Ish-ylli i Ajax-it, i cili aktualisht është kontraktuar me skuadrën ruse Spartak Moska, u dënua me gjashtë vjet burg nga një gjykatë e Amsterdamit në muajin shkurt.

Shteti rus refuzoi ekstradimin e Promes në Holandë, por shpejt ka ardhur arresti i tij në një shtet tjetër.

Sipas Associated Press, 32-vjeçari është kapur në Emiratet e Bashkuara Arabe dhe autoritetet holandeze kanë kërkuar ekstradimin e tij në Holandë.

“Arrestimi është bërë në bazë të një njoftimi të kuq të lëshuar nga Holanda. Holanda do të kërkojë ekstradimin e burrit”.

“Sipas raportimeve të ndryshme të mediave, i arrestuari raportohet se po qëndronte me luks në Dubai. Megjithatë, ai është marrë në paraburgim falë përpjekjeve të autoriteteve në të dy vendet”.

“Për momentin, nuk është e mundur të jepet informacion shtesë për të shmangur ndërprerjen e hetimeve në vazhdim”, thuhet në njoftimin e Zyrës së Prokurorisë Publike të Amsterdamit.

Ndryshe, Promes, i cili ka 50 paraqitje dhe shtatë gola me kombëtaren holandeze është dënuar me burg pasi u dënua për bashkëpunim në kontrabandën e 1,370 kilogramëve kokainë . Ai akuzohet si i përfshirë në import dhe eksport të drogës së klasit A.

🚨🚨| BREAKING: Quincy Promes ARRESTED in Dubai following a request from The Netherlands, where he faces a 6-year prison sentence. pic.twitter.com/y3Xka3r6a2

— CentreGoals. (@centregoals) March 13, 2024

The post Quincy Promes arrestohet në Dubai pasi u dënua me gjashtë vjet burg për kontrabandë me 1370 kg kokainë appeared first on Albeu.com.

Vitin e kaluar, Promes ishte dënuar me dy vjet burg për një sulm me thikë ndaj kushëririt të tij, të kryer në vitin 2020. Ai nuk është aktualisht në burg pasi procesi i apelimit është në vazhdim, por qëndrimi në Rusi e ndihmon ndjeshëm situatën e tij.

Këtë herë Promes dhe një tjetër holandez 31-vjeçar u akuzuan për importimin e 1300 kilogramëve kokainë përmes portit belg të Antëerpit. Policia holandeze ka ndjekur dhe përgjuar Promes dhe të dyshuar të tjerë të përfshirë në këtë rast dhe për shkak të trafikut të drogës dhe pastrimit të parave, në burg për të njëjtin rast ndodhen edhe familjarët e Promes.

Sipas prokurorisë, Promes dhe V. me sa duket ishin pjesë e një rrjeti të madh kriminal, shumë prej të cilëve tashmë janë pas hekurave. Prokuroria e Shtetit ka shprehur keqardhjen që futbollisti nuk ka qenë i pranishëm për të sqaruar bisedat e dyshimta telefonike të përgjuara nga policia, përfshirë edhe bisedën për investimin e 75 mijë eurove në trafikun e drogës.

Prokuroria e Shtetit pretendon se Promes ka pasur edhe rol drejtues, prandaj ndaj tij kërkohet dënimi më i ashpër.

Dëshmitari i policisë lexoi pjesë të bisedës në të cilën dëgjohen Promes dhe V. duke rregulluar dërgimin e drogës. Prokuroria e Shtetit thekson se për blerjen e sasive kaq të mëdha të drogës, në vlerë prej dhjetëra milionë eurosh në rrugë, nevojitet një organizim i rëndësishëm, në të cilin të dy ishin të përfshirë. Siç pritej, Promes mungoi sërish në gjykatën e Amsterdamit për shkak të frikës së arrestimit.

Sipas mediave ruse, Promes ka shkuar në Emiratet e Bashkuara Arabe me klubin e tij Spartak për stërvitje, çka do të thotë se mundësia për arrestim dhe ekstradim është thuajse inekzistente.

Ndërkohë, Promes po përpiqet të marrë një pasaportë ruse për të shmangur përgjithmonë dënimin. Kontrata e tij me Spartak Moskën pritet të zgjatet deri në vitin 2025.

Që nga viti 2021, Promes ka qenë anëtar i Spartak Moskës, fanellën e të cilit e ka veshur nga viti 2014 deri në vitin 2018, si dhe ka luajtur edhe për Tëente, Sevilla dhe Ajax.

Ai bëri 50 paraqitje për kombëtaren holandeze dhe shënoi shtatë gola. /Telegrafi/

??| The Public Prosecution Service has demanded an unconditional prison sentence of 9 years for Quincy Promes who has been prosecuted for his involvement in importing over 1300 kilos of cocaine.

[@telegraaf via @TheEuropeanLad] pic.twitter.com/UcsiqPACWR

— CentreGoals. (@centregoals) January 24, 2024

The post Kontrabandë me 1300 kg kokainë: Futbollisti i njohur mund të dënohet me 9 vite burg appeared first on Albeu.com.

Quincy Promes është një lojtar i kombëtares holandeze dhe futbollist i Spartak Moskës. Të paktën ai ka qenë deri tani. Pas akuzave të fundit ndaj tij, ai së shpejti mund t’i japë fund karrierës.

Ai luajti në Euro 2020 me kombëtaren e tij këtë dhe më pas u bë kryefjala e mediave holandeze pasi dolën informacione se ai sulmoi nipin e tij dhe e goditi me thikë në gju në një festë.

Prokuroria holandeze ka ngritur një aktakuzë kundër Promes për tentativë për vrasje. Ai rrezikon deri në katër vite burg për sulmin dhe përveç kësaj prokuroria holandeze ka hapur një çështje të re ndaj tij, raporton 24sata.

Gjegjësisht, sipas holandezit De Telegraaf, futbollisti holandez dyshohet për trafik droge dhe pastrim parash. Së bashku me familjen e tij ka blerë kokainë me paratë e futbollit, shkruajnë mediat holandeze dhe më pas të njëjtën drogë e ka rishitur me ndërmjetës në rrugët e qyteteve holandeze. Disa nga anëtarët e familjes së tij janë në burg dhe Promes komunikonte çdo javë me një kushëri që drejtonte të gjithë biznesin. Ata kishin më shumë se 4000 kilogramë kokainë që policia belge zbuloi në Antwerp në vitin 2020. Vlera e këtij malli është 120 milionë euro, por në rrugë çmimi është edhe më i lartë.

Autoritetet holandeze kanë lëshuar një urdhër-arresti për futbollistin e Spartakut, por për momentin kjo nuk është e mundur pasi ai ndodhet në Rusi.

“Unë nuk di asgjë për këtë,” tha avokati i Promes Spong për De Telegraaf.

Nëse rezulton se ai ka iniciuar dhe financuar kokainën, e cila më pas është rishitur, futbollisti holandez përballet me një dënim të rëndë. E kur kësaj i shtojmë edhe dënimin që i kanoset me tentativë vrasjeje, nuk është e vështirë të konkludohet se kjo nënkupton fundin e karrierës së tij futbollistike.

Meqë ra fjala, Prokuroria e Shtetit në Amsterdam njoftoi në fillim të kësaj jave se po zhvillon procedimin ndaj lojtarit të Spartak për tentativën e vrasjes së kushëririt të tij. Gjithçka ndodhi në qershor 2020 kur Promes dyshohet se e goditi me thikë në gju. Interesant është fakti se nipi i tij e ka denoncuar në polici vetëm pak muaj më vonë, për këtë arsye futbollisti i Spartak kaloi disa ditë në paraburgim. Ai përfundimisht u lirua dhe hodhi poshtë të gjitha akuzat me neveri dhe tha se do të provonte pafajësinë e tij.

Viktima ka pësuar lëndime të rënda, shkruan De Telegraaf dhe futbollisti holandez fillimisht ka insistuar se nuk ka qenë i pranishëm në momentin e sulmit. Prokuroria e mohoi shumë shpejt këtë pasi iu kap një transkript i bisedave të tij në të cilat ai kërcënonte se do të vriste nipin e tij dhe në një bisedë telefonike ai i rrëfeu gjithçka babait, nënës dhe hallës së tij. Promes është ende i dyshuari kryesor dhe nëse vërtetohet se ai ka sulmuar dhe plagosur në të vërtetë një pjesëtar të familjes, ai mund të marrë deri në katër vjet burg. Gjyqi do të nisë në ditën e fundit të marsit, por pa praninë e tij.

– Ishte një tronditje për të gjithë, por më vjen mirë që u lirova kaq shpejt. Nuk mund të them më shumë për të. Unë jam po aq i tronditur sa pjesa tjetër e botës. Është diçka nga jeta ime private, nuk mund të flas më për të. Por tani jam i lirë dhe mendoj se kjo thotë mjaft. Është mirë që klubi më mbështet”, tha Promes pasi u lirua nga paraburgimi.

Në Euro ka luajtur me Holandën kundër Austrisë dhe Çekisë, të cilat ishin paraqitjet e tij të fundit për kombëtaren dhe një vit e gjysmë ka qenë lojtar i Spartak Moskës. Ai luajti 146 ndeshje për klubin rus në dhe shënoi 69 gola me 36 asistime. Ai luajti edhe për Twente, Ajax dhe Sevilla.

Ai shënoi shtatë gola në 50 paraqitje për kombëtaren. Ai luan në krahun e majtë dhe vlera e tij në Transfermarkt është 12 milionë euro. /albeu.com/

The post Lojtari i kombëtares holandeze në telashe: Akuzuar për tentativë vrasje dhe shpërndarje kokainë? appeared first on Albeu.com.

Sulmuesi i Spartak Moskës, 29 vjeç, u ndoq penalisht pasi viktima e supozuar, që mendohet se ishte kushëriri i të dyshuarit, u plagos rëndë në gju. Mediat holandeze kanë përmendur si të dyshuar ish-lojtarin e Ajax-it, i cili u transferua në skuadrën e Premierligës ruse në shkurt për një shumë prej 7 milionë funtesh.

Kuptohet se Promes u arrestua në mes të dhjetorit dhe më vonë u lirua në lidhje me incidentin, i cili ndodhi në fillim të vitit të kaluar në një festë familjare në qytetin piktoresk Abcoude, pak jashtë Amsterdamit. Ai dyshohet se u përlesh pas një debati me të afërmin dhe anëtarët e tjerë të familjes ndërhynë menjëherë, thanë raportet e lajmeve në atë kohë.

Pas një hetimi, prokurorët vendosën të akuzojnë Promes për tentativë vrasjeje, ose ndryshe për sulm të rëndë. “Vendimi për të paditur Promes është i vetmi vendim i drejtë. Pas shënimit të dosjes, do të kërkojmë edhe nga Prokuroria Publike që të ndiqet penalisht i dyshuari për tentativë vrasje”, tha avokati./h.ll/albeu.com

The post Ylli holandez akuzohet për tentativë vrasje appeared first on Albeu.com.