Sipas burimeve, Gjini dyshohet se ka përdorur gjatë ditëve të fundit automjetin tip Audi, që është identifikuar nga hetuesit si mjeti i përdorur në ngjarjen kriminale.

Ai është fiksuar nga kamerat e sigurisë në Rrugën e Kombit, në momentin kur kryente pagesën te trau i autostradës, duke lëvizur me të njëjtin automjet.

Ndërkohë, policia po kryen kontrolle në banesën e tij, me qëllim mbledhjen e provave të mundshme që lidhen me çështjen.

The post Po tentonte të largohej nga Shqipëria, zbulohet identiteti i personit të kapur në Rrugën e Kombit! Makina e tij u përdor në atentatin ndaj Mondi Mëhallës appeared first on Albeu.com.

Mësohet se nga operacioni janë shoqëruar disa persona, të cilët pas verifikimeve janë lënë të lirë.

Sipas Balkanëeb, dy furgonët me forcat Shqiponja thuajse kanë krehur të gjitha lagjet e qytetit. Ende nuk dihet pse ky operacion blic po kryhet në këtë qytet dhe nëse ka dyshime se fshihen persona në kërkim. Deri tani nuk ka asnjë person të arrestuar.

The post Kë po kërkojnë? Policia e Elbasanit dhe “Shqiponjat” kontrolle në Gramsh appeared first on Albeu.com.

Shtetasi me iniciale R.M me detyrë efektiv policie në bashkëpunim me dy persona të tjerë ka goditur me sende të forta efektivin E.H, i cili ka marrë mjekim në spitalin e Elbasanit.

Mësohet se sherri ka ndodhur për motive të dobta.

Njoftim policie

Drejtori i Përgjithshëm i Policisë së Shtetit ka miratuar menjëherë pezullimin nga detyra, të 2 punonjësve të Policisë, shtetasve E. H. dhe R. M., punonjës policie të Patrullës së Përgjithshme, në Komisariatin e Elbasanit dhe në zbatim të rregullores së Policisë së Shtetit, Drejtoria e Standardeve Profesionale në Policinë e Shtetit, ka nisur hetimin disiplinor ndaj tyre, për shkelje të rëndë disiplinore. Procedimi disiplinor ka nisur krahas procedimit penal të nisur nga Prokuroria pranë Gjykatës së Rrethit Gjyqësor Elbasan.

Nga veprimet hetimore ka rezultuar se shtetasi E. H. është konfliktuar për motive të dobëta, me shtetasin R. M., 23 vjeç (punonjës policie, në Komisariatin e Elbasanit), gjatë kohës që të dy kanë qenë jashtë orarit të shërbimit.

Gjatë konfliktit, shtetasi R. M., në bashkëpunim me 2 shtetas të tjerë, ende të paidentifikuar, ka goditur me send të fortë, shtetasin E. H., i cili ka marrë mjekim në spitalin e Elbasanit dhe aktualisht ndodhet jashtë rrezikut për jetën.

Prokuroria pranë Gjykatës së Shkallës së Parë Elbasan, në bashkëpunim me Agjencinë e Mbikëqyrjes Policore, po kryen hetimet e mëtejshme për këtë rast, për veprën penale “Plagosja e lehtë me dashje”, kryer në bashkëpunim./albeu.com

The post U konfliktuan jashtë orarit të shërbimit, pezullohen dy policë në Elbasan appeared first on Albeu.com.

Dhunoi fizikisht dhe kanosi me armë zjarri, një shtetas, për dhënien e 3000 eurove, vihet në pranga 26-vjeçari.

Sekuestrohet automjeti që përdorte ky shtetas dhe 2 aparate celulare.

Strukturat hetimore dhe operacionale të DVP Elbasan, të mbështetura nga inteligjenca informative dhe si rezultat i provave të siguruara nga një hetim i ndjekur intensivisht dhe me metoda speciale proaktive, në bashkëpunim me Prokurorinë pranë Gjykatës së Rrethit Gjyqësor Elbasan, kanë organizuar dhe finalizuar operacionin policor të koduar “Shuma”.

Si rezultat i këtij operacioni, u kap dhe u ndalua shtetasi N. S., 26 vjeç, banues në Prrenjas, ndaj të cilit, Gjykata e Rrethit Gjyqësor Elbasan, me vendimin e datës 22.12.2022, ka caktuar masën e sigurisë “Arrest në burg”, për veprat penale “Shtrëngimi me anë të kanosjes ose dhunës për dhënien e pasurisë” dhe “Mbajtja pa leje e armëve, armëve shpërthyese dhe e municionit”.

Nga provat e siguruara si rezultat i hetimit me metoda proaktive, ka rezultuar se shtetasi N. S. ka shtrënguar duke e dhunuar fizikisht, si dhe ka kanosur me armë zjarri, një shtetas, për dhënien e një shume parash prej 3000 eurosh.

Në cilësinë e provës materiale, 26-vjeçarit iu sekuestruan automjeti që përdorte dhe 2 aparate celulare.

Materiale procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

The post Kërcënoi me armë një shtetas për t’ i dhënë 3 mijë euro, arrestohet 26 vjeçari në Elbasan appeared first on Albeu.com.

Pas një hetimi të gjatë nga policia dy shtetasve i janë sekuestruar 33.4 kg kanabis një pjesë arme zjarri, automjeti me të cilin transportonin lëndë narkotike dhe aparatet celulare.

Shtetasit S. I., 36 vjeç dhe E. I., 33 vjeç (vëllezër), banues në fshatin Trebel, Skrapar, do të procedohen për veprën penale “Prodhimi dhe shitja e narkotikëve”, kryer në bashkëpunim.

Njoftim policie

DVP Elbasan / Sekuestrohen 33.5 kg lëndë narkotike kanabis dhe municion luftarak.

Finalizohet, pas një hetimi intensiv proaktiv, operacioni policor i koduar “Presentation”.

Mbanin në automjet dhe në banesë, sasinë prej 33.5 kg lëndë narkotike kanabis, kapen në flagrancë dhe vihen në pranga 2 shtetas (vëllezër).

Të arrestuarve iu sekuestruan edhe një pjesë arme zjarri, automjeti me të cilin transportonin lëndë narkotike dhe aparatet celulare.

Specialistët e Seksionit për Hetimin e Narkotikëve, Seksionit të Forcës Operacionale të DVP Elbasan, komisariateve të Policisë Gramsh dhe Skrapar, në bashkëpunim me specialistët e AMP-së, në vijim të operacioneve të pandërprera për goditjen e veprimtarive kriminale në fushën e narkotikëve, kanë finalizuar, pas një hetimi intensiv proaktiv, në bashkëpunim me Prokurorinë pranë Gjykatës së Rrethit Gjyqësor Elbasan, operacionin policor të koduar “Presentation”.

Si rezultat i këtij operacioni janë arrestuar në flagrancë shtetasit:

-S. I., 36 vjeç dhe E. I., 33 vjeç (vëllezër), banues në fshatin Trebel, Skrapar, për veprën penale “Prodhimi dhe shitja e narkotikëve”, kryer në bashkëpunim.

Gjatë kontrollit të ushtruar në automjetin me të cilin lëviznin këta 2 shtetas dhe në banesën e tyre, u gjetën dhe sekuestruan në total, rreth 33.5 kg lëndë narkotike kanabis. Gjithashtu, të arrestuarve iu gjetën dhe iu sekuestruan automjeti me të cilin transportonin lëndë narkotike, një pjesë arme zjarri, municion luftarak dhe aparatet celulare.

Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet procedurale u referuan në Prokurori./albeu.com

The post Aksion në Elbasan, policia sekuestrohen 33.5 kg “bar” dhe municion luftarak, në pranga 2 vëllezër appeared first on Albeu.com.

Burime për Abc bëjnë me dije se e gjithë ngjarja ka ndodhur në një kohë që patrulla e policisë ka qenë në një distancë mjaft të shkurtër nga vendi ku ndodhi vrasja.

Lidhur me ngjarjen policia ka arrestuar Horgito Peqinin 18-vjeç, Klaudian Sallufin 33-vjecc dhe 18-vjeçarin Ejden Dino, dy të fundit akuzohen si bashkëpunëtorë në krim.

Pas ngjarjes i arrestuari i parë Ejden Dino ka deklaruar në polici, se para se të ndodhte vrasja ai, Horgito Peqini dhe Klaudin Sallufi kanë qenë duke konsumuar birra dhe lëndë narkotike, ndërsa kur janë larguar nga banesa Dino ka marrë në çantë një thikë ndërsa Peqini pistoletën, me të cilën kreu dhe krimin.

Në dëshminë e 18-vjeçarit Dino thuhet se e gjithë ngjarja ka ndodhur pas një përplasjeje banale mes Madrit Ulqinakut dhe Klaudian Sallufit, pasi ky i fundit e akuzoi se e kishte bërë pis.

Pas këtij momenti është afruar Peqini i cili ka nxjerrë pistoletën dhe ka qëlluar mbi Ulqinakun duke e lënë të vdekur.

Ndërkohë policia është duke hetuar në një tjetër pistë, pasi dyshohet se krimi mund të ketë ndodhur pas prishjes së pazareve të drogës mes të rinjve.

Ndërkohë burime për Abc bëjnë me dije se pas arrestimit të Horgito Ulqinakut policëve të Drejtorisë së Elbasanit ju është kthyer e drejta për të marrë lejen e zakonshme.

Sipas të njëjtave burime një ditë pas ngjarjes vetë Drejtori i përgjithshëm i Policisë së Shtetit me anë të një urdhëri të lëshuar gojarisht ka deklaruar se pa u mbyllur ngjarja, dhe pa u arrestuar autori i krimit të 17 gushtit, asnjë efektiv policie nuk do të merrte lejen e zakonshme.

The post Vrasja e Madrit Ulqinakut dhe arrestimi i Horgito Peqinit, rikthehen lejet e zakonshme për policët e Elbasanit appeared first on Albeu.com.

Të arretuarit po hetohën nga Prokuroria e Elbasanit edhe për spiunazh, veç akuzave të tjera që rëndojnë mbi ta.

Gjatë fazës hetimore ka rezultuar se në telefonat e tyre janë gjetur fotografi dhe materiale të tjera të bazave të tjera ushtarake në Shqipëri përveç asaj të Gramshit.

Sipas burimeve, këto materiale i përkasin periudhës së gushtit të këtij viti, materiale të cilat cënojnë sigurinë e vendit tonë.

Burime nga grupi hetimor bëjnë të ditur për ABC, se janë zbërthyer aparatet celulare të 3 shtetasve të huaj ku kanë gjetur shkëmbime informacioni dhe komunikime të dyshimta me persona të tjerë përmes aplikacioneve të ndryshme por kryesisht “Telegramit”.

Ndërsa sa u përket 4 shtetasve çekë, të kapur në rrethana të ngjashme në Poliçan, të njëjtat burime shprehen se në këtë fazë hetimi nuk është konstatuar asnjë lidhje me njëra-tjetrën.

Akuza e Elbasanit qëndron në krye të hetimeve ndërsa çështja do të vijojë të hetohet në Prokurorinë e Elbasanit dhe jo në Strukturën e Posaçme. Sa i përket kontakteve që kanë kryer këta shtetas me persona të tjerë, po bëhen verifikime për identifikimin e tyre dhe aktivitetit me të cilin merren./albeu.com/

The post “Telegrami”, akuzohen për spiunazh, zbulohet çfarë iu gjet rusëve dhe ukrainasit të kapur në Uzinën e Gramshit appeared first on Albeu.com.

Operacionet për kapjen e tij kanë qenë të njëpasnjëshme për muaj me radhë, por pa rezultat.

Sipas burimeve mësohet se vetëm pak ditë më parë forcat RENEA janë sinjalizuar se i shumëkërkuari Talo Çela fshihej në një banesë të një personazhi të njohur në qytetin e Peqinit, por edhe pas kontrollit të ushtruar aty kanë dalë sërish “duar boshë”.

Kjo ka bërë që të ketë një përplasje të ashpër mes drejtuesve të RENEA-s dhe drejtuesve të komisariatit të Peqinit, ku nuk kanë munguar as akuzat ndaj këtyre të fundit se kanë dekonspiruar informacionin.

I njëjti burim thekson se ka patur një përplasje mjaft të ashpër gati në përleshje fizike mes drejtuesve të RENEA-s dhe atyre të policisë së Peqinit, pasi i shkumërkuari është vënë në dijeni të operacionit dhe është larguar nga banesa.

The post Talo Çela fut “në sherr” RENEA-n me policinë e Peqinit appeared first on Albeu.com.

Një automjet ka alarmuar Drejtorinë e Policisë së Elbasanit mbrëmjen e së enjtes. Burime për Abc bëjnë me dije se automjeti me targa B680AB është shpallur në kërkim, dhe po kërkohet në çdo cep të qarkut të Elbasanit, pasi nga të dhënat e policisë dyshohet se me të lëvizin persona me rrezikshmëri të lartë.

Fillimisht mjetit i është bërë me shenjë nga një patrullë policie që të ndalojë në hyrje të qytetit të Librazhdit, por makina nuk ka ndaluar dhe ka filluar lëvizjen në drejtim të qytetit të Elbasanit.

Menjëherë forcat e policisë së Librazhdit kanë njoftuar Drejtorinë e Policisë së Elbasanit, e cila ka angazhuar menjëherë dy patrulla policie të cilat i kanë kërkuar sërish mjetit që të ndalojë, por është përsëritur e njëjta situatë, pasi makina nuk ka ndaluar.

Menjëherë janë angazhuar të gjitha forcat operacionale të Elbasanit, por pavarësisht angazhimit maksimal nuk ka qenë i mundur ndalimi dhe kapja e personave që udhëtojmë me këtë automjet.

The post “Lëvizin persona me rrezikshmëri të lartë”, makina nuk i ndalet patrullës, ngre në këmbë policinë e Elbasanit appeared first on Albeu.com.

Burimet mësojnë se kontrollet kanë nisur që në orët të mëngjesit, ndërsa kontrollet janë kryer në banesa, biznese të këtij qyteti.

Elbasani nuk ka gjetur qetësi këto ditë. Mbrëmjen e djeshme forcat ‘Shqiponja’ rrethuan zonën duke bërë kontroll në hyrje-dalje të qytetit, duke vendosur postoblloqe në ‘Rrethrrotullimin e Luleve’, vend në të cilin u vra Emiljano Ramazani, nja nga ngjarjet që rëndon në shpinën e dy të penduarve të drejtësisë.

Kontrolle u zhvilluan edhe mbrëmjen e 20 majit e një ditë më parë në disa qytete të Shqipërisë, si Fieri, Shkodra, Vlora e Durrësi.

Pas rrëfimeve të bëra para hetuesëve të SPAK, Policia ka marrë në mbrojtje familjet e Nuredin Dumanit dhe të Henrik Hoxhës, pasi i druhen një hakmarrjeje të mundshme me bërjen e tyre “bashkëpunëtorë të drejtësisë”. Me rrëfimet, ata kanë zbardhur dhjetëra ngjarje që kanë ndodhur dekadën e fundit, duke vënë nën akuzë 32 persona, por vetëm 19 janë vendosur në pranga. Vetë Nuredin Dumani, akuzohet për 17 vepra të rënda penale, pasi ai vijon të mbahet ende në spitalin e burgut, jo vetëm për të evituar përballjen me të burgosurit e tjerë, por edhe se ende merr kurim për plumbin e marrë një muaj më parë./albeu.com

The post Aksion në Elbasan, policia dhe RENEA , kontrolle në banesa e biznese appeared first on Albeu.com.