E premtoi edhe katër vite më vonë e sërish nuk e realizoi. E premtoi edhe para 4 vitesh, por sot e ka moderuar disi premtimin.

Edi Rama: “Për ujin 24 orë, kur ne morëm detyrën, kishte ujë 24 orë në 4 zona urbane, sot ka ujë 24 orë 43 zona urbane dhe 98 zona rurale. Janë 11 kantiere të hapura dhe do duhet të hapim 5 kantiere të tjera në mandatin e katërt.

Shqipëria nuk ka pasur kurrë ujë 24 orë, as në kohën e komunizmit. Edhe këtu, disa mund të flasin si të duan, duke u nisur nga mllefi, tifozllëku, politika, nga arsye që nuk kanë të bëjnë me faktet, por këto që unë them, i dëgjojnë të gjitha. Në 11 maj, do marrim shumicën absolute, përsëri”, theksoi ai.

The post Rama; Në mandatin e katërt ujë 24 orë, do hapim dhe 5 kantiere të tjera appeared first on Albeu.com.

Ai tha se Partia Socialiste u është mirënjohëse atyre që e votuan dhe se puna do të vijojë pa dallim në çdo njësi e lagje të Tiranës.

“E kam zemrën me shumë mirënjohje për secilin prej jush. E keni vënë re, pala tjetër po kërkon kush e ka fajin në televizor, kurse ne shkojmë njësi më njësi duke vlerësuar këdo që dha kontribut dhe meriton mirënjohje. Kjo është diferenca e madhe! Edhe kur bëjmë fushatë jemi ndryshe, edhe kur bëjmë falënderimet jemi ndryshe nga ata. Kur ishim në fushatë thoja se ata janë si Big Brother, e kanë mendjen kë do nxjerrin nga shtëpia! Kurse ne  themi kush do futet në shtëpinë tonë. Tani që ka mbaruar fushata themi kë do falenderojmë, kurse ata nëpër televizione thonë kë do mallkojmë. Janë dy filozofi të ndryshme. Ndaj, forca jonë fiton sepse punon. Ndaj edhe forca jonë e çon Tiranën përpara, sepse kemi këtë mentalitet,” u shpreh Veliaj.

Kreu i Bashkisë tha se, ashtu si çerdhja e parë, që u hap në Astir, ku deri dje projektet bllokoheshin, në këtë mandat do vijojnë investimet për infrastrukturën arsimore dhe atë rrugore.

“Sot jemi në një situatë ku kemi zgjidhur shumë problematika, por kemi ende shumë për të bërë. E filluam me çerdhen e parë, por duhet të vazhdojmë me shkollat e reja. Kemi bërë autostradën, kemi bërë unazën, kemi bërë aksin kryesor të Bulevardit “Migjeni”, por kemi pafund xhepa për të bërë. Parimi është: kush i bën 99 punë, mund të bëjë edhe 100 punë. Ndaj, do doja të falënderoja qytetarët e mrekullueshëm që firmosën një kontratë në një përmasë të paimagjinueshme më parë, duke na dhënë një besim si kurrë më parë për ta çuar Tiranën vetëm përpara. Ju jam shumë mirënjohës dhe mezi pres që në 4 vitet e ardhshme të bëjmë diçka që do transformojë komplet këtë njësi,” u shpreh më tej kreu i Bashkisë.

Një mesazh, Veliaj e kishte edhe për të gjithë ata qytetarë që nuk i besuan Partisë Socialiste: “Do t’iu shërbejmë të gjithëve njësoj, edhe pse kemi fituar 55%, do iu shërbejmë 100% të gjithë banorëve,” e mbylli Veliaj fjalën e tij gjatë takimit me banorët e Astirit.

The post Veliaj nga Astiri: Në këtë mandat do vijojnë investimet për infrastrukturën arsimore dhe atë rrugore appeared first on Albeu.com.

Në një intervistë në emisionin “Rudina” Veliaj u ndal kampusi i Qytetit “Studenti”. Ai tha se në katër vitet e ardhshme pritet të përfundojë edhe projekti për ndërtimin e Unazës së Re në 7 lotet e fundit të saj.

“Në katër vitet e ardhshme ne duam të përfundojmë kampusin e qytetit “Studenti”. Pra e kemi filluar në fillim, çerdhet, kopshtet, shkollat, si në një shtëpi. Me universitetet, kemi rregulluar Universitetin Bujqësor me 8 godina të reja, Mjekësinë te Farmacia 10 me dy godina të reja, Inxhinierinë te 21-i me katër godina të reja. Tani do të ketë një super kampus universitar te qyteti “Studenti.

Ne duam të përfundojmë Unazën e Tiranës. Unaza e Tiranës, kemi 7 lote ku po punohet. Një lot është Laprakë, shkolla “Andrea Stefani” te “Shqiponja” dhe deri te Bregu i Lumit. Çlirohet gjithë ai trafik që deri tani vjen dy semaforë në Laprakë. Tani do kalojë pa hyrë fare në Tiranë. Dhe në Tiranë do të hyjë vetëm një rrëke e atyre që kanë punë në sheshin “Skënderbej”, në qendër. 70% tashmë orientohet në Astir, 20% këtej dhe vetëm 10% e trafikut do hyjë mes përmes Tiranës. Dy lotet e tjera janë në Paskuqan. Pastaj rikthehet prapë autostrada nga ana tjetër, këtej e lumit tek lagja e re “5 Maji”, kalon në Tufinë, te Kodra e Priftit, Kodra e Kokonozëve dhe pastaj bashkohet në Farkë të Madhe aty ku tashmë ka mbërritur”, u shpreh Veliaj.

Ai përmendi edhe disa nga projektet në zonën e Bulevardit të Ri, duke theksuar se me ndërtimet e reja, ajo zonë e kryeqytetit do të njihet si Tirana e Re. Veliaj tha se në këtë zonë synohet të ndërtohen disa godina për disa nga institucionet kryesore në kryeqytet deri te muzeu i artit modern apo dhe qendra e panaireve.  “Ajo që duam të bëjmë te bulevardi i ri sepse Tirana sot është zhbalancuar. Ne do të çojmë aty bashkinë e re, muzeun e artit modern. Disa do të jenë pjesë e një koleksioni permanent, disa do të jenë koleksione të ndryshme që vijnë dhe vizitojnë.

Ne duam të kalojmë aty Prokurorinë e Përgjithshme, Gjykatën e Lartë që tashmë e ka hapësirën e vet në fillim të bulevardit të ri. Do të jetë Bashkia e re. Do të ruajmë pjesën tradicionale për gjërat e protokollit, për pritje, përcjellje. Ne kemi 70 vjet që i them Tiranë e Re, zonës së stadiumit Dinamo. Nuk mund të jetë më pas 70 vitesh Tiranë e re. Tirana e re do të quhet zona e Bulevardit të Ri. Tani që janë hapur themelet e ndërtesave të para, Qendra e Panaireve, Pallati i ri Kongreseve dhe Koncerteve, duke qenë se e ne kemi të limituar në 2 mijë vende. Tirana ka evente dhe aktivitete që kalojnë 5-6-7 mijë. Duke çuar 7-8 institucionesh publike, jep edhe besim që Tirana do të balancohet drejt veriut. Tirana në katër këto kuadratet mund të zhvillohet në mënyrë të njëtrajtshme”, u shpreh kryebashkiaku.

Një thirrje Veliaj e pati edhe për rivalët në garën për Bashkinë e Tiranës duke theksuar se pavarësisht si do të shkojë rezultati i zgjedhjeve, ai që votohet duhet të lejohet të punojë.

“Ftesa ime është pavarësisht si do shkojë rezultati i zgjedhjeve, kush votohet duhet të lejohet të punojë. Këto historitë si ato vonesat te Astiri, te sheshi, te bulevardi, me pistoleta te Liqeni, te Këndi i Lodrave, këto duhet të konsiderohen përrallë nga e kaluara. Kush fiton të lejohet të punojë dhe të çojë deri në fund këto projekte”, u shpreh ai.

The post Fushata zgjedhore, Veliaj prezanton projektet për 4-vjeçarin e ardhshëm për Tiranën appeared first on Albeu.com.

Në emisionin “Opinion”, Këlliçi ka treguar në mënyrë të përmbledhur synimet e tij nëse ai do të zgjidhet më 14 Maj, kryetar i Bashkisë së Tiranës.

Belind Këlliçi: 5 premtimet e mia

1.Transporti publik falas;

2.Prezantimi i sotëm që ka shkaktuar një reagim, projekti për ndërtimin e një nënkalimi në sheshin Skëndërbej;

3.Arsimi, ndërtimi i shkollave dhe çerdheve;

4.Oazet e gjelbra;

5.Programi i biznesit për uljen e taksave dhe tarifave për biznesin e ulët dhe të mesëm.

Kur kemi hartuar prioritetet dhe kur kemi punuar me ekipin, jemi mundur të prekim problematikat e një qytetari në Tiranë. Mbetemi i vetmi vend në Evropë që paguajmë 3 deri në 4 herë për ujin e pijshëm. Ky është një problem që prek çdo qytetar në Tiranë.

The post Zgjedhjet lokale, çfarë do të bëjë për Tiranën Belind Këlliçi nëse fiton appeared first on Albeu.com.

Në emisionin “Bardh a Zi”, Këlliçi u shpreh se kjo nuk mund të realizohet brenda një mandati.

“Vëre gishtin ku të duash në Tiranë, nëse gjen një familje që thotë, ka më shumë se një, dy apo maksimumi tre orë në ditë ujë të pijshëm. Kjo më ka dalë në çdo njësi, në çdo takim të Tiranës. Përkundrazi, më ka dalë në zonat rurale, nuk kanë lidhje fare me rrjetin. Në pallatet “Çabej” në zonën e “Kombinatit”, nuk janë fare të lidhur në rrjet dhe e marrin ujin me pus. Unë nuk e bëj dot Tiranën 24 orë në ditë me ujë të pijshëm, sepse nuk bëhet dot brenda një mandati”, theksoi ai.

The post Zgjedhjet e 14 majit, Këlliçi: Edhe nëse fitoj nuk mund t’i siguroj qytetarëve 24 orë ujë të pijshëm appeared first on Albeu.com.