“600.248 shtetas që u skadon pasaporta deri më 15 maj 2025

209.931 shtetas që u skadon edhe letërnjoftimi edhe pasaporta deri më 15 maj.

160.213 shtetas, jo domosdoshmërisht votues që nuk kanë disponuar asnjëherë një dokument identifikimi. Nuk kanë aplikuar asnjëherë.

Vlerësoj që është e përligjur t’i kërkojmë Këshillit të Ministrave të zgjasë nëpërmjet aktit normativ zgjatjen e vlefshmërinë e dokumenteve të identifikimit të paktën për shtetasit që votojnë nga jashtë territorit të Shqipërisë”, shprehet ai.

The post Zgjedhjet e 11 majit/ KQZ thirrje qeverisë: Zgjasni vlefshmërinë e dokumenteve të identifikimit për diasporën appeared first on Albeu.com.

Sipas tij, kriza e mbetjeve të dyshimta, që ende nuk është zbardhur, tregoi se nuk kemi siguri mjedisore, dhe se Agjencia qeveritare që mbulon këtë sektor, nuk e bën punën.

DEKLARATA:

Shoqëria jonë u përball gjatë këtij viti me dy çështje mjaft të mprehta, si siguria ushqimore, dhe ajo mjedisore.

Denoncimet tona, zbulimet e mediave, dhe reagimi i qytetarëve treguan se produktet që konsumojmë janë të pasigurta, dhe se Agjencia qeveritare përgjegjëse për këtë sektor, AKU, është jashtë funksionit.

Po ashtu, kriza e mbetjeve të dyshimta, që ende nuk është zbardhur, tregoi se nuk kemi siguri mjedisore, dhe se Agjencia qeveritare që mbulon këtë sektor, nuk e bën punën.

Siguria ushqimore dhe siguria mjedisore janë elementët më të rëndësishëm të jetës, të qytetarëve, të fëmijëve, prindërve e familjarëve të secilit prej nesh.

Çfarë kuptimi do të kishte të flisnim për të tjera gjëra të rëndësishme dhe ato, nëse jemi kaq mbrapa në këto dy drejtime?

Edhe pse gjendja është alarmante dhe gjithë shoqëria është e shqetësuar dhe kërkon zgjidhje, qeveria nuk e ka lëvizur gishtin?

Masat që merr një qeveri, dallohen tek buxheti. Në buxhetin që sapo u miratua, rilindja nuk parashikon asnjë përmirësim në sigurinë ushqimore dhe mjedisore.

Asnjë plan, apo vizion për të ofruar këto dy garanci, që janë detyrë e saj dhe përgjegjësi ligjore.
Asnjë shtim fondi për trajnime, për rritje të personelit, për shtim të ekspertizës, për përmirësim të analizës, laboratoreve, për ngritje të kapaciteteve të gjurmueshmërisë, për paisje të reja e të nevojshme.
As edhe një gjë në këtë drejtim.

Qeveria në fund të mandatit, po u thotë qytetarëve se nga ushqimet e dëmshme, dhe nga mbetjet e rrezikshme apo toksike, duhet të ruheni vetë. Një papërgjegjshmëri kriminale.

Partia Demokratike e ka prioritet sigurinë ushqimore dhe sigurinë mjedisore. Ne po punojmë me ekspertë dhe njohës të fushës, për të ofruar zgjidhje për këtë çështje kaq jetike. Partia Demokratike do të vendosë gjithë burimet e duhura e të nevojshme, që shqiptarët të kenë ushqim të sigurtë, dhe mjedis, e sistem ekologjik të sigurtë.

The post Grigels Muçollari: Dështimet e qeverisë në sigurinë ushqimore dhe mjedisore, buxheti 2025 asnjë garanci për jetën e qytetarëve appeared first on Albeu.com.

Së fundmi, Trump ka treguar se kush nuk do të jetë pjesë e saj.

“Unë nuk do të ftoj ish-ambasadoren Nikki Haley dhe ish-sekretarin e shtetit Mike Pompeo, për t’iu bashkuar administratës Trump, e cila aktualisht është në ndërtim e sipër”, shkroi Trump në platformën e tij Sociale Truth.

“Më ka pëlqyer dhe vlerësuar shumë puna me ta deri më tani dhe do të doja t’i falenderoja për shërbimin e tyre ndaj vendit tonë. Bëje Amerikën sërish të madhe”! – vijon mesazhin Trump.

Si Haley ashtu edhe Pompeo, kishin bërë më parë komente kritike për Trump.

Në fushatën paraprake republikane, Haley ish-ambasadorja e OKB-së për SHBA, ishte kundërshtarja më e fortë e Trump dhe sfiduesja e fundit e mbetur derisa ajo u tërhoq nga gara në fillim të marsit.

Vetëm në fund të majit, ajo deklaroi se do të votonte për Trumpin në zgjedhjet presidenciale. Në janar, ajo e përshkroi Trumpin si “plotësisht të pavarur” në një intervistë me kanalin konservator të lajmeve “Fox News”.

Ish-drejtori i CIA-s, Mike Pompeo, nuk është një nga mbështetësit më të zëshëm të Trump dhe kritikoi, trajtimin e tij të dokumenteve konfidenciale (presidenti i ri dhe i vjetër kishte ruajtur dokumente konfidenciale të qeverisë në vilën e tij luksoze Mar-a-Lago).

Megjithatë, Pompeo ishte Sekretar Shteti nën Trump dhe tani konsiderohej Sekretar i Mbrojtjes.

Trump kishte deklaruar disa herë se gabimi i tij më i madh në mandatin e tij të parë në detyrë, ishte punësimi i stafit të gabuar. Por tani ai njeh “njerëzit më të mirë”.

Për Trump, “besnikëria është parakushti më i rëndësishëm për punën” në qeverinë e tij, shkruan New York Post.

The post Donald Trump merr vendimin/ Ja dy emrat kryesorë që nuk do jenë pjesë e qeverisë së tij appeared first on Albeu.com.

Sipas Vasilit, Shqiperia nuk ka aspak nje industri turistike, por ne te shumten e heres improvizime private turistike infrastrukturore e sherbimesh te pa standartizuara dhe te pa sinkronizuara.

Mes të tjerash, deputeti i PL thekson se; “Për turizëm hekurudhor as që bëhet fjalë dhe ai është shumë larg edhe atij të kohës së diktaturës. Ekziston vetëm një Aeroport Ndërkombëtar në Tiranë ndërsa ai i Kukësit është thuajse inekzistent”, shkruan Vasili.

Postimi i Vasilit:

Turizmi, nga bumi i rremë tek deshtimi bubullues!

Kryefjala e dites ne kete sezon te nxehte veror eshte ardhja e turisteve, plazhet bosh etj.

Flitet shume per “armiq” te brendshem e te jashtem gjithfaresh, qe po demtojne e shkaterrojne turizmin shqiptar sipas gjoja nje “komploti nderkombetar te mirefillte”.

Pertej ketyre folklorizmave te çmendura, qe nuk zgjidhin asgje pyetja e madhe dhe e pakapercyeshme eshte:

A ka Shqiperia nje industri turistike kombetare?

Pergjigja e kesaj pyetje mund te hedhe te gjithe driten e duhur per te pare qarte se ku ndrin dhe ku nxin turizmi shqiptar.

Shqiperia nuk ka aspak nje industri turistike, por ne te shumten e heres improvizime private turistike infrastrukturore e sherbimesh te pa standartizuara dhe te pa sinkronizuara.

Qeveria shqiptare gjithshtu improvizon investime infrastrukturore shpesh klienteliste pa asnje logjike te ndertimit te nje industrie turistike te vertete qe siguron turizem te qendrueshem dhe afatgjate.

Sistemi i indikatoreve turistike nuk ka asnje lidhje me kriteret e mirfillta profesionale te indikatoreve turistike, por eshte vetem ne funksion te nje propagande, qe nuk te çon gjekundi bile shkakton te kunderten.

P.sh. sivjet Qeveria me nje kembengulje primitive ben propagande te çmendur per miliona hyrje ne aeroportin Nene Tereza.

Por realiteti ne plazhet shqiptare te boshatisura e rrezon kaq lehte kete tregues te rreme sepse hyrjet qe propagandon qeveria nuk jane asfare turiste.

Shtim i fluturimeve low cost ka bere qe shume emigrante jo turiste te perdorin tani kete menyre udhetimi, qe kushton pak, apo llogariten hyrje mijra shqiptare qe kthehen me çartera nga pushimet ne vende te tjera apo hyrjet rutine te qytetareve shqiptare.

Indikatori themelor nderkombetar per turizmin jane netet e fjetjes.

Organizata Boterore e Turizmit(OBT) percakton qarte se
“qe te te quhet turist duhet te fleje minimumi nje natë”.

Numri i neteve turistike ne Shqiperi eshte sa gjysma e numrit te turisteve te deklaruar pra te ashtuquajturit turiste te qeverise nuk flene asnje nate te vetme ne Shqiperi.

Konkretisht ne vitin 2023 turiste te deklaruar nga qeveria jane 10 milion ndersa nete fjetje vetem rreth 6 milion pra rreth 0.6 nete fjetje per turist.

▪️Kroacia ne vitin 2023 ka pasur 20.6 milion turiste dhe 108 milion nete fjetje.

▪️Greqia ne vitin 2024 mbi 30 milion turiste in 2023 dhe kishte 236 milion nete fjetje.

▪️Mali i Zi ne vitin 2023 ka pasur 2 613 306 turiste dhe 16 389 279 nete fjetje nga te cilet 96.3% turiste te huaj dhe 3.7% vendas.

▪️Sllovenia ne vitin 2023 ka pasur 6.2 million turiste dhe 16.1 milion nete fjetje.

Po sherbimi turistik?

Larg teper larg standarteve turistike nderkombetare.
Improvizime te mijra kameriereve dhe punonjes hotelesh pa asnje trainim apo kualifikim, qe s’kane asnje nivel profesional minimal.

Standartet hoteliere dhe te ristoracionit, qe improvizohen nga pronare gjithfaresh shpesh injorantë dhe ne menyre empirike larg profesionalizmit ku deri edhe yjet e vendosura sipas qejfit te hoteleve nuk reflektojne shpesh asnje lidhje me klasifikimin nderkombetar.

Po trasporti turistik?

Nuk ka asfare nje trasport turistik te mirefillte por sajesa te castit,pa rregull, pa orare, pa mjete te standartit turistik as per arritjen ne qytetet turistike dhe as trasport brenda qyteteve qe te mund te perballoje fluksin e turisteve.
Nuk ekziston gjekundi trasporti turistik detar ndonese themeli i turizmit shqiptar aktualisht eshte turizmi detar.

Per turizem hekurudhor as qe behet fjale dhe ai eshte shume larg edhe atij te kohes se diktatures.

Ekziston vetem nje Aeroport Nderkombetar ne Tirane ndersa ai i Kukesit eshte thuajse inekzistent.

Po infrastruktura e trasportit?

Lidhja shpesh me rruge te vetme pa rruge alternative krijon trafik mbytes qe dekurajon fort turistet.Informacioni rrugor per situaten e trafikut ne kohe reale nuk ekziston duke krijuar nje situate primitive te trasportit rrugor.

Po kontrolli mbi cmimet dhe mbrojtja e konsumatorit?

Asnje mekanizem nuk vepron ne kete drejtim dhe turisti behet pre e plackitjes me cmimet dhe spekullimit skandaloz me to.Qeveria nuk ben asgje per mbrojtjen e konsumatorit dhe mbrojtjen e tregut apo autoriteti i konkurences.

Po informacioni turistik?

Informacion teper i varfer, aspak kapilar, primitiv pra nuk eshte nje lehtesim per turistin por i pa aksesueshem pra jo funksional duke e lene ne shpesh turistin ne meshire te fatit apo te dashamiresise se njerezve te thjeshte, qe duan ti ndihmojne.

Po formimi, edukimi dhe trainimi turistik?

Shume i paket, i fragmentuar i pa orientuar ne teritoret me potencial turistik te larte, i pa mbeshtetur nga qeveria dhe krejt i pa lidhur me tregun e punes.Kjo sjell varferi ekstreme ne profesioniste te kualifikuar sipas pozicioneve e figurave profesionale, qe turizmi kerkon.

Po zgjatja e sezonit turistik?

Pa zhvilluar nje industri turistike qe zgjat periudhen e sezonit turistik asnje here turizmi nuk do te jete industri dhe realisht influencuese ne ekonomine kombetare.

Me dy muaj turizem ne vit as qe mund te flitet per turizem as masiv dhe as te zhvilluar, por thjesht per nje turizem te kufizuar e te prapambetur.

PERFUNDIM:

Industria turistike kerkon qendrim profesional objektiv dhe realist.
Seicili nga grup çeshtjet e mesiperme kerkon zgjidhje profesionale pa nenvleftesuar asnje komponent.

Propaganda boshe, treguesit e rreme dhe folklorizmi politik mbushur me injorance vetem shkaterron turizmin ne afatgjate.

The post Vasili akuza qeverisë: Turizmi, nga bumi i rremë tek dështimi bubullues appeared first on Albeu.com.

Ajo e vlerësoi nismën për prodhimin e armëve, që realisht është diçka që mund të ketë efekt pozitiv, por ama u tregua shumë kritike ndaj mënyrës se si qeveria ka sjellë këtë projektligj jo vetëm për procedurën, por edhe për atë që përrmban ligji.

Tabaku ngriti disa pikëpyetje në lidhje me sigurinë kombëtare dhe aksionet e kompanisë, ajo e pyeti përfaqësuesit e minsitrisë së si do të shiten aksionet dhe si kjo do të jetë në raport me sigurinë tonë komëbtare.

Gjithashtu, deputetja e PD u shpreh skeptike në lidhje me shifrën e 3 mln eurovë që do jetë për të financuar këtë kompani.

Ajo ironizoi vemndimin e qeverisë që jep kontrata 430 mln euro për inceneratorët por kur vjen puna për një kompani që sipas qeverisë do sjellë përfitime monetare vlera e kompanisë është 3 mln euro.

Tabaku ngriti shqetësime në lidhje me fondet e kësaj kompanie dhe me planin e biznesit të saj.

Fjala e plotë:
Ju e keni quajtur kompaninë KAYO dhe dihet që Shqipëria ka prodhuar municione në kohën e regjimit komunist por prej 30 vitesh është lënë në harresë. Kjo do të thotë që ushtria ka prona dhe asete fizike. Ne jetojmë në një realitet tjetër dhe Shqipëria ëhtë vend i anëtar i NATO që do të thotë ka disa detyrime për të përmbushur edhe në fushën e prodhimit dhe shitjes së armëve. Me sa kam lexuar dhe kam parë ne nuk jemi vendi i parë që prodhojmë armë në botë, ka shoqëri të tjera dhe histori me kompani që prodhojnë armë në botë. Duke qenë se prodhimi armëve futet dhe në realitetin e sigurisë kombëtare, shoh që nu kemi një bashkërendim të detyrimeve që kjo kompani do ketë ndaj shtetit dhe institucioneve të tjera. Projektligji fokusohet tek ngritja e një kompanie dhe jo modalitet e operimit ndonëse prodhimi municioneve lidhet me sigurinë kombëtare.

Po ashtu shoh që ka një mungesë të qartë të formës së pronësisë, pasi ne nuk e dimë se si do të përfshihen aksionerët privatë derisa kompania planifikohet të jetë sh.a? si do e siguroni ju mosprekjen e sigurisë kombëtare në blerjen e aksioneve të kësaj kompanie? Në relacionin e shkruar është diskutuar me disa toka që do të kalojnë në pronësi të shoqërisë mirëpo disa kohë më prë zëvendës ministri i mbrojtjes diskutoi për një plan që shpërndarja e aseteve të ushtrisë po diskutohet me NATO; a është i përfunduar ky plan i shpërndarjes së aseteve të ushtrisë? A kemi informacion për të gjitha pronat e ushtrisë si do të përdoren? Mos harrojmë që çështja e pronave të ushtrisë është një temë e nxehtë e debatueshme për sa i përket koncesionimit dhe dhënies në përdorim të tyre.

A mund të dimë nëse keni vendosur prona strategjike, ku janë këto asete? U përmendën disa vende si Gramshi, Poliçani dhe disa asete të tjera që u diskutuan por na duhet një përgjigje e qartë.

Ministria foli për një vlerë 3 mln euro për nisjen e rrugëtimit të kompanisë. Nga sa kam parë dhe me çfarë kam marë informacione, shifra prej 3 mln eurosh për të operuar në këtë sektor është shumë e vogël ose për të bërë asgjë. Ndërkohë që qeveria ka kontrata koncesionare me vlerë 430 mln euro, ndërkohë që shifra që ju vendosni është shumë e vogël për t’u marrë me këtë çështje. Prandaj kam disa pyetje shtesë edhe për këtë. A mund të kemi informacion se si është përcaktuar vlera 3 mln euro? Si do të përdoret kjo vlerë 3 mln euro për të mbuluar kostot e kompanisë?

Sa janë kostot që keni përllogaritur për financim që do shkojnë për përgatitjen e “terrenit” dmth infrastrukturës bazë për operimin e kompanisë? Sa është kosto për studime, përgatitje rregullative, vendosje të procedurave standarte të veprimit dhe krijimit të një baze operacionesh për personalein? Sa janë kostot për punësimin e stafit manaxherial dh mbështetës të kompanisë? Sa janë kostot e infrastrukturës bazë për nisjen e punës në atë sektor? Cili sektor i prodhimit të municioneve do të fokusohet kompnia shtetërore KAYO? A do jetë e fokusuar në prodhimin e armëve të lehta apo municioneve të rënda?

Sipas përllogaritjeve tuaja sa do jetë fitimi vjetor i kësaj kompanie? A ka ekonomi shkalle? A ka plan biznesi? Sa është kthimi nga investimi?

Në projektligj është përcaktuar që KAYO do jetë një kompani sh.a dhe me një buxhet 3 mln USD që nuk duket se del për të financuar sa çduhet gjithë sa kërkon. Por gjithsesi fakti që është sh.a dmth që dikush tjetër mund të kërkojë blerjen e aksioneve.

Në rastin e një blerësi potencial sa aksione maksimale do ketë shteti? Përse mungon përcaktimi 51% në ligj?
Në rastin se shteti do jetë krijuesi i shoqërisë me 100% aksione dhe me prona shtetërore në shërbim të KAYO si do futet një privat për të blerë aksione? Si do jetë formula e hyrjes? A nuk do ishte më mirë sikur qeveria shqiptare ta kishte tërësisht në pronësi shtetërore dhe jo sh.a? Ne nuk jemi këtu për të mbështetur tigra prej letre!

The post Jorida Tabaku kritike ndaj nismës së qeverisë ndaj KAYO: A mjaftojnë 3 mln euro për shoqërinë që do të prodhojë dhe shesë municione? appeared first on Albeu.com.

Dy deputete të PD, Albana Vokshi dhe Dhurata Çupi, njoftuan ato sot nga selia e PD-së.

Në këto ditë shumë të shumë të nxehta, jo të zakonshme, të vështira e të papërballueshme për çdo familje shqiptare, – tha Vokshi, – duke pasur parasysh temperaturat shumë të larta (rreth 38-40 grade), duke pasur parasysh mungesat e ujit dhe energjisë elektrike në të gjithë Shqipërinë, duke pasur parasysh që qeveritë e rajonit, siç është rasti i qeverisë së Kosovës që para disa ditësh mori disa masa për përballimin e ditëve të nxehta, së bashku me kolegen Dhurata Çupi, jemi këtu që në emër të PD të shprehim shqetësimin e thellë për mosreagimin e Qeverisë shqiptare e cila është ndër të vetmet që nuk ka reaguar për t’i ardhur në ndihmë familjeve shqiptare, ndërkohë që vijon vjedhjen dhe abuzimin e parave me inceneratorët fantazmë, me tunelet e florinjta, me koncesionet në shëndetësi të panevojshme.

Gjashtë propozimet e PD për paketën e masave për përballimin e ditëve të nxehta (propozim për VKM):

1. Shkurtim i përgjithshëm i orarit të punës (sektor publik dhe privat), maksimumi deri ne 13.00. Këtu të përjashtohen sektorë si shëndetësia, policia, ushtria, zjarrfikësit dhe çdo strukture me karakter emergjence.

2. Të sëmurët kronikë dhe gratë shtatzëna të punojnë me orar të shkurtuar nga shtëpia;

3. Për sektorët që punojnë në ambient të hapur, siç është ndërtimi psh…të konsiderohet orar i shkurtuar ose edhe pezullimi i plotë i punës gjatë ditëve të nxehta të kësaj jave (rasti i Kosovës).

4. Mbyllja e plotë e çerdheve dhe kopshteve publike dhe private. Njëri prej prindërve të kujdeset për fëmijët kundrejt kompensimit të pagës (mban fëmijët në shtëpi).

5. Për pensionistët që jetojnë vetëm apo për personat PAK: posta shqiptare të marrë masat me dërgimin e pensionit apo të pagesës së PAK në shtëpi (pa kosto shtesë financiare).

6. Ngritja urgjente e grupeve ndër-institucionale në nivel bashkie, të përgjigjes së menjëhershme për personat PAK, pensionistet dhe kategori të tjera në nevojë për cdo nevojë që mund të kenë për të blerë ilaçe, pazar ushqimor, asistencë në banesë duke vendosur edhe një numër kontakti falas, etj).

Deputetja Dhurata Çupi: “Kostot financiare të shkurtimit të orarit të punës në sektorin privat, apo të prindit që do të kujdeset për fëmijët në shtëpi, apo kostot e tjera të përballohen nga fondi rezervë i Kryeministrisë;

Kursimi i energjisë parashikohet të jetë miliona euro (imagjino vetëm zyrat e shtetit).

Kursim financiar dhe kohor do ketë edhe sektori shëndetësor (imagjino po të mos dalin apo tl mos punojnë në këtë vapë të tmerrshme…sa persona s’do kenë nevojë ti drejtohen qendrave shëndetësore dhe spitaleve për trajtim mjekësor…shto pastaj edhe faturën e ilaçeve që do duhet te blejnë).

Kujtojmë këtu precedenti është…viti 2007 (por ai ishte si pasoje e krizës energjetike, dhe u mor masa për kursim energjie gjate verës), u shkurtua për disa jave ne vere (korrik gusht), orari zyrtar i punës (u be 08.00-13.00).

PD kërkon marrjen urgjente të masave të mësipërme, në mënyrë që të mbroje shëndetin e qytetarëve e nga ana tjetër të ekonomizojë edhe përdorimin e energjisë elektrike”.

The post I nxehti ka mbërthyer vendin, PD i dërgon qeverisë 6 propozime: Shkurtoni orarin e punës appeared first on Albeu.com.

Sipas Xhixhos, “Raporti i DASH është kambana e radhës e alarmit për keqqeverisjen dhe abuzimin alarmant me pushtetin në Shqipëri. Një abuzim që nis nga zyrat e bashkive më të vogla e shkon deri në zyrën e kryeministrit”.

Reagimi i Xhixhos:

Raporti evidenton në mënyrë të veçantë:

???? Tenderat, PPP dhe korrupsionin e pranishëm në të gjitha degët dhe nivelet e qeverisjes

???? Presionin politik, frikësimin, korrupsioni dhe burimet e kufizuara që kanë penguar gjyqësorin të funksionojë plotësisht, në mënyrë të pavarur dhe efikase

???? Keqpërdorimin e burimeve administrative në nivel qendror dhe lokal, ankesat për presion ndaj punonjësve të sektorit publik dhe votuesve, si edhe njoftime për blerje votash

???? Qeveria, partitë politike, bizneset dhe grupet kriminale u përpoqën të ndikonin në media në mënyra të papërshtatshme dhe jotransparente

Raporti i DASH është kambana e radhës e alarmit për keqqeverisjen dhe abuzimin alarmant me pushtetin në Shqipëri. Një abuzim që nis nga zyrat e bashkive më të vogla e shkon deri në zyrën e kryeministrit.

Korrupsioni dhe abuzimi hapur me pushtetin po shuan shpresën e shqiptarëve se Shqipëria mund të bëhet. Ne kemi detyrimin ta rikthejmë këtë shpresë.

The post Erisa Xhixho: Raporti i DASH-it certifikon zhytjen e qeverisë në korrupsion dhe kapjen e drejtësisë appeared first on Albeu.com.

Kujtojmë se dy ditë më parë, kryeministri Edi Rama, ‘surprizoi’ me lëvizjen e tij, duke bërë një lëvizje, ndërsa vendosi që të shkrijë tre ministri në një të vetme, përkatësisht atë Financave, Ekonomisë dhe Kulturës, duke krijuar ministrinë e re të Ekonomisë, Kulturës dhe Inovacionit, me në krye Blendi Gonxhen.

Diskutimi në pjesën për angazhimin e grupit parlamentar të PS në Kuvend, është fokusuar ne këto pika:

Seancat plenare të zhvilluara;

Sa interpelanca;

Sa mocione me debat;

Sa projektligje janë depozituar në Kuvend, nga të cilat sa prej qeverisëse sa prej deputetëve;

Prezenca e deputetëve në seanca plenare, mbledhje grupi e komisione;

Takimet e ministrave me deputetët;

Sa diskutime ka pasur nëpër komisione për Buxhetin dhe Paketën Fiskale;

Kërkesat për masa disiplinore ndaj deputeteve, sa janë kërkuar e sa janë miratuar;

Performanca e deputeteve ne debate publike, diskutime ne seanca e komisione dhe prezenca ne zonat elektorale;

Vijimësia e jetës parlamentare pas incidenteve dhe bllokimit te opozitës;

Ligjet ne Kuvend qe duan shumice te cilësuar, si amnistia e te dënuarve.

The post Dita e dytë e mbledhjes së qeverisë në Shëngjin, çfarë pritet të diskutohet appeared first on Albeu.com.

Raportohet se ende vijon mbledhja informale e qeverisë.

Mësohet se kreu i qeverisë, Edi Rama, ka vënë theksin te organizmi i PS-së dhe angazhimi i deputeteve në debatet parlamentare.

Ndërkohë, ditën e nesërme, do të ketë diskutime mbi objektivat dhe sfidat e vitit 2024, që nuk dihet nëse do të ketë ndryshime të reja në qeveri.

Kujtojmë se dje kryeministri Edi Rama, ‘surprizoi’ me lëvizjen e tij, duke bërë një lëvizje, ndërsa vendosi që të shkrijë tre ministri në një të vetme, përkatësisht atë Financave, Ekonomisë dhe Kulturës, duke krijuar ministrinë e re të Ekonomisë, Kulturës dhe Inovacionit, me në krye Blendi Gonxhen.

“Vijon mbledhja informale e qeverisë në Shëngjin. Mbledhja është e përqendruar te sfidat dhe synimet që qeveria socialiste ka për vitin 2024. Është diskutuar për riorganizimin dhe përgatitjen e kësaj force në terren po ashtu. Nuk mund të themi se kemi ndryshime në kabinetin qeveritar, përveç atij të djeshëm, krijimin e ministrisë së Ekonomisë, Inovacionit dhe Kulturës.

Kryeministri Edi Rama, shprehet te organizmi i PS-së dhe angazhimi i deputeteve në debatet parlamentare.

Në lidhje me mbledhjen, pritet që të kemi një sesion të dytë, pas drekës, ku priten të diskutohet sërish.

Nesër në mëngjes, do të vijohet me diskutime për objektiva për vitin 2024.

The post Mbledhja e qeverisë në Shëngjin, çfarë ka kërkuar Rama appeared first on Albeu.com.

Në intervistën e fundvitit me korrespondentin tonë në Prishtinë, Besim Abazi, kryeministri Kurti foli edhe për krizën energjetike që ka përfshirë vendin si dhe marrëdhëniet rajonale.

Zëri i Amerikës: Zoti kryeministër, Kosova po përballet me krizë energjetike që ka kushtëzuar shkurtime të furnizimit të qytetarëve. Cila është rrugëdalja prej saj?

Albin Kurti: Kriza energjetike nuk është vetëm në Kosovë dhe rajon, është në gjithë Evropën. Por, neve na ka goditur si një popullsi e varfër që jemi. Dhe me këtë rast, ne po përpiqemi që nëpërmjet subvencionimit të konsumit në njërën anë dhe rregullimit të bllokut B2 të termoelektranave në anën tjetër, sadopak ta zbusim këtë situatë e cila nuk do të mund të përfundojë shpejt, meqenëse këto ditë ngarkesa bazë është diku rreth 900 megavat, ndërkaq që shpenzimi arrin edhe 1.4 gigavat, kurse i gjithë kapaciteti prodhues, sikur të punonte edhe blloku B2, nuk do të ishte më shumë se 900 megavat. Në këtë situatë ne jemi të detyruar të importojmë energji elektrike dhe këtë po e bëjmë me çmime bukur të shtrenjta, për shkak se bursa ndërkombëtare është goditur rëndë nga çmimet gjithnjë e më të larta të gazit. Pra, në njërën anë subvencionojmë konsumin, do të ndihmojmë edhe familjet që janë më të varfra, por në anën tjetër, gjithashtu u kemi bërë thirrje qytetarëve që sa më shumë që të munden, ta racionalizojnë shpenzimin dhe u jemi mirënjohës për përgjigjen pozitive.

Albin Kurti: Kosova i ka dy termoelektrana. Njëra, Kosova A është e vjetër 60 vjet, tjetra, Kosova B është 40 vjet. Por, teknologjia brenda tyre është edhe më shumë se kaq, sepse vjetërsinë që e përmenda është vetëm vjetërsi e ndërtesave, ndërkaq stabilimentet aty janë edhe së paku edhe një dekadë më të vjetër se kaq. Është situatë me pajisje, teknologji dhe rrjet të amortizuar dhe gjatë këtyre dy dekadave të pasluftës kemi pasur përgjithësisht projekte sporadike e të dështuara, pa një strategji të mirëfilltë. Për herë të parë sivjet, me një strategji që i paraprinë analiza dhe studimi, do ta kemi vitin e ardhshëm për politikat energjetike dhe sektorin e energjisë në përgjithësi dhe më pastat do të mund të kemi projektet se si Kosova në këtë dekadën e tretë të këtij shekulli t’ia dalë sa i përket krizës energjetike. Jemi kritikuar që është dashur të blejmë energji elektrike më herët, por një gjë e tillë nuk ka qenë e mundur. Meqenëse nuk mund të blesh energji elektrike dhe ta konservosh në frigorifer. Je shumë i ekspozuar ndaj çmimeve të bursës dhe nuk ka asnjë vend tashmë në rajonin tonë të afërt që është vend eksportues, të gjithë janë duke importuar. Ne jemi goditur rëndë për shkak se jemi vend më i varfër se sa të tjerët dhe ne anën tjetër, jemi goditur rëndë, meqenëse përafërsisht shtatë herë më shumë shpenzon energji elektrike amvisnia në raport më industrinë.

Zëri i Amerikës: Në ndërlidhje me këtë krizë, jeni kritikuar shumë për refuzimin e projektit të Korporatës Sfidat e Mijëvjeçarit për ndërtimin e strukturës së gazsjellësit. Debati rreth gazsjellësit u shoqërua nga diskutime rreth marrëdhënieve të Kosovës me Shtetet e Bashkuara, të cilat në kohen e qeverisë suaj të parë ishin të ftohura. Po tani?

Albin Kurti: Ne nuk e kemi përjashtuar mundësinë e furnizimit me gaz dhe përdorimit të gazit dhe të një termoelektrane në të ardhmen edhe nëpërmjet gazit dhe këtë mund ta bëjmë më vonë. Mirëpo, tani, kur nuk e kemi strategji, të hyjmë në projekte për të cilat nuk e kemi as infrastrukturën dhe as ekspertizën, na është dukur nxitim i pavend. Gjithçka kemi bërë në diskutim me partnerët amerikanë, përkatësisht me MCC-në dhe me programin e tyre ‘compact’, fondet për të cilin nuk do të shkojnë dëm, por do të riorientohen deri atëherë kur ne ta kemi strategjinë dhe të shohim se si do të ecim përpara. Pra, për asnjë moment, nuk ka pasur as lëkundje se lëre më dëmtim të bashkëpunimit tonë me SHBA-në.

Zëri i Amerikës: Edhe për faktin që gazsjellësi është një projekt rajonal sepse përfshinë Maqedoninë e Veriut dhe lidhet edhe me Greqinë, pra kur Kosova ka nevojë për zgjerim të këtij bashkëpunimi rajonal?

Albin Kurti: Padyshim që bashkëpunimin rajonal ne e kemi prioritet dhe tashmë kemi mbajtur mbledhje të përbashkëta të dy qeverive edhe me Republikën e Maqedonisë së Veriut edhe me Republikën e Shqipërisë. Kemi pasur vizita të ndërsjella me Greqinë, por nuk mendoj që projekte e tilla, që edhe ashtu nuk do të mund të fillonin para shumë vjetëve, diku nga fundi i kësaj dekade, do të mund ta cenojnë bashkëpunimin e mirë që kemi me të gjitha vendet e rajonit, mbase me përjashtim të fqinjit tonë verior.

Zëri i Amerikës: I përmendët mbledhjet me Shqipërinë dhe Maqedoninë e Veriut që të dyja janë pjesë e nismës Ballkani i Hapur që e keni refuzuar deri tani Ka ndonjë gjasë që Kosova të ndryshojë qëndrimin ndaj kësaj nisme e cila po merr formë?

Albin Kurti: Së pari, Ballkani nuk është vetëm tri shtete, Ballkani nuk është as gjashtë shtete sa është hapësira e Ballkanit Perëndimor ende të paintegruar në BE. Ballkani është së paku 12 shtete…

Zëri i Amerikës: Por të tjerat janë ne BE, tashmë janë të rregulluar…?

Albin Kurti: Por, nëse e quajmë Ballkan dhe Ballkan i Hapur, besoj se testi i së vërtetës është hapja e Serbisë ndaj Kosovës. Ata nuk i pranojë as dokumentet tona të udhëtimit, kartat e identitetit, nuk i pranojnë as vulat, certifikatat dhe diplomat tona, prandaj me një Serbi të mbyllur për Kosovën, nuk e di se si mund te kemi Ballkan të Hapur. Ndërkaq, në një rrafsh edhe më individual do të thosha, besoj që kështu ndjehen shumica dërmuese e qytetarëve të Republikës sonë. As si përcaktim politik as si ndjeshmëri kulturore, unë nuk u përkas atyre që besojnë në vetëmjaftueshmërinë e Ballkanit. Unë jam i bindur që Kosova dhe shqiptarët në përgjithësi e kanë vendin e tyre në NATO dhe BE.

Zëri i Amerikës: Por, a nuk e dëmton Kosovën një farë vetizolimi nga kjo nismë ndërsa ajo ka nevojë për thyerjen e pengesave dhe për qasje më të gjerë në një treg më të madh dhe për sigurimin e lirisë së lëvizjes së njerëzve, mallrave e kapitalit?

Albin Kurti: Kurrë nuk ka pasur Republika e Kosovës më shumë vizita të zyrtarëve të lartë politik e diplomatik të perëndimit sikurse në vitin 2021. Dhe gjithashtu, kurrë nuk ka pasur pritje më të larta për zyrtarët tanë sikurse në këtë vit. Mbase vetëm viti 1999 pas çlirimit do të mund të ketë pasur më shumë vizita nga jashtë në vendin tonë. Në anën tjetër ne marrim pjesë në procesin e Berlinit. Për tregun e përbashkët rajonal kemi shprehur gatishmërinë tonë dhe interesimin tonë. Gjithashtu, theksojmë se investimet janë shumë të rëndësishme në rajon. Por, këto duhet të bëhen duke pasur respekt të ndërsjellë dhe barazi të të gjithëve. Iniciativat që vijnë nga Beogradi, unë e kam përshtypjen e fuqishme se dëshirojnë që të krijojnë një platformë pa BE-në. Ne dëshirojmë që BE-ja të jetë në çdo iniciativë rajonale edhe si mekanizëm, por njëkohësisht edhe si vlerë. Nuk preferojmë që edhe më tej në Ballkanin Perëndimor të ketë fonde të BE-së pa vlera evropiane.

Zëri i Amerikës: BE-ja mbështeti nismën përmes komisionarit për zgjerim, ndërsa nisma është mbështetur nga diplomacia amerikane dhe vet zoti Gabriel Escobar ka theksuar se mbështet nismën që nuk e zëvendëson BE-në. A nuk janë garanci të mjaftueshme që Kosova ta tejkalojë do thosha njëfarë vetizolimi të saj?

Albin Kurti: Unë jam i bindur që mbështetja që vjen nga perëndim për Ballkanin e Hapur, është më shumë nga motivi që të mos i dilet kundër idesë, sesa të përkrahet projekti si i tillë. Pra, nuk duan ta kundërshtojnë idenë, por nuk është se aktivisht po marrin pjesë pastaj në projektin e tillë. Dhe të mos harrojmë që tek këto tri shtete që po marrin pjesë në iniciativën e Ballkanit të Hapur, vetëm njëri shtet e ka pajtimin edhe të presidentit edhe të kryeministrit; Serbia.

Zëri i Amerikës: Kundërshtimi i nismës sikur shkaktoi çarje në marrëdhëniet e Kosovës me Shqipërinë. Përse një nismë që synon afrim mes vendeve të Ballkanit po thellon ndarjet në mes të dy vendeve që marrëdhëniet e tyre i kanë cilësuar vëllazërore?

Albin Kurti: Besoj që mospajtimi ynë rreth iniciativës për Ballkanin e Hapur, që në fakt e ka origjinën në Novi Sad, është dëmtim i raporteve tona që vlen për t’u përmendur. Marrëdhëniet midis Prishtinës dhe Tiranës janë ndër ë të mirat në Kosovën e pasluftës…

Zëri i Amerikës: Edhe midis kryeministrave?

Albin Kurti: Padyshim. Por ne kemi mospajtime edhe në Kuvendin e Republikës së Kosovës, edhe brenda partive politike nganjëherë kemi mospajtime edhe brenda kabineteve qeveritare e lëre më midis dy kryeministrave. Por, me vet faktin që përmendet kaq shumë ky mospajtim, besoj që kjo tregon se në fakt, ka fare pak ose aspak mospajtime të tilla.

Zëri i Amerikës: Marrëdhëniet e Kosovës me Serbinë shfaqen përgjatë gjithë zhvillimeve në Ballkan. Aktualisht procesi i bisedimeve është në rrugë pa krye. Çfarë mund të zhbllokojë këtë proces dhe cilat janë pritjet tuaja?

Albin Kurti: Edhe kryenegociatorja e dikurshme e Kosovës, zonja (Edita) Tahiri, e pat përmendur para disa viteve që bisedimet ndërmjet Kosovës dhe Serbisë praktikisht janë ndalur kur është hedhur në tryezë projekti i shkëmbimit të territoreve. Pra, nuk është se ne ndaluam dialogun, përkundrazi, ne i patëm dy takime në Bruksel dhe patëm një marrëveshje për reciprocitetin e targave, e cila po zbatohet edhe derisa po e zhvillojmë këtë intervistë. Ndërkaq ,dialogu besoj që ngadalë, por sigurt, po vendoset ne binarët e duhur, e ato janë binarët e një marrëveshje ligjërisht të obligueshme, sipas vlerave evropiane me qytetarët si përfitues të mbramë dhe në qendër ta ketë njohjen reciproke ndërmjet Kosovës dhe Serbisë, që do të thotë se aktualisht realiteti është ai i një mosnjohjeje reciproke.

Zëri i Amerikës: A keni ndonjë pritje edhe në afate kohore? Brenda mandatit tuaj? Më vonë?

Albin Kurti: Unë besoj që dialogu, bisedimet dhe marrëveshja ndërmjet Kosovës dhe Serbisë, do të duhej të përfundonte brenda të mandatit të qeverisë së Republikës së Kosovës e që koincidon, që përputhet edhe me mandatin e presidentit amerikan, Joe Biden dhe atë të Komisionit aktual Evropian të udhëhequr nga zonja Ursula von der Leyen dhe me zëvendësin e saj, përfaqësuesin e lartë për politikën e Jashtme dhe atë të sigurisë, zotin Josep Borrell.

Zëri i Amerikës: Herën e fundit kur u takuat me zotin Borrell, doli në pah mospajtimi juaj i thellë rreth çështjes së Asociacionit të komunave me shumicë serbe. Si do ta tejkaloni këtë çështje?

Albin Kurti: Unë i kam theksuar çdo herë në Bruksel parimet që duhet t’i ketë dialogu dhe bisedimet, e ato janë në fakt vlerat evropiane, demokratizimi, sundimi i ligjit, ballafaqimi me të kaluarën dhe njëkohësisht një lloj simetrie apo reciprociteti i të drejtave të pakicave kombëtare, sepse pa një lloj simetrie të tillë nuk do të mund të kemi paqe të qëndrueshme dhe stabilitet afatgjatë. Tash Asociacioni i komunave serbe është një kërkesë e Beogradit si një instancë e lartë shtetërore

Zëri i Amerikës: Kërkesë e Beogradit por e sanksionuar në një marrëveshje ndërkombëtare?.

Albin Kurti: Nuk është marrëveshje ndërkombëtare meqenëse nuk është ratifikuar asnjëherë në Serbi, njëra palë nuk e pranon si marrëveshje ndërkombëtare dhe le të mos harrojmë që nuk e ka kaluar testin e Gjykatës Kushtetuese në Kosovë. Në vitin 2013 njëmend janë vendosur parimet e atij asociacioni, mirëpo substanca ka ardhur në vitin 2015 dhe ajo praktikisht u rrëzua në Gjykatën Kushtetuese. Bindja ime është se Serbia synon të krijojë brenda Kosovës një ngrehinë që do të ishte edhe më legjitime ndërkombëtarisht se sa shteti i Kosovës, sepse paramendojeni një Asociacion të komunave me shumicë serbe të instaluar në Kosovë ashtu siç e ka dashur Serbia, ai do të njihej edhe nga Kosova edhe nga Serbia ndërkohë që Republika e Kosovës do të vazhdonte të mos njihet nga Serbia, mbase edhe shtetet tjera në BE edhe më tej e sidomos nga dy superfuqitë të cilat janë në Këshillin e Sigurimit të Kombeve të Bashkuara. Pra, ka një synim të mbrapshtë që brenda Kosovës të krijohet një ngrehinë legale e juridike e cila jo vetëm që është në shërbim të Beogradit, por edhe bëhet ndërkombëtarisht me legjitimitet edhe më të lartë se sa vet shteti i pavarur i Kosovës.

Zëri i Amerikës: Gjykata Kushtetuese gjeti shkelje brenda marrëveshjes por në tekstin e saj përafërsisht thuhet se Asociacioni duhet të formohet në bazë të marrëveshjes së vitit 2013. Do ta pranoni një gjë të tillë?

Albin Kurti: Unë besoj se Gjykata Kushtetuese thotë kështu meqenëse e kemi pasur një ratifikim të atyre parimeve të marrëveshjes me 26 qershor të vitit 2013 për marrëveshjen e 19 prillit të atij viti dhe është interesante se si Serbisë menjëherë, një apo dy ditë pasi që ratifikohet në Kuvendin e Republikës marrëveshja e parë e parimeve, i çelen negociatat për anëtarësim në Bashkim Evropian. Ne pësojmë dëme në funksionimin e brendshëm ndërkaq Serbia avancon së jashtmi. Gjykata Kushtetuese e kufizuar nga një ratifikim i tillë në Kuvendin e Republikës më duket që është ndjerë në një çikë sikleti dhe ka thënë se nuk e kundërshton në parim idenë për Asociacionin e komunave me shumicë serbe, por pastaj thotë se asnjëri prej shtatë kapitujve të atij asociacioni nuk është në përputhje me Kushtetutën e cila lëndohet në plot 23 nene, jo në dy apo tri nene, por në 23 nene.

Zëri i Amerikës: Por si do ta kaloj kryeministri Kurti ‘sikletin’ e trysnisë që ushtrohet mbi të për themelimin e Asociacionit?

Albin Kurti: Me durim dhe punë. Unë jam zgjedhur si kryeministër i Republikës së Kosovës pas 14 shkurtit që ishte një fitore plebishitare, që ishte një fitore e paparë në Kosovën e pasluftës dhe zotimet tona kanë qenë për punësim dhe drejtësi, këto janë prioritetet tona gjithashtu, është e pandemia të cilën po e menaxhojmë mjaft mirë dhe nuk e përjashtojmë dialogun, jemi të gatshëm dhe të hapur për diskutime e bisedime, mirëpo ato duhet të jenë vetëm bisedime për statusin e marrëdhënieve të raportit ndërmjet Kosovës dhe Serbisë, jo për statusin e Kosovës. Pra, nuk bisedojmë për statusin e Kosovës i cili jo vetëm që është ai i një shteti të pavarur, por i një pavarësie që në katër vitet e para ishte e mbikëqyrur ndërkombëtarisht dhe në fund ishin vetë faktorët ndërkombëtarë që na e hoqën mbikëqyrjen në vitin 2012, na thanë mjaft me mbikëqyrjen tash pavarësia juaj do të jetë e plotë. Nuk mund të kthehemi as para vitit 2012 as para vitit 2008.

Zëri i Amerikës: E përmendët më herët mundësinë e një asimetrie ndërmjet dyja vendeve duke pasur parasysh gjendjen e pakicave. A po kërkoni kësisoj një status të ngjashëm me serbët në Kosovë për shqiptarët në Luginën e Preshevës?

Albin Kurti: Kjo u shtrua në takimin që kemi pasur në Bruksel me datë 15 qershor dhe në atë takim, meqenëse presidenti i Serbisë mundohej që të arsyetonte interesin e Serbisë si shtet i hidhëruar nga humbjet e së kaluarës, si përkujdesje për të drejtat e pakicave në Kosovë, unë thash le ta shohim se çfarë bën Serbia me pakicat në territorin e saj. Ata e kanë Këshillin Nacional të hungarezëve, të shqiptarëve dhe boshnjakëve, meqenëse ju besoni se jeni më të mirët le ta përdorim edhe në Kosovë këtë model. Pra unë e prezantoja kërkesën e tij si interes shtetëror të tij dhe e kundërshtova. Më pastaj ai (Aleksandër Vuçiç) e elaboroi kërkesën shtetërore si interes i pakicave dhe aty ishte shansi që unë të prezantoj se si Serbia e zgjidh çështjen e pakicave në territorin e saj, mirëpo natyrisht u hidhëruan edhe më shumë se sa ishin, meqenëse dëshironin të mbanin një lloj ofensive, një lloj hegjemonie ku ajo që vlen për vetën e tyre, nuk vlen edhe për ty dhe ajo që duhet të vlejë për ty nuk ka pse e zbatojnë te vetja e tyre. Nëse dëshiron që një kërkesë të jetë legjitime duhesh ta paramendosh kërkesën në formën e një parimi, mirëpo ata kanë vetëm kërkesa që refuzojnë që t’ua japin trajtën e një parimi, prandaj edhe simetria, balanci që e shtrova unë aty u refuzua me nervozizëm nga pala tjetër.

Zëri i Amerikës: Po ndërmjetësuesi, si reagoi?

Albin Kurti: Ndërmjetësuesi nuk reagoi meqenëse ishte më shumë i interesuar të kemi një rezultat se sa tek theksat e hollësive të atij diskutimi. Unë i konsideroj si ndërmjetësues por, fatkeqësisht, ata e konsiderojnë vetën vetëm si lehtësues dhe unë mendoj që kjo është një mënyrë se si Brukseli fatkeqësisht nuk po e zë vendin që e meriton dhe i cili na duhet të gjithëve. Fuqia e Brukselit mbi rajonin e Ballkanit Perëndimor, mbi Kosovën dhe Serbinë, është shumë më e madhe sidomos mbi Serbinë dhe një pjesë e madhe e kësaj fuqie që do të mund të mirë përdorej, fatkeqësisht nuk po ngjan.

Zëri i Amerikës: Për shumë kënd prania amerikane prandaj bëhet e domosdoshme. Nisur nga komunikimet tuaja, a ka gjasa, a ka mundësi për forcim të kësaj pranie?

Albin Kurti: Shtetet e Bashkuara të Amerikës janë mirë të informuara dhe na njohin të gjithë neve tejet mirë, natyrisht që ne e mirëpresim gjithmonë rolin dhe kontributin amerikan, mirëpo për momentin intensitetin dhe formën e angazhimit të tyre ata e dinë vet më së miri.

Zëri i Amerikës: Integrimet evropiane lidhen me procesin e bisedimeve dhe nëse mund të them kësisoj, karota që u ofrohet palëve për të normalizuar marrëdhëniet ndërmjet tyre është pikërisht ky integrim ndonëse Kosova është e fundit në rajon. Por. me një Bashkim Evropian të tillë që është sot i lodhur nga zgjerimi, i rezervuar nga zgjerimi, cila mund të ishte realisht karota për të nxitur palët për një marrëveshje?

Albin Kurti: Së pari prioritet i yni është normalizimi i Kosovës, nuk e mohoj rëndësinë e normalizimit të raporteve me Serbinë me njohjen reciproke në qendër mirëpo, mua më nevojitet që t’i dal zot qytetarit në përputhje me vullnetin e tij për normalizim të Kosovës dhe ne po e dëshmojmë që është e mundshme që ndonëse s’e kemi zgjidhur çështjen me Serbinë, megjithatë ne mund të funksionojmë si shtet i suksesshëm dhe të forcohemi. Ta zëmë investimet e huaja direkte në Kosovë gjatë këtij 9 mujori të parë të vitit 2021 ishin 53 për qind më të larta se në periudhën e njëjtë të vitit të kaluar dhe 80 për qind më të larta se në vitin 2019. Kemi një qeveri që ka administruar 1 milionë e 600 mijë doza të vaksinave pa konsideruar asnjëherë Federatën ruse dhe Kinën si opsion, vetëm vaksinat e miratuara nga EMA dhe FDA pra evropiane dhe amerikane dhe në të njëjtën kohë nga 773 raste ditore brenda mesatares javore që i kishim para 9 muajve kur hymë në zyrë, kemi rënë vetëm në 9 raste. Popullsia mbi moshën 18 vjeçare është vaksinuar me së paku një dozë mbi dy të tretat dhe me dy doza mbi 60 për qind. Qytetarët mund të vaksinohen pa caktuar termin dhe madje pa qenë shtetas të Republikës sonë dhe unë i inkurajoj ata që nuk e kanë bërë që ta bëjnë e ata që tashmë e kanë bërë, ta marrin edhe dozën e tretë. Të hyrat tatimore janë rritur në Kosovë, i kishim mbi 588 milionë të hyra tatimore nga Administrata Tatimore sivjet ndërkaq nga Doganat e Kosovës, i kemi të hyrat 1 miliardë e 320 milionë euro sivjet. Të hyrat tatimore janë për 26 për qind më të larta se viti paraprak, 12 për qind më të larta se sa viti 2019 dhe 28 për qind më të larta se viti 2018. Doganat janë mbi një të tretat më të larta se viti i kaluar, për 17.5 për qind më të larta se viti 2019 dhe për 21 për qind më të larta se viti 2018. Pastaj kemi regjistruar diku rreth 10 mijë vende të reja pune, i kemi mbajtur 50 mbledhje si qeveri, me 458 vendime dhe gjithsej me 112 projektligje. Rritja ekonomike do të jetë dyshifrore, është interesant që tremujori i dytë i këtij viti kishte rritjen ekonomike 16.3 për qind ndërkaq tremujori i tretë i kishte 14.5 për qind. Eksportet janë rritur 60 për qind krahasuar me vitin e kaluar dhe madje 90 për qind krahasuar me vitin 2019 ndërkaq të hyrat buxhetore janë 30 për qind më të larta, që tregon se qytetarët kur e shohin një qeveri të pakorruptuar janë më shumë të gatshëm të paguajnë taksa dhe kontribute, ndërkaq kur kanë shpresë për të ardhmen po ashtu më shumë preferojnë të shpenzojnë se sa të kursejnë. Këto janë shifra të një shteti i cili po avancon nga një bazë e ulët, mirëpo po ecën përpara dhe në kontrast me rrëfimin e pavërtetë të Serbisë se Kosova është një shtet i dështuar, qeveria jonë po tregon që edhe vlerat demokratike evropiane por edhe progresi shoqëror dhe ekonomik në Kosovë, jo vetëm se janë të mundura por tashmë po ngjajnë.

Zëri i Amerikës: Pas këtyre të dhënave që ju i radhitet si suksese të qeverisë suaj ndryshe nga shkurti i vitit 2021 kur ju fituat me mbi 50 për qind, tetori dhe zgjedhjet lokale nuk e përsëritën një sukses të tillë. Si shpjegohet zoti kryeministër?

Albin Kurti: Është e vërtetë se në zgjedhjet lokale patëm një rezultat të pakënaqshëm për subjektin tonë politik, mirëpo Kosova tregoi një pjekuri demokratike të jashtëzakonshme. Ishin zgjedhjet e para që organizoheshin me mua si kryeministër. Edhe më 14 shkurt të vitit 2021 edhe më 17 tetor e 14 nëntor të këtij viti me zgjedhjet lokale, Kosova ka treguar se opozita mund të fitojë, që është kushti thelbësor për një situatë demokratike. Tash aq shumë është rritur mbështetja jonë në elektorat në fillim të këtij viti sa që në fund të këtij viti të preokupuar shumë me qeverisjen qendrore nuk kemi arritur as për së afërmi të krijojmë struktura të gjera dhe organizatë të madhe për ta përthekuar atë mbështetje dhe kjo besoj që na u shfaq në rezultatin jo të kënaqshëm. Më pastaj, faktor tjetër besoj se ka qenë edhe pandemia, ku subjekti ynë politik që është i njohur për tubime të mëdha, në kushte të pandemisë ne mund të mbanin vetëm tubime të vogla ndërkohë që për tubime të mëdha nuk kemi gjetur si organizatë ende zëvendësim. Pra, me aq sa dimë po i nxjerrim mësimet e duhura dhe do të bashkëpunojmë me komunat e Kosovës për zhvillimin dhe përparimin e të gjithëve, duke mos lënë mbrapa askënd. /VOA

The post Kurti: Marrëveshja me Serbinë brenda mandatit të qeverisë sime appeared first on Albeu.com.