Në zonat veriore, verilindje e juglinde ka rënë borë dhe shumë qytetarë janë arratisur nga Tirana, për të shijuar fundjavën në këto zona.

Si duket dhe politikanët nuk i kanë rezistuar dëshirës për të shijuar dëborën me kryeministrin Edi Rama të parin që ka vendosur të shkojë në Malësi të Madhe.

Së bashku me bashkëshorten Linda dhe djalin e vogël Zaho, Rama ndodhet në Bogë, mes bardhësisë së fshatit turistik.2

Kreu i qeverisë ndau një foto në Facebook, ku shkruante: “#BeautifulAlbania, Buni Bajraktarit, Bogë, Malësi e Madhe”

Nga çfarë kuptohet Rama gjithashtu ka dashur të heqë pak dhe mendjen nga skandali i “McGonigal”, i cili po e “përndjek” prej ditësh, pasi ish-agjenti i FBI-së u arrestua dhe në dosjen hetimore përmendet një takim sekret mes tij dhe Charles McGonigal.

Nga ana tjetër, kreu i Partisë së Lirisë Ilir Meta, ndodhet në Pukë, por nga fotot që tregoi në Facebook, duket se është në një takim me të rinjtë, në kuadër të fushatës elektorale të zgjedhjeve të 14 majit 2023.

“Një takim i mrekullueshëm sot në Pukë me të rinj dhe të reja.

Partia e Lirisë është një mbështetje e fuqishme për të rinjtë pukjanë, që e duan vendlindjen dhe duan ta zhvillojnë atë në mënyrë të qëndrueshme.

Falenderoj Donin, Demirin dhe të gjithë bashkëmoshatarët e tyre për këtë ditë të mrekullueshme, që kaluam sot në Pukë e sidomos për idetë e tyre novatore”, shkruan Meta.

Kurse kreu i PD-së Sali Berisha nuk ka zgjedhur të lëvizë nga Tirana, por ka vazhduar me denoncimin për çështjen McGonigal dhe përgatitjet për protestën e thirrur më 11 shkurt, me qëllim rrëzimin e qeverisë Rama./albeu.com

The post Nga Boga në Pukë, ku po e kalojnë fundjavën liderët e politikës shqiptare (FOTO LAJM) appeared first on Albeu.com.

SHBA mori sot vendimin por të shpallur “non-grata” ish-deputetin Aqif Raki dhe biznesmenin Ylly Ndroqi.

I pari që ka përfunduar në listën e zezë të amerikanëve ka qenë ish-Prokurori i përgjithshëm i Shqipërisë, Adriatik Llalla, i cili u shpall non-grata në 14 shkurt të vitit 2018-të.

Po në të njëjtin vit, pak muaj më vonë më saktësisht në 16 Prill SHBA vendosi të shpallë non-grata ish-deputetin Tom Doshi.

Ndërkohë në 30 Korrik 2019 SHBA vendosi të shpallë non-grata Vangjush Dakon, ish-kryebashkiakun e Durrësit.

Në 26 maj të vitit 2021 Shtete e Bashkuara të Amerikës do të shpallnin non-grat5a dhe ish-kryeministrin e Shqipërisë Sali Berishën.

Ndërsa ditën e hënë në 11 Prill 2022 në listën e zezë të SHBA do të përfundonin edhe ish-deputeti Aqif Rakipi dhe biznesmeni Ylli Ndroqi.

Lista e shqiptarëve të shpallur non-grata nga SHBA:

Sali Berisha

Tom Doshi

Vangjush Dako

Adriatik Llalla

Aqif Rakipi

Ylli Ndroqi/albeu.com/

The post EMRAT/ Të gjithë politikanët dhe zyrtarët e lartë shqiptarë të shpallur non-grata nga SHBA appeared first on Albeu.com.

Politikanët shqiptarë kanë nisur urimet e tyre përmes postimeve në rrjete sociale.

“Ajo çka Zoti u jep edhe atyre që nuk besojnë është mundësia e të kuptuarit të vlerës së paçmueshme të vetëpërmbajtjes dhe në këtë mbrëmje që sjell ditën e parë të hënës së re të Ramazanit, me këto pamje të Xhamisë së Re të Elbasanit, u uroj megjithë zemër e plot respekt, ndjekësve myslimanë të kalendarit hënor të Islamit, një muaj me agjërim të pranuar e me lehtësim të bekuar prej ndjesisë së të pasurit të Allahut pranë në krah, falë vetëpërmbajtjes së këshilluar prej urtësisë qiellore”, shkruan Rama.

Edhe Presidenti Meta, përmes një postimi në Facebook ku uron agjërim të lehtë e të pranuar.

“GËZUAR MUAJIN E BEKUAR TË RAMAZANIT!

Agjërim të lehtë dhe të pranuar, të shëndetshëm dhe me mbarësi për të gjithë besimtarët myslimanë shqiptarë kudo ndodhen!

Uroj nga zemra më shumë paqe dhe begati, harmoni dhe mirëkuptim, gjatë këtij Muaji të Shenjtë si dhe në çdo ditë të jetës, të rrethuar nga mëshira hyjnore dhe të përmbushur nga dashuria e Zotit!

Muaji i Ramazanit është lajmëtar i mesazheve të ngrohtësisë për të gjithë besimtarët, duke na ftuar të tregojmë vlerat më të larta njerëzore, më shumë dhembshuri, përkushtim dhe bujari për njëri-tjetrin.

Shumë myslimanë shqiptarë mund të mos jenë në gjendje ta kremtojnë këtë vit Ramazanin.

Le të zgjatim dorën e ndihmës dhe të punojmë të gjithë për të lehtësuar pamundësinë e tyre sepse kjo periudhë e shenjtë na kujton detyrimet tona të përbashkëta për të ruajtur dinjitetin e çdo njeriu.

Njerëzit e mirë nuk i bën vetëm besimi, por dhe veprat e mira dhe konkrete në shërbim të tjetrit, të komunitetit dhe të kombit, sepse ashtu siç thuhet edhe te një prej haditheve: “Njeriu më i mirë është ai i cili është më i dobishëm për njerëzit”.

Shqipëria ka nevojë për shpresë dhe të bashkuar ne mund dhe duhet t’ja dalim!

NGA MOT GËZUAR MUAJIN E MADHËRISHËM TË RAMAZANIT!”, shkruan Meta.

Kryetari i dorëhequr i PD-së, Lulzim Basha ka uruar për agjërim të lehtë e të pranuarpër të gjithë besimatarët mylimanë.

“Të dashur besimtarë myslimanë, që nesër nisni agjërimin e muajit të shenjtë të Ramazanit, ju uroj agjërim të lehtë e të pranuar, dhe begati për ju dhe familjet tuaja!

Uroj që sakrifica fisnike dhe hyjnore e këtij muaji, të shndërrohet në dritë dhe mbarësi për të gjithë agjëruesit dhe gjithë shqiptarët kudo që ndodhen!”, shkruan Basha.

The post Muaji i bekuar i Ramazanit, politika shqiptare uron besimtarët myslimanë appeared first on Albeu.com.

Rasti, që sipas latinit, është mbret, desh që unë, si demokrat ta nxij zhapën ( pas të 60-ave, lëkura transformohet në zhapë) dhe të laj “mëkatet”, në plazhet e detit Egje. Më saktë. Në Porto Karas. Në hotelin më pesë yje: “Sintonia”.

Hoteli kishte edhe kazino. Për lojtarët e kazinosë, së pari, përgjysmojnë çmimin e hotelit. Së dyti, me 5 euro për t’u future në kazino, mund të hash e të pish pa e vënë dorën në xhep…

Foli Ezmerka:

-Nuk del me humbje kazinoja?!…Pa marrë përgjigje shtoi: Në kazino do të hamë?…

Në vend që ta sqaroja se në kazino nuk shkohet për të ngrenë, por për të luajtur dhe tretur paratë, i tregova një barcaletë. Para ruletit dy mesoburra. Mbajnë fishat e fundit në dorë. Dilemë. Ku t’i vendosin? I pari: “Sa here në javë bën seks me gruan?”… Katër herë… “Unë një më pak.” Pasi i mblodhën numrat, vendosën 7-ën…. Zari qëndroi tek zeroja…”Do kishim fituar, po të mos kishim gënjyer!”

Hoteli kishte dërguar disa oferta për politikanë shqiptarë, miq të kazinosë. Secili prej tyre mund të ftonte një mik. Kur pa emrin tim, bosi grek arsyetojë.

Së pari, politikan i dështuar. Bosi, si grek mendoi: nuk ka vend më të bukur se kazinoja për të mbytur stresin e dështimit në politikë.

Së dyti, dhëndërr 61 vjeçar. Arsyetoi. Mitrua do ketë peshkuar ndonjë vejushe të krimbur më para. Kazinoja është vend perëndije për t’i bërë paratë e prikës rrush e kumbulla.

Së treti, dikush i paska pas treguar se Mitrua duke qënë deputet demokrat, në vitin 1993, kishte firmosur të dilte nga burgu i Bënçës Fatos Nanon, në atë mot i burgosur nga Berisha. Në shënjë respekti, mendoi pronari i hotelit, dhe për të larë borxhin, Nano duhet t’i ketë mësuar Mitros si të bëhet mik i kazinosë…

Gaboi në të tre pikat…

Natën e parë i thashë zonjës: Duhet të shkojmë në kazino. Regjistrimi dhe një lojë ishin të detyruara, sipas paketës turistike. Paguam 10 euro dhe u futëm brenda! U erdhëm makinave vërdall. Biro o Mina! Grekë, rusë, japonezë, turq, arabë. Rraca dhe popuj… Dallon gjë?…Pyeta…Fytyra të vrerosora,-tha zonja ime. Përse?…Hamë. Pimë nga një gotë verë. Hedhim disa evro në tavolinë… Do ta kuptosh vetë arsyen e mos arsyes, siç llafoste Don Kishoti…

Nxorrëm 100 euro. I ndamë gjysëm për gjysëm. Unë i humba, si trim dhe pa fat, në dorën e dytë. Zonja i shtoi deri në 300 euro. Më shkeli synë. Ia shkela edhe unë…E mori si sinjal për të vazhduar lojën. Pas 20 minuta i humbi të gjitha…

-Pse më le të luaj? Me paratë e fituara blija një palë këpucë?!…

E ngushëllova duke I thënë: -Gruaja me sqimë I humbet paratë o në kazino, ose në dyqan?!

The post “Si i humbën politikanët shqiptarë lekët në kazino” appeared first on Albeu.com.

Sipas Arjan Currit, shqiptarët u besojnë më shumë amerikanëve, sesa politikanëve vendas, por ai tha se besimi tek burokratët amerikanë ka një tendencë në rënie.

Nga ana tjetër Shkullaku u shpreh se politikanëve tanë nuk u besojnë as gratë.

Pjesë nga biseda:

Arjan Curri: Ka një rezistencë të publikut që vazhdon dhe bindet dhe e ka syrin nga mesazhet amerikane. Unë me kolegët e mi bëjmë sondazhe dhe kemi metodologji tjetër. Në një nga pyetjet që kishim ne, ishte kjo, kë besoni më shumë, politikanët shqiptarë apo Amerikën. Mosbesueshmëria ishte kaq e madhe saqë prap Amerika edhe pse ka tendencë në rënie, kishte rol më të madh.

Armand Shkullaku: Politikanët shqiptarë nuk i besojnë gratë e veta ore.. Po e krahasove me këtë…

Arjan Curri: Del që për shkak të dyshimeve të mëdha ndaj politikanëve, amerikanët janë më mirë. Opinioni publik ka filluar të zgjohet pak, por jo deri në atë nivel.

Arjan Çani: Kohët e fundit ambasada e SHBA-ve, është bërë shumë më e drejtpërdrejt. Nëse para ca vitesh përdornin një gjuhë të kujdeshme, tani janë lëshuar pa frena fare. Ne po përjetojmë, atë që kanë përjetuar disa vendet të tjera rrotull nesh, si Greqia apo Italia. Ato kanë patur një thundër të paparë amerikanë, që fusnin hundët deri në gjëra bazike. Ato vende, duruan sa duruan dhe reaguan në forma të ndryshme.

Në Shqipëri se nuk jemi akoma atje. Shqipëria po përballet me një ndërhyrje të superfuqisë dhe tani jemi kuriozë të dimë si do të reagojë shoqëria. Do vijojë të shtypet dhe pranojë çdo lloj vasaliteti apo do të gjejë forma reagimi? Jemi në fazën që sapo ka filluar thundra, do të vazhdojë gjatë, apo jemi në momentet që do të reagojmë? Kjo është pyetje për të cilën nuk e kam përgjigjen.

The post Armand Shkullaku e thotë troç: Politikanëve nuk u besojnë as gratë e tyre appeared first on Albeu.com.