është një pikë kthese”.

Ai siguroi gjithashtu se vlerësimi i rezultateve të zgjedhjeve të 31 marsit do të bëhet në organet e partisë “me zemër të hapur” dhe autokritika do të bëhet “me guxim”. Megjithëse ende nuk janë finalizuar, rezultatet tregojnë se AKP ka “humbur terren në të gjithë vendin”. Këtë e pranoi dhe Erdogan, edhe pse hodhi poshtë skenarët e zgjedhjeve të parakohshme, duke thënë se “Turqia ka më shumë se katër vjet përpara” për zgjedhjet, “që vlejnë sa një thesar”.

Në të njëjtën kohë, ai u përpoq të qetësonte tregjet, duke siguruar se qeveria deri më tani ka zbatuar me vendosmëri programin afatmesëm dhe planin e 12-të të zhvillimit.

“Ne qëndruam larg populizmit që do t’i kushtonte vendit tonë, kombit tonë dhe brezave të ardhshëm”, tha ai. “Efektet pozitive të programit tonë ekonomik, veçanërisht në inflacion, do të fillojmë ti shohim nga gjysma e dytë e vitit. Të gjithë, nga bota jonë e biznesit deri te burokracia, nga tregtarët te fermerët, tregtarët, punëtorët dhe studentët, do të jenë në gjendje të fokusohen në atë që ka vërtet rëndësi për ta”, premtoi ai.

The post Revanshi i Imamoglu, çfarë e shkaktoi humbjen historike të Erdoganit në zgjedhje appeared first on Albeu.com.

Duke folur për gazetarët në Vilnius, pas samitit të NATO-s, Erdogan tha se Parlamenti i Turqisë është në pushim për dy muaj dhe më pas “ka shumë propozime [të tjera] legjislative për të diskutuar”.

Turqia u pajtua që Suedia t’i bashkohej aleancës ushtarake në fillim të kësaj jave.

Ajo kundërshtoi me muaj, duke pretenduar se Suedia strehon anëtarë të grupeve militante, që Ankaraja i konsideron terroriste.

Për të hyrë në NATO një vend, kandidatura e tij duhet të ratifikohet nga të gjitha vendet anëtare.

Hungaria ka shtyrë, po ashtu, ratifikimin e kandidaturës suedeze deri në vjeshtë.
Suedia, ashtu sikurse edhe Finlanda, braktisi politikën shumëvjeçare të neutralitetit ushtarak pasi Rusia nisi pushtimin e Ukrainës në shkurt të vitit të kaluar.

Finlanda u bë zyrtarisht anëtare e NATO-s në muajin prill.

Organizata më e madhe ushtarake në botë numëron 31 vende anëtare, në mesin e të cilave tri janë nga rajoni i Ballkanit Perëndimor: Shqipëria, Mali i Zi dhe Maqedonia e Veriut.

The post Turqia s’do ta ratifikojë kandidaturën e Suedisë për NATO deri në tetor appeared first on Albeu.com.

Një nga pikat më të rëndësishme të diskutimeve mes tyre është çështja e grurit ukrainas.

“Çështjet që lidhen me largimin e grurit ukrainas nga portet e Detit të Zi nuk janë zgjidhur ende plotësisht, por tashmë është mirë që ka lëvizje”, tha presidenti rus nga Teherani.

Në të njëjtën kohë, ai falënderoi Erdoganin për përpjekjet e tij “për të ndërmjetësuar, duke ofruar një platformë turke për bisedime mbi problemet që lidhen me ushqimin, problemet e eksportit të drithërave përmes Detit të Zi”.

“Me ndërmjetësimin tuaj ne kemi ecur përpara. Jo të gjitha çështjet janë zgjidhur, por përparimi është i mirë”, tha Putin duke iu drejtuar Erdoganit.

Presidenti turk shprehu shpresën për suksesin e negociatave të Ukrainës e Rusisë për eksportet e grurit dhe vlerësoi rolin ndërmjetësues konstruktiv të Rusisë në këtë çështje./albeu.com/

The post Gruri i bllokuar, Putin dhe Erdogan takohen në Teheran appeared first on Albeu.com.

Ukraina dhe aleatët e saj kanë shtyrë përpara rihapjen e porteve të Ukrainës në Detin e Zi, të cilat Kievi thotë se janë mbyllur për shkak të një bllokade ruse.

Vendet perëndimore kanë rritur kërkesat e tyre për rihapjen e porteve për të lejuar dërgesat e drithit, veçanërisht në Lindjen e Mesme dhe Afrikë, vende këto që për të ushqyer popullsinë e tyre varen nga gruri ukrainas.

Erdogan i tha Putinit se është koha për të ndërmarrë veprime në lidhje me një plan të OKB-së për të krijuar korridore të sigurta në Detin e Zi për eksportet e grurit, sipas një deklarate nga zyra e për media e Qeverisë, të cituar nga agjencia shtetërore e lajmeve Anadolu.

Zelensky tha në Twitter se ai vlerësonte ndihmën e Erdoganit për rifillimin e eksporteve të grurit dhe shtoi se Rusia duhet gjithashtu të ndalohet nga marrja e grurit ukrainas nga territoret e pushtuara.

Erdogan, i cili ka ofruar të ndërmjetësojë për çështjen e grurit, diskutoi gjithashtu situatën me Putinin.

Kremlini tha se të dy liderët diskutuan gjithashtu bashkëpunimin ekonomik dhe folën për një takim “ruso-turk në nivelin më të lartë” në të ardhmen e afërt. Por, nuk u dhanë detaje të tjera./REL/

The post Eksportet e grurit, Erdogan zhvillon bisedë telefonike me Putin dhe Zelenskyn appeared first on Albeu.com.

“Ata po përshpejtojnë përgatitjet për arratisjen e tyre. Erdogan po transferon shuma të mëdha parash jashtë vendit përmes strukturave paralele me bazë në Turqi që veprojnë si institucione.

Anëtarët e familjes Erdogan janë në ballë të këtyre strukturave. Në vendet e huaja, përmes këtyre strukturave po tentojnë të marrin leje qëndrimi dhe pune. Ata janë me nxitim për të krijuar Pensilvaninë e tyre”, tha politikani turk, duke paralajmëruar paraprakisht se do të bënte më shumë zbulime gjatë ditës.

“Erdogan, mos u mundo ta mohosh, ne dimë gjithçka, i kemi të gjitha dokumentet. Do të themi lamtumirë sonte”, tha presidenti i Partisë Popullore Republikane nga foltorja e Kuvendit të Turqisë, duke premtuar… zbulime të tjera.

Duke u përgjigjur, zëdhënësi i Erdogan pretendoi se deklaratat e Kılıçdaroğlu nuk janë politikë, por fushatë shpifjeje. Mediat turke raportojnë se lideri i opozitës ka njoftuar një konferencë të rëndësishme në orën 22:00, ku do të bëjë të ditur të tjera detaje.

The post Lideri i opozitës turke: Erdogan do të arratiset jashtë vendit, po transferon paratë appeared first on Albeu.com.

“Turqia është supefuqi, Erdogani është lider i madh. Unë do të përpiqem të flas me të. Deri më 1 shtator e kemi për detyrim që të përmbahemi nga lobimi, por nëse ata fillojnë para kësaj periudhe… Turqia është supefuqi, Erdogani është i madh, unë jam i vogël dhe i papërfillshëm, por Serbia nuk është aq e vogël sa të mos përpiqet që ta kundërshtojë këtë çështje”, ka thënë Vuçiq gjatë një vizite në Manastirin Mansija në zonën perëndimore të Serbisë.

Serbia, me Marrëveshjen e Uashingtonit të 4 shtatorit, 2020, ka marrë obligim që ta ndalë fushatën për tërheqjen e njohjeve të Kosovës, ndërsa Kosova ka marrë mbi vete obligimin që të mos aplikojë për anëtarësim në organizata ndërkombëtare për një vit.

Presidenti turk, Erdogan, ka thënë më 19 korrik se do të punojë për t’i sjellë Kosovës njohje të reja.

Sipas agjencisë së lajmeve Reuters, Erdogan u ka thënë mediave turke se shpreson se çështjen e njohjes ndërkombëtare të Kosovës do ta hapë në bisedimet me presidentin amerikan, Joe Biden, gjatë Asamblesë së Përgjithshme të Kombeve të Bashkuara, këtë vjeshtë.

Erdogan ka thënë se do të propozojë një punë të përbashkët mbi këtë çështje, për të rritur numrin e vendeve që e njohin Kosovën.

Kosova ka shpallur pavarësinë në vitin 2008.

Sipas listës së publikuar në ueb-faqen e Ministrisë së Jashtme të Kosovës, janë 117 vende që e njohin pavarësinë.

Serbia, qysh në vitin 2017, thuhet se bën fushatë diplomatike për tërheqjen e njohjeve të shtetit të Kosovës.

Si pasojë e këtij lobimi, disa vende thuhet se i kanë ngrirë raportet e bashkëpunimit me Kosovën.

The post Lobimi turk për njohjen e Kosovës, Vuçiç nis “lajkat”: Erdogan lider i madh, do shkoj të flas me të appeared first on Albeu.com.

Sipas medieve turke, takimi u mbajt në Vilën e Vahdetinit, në rrethin Cengelkoy të Stambollit, pa praninë e gazetarëve.

Në pritje morën pjesë gjithashtu ministri i Punëve të Jashtme – Mevlut Çavusoglu, ministri i Shëndetësisë – Fahrettin Koca, drejtori i Komunikimeve të Presidencës – Fahrettin Altun, zëdhënësi dhe nënsekretari i përgjithshëm i Presidencës – Ibrahim Kal?n, zëdhënësi i Partisë për Drejtësi dhe Zhvillim (AK Parti) – Omer Çelik dhe nënkryetari i AK Partisë për Marrëdhëniet me Jashtë – Efkan Ala.

“Kryeministri Zaev dhe presidenti Erdogan kanë ndarë se Maqedonia e Veriut dhe Turqia, si aleatë në NATO, janë të lidhura me vlera të njëjta në raport me paqen dhe stabilitetin në rajon, përmes raporteve të mira fqinjësore dhe bashkëpunimit rajonal, si dhe në luftën kundër terrorizmit në pajtueshmëri me të drejtën vendore të dyja vendeve, si dhe me të drejtën ndërkombëtare. Erdogan potencoi se, edhe përkrah pandemisë dy vendet kanë pasur shkëmbim të shkëlqyer tregtar në vitin 2020 dhe se ai do të vazhdojë t’i motivojë kompanitë turke që edhe më shumë të investojnë në Maqedoninë e Veriut”, thuhet në njoftimin e Qeverisë.

Në takimin në Stamboll është theksuar se Turqia do të vazhdojë ta ndihmojë Maqedoninë e Veriut në luftën kundër pandemisë, me dëshirë që ta thellojë bashkëpunimin edhe në fushën e shëndetësisë.

Kujtojmë se disa ditë më parë Erdogan priti dhe një delegacion të lartë të qeverisë shqiptare, i kryesuar nga kryeministri Edi Rama. Mes Turqisë dhe Shqipërisë u firmosën disa marrëveshje bashkëpunimi.

The post Pas Ramës, Erdogan takon edhe kryeministrin Zoran Zaev appeared first on Albeu.com.

Kjo në një kohë, ku vendi i tij po përpiqet të sigurojë mjaftueshëm për punëtorët kryesorë.

Erdogan, 67 vjeç, mori dozën e parë të vaksinës kineze, Sinovac në janar dhe një të dytë në shkurt.

Këtë javë ai pranoi se kishte pasur një dozë të tretë në muajin mars, por nuk tregoi nëse vaksina ishte Sinovac ose Pfizer-BioNtech.

Gati 50 mijë njerëz kanë vdekur nga COVID-19 në Turq. Sipas Reuters, më pak se 20 përqind e turqve kanë marrë dy doza. /albeu.com/

The post Çfarë po ndodh me Erdogan? Vaksinohet për herë të tretë kundër COVID-19 appeared first on Albeu.com.