Rama u pyet edhe për ish-kryeministrin Fatos Nano, të cilin e përshkroi si një njeri me shumë talent, por me pak vullnet. Ndërsa për ish-kryeministrin Sali Berisha, ai tha se është më i vullnetshmi, edhe pse shpesh në aspektet negative të karakterit të tij. Kur u pyet për Ilir Metën, Rama shmangu komentet e gjera, duke iu referuar raportit që kishte përshkruar më parë në librin e tij.

Blendi Fevziu: Nano nuk është më në këtë jetë. Nëse do ju kërkoja sot ta përkufizonit në mënyrë realiste, si do ta përkufizonit?

Edi Rama: Në qoftë se do më kërkosh vetëm një fjali do thosha shumë talent, pak vullnet.

Blendi Fevziu: Kush është njeriu politik më i vullnetshëm që keni njohur këto 30 vite?

Edi Rama: Më i vullnetshmi në të keqen e vet është ai miku jot. Pa diskutim.

Blendi Fevziu: Berisha?

Edi Rama: Nuk ia zë emrin unë tani se më duket sikur… Më i vullnetshmi në të keqen e vet është ai miku jot. Ti ia gjete emrin direkt. Se ti ke dhe gjithë këta miq. Si e gjete menjëherë?

Blendi Fevziu: Raporti juaj me Metën?

Edi Rama: Kam shkruar për të në libër dhe pak a shumë është raporti që ka qenë vijimësisht edhe më pas.

The post Raporti me Metën?! Rama “vlerëson” politikanët: Nano shumë talent dhe pak vullnet, Berisha më i vullnetshmi appeared first on Albeu.com.

Karamuço tha se bëhet fjalë për ‘Cellebrite’, kompani e inteligjencës izraelite që zbërthen celularët, pavarësisht se politikanët së fundmi po përpiqen t’i ndërrojnë sipas ekspertit.

Grida Duma: Janë sekuestruar telefonat. Çfarë bëhet me telefonat e sekuestruar?

Karamuço: “Do them anën teknike, SPAK ka në dorë një nga sistemet më të përparuara që kanë disa organe europiane, qoftë inteligjente ushtarake apo policore. Cellebrite, ky emër ishte sëekret para disa kohësh por u publikua dhe erdhi në dijeni publiku. Është një komani e inteligjencës izraelite që është e suksesshme për hapen e këtyre celularëve për hyrjen në Icloud edhe të telefonave të mëparshme. I vendos vet njerëzit kush ka komunikuar me kë, e nxjerr vetë pemën.

Kjo ka filluar po përdoret dhe po ecën me sukses. Do jetë një sfidë e madhe për të gjithë, kam dëgjuar që po i ndërrojnë politikanët e biznesmenë, por harrojnë që ka shumë metoda që shkojnë deri aty ku s’ta pret mendja për të arritur te një provë që nuk e fshin dot. Nuk e di për rastin konkret për z.Veliaj se është në fazën e parë. Do japin rezultatet, po ndjekin dhe disa metoda speciale të hetimit të blerjeve të stimuluara. Janë ngarkuar dhe oficerë që bëjnë dhe blerje vete. Nëpër kontrollet që bëjnë së fundmi në shtëpitë e subjekteve, po fotografohen edhe markat e rrobave, për të bërë një bilanc të jetesës”.

The post Ervin Karamuço: Politikanët po ndërrojnë celularët, SPAK po përdor inteligjencën izraelite, ja si po kontrollohen… appeared first on Albeu.com.

Ai u duk se la të kuptohej gjatë një debati rreth rënies së nivelit të lindjeve në vend se kjo mund të çonte në zgjedhjen e grave për të pasur fëmijë më herët. Naoki Hyakuta, një shkrimtar dhe kreu i Partisë Konservatore të Japonisë, e ngriti idenë e diskutueshme në një emision në YouTube, në të cilin ai ishte i ftuar, megjithëse theksoi se nuk e mbështet atë.
Në një fjalim në Nagoya, ai pranoi se komentet që dëgjoi për atë deklaratë “ishin shumë të hidhura”.

“Do të tërhiqem dhe do të kërkoj falje pasi kishte njerëz që e konsideruan ofenduese atë që thashë”, tha ai.

Ai më vonë kërkoi falje përmes X, duke thënë se komentet ishin “pa dyshim jashtëzakonisht të ashpra” ,megjithëse ai kishte theksuar në debat se idetë ishin “fantashkencë” dhe “diçka që nuk duhej të kishte ndodhur”.

The post Japoni/ Politikani propozon heqjen e mitrës nga gratë mbi 30 vjeç që nuk kanë lindur appeared first on Albeu.com.

🚨 🇸🇰 Breaking: Slovakia

The Prime Minister of Slovakia Robert Fico has just been shot in public.

This comes only days after Fico formally & publicly rejected The WHO Global Pandemic Accord ‼️ pic.twitter.com/QIZOgGQCyE

— Concerned Citizen (@BGatesIsaPyscho) May 15, 2024

Udhëheqës të tjerë politikë kanë qenë shënjestër e sulmeve të armatosura, apo edhe të vrarë, vitet e fundit.

 Ish-kryeministri japonez, Shinzo Abe, 2022 

Më 8 korrik 2022, ish-kryeministri japonez Shinzo Abe u sulmua me armë gjatë një mitingu zgjedhor në Nara (perëndim). I goditur nga dy plumba në qafë, u shpall i vdekur pak orë më vonë.

Vrasësi i tij i dyshuar, i arrestuar menjëherë pas incidentit, e akuzoi atë për marrëdhëniet e tij të supozuara me Kishën e Unifikimit, me nofkën “sekti i Hënës”, i akuzuar për ushtrim të presionit të fortë financiar ndaj ndjekësve të saj në Japoni.

Trashëgimtari i një dinastie politike, Abe mban rekordin për jetëgjatësinë si Kryeministër në Japoni, të cilin e mbajti në vitet 2006-2007, më pas nga 2012 në 2020.

Zëvendëspresidentja argjentinase Cristina Kirchner, 2022

Më 1 shtator 2022, një burrë i drejtoi një armë në kokë zëvendëspresidentes argjentinase Cristina Kirchner, ndërsa ajo po përzihej me mbështetësit jashtë shtëpisë së saj në Buenos Aires, por pa shkrepur arma.

Në ndalimin parandalues, sulmuesi e motivoi veprimin e tij “nga situata në vend”.

Kampi pro Kirchner, nga ana e tij, mbështet tezën e një orkestrimi më të madh dhe ekzistencën e sponsorëve.

Ish-presidentja (2007-2015), Cristina Kirchner, e dënuar në fund të vitit 2022 me gjashtë vjet burg dhe pakualifikim për mashtrim dhe korrupsion, kishte përmendur kështu financimin privat të sulmit “të identifikuar me qeverinë” të paraardhësit të saj, liberalit Mauricio Macri (2015-2019).

Ish-kryeministri pakistanez, Imran Khan, 2022

Në nëntor të të njëjtit vit, ish-kryeministri pakistanez Imran Khan u qëllua në këmbë ndërsa kamioni me të cilin po udhëtonte po kalonte nëpër një rrugë të mbushur me njerëz në Wazirabad (lindje).

Sulmuesi, në një video “rrëfimi” të publikuar nga policia, tha se ai veproi sepse besonte se Imran Khan ishte kundër Islamit.

Presidenti haitian Jovenel Moise, 2021 

Presidenti haitian, Jovenel Moise u qëllua dhe u vra në mes të natës më 7 korrik 2021, në rezidencën e tij private në Port-au-Prince nga një komando i armatosur i përbërë nga 28 burra që paraqiteshin si agjentë të Agjencisë së Shteteve të Bashkuara Kundër Drogës.

Tre nga sulmuesit u vranë dhe rreth njëzet individë, duke përfshirë 18 ish-ushtarë kolumbianë, u arrestuan. Një hetim amerikan zbuloi se dy burra, në krye të një kompanie sigurie në Miami, kishin planifikuar të rrëmbenin Jovenel Moïse për ta zëvendësuar atë me një amerikano-haitian.

Ish-presidenti brazilian, Jair Bolsonaro, 2018

Ish-presidenti brazilian i ekstremit të djathtë (2019-2022), Jair Bolsonaro, u godit me thikë në bark në shtator 2018 nga një burrë i çekuilibruar dhe u plagos rëndë gjatë një shëtitjeje në Minas Gerais (jug-lindje), gjatë fushatës elektorale presidenciale.

Pasi iu afrua shumë vdekjes, ai iu nënshtrua disa operacioneve – përsëri së fundmi – për të korrigjuar pasojat e këtij sulmi.

Në vitin 2023, ai u gjykua i papërshtatshëm deri në vitin 2030 për denigrimin pa prova të besueshmërisë së sistemit elektronik të votimit të përdorur për zgjedhjet presidenciale të 2022, ku dështoi ndaj Lulës./albeu.com

The post DOSJE/ Liderët politikë që u vranë apo ranë pre e atentateve ndër vite appeared first on Albeu.com.

Ata vlerësojnë se përfituesit më të mëdhenj nga ndryshimet e tranzicionit janë politikanët. 94,9 % e të pyeturve e kanë këtë perceptim.

Më pas vijnë biznesmenët si përfitues kryesorë nga ndryshimet politiko shoqërore që ka pësuar Shqipëria nga vitet 1990’, 91,6 % e të pyeturve e konfirmojnë këtë gjë.

Ndërsa për sa kanë përfituar qytetarët e zakonshëm nga këto ndryshime, 62,8 % mendojnë se qytetarët e zakonshëm janë të tretët në radhë si përfitues nga ndryshimet që ka pësuar vendi./euronews

The post Politikanët dhe biznesmenët, përfituesit kryesorë këto 30 vite në Shqipëri appeared first on Albeu.com.

Kompania “Terra Marketing” me në krye Blerim Gjeladinin, ka publikuar së fundmi vëzhgimin e bërë në katër shtete, Shqipëri, Kosovë, Maqedoni dhe Mal të Zi, se kush nga politikanet ka qenë më e ndjekura në rrjetin social “Facebook”, përgjatë periudhës kohore nga data 1 deri në 26 dhjetor 2023.

Belinda Balluku është politikania më e kuotuar në Ballkan sa i përket aktivitetit politik, debatit që shkakton, temave të ngritura dhe diskutimit që të tjerët bëjnë për të. Punët e mira që ajo ka ndjekur gjatë drejtimit të Ministrisë, por edhe tashmë që është zv.kryeministre kanë ndikuar te opinioni publik që ajo të katapultohet në krye të listës. Krahasur me muajin nëntor, Balluku ka pësuar një rritje me 9.85% dhe kanë folur për të mbi 17 mijë persona.

Duket se zonja Balluku nuk ka shumë followers në rrjetet sociale. Ka 10 herë më pak se presidentja e Kosovës Vjosa Osmani, por më shumë flitet për zv.kryeministren e Shqipërisë sesa për Presidenten e Kosovës. Me diferenca të mëdha ka lënë pas shumë politikane femra në gjithë rajonin.

Më pas në vendin e dytë është ministrja e Shtetit për Marrëdhëniet me Parlamentin, Elisa Spiropali, e cila në krahasim me muajin e kaluar ka pësuar një rënie me 1.87%.

Vendin e tretë e mban ministrja e Arsimit dhe Sportit, Ogerta Manastirliu, për të cilën përgjatë këtij muaji në rrjetet sociale kanë folur rreth 10.846 persona dhe i janë shtuar 46,678 ndjekës.

Ndërkohë, në vendin e katër radhitet presidentja e Kosovës, Vjosa Osmani, ndërsa në të pestin ministrja e Turizmit, Mirela Kumbaro. Vendi gjashtë dhe i shtatë është sërish i politikaneve shqiptare, ku është ish-deputetja, tashmë moderatorja Grida Duma dhe ish-ministrja Evis Kushi.

Bie në sy se nga opozita, është Ina Zhupa politikania më aktive, ndërkohë që më parë këtë pozicion e mbante Jorida Tabaku. Siç duket çështja e Butrintit e ka nxjerrë në ‘pole position’.

Lista e plotë: 

Postimet të cilat kanë marrë më shumë reagime: 

The post Politikanet më të ndjekura, Balluku sfidon këdo në Shqipëri, Kosovë dhe Maqedoni appeared first on Albeu.com.

gjatë fjalës së tij Rama theksoi se ai mbëhstet dhe ëhstë në krah të ccdo gazetari që ëhstë sulmuar apo kërcënuar gjatë bërjes së detyrës së tij.

“Për shumë arsye, gazetaria është bërë një përzierje shumë e madhe tanimë e së vërtetës dhe gënjeshtrës, është një fakt. Sigurisht çdo sulm, çdo kërcënim ndaj gazetarëve, nuk ka asnjë diskutim që është diçka e neveritshme, por sa sulme bëjnë gazetarët çdo ditë ndaj njerëzve. E di që politikanët nuk janë njerëz, por megjithatë, ka edhe ca pjesë njeriu në çdo politikan, pra, jo shumë, por një dozë”, tha ai.

Por për Ramën jo gjithmonë gazetarët kanë të drejtë, madje shepesh me artikujt  tyre dezinformues sipas tij kanë cënuar jo pak herë edhe njërëz të ndershëm, apo shkatërruar dhe familje.

“Politikanët kanë familje, fëmijë dhe unë jam plotësisht dakord dhe qëndroj në solidaritet me çdo gazetar që sulmohet dhe kërcënohet. Pyes veten çdo herë, sa shpesh qëllon që këto organizata gazetarësh të çohen kundër vetes, kundër kategorisë së tyre, individëve në grupin e tyre, të cilët në emër të të qenurit gazetar, i lejojnë vetes të bëjnë atë që kohë më parë ishte absolutisht jashtë çdo lloj përfytyrimi”, tha ai.

Projektligji për lajmet e rreme që ngjalli mjaft polemika dhe u konsiderua si censurë, sipas Ramës mbetet ende një masë do duhej të ishte marrë dhe e ndjek si hije. Megjithatë polemikat e krijuara, detyruan qeverinë të hiqte dorë.

The post Ligji anti-shpifje, Rama: Edhe politikanët kanë familje dhe fëmijë appeared first on Albeu.com.

Siaps tij askush më nuk mund të fshihet.

Basha theksoi se ka depozituar në Kuvend projektligjin për vettingun e politikanëve, që tu tregohet qytetarëve se cilët janë politikanët e korruptuar dhe të lidhur me krimin e që nuk i shërbejnë interesave qytetare.

“Sot kam depozituar projektligjin për vetting-un e politikanëve.

Siç e pata njoftuar grupi i punës ka bërë gati një projektligj që mundëson kontrollin me detajuar të pasurisë së çdo politikani, të rrethit të tij familjar dhe shoqëror, si dhe lidhjet e papërshtatshme dhe mundësinë e bashkëpunimit me krimin e organizuar.

Duhet që politikanët shqiptarë t’i nënshtrohen të njëjtit kontroll si magjistratët, por edhe punonjësit e gardës dhe policisë. Nuk ka më asnjë alibi, çdo deputet duhet të shprehet përmes votës së tij për ligjin e vettingut të politikanëve. Duhet t’i tregojmë shqiptarëve cilët janë politikanët e korruptuar, të lidhur me krimin dhe për t’i dhënë shqiptarëve një politikë të pastër”, tha Basha mes të tjerash.

The post Basha depoziton projektligjin për vettingun e politikanëve: Tu tregojmë shqiptarëve se kush janë të korruptuar appeared first on Albeu.com.

Atje ka shkuar edhe një tifoz me të cilin identifikohen tifozët kuqezi, imazhi i të cilit ka bërë xhiron e botës në Europianin e 2016.

Ky person është Besmir Limani që gjithmonë lyen fytyrën me flamurin e Shqipërisë kur luan kombëtarja.

“Unë edhe pak më parë e thashë. Emocionet janë të veçanta. Për mua fitore është që të shoh shqiptarët nga të gjitha viset ku flitet shqip, por sot kanë ardhur edhe shumë shqiptarë nga shumë troje të tjera”, tha ai.

Tifozi i veçantë i kombëtares ka një kërkesë për politikanët shqiptarë.

“E dini ju shumë mirë çfarë kam unë. Kjo fillon që nga dalja… Më bie shpeshherë të jem i ngjyrorusr, të kaloj zonat e pasaportës, ose kontrollet e pasaportës dhe për fat të keq edhe pse jam shqiptar, administrativisht nuk jam shqiptar. Kështu që nëse dëgjon ndonjë politikan dhe ka pak zemër…”, u shpreh ai. /tvklan.al

The post Tifozi i veçantë i kombëtares, ka një kërkesë për politikanët shqiptarë appeared first on Albeu.com.

Ka qenë vetë gazetari Hoxha i cili ka ndarë lajmin ne Facebook. Sipas Hoxhës brenda në zyrat e drejtësisë belge u folën shumë gjëra, por që nuk i ka ndarë me publikun.

Ndërkohë në fund të postimit të tij Hoxha shkruan se përveç narkotrafikantëve, nga zbërthimi i SkyeCC kanë dalë dhe plot “xhevahirë” edhe për politikanët shqiptarë.

Postimi i Hoxhës:

Rikthim pas me shume 14 muajsh në zyrat qendrore te Policise Gjyqesore Federale te Belgjikes…

Keta shejtaner mbajne shenim çdo gje dhe kane memorie te forte…

E kishin rregjistruar, qe 3 vite me pare, pata denoncuar ne median britanike Daily Express, se narkotrafikantet dhe krimi i organizuar shqiptar, per te shmangur gjurmimin e agjensive europiane te ligjit, po perdornin si mjet komunikimi, rrjetin e kriptuar SkyeCc.

I kane mbushur arkivat me komunikimet e krimit te organizuar shqiptar ne rrjetin e kriptuar SkyeCc aq plote, sa tani nuk po ja dalin as t’i selektojne.

Gjithsesi, me priten mire…

Por se ç’u tha dhe se ç’u be aty brenda, as mbaj mend gje, as mbajta shenim gje….

Rendesi ka qe keta federalet e Belgjikes, u jane qepur keq ketyre taneve, sepse e kane kthyer portin e Anverses si porti i Durresit…

Lere pastaj plote “Xhevahire” qe jane kapur “pa dashje” per funksionaret shteteror dhe politikanet e Shqiperise…

Gjithsesi, me mire do te behet…

The post “Kanë dalë plot “xhevahirë” për politikanët shqiptarë”, gazetari Hoxha paralajmëron “çudira” nga përgjimet e SKY appeared first on Albeu.com.