I riu me iniciale E. H., banues në Paskuqan, u kap në flagrancë në momentin që shkoi për t’i marrë një shumë parash, një 26-vjeçareje, të cilën e kishte mashtruar dhe më parë.

Policia vijon hetimet për zbardhjen dhe dokumentimin e rasteve të tjera të mashtrimit që mund të ketë kryer 21-vjeçari.

Njoftimi i policisë:

Tiranë/Finalizohet operacioni policor i koduar “Strategjia”.

Me identitet të rremë, dyshohet se ka mashtruar në mënyrë të përsëritur, disa qytetarë, për t’iu marrë para, kapet dhe vihet në pranga 21-vjeçari.

Ai u arrestua në flagrancë, në momentin që shkoi për t’i marrë një shumë parash, një 26-vjeçareje, të cilën e kishte mashtruar dhe më parë.

Pas kallëzimit të një shtetaseje, se ishte mashtruar nga një shtetas, të cilit i kishte dhënë disa herë, shuma parash, shërbimet e Komisariatit të Policisë Nr. 2 kanë nisur punën për kapjen e autorit, i cili përdorte identitet të rremë, si dhe për dokumentimin e kësaj veprimtarie kriminale.

Si rezultat i veprimeve operacionale, të kryera në kuadër të operacionit “Strategjia”, u arrestua në flagrancë, teksa po i merrte një tjetër shumë parash, denoncueses, shtetasi E. H., 21 vjeç, banues në Paskuqan.

Vijojnë hetime për zbardhjen dhe dokumentimin e rasteve të tjera të mashtrimit që mund të ketë kryer 21-vjeçari.

Materialet procedurale iu referuan Prokurorisë së Tiranës, për veprime të mëtejshme.

The post Mashtronte qytetarë duke përdorur identitet të rremë për t’u zhvatur para, arrestohet 21-vjeçari appeared first on Albeu.com.

Pjesa më e madhe e tyre janë shtetas nga Kosova dhe turistë nga vendet e rajonit.

“Jam nga Shkupi dhe bashkë me familjen time po shkojmë në Durrës, më sakte në Golem.Aty pushojmë prej tre vitesh. Është vend shumë i mirë e na pëlqen.Sigurisht që është edhe i lirë për nga ana ekonomike. Do te mbetet i preferuar jo vetëm për familjen time por edhe për shume maqedonas”, tha ai.

Veç hyrjeve në Shqipëri, fluks ka pasur edhe në dalje të vendit tonë çka ka shkarkuar edhe vonesa.

Koordinatori për siguracionet e kufirit Agron Berisha thotë se punohet 24 orë por fluksi është shumë i lartë.

“Vetëm gjatë korrikut shifrat e policisë kufitare flasin për më shumë se 560 mijë hyrje në territorin e Shqipërisë përmes Morinit. Ndryshe nga vitet e kaluara, sivjet bie në sy edhe një rritje e numrit të qytetareve që dalin nga Shqipëria, përmes pikës së kalimit kufitar të Vërmicës”, tha Berisha.

The post KOSOVA MËSYN NË SHQIPËRI/ Paraditen e së shtunës 8 mijë qytetarë kosovarë kanë hyrë në Morinë appeared first on Albeu.com.

ABC News mëson se shkak i përplasjes ka qenë lëvizja e një personi me skuter eklektik përgjatë Lungomares, i cili është ndaluar nga policia dhe në pas janë përfshirë edhe persona të tjerë që japin skuterë me qira. Përdoruesit e skuterave janë kryer në problem për shkak te mosrespektimit të rregullave të qarkullimit.

Ngjarja është duke u hetuar edhe për përfshirjen e efektivëve të policisë.

The post Detaje nga sherri mes policëve dhe qytetarëve në Vlorë, shkak ndalimi i një skuteri elektrik appeared first on Albeu.com.

Mësohet se protagonistë të përleshjes janë bërë policët e qarkullimit të Drejtorisë së Policisë Vlore me qytetarët.

Në lidhje me ngjarjen ende nuk dihen shkaqet.

View this post on Instagram

A post shared by Albeu.com (@albeucom)

The post VIDEO/ Sherr gjatë natës mes policëve dhe qytetarëve në Vlorë appeared first on Albeu.com.

Me pankarta në duar ata i kërkuan Ministres së Arsimit, Ogerta Manastirliut pezullim të Rektorit Hoxha si dhe të zgjedhjeve deri në shqyrtimin e plagjiaturës.

Qëndresa Qytetare në nisje të procesit zgjedhor shprehu shqetësimin se 90% e universiteteve në Tiranë  dhe 50% e fakulteteve të UT kanë 1 kandidat në këto zgjedhje, duke reflektuar mungesën e hapësirës për alternativat dhe kapjen e universitetit.

Prej një javë është bërë publik një fakt skandaloz, ai i plagjiaturës së doktoraturës së Rektorit të Universitetit të Tiranës, Artan Hoxha, dhe Dekanes së Fakultetit të Drejtësisë, Dorina Hoxha ,fakte të cilat tregojnë se  në Universitetin e Tiranës është vrarë meritokracia në emër të nepotizmit dhe vjedhjes, u shpreh aktivisti i Qëndresës Migen Qiraxhi.

Ky fakt publik në media dhe i denoncuar në organet kompetente do duhej të kishte tronditur Ministrinë e Arsimit, Parlamentin, Akademinë e Shkencave, grupet e interesi dhe shoqërinë, pasi po flasim për një institucion arsimor që prodhon elitat e këtij vendi, e kur rektori e pranon plagjiaturën sot, kush do t’u kërkojë llogari studentëve të tij për plagjiaturë nesër?

Përballë këtij realiteti që ka bërë që Universiteti i Tiranës pavarësisht kapaciteteve akademike në çdo rankim ndërkombëtar të renditet i fundit në Europë sa i përket cilësisë, Qëndresa Qytetare bëri publike kërkesat e saj:

-Qëndresa Qytetare i kërkon shqyrtimin me urgjencë Këshillit të Etikës të plagjiaturave të doktoraturës së Rektorit Artan Hoxha dhe Dekanes së Fakultetit të Drejtësisë Dorina Hoxha.

– Qëndresa Qytetare i kërkon Ministres së Arsimit Ogerta Manastirliu, të pezullojë Rektorin Hoxha dhe procesin zgjedhor deri në shqyrtimin e plotë të denoncimit të plagjiaturës.

-Qëndresa Qytetare i kërkon Rektorit Artan Hoxha dorëheqje nga gara për Rektor të Universitetit të Tiranës dhe një ndjesë publike nga ndaj pedagogëve, studentëve dhe publikut.

-Qëndresa Qytetare i kërkon Komisionit Institucional Zgjedhor anulimin e zgjedhjeve në Universitetin e Tiranës dhe hapjen e garës me proces vlerësimi ligjor të titujve akademik apo kontroll antiplagjiaturë për kandidatë në universitete.

-Kërkesa e fundit e Qëndresës Qytetare i drejtohet pedagogëve dhe arsimtarëve, ku u kërkojmë të distancohen nga vjedhja intelektuale dhe financiare e drejtuesve të Universitetit dhe të ngrenë zërin për çdo padrejtësi dhe abuzim.

Nuk kanë për te ardhur ditë më të vështira për vendin kur universitetet ndodhen të fundit në Europë dhe drejtuesit bëjnë sikur asnjë gjë nuk ka ndodhur, përmbyllën përfaqësuesit e Qëndresës.

Qëndresa Qytetare ashtu sikurse ka ngritur zërin kundër përfshirjes së krimit të organizuar në zgjedhjet në Universitet do vijojë të ngrejë zërin deri në çlirimin e Universitetit nga akademikët me plagjiaturë dhe jomeritorë.

The post Qëndresa Qytetare në protestë: Thirrje ministres Manastirliu të pezullojë rektorin dhe zgjedhjet deri në shqyrtimin e plagjiaturës appeared first on Albeu.com.

Trupi i të miturës u gjet në një qese plastike në një apartament të mërkurën, një ditë pasi prindërit e saj e denoncuar të zhdukur.

Policia franceze thotë se ka ndaluar një adoleshent në lidhje me ngjarjen, por shpresat për zbardhjen janë të pakta teksa mijëra zhdukje të tilla të fëmijëve në botë shpesh mbeten pa autor.

Kryebashkiaku Jean-Pierre Michel, tha për rrjetin AFP se prindërit e vajzës së ndjerë ishin me origjinë nga Rumania dhe jetonin prej vitesh në qytezën me rreth 5000 banorë.

E përditshmja vendase Le Republicain Lorrain, tha se viktima u gjet në një apartament disa qindra metra larg shtëpisë së saj.

Burime të hetimeve thanë se adoleshenti i dyshuar është arrestuar në apartamentin ku u gjet trupi i fëmijës.

Ato shtonin se adoleshenti “ishte i njohur për policinë prej problemeve psikiatrike dhe rasteve të abuzimit me fëmijë”.

The post Qindra qytetarë në rrugë, homazhe për të miturën që u vra në mënyrë brutale appeared first on Albeu.com.

Një prej qytetarëve i pranishëm në tubim ka rendituar disa prej shkaqeve se pse duhet të protestohet kundër kësaj qeverie, madje duke mos e kursyer as ironinë, ku thotë se tani presin që të taksohen edhe kur flenë gjumë me gruan e tyre.

“Na ka ngel tani të paguajmë taksë edhe kur flemë me gruan. Tjetër gjë nuk na ka mbet. Turpi  Zotit. Kryeministër më të dobët nuk mbaj mend ndonjëherë”, tha ai./albeu.com

The post Protesta e opozitës, ironizon qytetari: Tani presim të paguajmë taksa edhe kur flemë me gruan appeared first on Albeu.com.

Kur Elona Musk bleu Twitter-in, Komisarja e BE-së që merret me tregun e brendshëm europian, Thierry Breton, kërkoi menjëherë që shërbimi i SHBA-së i lajmeve të shkurtra, Twitter, t’i përmbahet rregullave të Bashkimit Europian. Por, kur qeveritë europiane shpërdorojnë softwaret e spiunazhit, institucionet e Brukselit nuk interesohen fare, kritikon raportuesja e të ashtuquajturit Komiteti Pega të Parlamentit Europian, deputetja europiane nga Holanda, Sophie in ‘t Veld. Ndërkohë që të drejtat demokratike rrezikohen seriozisht, kur shumë vende anëtare të BE-së përdorin pa kontroll  Pegasuas-in dhe software të tjera të ngjashme dhe përgjojnë kritikët e qeverisë, gazetarët dhe opozitarët nën mburojën e sigurisë kombëtare.   

Softwaret e spiunazhit janë aferë europiane 

“Shpërdorimi është aferë e gjithë Europës,” thuhet në raportin e papërfunduar të Komisionit hetimor, të prezantuar ditën e martë (08.11) nga Sophie in ‘t Veld. “Vendet anëtare kanë përdorur software përgjimi kundër qytetarëve të tyre, për arsye politike si dhe për të fshehur korrupsionin dhe aktivitetet kriminele.” Meqenëse asnjë nga autoritetet kombëtare nuk ka qenë i gatshëm t’i japë Parlamentit të BE-së informacione konkrete, raporti bazohet vetëm në burime të hapura për publikun.

Megjithatë mendon Komiteti, janë mbledhur shumë fakte. “Po të ketë enigma 1000 të panjohura, ne kemi në duar 900 prej tyre,” thotë Sophie in ‘t Veld. Mund të thuhet se të gjitha vendet europiane kanë blerë software spiunazhi dhe disa prej tyre kanë bërë me to edhe tregti përfituese. “Qipro dhe Bullgaria janë kthyer në qendrat e eksportit, Irlanda ofron software për të rregulluar taksat. Kurse Luksemburgu është qendra financiare për shumë lojtarë nga vendet prodhuese.” I ashtuquajturi Wiretapper’s Ball, një mbrëmje vallëzimi që organizohet çdo vit nga kjo industri, zhvillohet në Pragë kurse Malta vlerësohet nga protagonistët si vend i preferuar qëndrimi.

Shembulli më i njohur është firma izraelite NSO, e cila prodhon softwar-in e spiunazhit Pegasus, një software që shkaktoi skandal politik në Greqi. Sipërmarrja ka filiale në Qipro dhe Bullgari dhe i ka kryer aktivitetet financiare nëpërmjet Luksemburgut. Ajo ka përfituar nga tregu i brendshëm dhe liria e lëvizjes brenda BE-së. Shitja e software-ve bëhet me qëllim në mënyrë jo trasparente dhe strukturat e firmës janë komplekse, thuhet në raportin e sapoprezantuar- por “biznesi është në lulëzim dhe me përfitim të madh”.

Greqia, Hungaria, Polonia – dyshimet nuk largohen  

Viktima më e njohur e përgjimit të politikanëve të opozitës dhe gazetarëve në Greqi, është kryetari i socialdemokratëve të Pasok-ut, dhe deputeti europian Nikos Androulakis. Celulari i tij ishte infektuar me software-in e përgjimit, Predator.

Ndërkohë listat e njerëzve që mendohet të jenë prekur bëhet gjithnjë e më e gjatë. Së fundi kryeministri Kyriakos Mitsotakis përsëriti edhe një herë se nuk ka të bëjë me fajësimet e fundit. “Është turp të pretendosh se kryeministri ka përgjuar ministrat e tij,” tha ai për televizionin ANT1.

Por Nikos Marantzidis, ekspert i mediave në Universitetin e Maqedonisë në Selanik, thotë se kryeministri është përgjegjës: “Në fillim ai tha se çdo gjë bëhet sipas ligjit, kurse tani thotë se ka arritur t’i mënjanojë problemet që ka pasur me Pegasusin dhe Predatorin. Është e pamundur t’i besosh gjithë deklaratat.”

Por më e keqja është se afera ka tronditur besimin e shumë grekërve tek kushtetueshmëria demokratike e vendit: “Shumë vetë janë shokuar, sepse jemi duke u futur sërish në një fazë autoritare”. Ndërkohë qeveria greke kërkon të ndalojë shitjen e software-ve të tillë të spiunazhit.

Raporti i Parlamentit Europian merret me hollësi edhe me qeveritë e Budapestit dhe Varshavës. Hungaria ka qenë një nga vendet e para të përzier me skandalin europian të përgjimit. Sipas njoftimeve të organizatës së të drejtave të njeriut, Amnesty International,

atje janë përgjuar mbi 300 aktivistë politikanë, gazetarë, avokatë dhe të tjerë. “Përdorimi i Pegasusit duket të jetë pjesë e një strategjie të menduar mirë për shkatërrimin e shtypit dhe lirisë së mendimit nga qeveria (hungareze)”, thuhet përveç kësaj në raport.

Polonia ka zgjeruar qysh vitin e kaluar mundësitë ligjore pë të bërë përgjime gati të pakufizuara. “Të drejtat e viktimave janë minimalizuar dhe mjetet juridike për të luftuar përgjimin janë bërë praktikisht të parëndësishme,” thotë raporti hetimor. Partitë qeveritare kanë çdo gjë nën kontroll dhe viktimat nuk kanë ku të shkojnë për të kërkuar të drejtat.

Nevojiten rregulla të reja dhe kontrolle ndaj teknologjive të përgjimit 

Amnesty International ka mbledhur ndërkohë 100 mijë firma për një peticion drejtuar Kombeve të Bashkuara, ku kërkohet ndalimi i shitjes dhe shpërndarjes së software-ve të spiunazhit. “Është urgjentisht e domosdoshme, që të mbrohen më mirë të drejtat e njeriut gjatë eksportimit të teknologjive të përgjimit,” shkruan drejtoresha e Amnestisë, Agnès Callamard. “Ne jemi duke përjetuar një krizë globale të softawareve të përgjimit, ku sulmet e qëllimshme që bëhen kundër sferës private të gazetarëve, aktivistëve dhe avokatëve përdoren për t’i detyruar ata që të mbyllin gojën dhe për t’u ngjallur frikën.” Anëtarët e OKB-së nuk duhet të përdorin ose tolerojnë më softwaret si instrumente shtypëse.

Një ndalim të përkohshëm kërkon edhe raportuesja e Komitetit Pega të Parlamentit Europian. Përveç kësaj Sophie in ‘t Veld kërkon që të gjitha akuzat të hetohen deri në fund nga Interpoli më mirë, si dhe zëvendësimin e kuadrit për përdorimin legal dhe licencat e eksportimit të software-ve të përgjimit për të cilat ka dyshime. Deputetja pranon vetë se nuk ekziston asnjë mekanizëm për zbatimin e rregullave të reja.  /DW

The post Si i përgjon Europa qytetarët appeared first on Albeu.com.

Dy nga tre banorët në vend janë pa energji elektrike, shkruajnë mediet vendase.

Vetëm disa zona të Bangladeshit veriperëndimor kanë akses në energji elektrike, sipas Samin Ahsan, zëdhënës i Bordit të Zhvillimit të Energjisë në Bangladesh. Për momentin nuk dihen shkaqet e dëmit, ndërsa autoritete po vijojnë hetimet.

Ministri i Teknologjisë, Zunaid Palak, në një postim në Facebook, tha se energjia pritet të rivendoset në orën 20:00 me orën lokale në Dhaka, kryeqyteti i 22 milionë banorëve.

Prej shumë muajsh Bangladeshi po përballet me një krizë akute energjitike, e shkaktuar nga rritja e çmimeve të karburantit dhe gazit natyror. Dhaka ka vendosur masa shtrënguese për të financuar kërkesën për energji elektrike, ndërsa përpiqet të importojë naftë dhe gaz në sasi të mjaftueshme.

Stacionet që prodhojnë energji elektrike me naftë dhe gaz kanë ndërprerë funksionimin e tyre. Dhjetëra mijëra xhamive në vend u kërkohet të mos përdorin kondicionerë, përveçse gjatë pesë namazeve ditore.

The post Dy në tre qytetarë jetojnë në errësirë në këtë shtet appeared first on Albeu.com.

Më tej Noka theksoi se hackerat qeveritarë kanë ndërhyrë për të asgjësuar të dhëna.

Noka: E gjitha rrotullohej rreth faktit se Shqiptarët nuk duhet të informohen rreth situatës kibernetike. Drejtori i komanduar i shërbimit nuk tha asgjë, të gjitha u konfirmuan se sistemet janë hackeruar prej 14 muajsh. U konfirmua fakti se është hakeruar sistemi TIMS dhe MEMEX. U konfirmua se hackerat jo vetëm të iranit por rus dhe serb sulmojnë dhe kanë në kontroll të dhënat. Këto nuk mund ti kenë vetëm shqiptarët ndërsa armikët e këtij vendi i kanë të gjitha. Shqiptarët janë mashtruar, ka dhe sisteme dhe ku janë fshirë.

The post “Shqiptarët janë gënjyer”, Noka: Hakerat iranianë dhe rusë kanë në dorë çdo të dhënë të qytetarëve appeared first on Albeu.com.