Etleva Bejko, 50-vjeçarja që humbi jëtën tragjikisht pas një aksidenti në Qafë Muzinë kishte hyrë LIVE në “facebook”, teksa tregonte rrugën drejt Sarandës.

Bejko po kthehej nga Greqia, nga ku jetonte prej 25 vitesh për të takuar të afërmit e saj në Konispol.

Nëna e një djali në videon e publikuar dëgjohet në sfond muzikë greke, ndërsa po udhëtonte e vetme.

Deri më tani nuk dihen rrethanat se si është shkaktuar aksidenti./albeu.com

The post Aksidenti tragjik i mori jetën, 50-vjeçarja kishte hyrë live në “facebook” një orë para ngjarjes appeared first on Albeu.com.

Detaje të reja janë mësuar rreth aksidentit që i mori jetën 50 vjeçares Etleva Bejko.

Bejko ishte duke drejtuar automjetin tip “Hyundai”, ndërsa dyshohet se ka humbur kontrollin dhe ka dalë nga rruga duke u rrotulluar disa herë në terrenin e pjerrët.

Viktima mësohet se ishte nëna e një djali dhe prej 25 vitesh kishte emigruar në Greqi, qytetin e Janinës.

Ajo po vinte nga Greqia për të takuar njerëzit e saj në Markat të Konispolit, por për fat të keq nuk ia arriti dot.

Qafë Muzina është një prej zonave më të rrezikshme në vendin tonë./albeu.com

The post DETAJE/ Ndërroi jetë pas aksidentit në Qafë Muzinë, viktima nëna e një djali: Po vinte nga Greqia për takuar njerëzit e saj appeared first on Albeu.com.

Nga aksidenti ka humbur jetën drejtuesja e mjetit, 50-vjeçarja me Etleva Bejko.

Policia ndodhet në vendngjarje.

Njoftimi i policisë

Sarandë/Informacion paraprak

Rreth orës 11:30, në vendin e quajtur Qafa e Muzinës, Sarandë, shtetasja E. B., 50 vjeçe, duke drejtuar automjetin tip “Hyundai” dyshohet se ka humbur kontrollin dhe ka dalë nga rruga. Si pasojë e aksidentit shtetasja E. B, ka ndërruar jetë, në vendngjarje.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.

The post EMRI/ Makina del nga rruga në Qafë Muzinë, ndërron jetë drejtuesja appeared first on Albeu.com.

Sipas burimeve nga policia, ai po transportonte me automjetin tip “Mercedes-Benz”, pesë emigrantë të paligjshëm nga vendet MENA, kundrejt shumës 300 euro për person. Materialet hetimore i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.

Njoftimi i Policisë:

Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit. Transportonte pesë emigrantë të paligjshëm, vihet në pranga 47-vjeçari. Sekuestrohen një automjet, dy aparate celulare dhe një sasi parash.

Specialistët e Seksionit për Hetimin e Trafiqeve të Paligjshme, në bashkëpunim me Seksionin Operacional dhe Sektorin e Policisë Rrugore në DVP Gjirokastër, në vijim të operacionit “Muzgu”, për goditjen e aktivitetit kriminal të dhënies ndihmë të shtetasve të huaj për kalim të paligjshëm të kufirit, kundrejt fitimit, në bazë të informacioneve policore, kanë goditur një tjetër rast, si rezultat i të cilit u bë arrestimi në flagrancë i shtetasit A. S., 47 vjeç, banues në Tiranë.

Arrestimi i këtij shtetasi u bë pasi është kapur në flagrancë në aksin nacional Sarandë-Gjirokastër, në vendin e quajtur “Qafa e Muzinës”, duke transportuar me një automjet “Mercedes-Benz”, pesë emigrantë të paligjshëm nga vendet MENA, kundrejt shumës 300 euro për person.

Në cilësinë e provës materiale u sekuestruan automjeti, dy aparat celulare, 1.500 euro dhe 135.000 lekë të rinj. Materialet në ngarkim të shtetasit A. S. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufirit./albeu.com/

The post Makina plot me emigrantë, arrestohet 47-vjeçari në Qafën e Muzinës appeared first on Albeu.com.

Mësohet se ekspertët kanë dalë në përfundimin se aksidenti kishte këto përmasa tragjike si pasojë e llojit të përplasjes tangenciale. Sipas tyre nëse përplasja do të kishte qenë ballore me shumë mundësi jetët e personave të përfshirë në aksident do të shpëtonin dhe do të kishim vetëm të plagosur. Por duke qenë se makina “Land Rover” dhe furgoni janë përplasur në cepat tangenciale ka bërë që furgoni të devijojë dhe të përfundojë në greminë ku si pasojë humbën jetën 5 persona, drejtuesi i furgonit dhe 4 pasagjerë.

Ndërkohë në vendin e ngjarjes nuk janë parë gjurmë frenimi çka vështirëson punën e ekspertëve për të arritur në konkluzione se sa shpejtë ka qenë “Land Rover”. Mësohet se rruga ka qenë e lagur dhe kjo ndikuar në përplasjen e dy mjeteve. Raportohet se makina “Land Rover” që drejtohej nga Rexhina Çelhaka u gjet e zhvendosur dy metra nga pika ku bëri kontaktin e përplasjes me furgonin.

Abcnews.al, mëson se së fundmi ka ardhur edhe një reagim nga e reja, Rexhina Çelhaka e cila ka thënë se nuk ka qenë me shpejtësi dhe se furgoni me pasagjerë drejtuar nga Bardhi Proda, erdhi me një shpejtësi aq sa nuk kishte pasur mundësi të reagonte. E reja mësohet se kishte marrë makinën “Land Rover” tek një i afërm i saj dhe po udhëtonte drejt jugut së bashku me dy shoqet e saj italiane.

Një ditë pas aksidentit policia e Gjirokastrës arrestoi drejtuesen e mjetit “Land Rover”, 22 vjecaren Rexhina Çelhaka nga Tirana.

Mes viktimave, krahas Bardhi Prodos, ishin edhe një çift të moshuarish, të cilës kishin shkuar për pushime në Sarandë dhe po ktheheshin në Tiranë. Fiqiri dhe Drita Korçari ndodheshin në furgonin e tragjedisë bashkë me shoferin dhe dy viktimat e tjera një çift bashkëshortësh nga Ukraina.

Mjetet u përplasën rreth orës 15.30 të 26 gushtit, furgoni me pasagjerë që drejtohej nga bardhi Proda ishte nisur nga Tirana për në Sarandë me 5 pasagjerë. Dy çifte bashkëshortësh një nga Tirana dhe tjetri nga Ukraina dhe vajza që i mbijetoi aksidentit.

Mjeti pas përplasjes me “Land Roverin” doli nga rruga dhe ra në greminë. Për nxjerrjen e trupave të pajetë zjarrfikësit punuan 2 orë pasi terreni ishte i vështirë.

The post EKSPERTIZA/ Nuk ka gjurmë frenimi të “Land Roverit”, përplasja mes dy mjeteve ka qenë tangenciale appeared first on Albeu.com.

Në makinën “Land Rover” ndodheshine dhe dy vajza të tjera krahas Çelhakës, të cilat kanë marrë dëmtime të lehta.

The post Të hipura sipër duke pozuar, del fotoja e vajzave me “Land Rover-in” para aksidentit appeared first on Albeu.com.

Një furgon tip “Jeep” pasi është përplasur me një fuoristradë  dhe ka dalë nga rruga duke përfunduar në greminë.

Për pasojë kanë humbur jetën 5 persona (2 gra dhe 3 burra), të cilët kanë qenë në furgonin e linjës Tiranë-Sarandë.

Mësohet se furgoni ka rënë nga 25 metra lartësi.

Policia dhe ambulance kanë mbërritur në vendngjarje, ndërsa si pasojë e aksidentit është krijuar trafik i rënduar./albeu.com

The post Aksidenti tragjik në Qafë Muzinë, rritet numri i viktimave appeared first on Albeu.com.