Qeveria qendrore do të shpenzojë 1 miliardë euro në vit (1,1 miliardë dollarë) për programin, për të arritur një total prej rreth 20 miliardë euro për një periudhë 10-vjeçare.

Kur mori pushtetin, qeveria federale u angazhua për të përmirësuar mundësitë arsimore të të rinjve, pavarësisht nga nivelet e të ardhurave të prindërve të tyre.

Studimet tregojnë se fëmijët e prindërve të pasur rezultojnë më mirë në sistemin shkollor të vendit.

Programi synon gjithashtu të rrisë aftësitë e fëmijëve në lexim, shkrim dhe matematikë, pasi nivelet e aftësive po bien në shkolla.

Plani do të sigurojë fonde shtesë për rreth 4 000 shkolla dhe shkolla profesionale me rreth 1 milion nxënës.

Gjermania ka rreth 40 000 shkolla në total, me pak më pak se 11 milionë nxënës.

The post Qeveria gjermane shpenzon miliarda euro për mundësi të barabarta arsimore appeared first on Albeu.com.

“Qëndrimi gjerman mbetet i pandryshuar: Ne mbështesim vendimet për liberalizimin e vizave që i përkasin Këshillit të Bashkimit Evropian”, ka thënë një zëdhënës i Qeverisë Gjermane në pyetjet e Gazetës Express se a do të ndodh liberalizimi më 1 janar 2024 dhe nëse ka gjasa të shtyhet si pasojë e dialogut Kosovë-Serbi.

Këshilli i Bashkimit Evropian më 9 mars të këtij viti kishte marrë vendim për t’i dhënë dritën jeshile për udhëtim pa viza në Zonën Schengen.

“Këshilli sot miratoi qëndrimin e tij në leximin e parë për lëvizjen pa viza për mbajtësit e pasaportave të lëshuara nga Kosova”, thuhet në njoftimin zyrtar të publikuar në faqen e Këshillit të Bashkimit Evropian ku 1 janari 2024 përmendet si kohë kur fillon zbatimi i vendimit.

Qëndrimi i Berlinit zyrtar për liberalizimin e vizave vjen pas paralajmërimit të Presidentit të Francës, Emmanuel Macron, se mund të ketë ndryshim sa i përket politikës së vizave në rast se Kosova dhe Serbia tregohen të papërgjegjshme karshi dialogut dhe situatës në veri të Kosovës.

Kreu i shtetit francez kishte thënë se një qëndrim të tillë e ndajnë bashkë me Gjermaninë dhe se do të qëndrojnë vigjilent sa i përket kësaj çështje dhe në përgjithësi rajonit të Ballkanit Perëndimor.

“Ne do të vazhdojmë të jemi shumë vigjilentë për situatën e sigurisë dhe atë politike në Ballkanin Perëndimor. Në këtë drejtim, ne kemi ndërtuar me Gjermaninë një udhërrëfyes të ri dhe një propozim të ri për mospajtimet që kanë Serbia dhe Kosova. Unë besoj se ky udhërrëfyes është i mirë. Ai u mbështet nga  negociatori evropian dhe përfaqësuesi ynë. Prandaj ne jemi duke pritur një riangazhim të qartë nga të dy palët, e kam fjalën për riangazhim për zgjedhjet e pritura komunale, një riangazhim serb lidhur me institucionet, njohje të komunave, veçanërisht në veri nga ana e institucioneve kosovare, një qetësim të situatës, dhe e them këtë sepse Franca dhe Gjermania janë të përkushtuara dhe kanë pasur një hapje, në veçanti ndaj politikës së vizave apo në elementë të tjerë ekonomikë, të cilët mund të rishikohen nëse nuk do të ketë politikë të papërgjegjshme nga të dy palët. Por ne do të vazhdojmë me partnerët tonë gjerman që të jemi shumë vigjilent për këtë çështje dhe për gjithçka që lidhet me stabilitetin e  Ballkanit Perëndimor”, kishte deklaruar presidenti i Francës gjatë një adresimi para ambasadorëve francez nëpër botë.

Ndaj një paralajmërimi të tillë të Macron kishte reaguar edhe presidentja e vendit, Vjosa Osmani, duke thënë se nëse ndodh shtyrja e liberalizimit, atëherë një gjë e tillë do të nënkuptonte “vdekje” të procesit të dialogut.

Ndërkohë dje gjatë ditës ka pasur raportime në media se Gjermania s’qëndronë në vijë të njejtë me Macronin për vizat dhe se presidenti francez e kishte thënë një deklaratë të tillë pa konsulta me Gjermaninë./Gazeta Express/

The post Qeveria gjermane: Qëndrimi ynë për liberalizimin e vizave për Kosovën mbetet i pandryshuar appeared first on Albeu.com.

Më pas, më në fund, vendet e mëdha anëtare të BE si Gjermania dhe Italia ishin në bord, por jo ato më të voglat. Vendimi në fund nuk u mor unanimisht, por nga shumica e kualifikuar e shteteve anëtare që përfaqësojnë të paktën 65% të popullsisë së BE-së. Polonia dhe Hungaria, të cilat ende nuk duan të respektojnë rregullat e përbashkëta të BE-së për migracionin, votuan kundër.

Për vite me radhë, shtetet anëtare të BE-së kanë luftuar për reformën e azilit. Ministrat e Brendshëm të Bashkimit Evropian kanë arritur një marrëveshje në Luksemburg, megjithëse nuk arritën të arrijnë unanimitet.

Planet kërkojnë trajtim dukshëm më kufizues të migrantëve pa asnjë perspektivë qëndrimi. Marrëveshja lejon procedurat e azilit në kufijtë e jashtëm të Evropës për herë të parë, në mënyrë që njerëzit me pak mundësi për të qëndruar në BE as mos të hyjnë as në BE. Për këtë do të krijohen qendra azili pranë kufijve. Nga atje, emigrantët do të dëbohen drejtpërdrejt.

Prano ose paguaj

Ministri polak i Brendshëm, nacional-konservatori Mariusz Kaminski, për shembull, njoftoi se Polonia nuk do t’i paguajë kompensim një fondi të BE-së për azilkërkuesit që nuk pranohen. Ky kompensim, 20000 euro për azilkërkues, është i detyrueshëm sipas rregullave të reja të solidaritetit, nëse një vend nuk mirëpret aq azilkërkues sa duhet sipas popullsisë së tij.

Ekspertja e migracionit, Helena Hahn, nga Qendra e Politikave Evropiane, dyshon se sistemi i ri do të funksionojë mirë: “Ne pamë deri në fund që u ndesh me rezistencë nga disa shtete anëtare, përfshirë Poloninë. Ata thonë se këto kosto janë shumë të larta. Kjo është arsyeja pse mund të presim më shumë opozitë”.

Vendet me një normë pranimi nën 20 përqind

Pavarësisht kundërshtimit masiv ndaj “solidaritetit të detyrueshëm” me vendet shumë të ngarkuara të hyrjes së parë si Greqia, Italia, Qiproja dhe Malta, Ministrja e Brendshme gjermane Nancy Faeser beson se vendimi i marrë në Luksemburg është një vendim “historik” që nuk ishte i lehtë për askënd.

Kush preket nga procedurat kufitare?

Procedurat në kufijtë e jashtëm fillimisht do të zbatohen vetëm për migrantët nga vendet, shkalla e njohjes së të cilëve është nën 20% mesatarisht në BE; pra kërkesa e të cilëve është haptazi e pabazuar, sepse ata vijnë nga një vend relativisht i sigurt. Kjo ka të bëjë, për shembull, për njerëz nga Turqia, India, Tunizia, Serbia apo Shqipëria. Procedurat duhet të zgjasin maksimumi dymbëdhjetë javë.

Shumica e refugjatëve – për shembull nga Siria, Afganistani apo Sudani – pritet të vazhdojnë të kenë të drejtën për një procedurë normale. Vitin e kaluar, rreth 966.000 kërkesa për azil u depozituan në BE, nga të cilat më shumë se një në katër – 252.000 – u bënë në Gjermani.

Kthimi në vendet e treta

Personat, kërkesa për azil e të cilëve është refuzuar gjatë procedurës kufitare, sipas rregullave të reja, mund të kthehen shpejt në vendin e tyre të origjinës ose në vende të tjera të treta.

Në të ardhmen, shtetet dëbuese, pra Greqia dhe Italia, mund të vendosin vetë nëse një vend i tretë është i përshtatshëm për riatdhesim. Nuk do të ketë më një listë në mbarë BE. Italia, Greqia dhe Austria këmbëngulin që emigrantët e refuzuar të deportohen në të ashtuquajturat vende të treta të sigurta. Këto vende përfshijnë për shembull Tunizinë ose Shqipërinë.

Gjermania donte ta parandalonte këtë nëse të dëbuarit nuk kishin lidhje të ngushta me këto vende të treta, për shembull nëpërmjet familjes së tyre. Por sipas Komisionit Evropian dhe Presidencës suedeze të Këshillit, mjafton që emigrantët thjesht të kenë kaluar tranzit nëpër një vend.

Cili është qëndrimi i qeverisë gjermane?

Qeveria gjermane dëshiron të bëjë ndryshime në marrëveshjen e fundit evropiane të azilit. Zëdhënësi i qeverisë, Steffen Hebestreit e bëri të qartë në Berlin se donte të përfitonte nga negociatat e ardhshme me Komisionin Evropian dhe Parlamentin Evropian.

Hebestreit tha në Berlin se marrëveshja ishte një kompromis në të cilin duheshin gëlltitur pilula të hidhura. Për qeverinë gjermane, ndryshimet e dëshiruara synojnë mbi të gjitha mbrojtjen më të mirë të familjeve me fëmijë të mitur. Hebestreit iu referua notës së protokollit që qeveria gjermane hartoi për këtë temë në bashkëpunim me Luksemburgun, Portugalinë dhe Irlandën.

Si është pritur kompromisi?

Organizata Pro Asyl e sheh kompromisin si një “sulm frontal ndaj të drejtës për azil”. Drejtori i departamentit evropian të organizatës për të drejtat e njeriut, Kopp, e ka quajtur në Redaktionsnetzwerk Deutschland një “gabim historik” të koalicionit tringjyrësh në pushtet në Gjermani. Amnesty International u shpreh në të njëjtin drejtim.

Hungaria dhe Polonia duan ta rikthejnë këtë temë në agjendën e samitit evropian më 29 dhe 30 qershor në Bruksel. Përveç kësaj, vendet e BE ende duhet të arrijnë një marrëveshje me Parlamentin Evropian. Kjo konsiderohet shumë e vështirë, pasi pozicionet ndryshojnë “me kilometra” sipas diplomatëve. Qeveria gjermane po bën presion që reforma e azilit të përfundojë përpara zgjedhjeve evropiane në qershor 2024./dw

The post BE planifikon procedura më të shpejta për azilkërkuesit appeared first on Albeu.com.

Qeveria gjermane ‘ende’ nuk i ka ndaluar disa komponentë, thotë zëdhënësi

Një zëdhënës i Ministrisë së Brendshme konfirmoi, se qeveria gjermane po kryen një rishikim të përgjithshëm të furnizuesve të teknologjisë së telekomit.

Asnjë operator ende nuk e ka të ndaluar të përdorë komponentë të caktuar nga kompanitë kineze në rrjetet e tyre 5G, tha zëdhënësi.

“Ndryshimi kryesor është se këto kontrolle të rrepta për rreziqet e mundshme të sigurisë tani zbatohen edhe për komponentët ekzistues në rrjetet e telekomunikacionit”, tha zëdhënësi, duke shtuar se operatorët nuk do të kompensohen për pjesët që duhet të hiqen nga rrjeti dhe të zëvendësohen.

Kina ‘shumë në mëdyshje’ lidhur me raportet për ndalimin

Ambasada kineze në Gjermani e kritikoi këtë masë, duke i bërë thirrje përmes deklaratës së publikuar të marten (07.03.2023) Berlinit që të dëgjojë “zërat racionalë”.

Pekini është “shumë i befasuar dhe shumë i pakënaqur me vendimin e nxituar”, nëse njoftimet për një ndalim të mundshëm janë të vërteta, tha ambasada.

Ambasada shtoi, se një veprim i tillë do të ishte pa “bazë faktike” dhe tha se qeveria gjermane duhet të dëgjojë “zërat racionalë”.

Kompanitë përjashtojnë çdo spekulim politik

Tre nga operatorët gjermanë të rrjetit të telefonisë celulare, Deutsche Telekom, Vodafone dhe O2, instaluan komponentë Huawei në të ashtuquajturin rrjet antenash.

Me rishikimin, qeveria gjermane thuhet, se përjashton mundësinë që Kina të ketë akses më të madh në rrjetet e telefonisë celulare.

Një zëdhënës i Telekom tha, se ata “nuk janë të përfshirë në spekulime politike”.

Një zëdhënës i Vodafone bëri komente të ngjashme, duke theksuar, se ato “përputhen gjithmonë me standardet dhe ligjet përkatëse”.

Edhe Telefonica, operatori i O2, bëri komente të ngjashme. Një zëdhënës i kompanisë tregoi, se do të nevojitet kohë e mjaftueshme nëse një komponent duhet të përjashtohet nga rrjeti.

SHBA pretendon se teknologjia kineze 5G mund të përdoret për spiunazh

Shtetet e Bashkuara të Amerikës kishin paralajmëruar prej kohësh Gjermaninë kundër përfshirjes së Huawei në rrjetin celular të vendit.

Disa vende, duke përfshirë SHBA-në dhe Kanadanë, e kanë përjashtuar tashmë teknologjinë e rrjetit nga Huawei dhe ZTE nga tregjet e tyre.

SHBA kanë pohuar, se Kina mund të përdorë teknologjinë 5G të Huawei për spiunazh. Huawei i ka hedhur poshtë akuzat./dw

The post Qeveria gjermane rishikon përfshirjen e Huawei në rrjetin 5G appeared first on Albeu.com.

Dialogu duhet të vazhdojë

“Tani duhet të përqendrohemi tek mbështetja e dialogut dhe vazhdimi i bisedimeve mes Kosovës dhe Serbisë. Këtë është duke bërë qeveria gjermane”, shtoi Hoffmann. Gjermania mbështet përpjekjet e përfaqësuesve të Bashkimit Evropian për ndërmjetësim në dialog.

Hoffman dhe një zëdhënës tjetër i ministrisë së Jashtme nuk deshën të komentojnë kërkesat e kryeministrit të Kosovës Albin Kurti për dërgimin e më shumë ushtarëve të NATO-s në Kosovë. Hoffmann tha se qeveria gjermane do të përqendrohet edhe më tej në vazhdimin e dialogut dhe zgjidhjen e problemeve me dialog.

Kryeministri Kurti kishte deklaruar në një intervistë për gazetën gjermane  “Die Welt” se “Forcimi i trupave të NATO-s në vendin tonë do të forconte edhe sigurinë dhe paqën, jo vetëm në Kosovë por në të gjithë rajonin e Ballkanit Perëndimor”.

Forcimi i trupave të NATO-s?

Autoritetet gjermane nuk deshën ta komentojnë këtë kërkesë. Por përfaqësuesit e NATO-s kanë qenë të qartë në deklaratat se ata janë në gjendje të kujdesen për paqen dhe sigurinë. KFOR-i është në Kosovë prej vitit 1999 dhe kujdeset për sigurinë e vendit. Rreth 3.800 trupat e NATO-s janë garanci për sigurinë në të gjithë Kosovën. Në këtë kontigjent janë edhe rreth 70 ushtarë gjermanë.

Ngjarjet në veri kanë përshkallëzuar pas vendimeve për ndryshimin e targave ilegale, qe ka rezultuar me daljen e serbëve nga veriu nga institucionet e Kosovës, shpalljet dhe pastaj shtyrjen e zgjedhjeve për kryetarë bashkish në veri, sulmet ndaj përfaqësuesve të Kosovës por edhe atyre të bashkësisë ndërkombëtare, arresimin e disa personave dhe lirimin në arrest shtëpie, bllokimin e rrugëve dhe heqjen e barrikadave.

Por ajo që ka shqetësuar më shumti si përfaqësuesit politikë e diplomatikë, ashtu edhe ushtarakë, është retorika luftarake që është dëgjuar në Beograd, rritja e shkallës së gatishmërisë luftarake të ushtrisë dhe të policisë serbe, por edhe kërcënimet nga autoritetet e Kosovës se do të veprojnë me dhunë për heqjen e barrikadave. Situata në veri tani është e qetë, por problemet kanë mbetur. Berlini tani kërkon vazhdimin e dialogut./dw

The post Qeveria gjermane përshëndet shtendosjen e gjendjes në veri të Kosovës, asnjë koment për përforcimin e KFOR-it appeared first on Albeu.com.

“Ne kemi vendosur që do të vazhdojmë të bëjmë të mundur, veçanërisht këtë dimër, përdorimin e energjisë bërthamore dhe kjo çështje praktike shumë specifike do të zgjidhet shpejt dhe në kohën e duhur brenda javës së ardhshme,” tha Scholz në Berlin gjatë një konference për shtyp.

Qeveria gjermane nuk miratoi të hënën një projektligj për të vënë në rezervë dy nga termocentralet e fundit bërthamore të vendit përtej ndërprerjes së tyre të planifikuar për shkak të mosmarrëveshjeve politike.

The post Scholz: Do ta zgjidhim mosmarrëveshjen bërthamore javën e ardhshme appeared first on Albeu.com.

Reforma e asistencës sociale, e miratuar të mërkurën, 14.09.2022, nga qeveria gjermane është një nga projektet e debatuara më së shumti në Gjermani. Tre ndryshime thelbësore kanë ngjallur debate të shumte: rritja e asistencës sociale, heqja e sanksioneve për gjashtëmujorin e parë të marrjes së ndihmës dhe mosprekja e pasurisë që nuk i kalon 60 mijë eurot në dy muaj te parë. Ligji hyn në fuqi më 1 janar 2023, por më parë ai do të duhet të miratohet nga Parlamenti Gjerman.

Rritet ndihma sociale

Ai parashikon një rritje me 12 për qind të ndihmës sociale, duke filluar nga 502 euro për një person që jeton vetëm, plus shpenzimet për banesë, qiranë, ngrohje dhe rrymën. Veç kësaj, projektligji parashikon rritje edhe për grupe të tjera: Për persona të moshë madhore që jetojnë në çift ndihma sociale do të jetë 451 pro person, për fëmijët në moshat 14-17 vjeçare asistenca sociale do të jetë 420 euro në muaj, kurse për fëmijët në moshat 6-13 vjeçare asistenca do të jetë 346 euro në muaj, për fëmijët nën 5 vjeç 318 euro / muaj.

Më pak presion, më shumë kualifikim

Nga ky projektligj përfitojnë personat që janë regjistruar si punëkërkues. Deri tani, sistemi Hartz IV, parashikonte sanksione, si ulje të ndihmës sociale, nëse punëkërkuesit nuk paraqiteshin në takimet e caktuara nga agjencia e punës (Jobcenter) ose nuk pranonin vendet e punës që u ofroheshin. Këto sanksione do të hiqen në gjashtë muajt e parë.

Agjencia e Punës do të ketë si prioritet jo patjetër gjetjen e një vendi të ri pune, por kualifikimin e mëtejshëm të punëkërkuesve. Projektligji i ri është testuar në një filial të Agjencisë së Punës në Lichtenberg të Berlinit, dhe shumë të prekur ndjehen më mirë me këtë sistem. Kjo është një masë që merret edhe për shkak se Gjermania ka mungesa të mëdha të fuqisë punëtore të kualifikuar. Qeveria i ka vënë vetes si detyrë, që krahas marrjes së punëtoreve nga jashtë, të shfrytëzojë edhe potencialet e brendshme.

Ndihmë edhe për “të pasurit”

Risi është edhe se këtej e tutje do të kenë të drejtë të marrin ndihma sociale, për një periudhë deri dy vjeçare, edhe ata persona që kanë deri në 60 mijë euro kursime, plus nga 30 mijë euro për çdo pjesëtar tjetër të familjes. Shteti merr përsipër për dy vitet a para të gjitha kostot e qirasë ose të banimit sado e shtrenjtë që mund të jetë banesa. Vetëm pas tre vitesh papunësi, shteti do të kërkojë transferimin në një banesë të përshtatshme, ose heqjen e shpenzimeve nga paratë e hequra mënjanë.

Kritika nga punëdhënësit

Me këto ndryshime socialdemokratët shpresojnë të pajtohen me sindikatat, me të cilët ishin në grindje, që kur në vitin 2005  kancelari i atëhershëm, Gerhard Schroeder, vendosi sistemin Hartz IV. Ministri gjerman i punës, Hubertus Heil, e mori në mbrojtje projektligjin duke thënë se qytetarët duhet të llogarisin me shtetin. Çdokush mund të gjendet në vështirësi ekonomike. “Me paratë për qytetarët ne po japim një sinjal të fortë për siguri dhe respekt”, tha politikani socialdemokrat. Për shefin e Shoqatës së Punëdhënësve, Rainer Dulger, kjo reformë është një ftesë për të lënë punën: “Me këtë nuk ndërtohen urat drejt tregut të punës, po urat drejt sistemeve të ndihmës sociale”./DW

 

The post “Paratë për qytetarët”/ Qeveria gjermane miraton lehtësime për të papunët appeared first on Albeu.com.

Ambientalistët kanë kërkuar nga Gjermania dhe Holanda që të bllokojnë dërgesat me uranium, që po transportohen me anijen ruse “Mikhail Dudin” – që aktualisht është e ankoruar në portin francez Dunkirk – për në centralin përpunues në Lingen, afër kufirit gjermano-holandez.

“Ne nuk kemi bazë ligjore për të ndaluar transportin e uraniumit nga Rusia sepse në sanksionet e vendosura nga BE-ja për shkak të pushtimit rus të Ukrainës, nuk përfshihen importet e karburantit bërthamor”, tha zëdhënësi i Ministrisë gjermane të Mjedisit, Andreas Kuebler, shkruan REL.

Kriteret e sigurisë për dërgesën me uranium janë analizuar dhe është gjetur se nuk ka shkelje, që do të thotë se autoritetet gjermane duhet të miratojnë lejimin e transportit të uraniumit, shtoi ai.

“Mund ta imagjinoni se ne i shikojmë në mënyrë shumë kritike këto dërgesa të uraniumit për shkak të pushtimit rus, por edhe për shkak se Gjermania në përgjithësi po heq dorë nga energjia bërthamore”, tha Kuebler për gazetarët në Berlin, duke theksuar se Qeveria gjermane po punon që të mbyllë uzinën për përpunimin e uraniumit në Lingel dhe centralin tjetër në Gronau. Centrali në Lingen operohet nga Framatome, kompani që është në pronësi nga gjiganti francez i energjisë, EDF.

Grupet ambientaliste, përfshirë edhe organizatën ruse, Ecodefence, kanë kërkuar nga shtetet evropiane që të mos blejnë më uranium nga Rusia. Këto organizata kanë përmendur edhe vendimin e marrë së fundmi nga Qeveria britanike, e cila ndaloi anijen “Mikhail Dudin” që të shkarkojë mbetje bërthamore për përpunim në afërsi të Liverpulit.

EDF, që menaxhon të gjitha centralet bërthamore të Francës, nuk ka komentuar lidhur me dërgesën e fundit me uranium nga Rusia.

As Qeveria franceze, e cila është një aksionare e madhe në EDF, nuk ka komentuar për dërgesën nga Rusia. Franca varet shumë nga energjia bërthamore për të përmbushur kërkesat e saj me rrymë, ndërkaq Gjermania po planifikon që gjatë këtij viti të mbyllë tre reaktorët e fundit dhe deri së fundmi është varur shumë nga importet e gazit rus./REL

The post Gjermania: Nuk i ndalojmë dot dërgesat me uranium rus për centralet bërthamore franceze appeared first on Albeu.com.

The post Gjermania po përgatit terrenin për shtetëzimin e “Gazprom Germania” appeared first on Albeu.com.

The post Predha dhe raketa, qeveria gjermane publikon armët e dërguara në Ukrainë appeared first on Albeu.com.