Formacionet zyrtare janë publikuar, ndërsa dardanët synojnë pjesëmarrjen e parë historike në Botëror. Miqtë kanë emra të frikshëm në fushë si Çalhanollu, Jilldiz dhe Gyler. Megjithatë, Kosova ka treguar se di të befasojë.

Në sulm qëndrojnë Fisnik Asllani dhe Vedat Muriqi, që shfaqen si rreziku kryesor. Në dy sfidat e mëparshme, Turqia ka fituar duke shënuar gjashtë gola kundrejt një që mban firmën e Kosovës.

FORMACIONET ZYRTARE

Kosova: Muriç; Dellova, Hajrizi, Hajdari, Gallapeni, Vojvoda, Hoxha, Rexhbeçaj, Muslija, Muriqi, Asllani

Trajner: Franko Foda

Turqia: Çakir; Kabak, Bardakçi, Kadioglu, Celik, Calhanoglu, Juksek, Jilldiz, Gyler, Kokçu, Akturkoglu

Trajner: Vinçenzo Montela

The post KOSOVË-TURQI/ Atmosferë elektrizuese, nis finalja historike në stadiumin “Fadil Vokrri” appeared first on Albeu.com.

Kuqezinjtë do të kenë rrugëtim të vështirë, por jo të pamundur. Në një intervistë të dhënë për mediat braziliane, trajneri Silvinjo ka folur për sfidën e 26 marsit kundër Polonisë dhe për objektivin e kuqezinjve. Ai është besimplotë se Shqipëria mund të arrijë që të marrë një fitore të madhe dhe mund të kualifikohet në Botëror, duke marrë shembull fitoren e arritur në Serbi.

Unë mendoj se është një nga më të mirët, me një CV të lakmueshme. Ka kaluar nëpër klubet më të mëdha. E shoh që flet shumë mirë portugalisht. Natyrisht, nëse shkoj në Botëror me Shqipërinë sepse kemi një “playoff” përpara dhe kemi tre muaj që punojmë, nuk është e lehtë. Por nëse shkojmë, e njoh mirë: është një trajner shumë i mirë, me përvojë, me menaxhim shumë të mirë dhe shumë i qetë. Më pëlqen shumë ta shoh dhe intervistat e tij. Jam i kënaqur dhe shpresoj për një Botëror të mirë.

Fitorja në Serbi mund të jetë ndër më të rëndësishmet në histori, sepse ju afron me Botërorin, që është një nivel tjetër. A mendon se ajo fitore në Serbi ju jep shpresë për të mundur edhe Poloninë dhe kundërshtarët e tjerë?

Mund të bësh një përmbledhje të punës që keni bërë me kombëtaren?

Është një projekt trevjeçar. Pas eksperiencës me Brazilin si asistent, kuptova që duhet të jetoj dhe punoj brenda vendit. Jetojmë në Tiranë, me stafin ku përfshihet edhe Pablo Zabaleta. Kemi ndërtuar një ekip të organizuar, me lojtarë teknikë që duan futbollin dhe uajnë me pasion. Kemi rezultate të mira dhe një grup shumë të fortë.

Sa e vështirë është kjo rrugë drejt Botërorit?

Është e vështirë, por jo e pamundur. Do të luftojmë për gjithçka, për veten, për vendin dhe për tifozët. Në 90 minuta mund të ndodhë gjithçka. Polonia është shumë e fortë, jo vetëm Levandovski, por edhe lojtarë të tjerë. Por ne do të provojmë.

Si e përjetuat fitoren në Serbi dhe si u prit në Shqipëri?

U përgatitëm shumë mirë, edhe duke kuptuar kontekstin jashtë futbollit. Donim që gjithçka të mbetej futboll. Pas fitores, pati një reagim shumë të madh. Lojtarët dhe stafi ishin shumë të lumtur. Ishte e vetmja mënyrë për të arritur në “playoff”. Edhe drejtuesit e federatës dhe figura të tjera na uruan. Ishte një fitore shumë e bukur.

A i di kundërshtarët nëse kualifikoheni në Botëror?

Nuk i njoh plotësisht, por e di që janë Holanda, Tunizia dhe Japonia.

Kjo do të thotë që ke shpresë reale për kualifikim, apo jo?

Po, sepse e kemi ndjekur shortin dhe e dimë çfarë na pret. Nuk është e lehtë, por nuk është e pamundur. Kemi respektin e kundërshtarëve dhe lojtarët tanë luajnë në liga të mira. Do të përpiqemi maksimalisht.

Nga ndeshjet e Euro-s, Shqipëria ishte ajo që i krijoi më shumë probleme Spanjës. Si e përjetove atë ndeshje?

Po, është e vërtetë. Ishte një ndeshje shumë e mirë, ashtu si edhe ajo kundër Kroacisë (2-2). Kundër Spanjës donim të qëndronim në lojë sa më gjatë dhe të provonim të fitonim. Por pasi pësuam gol, u vështirësua gjithçka. Megjithatë, ekipi nuk humbi kontrollin. Sepse nëse sulmon pa mend kundër një ekipi të tillë, mund të pësosh shumë gola shpejt.

A mendon se ajo ndeshje mund t’ju ndihmojë kundër Polonisë?

Po, patjetër. Ajo përvojë do të na shërbejë për ndeshjet e ardhshme.

Në “playoff”-e ndodhin shpesh surpriza. Pse jo Shqipëria në Botëror?

Shpresojmë! Do të japim maksimumin e do të luftojmë për këtë objektiv.

The post Silvinjo flet për “play-off”-in dhe Botërorin: Luftojmë për vendin e tifozët, asgjë e pamundur, fitorja në Serbi na motivon appeared first on Albeu.com.

Skorupski ka nisur tashmë trajtimin dhe parashikohet të mungojë për 6 deri në 8 javë, duke lënë praktikisht të mbyllur sezonin e tij.

Në mungesë të portierit polak, në ndeshjet e ardhshme, do të jetë Federico Ravaglia ai që do të mbrojë portën e ekipit emilian.

Në këtë mënyrë, Skorupski do të humbasë ndeshjen ndaj Shqipërisë, që është e vlefshme për fazën Play Off të Kupës së Botës.

The post Skorupski humbet ndeshjen ndaj Shqipërisë për Play Off-in e Botërorit appeared first on Albeu.com.

Fillimisht, Shqipëria do të përballet me Poloninë në datën 26 mars në Varshavë dhe duhet një fitore historike, për të pasur mundësi që të luajmë në finalen e madhe kundër fituesit të çiftit Ukrainë-Suedi, sfidë që do të luhet në Stokholm ose Spanjë.

TAKIMET E SILVINJOS- Trajneri brazilian është rikthyer prej javësh në Tiranë dhe ka nisur përgatitjet për këtë rrugëtim. Krahas vëzhgimit të lojtarëve të Kombëtares që mund të jenë pjesë e skuadrës në “Play Off”, Silvinjo dhe stafi i tij po studiojnë edhe rivalët me të cilët do të përballemi.

Trajneri i Kombëtares së bashku me ndihmësit e tij Doriva dhe Ervin Bulku, kanë zhvilluar gjatë kësaj jave një vizitë pune në Turqi, me qëllim ndjekjen nga afër të disa futbollistëve të ekipit kombëtar që aktivizohen në kampionatin turk.

Stafi teknik kuqezi ishte fillimisht i pranishëm në stadium për sfidën e Kupës së Turqisë mes Bashakshehirit dhe Trabzonsporit.

Gjatë kësaj ndeshjeje, trajneri Silvinjo dhe bashkëpunëtorët e tij vëzhguan nga afër performancën e sulmuesit të kombëtares, Ernest Muçi, i cili u aktivizua si titullar dhe qëndroi në fushën e lojës për të gjitha 90 minutat duke dhënë gjithashtu 2 asiste në fitoren 2-4.

Vizita e stafit vazhdoi edhe një ditë më pas, ku ata ndoqën nga tribuna një tjetër përballje të kupës, atë mes Beshiktashit dhe Rizesporit.

Në këtë takim, mesfushori Kristjan Asllani u aktivizua për skuadrën e bardhezi, duke hyrë në lojë nga stoli në minutën e 78-të.

Ndërkohë, mesfushori tjetër i kombëtares, Qazim Laçi, pjesë e Rizesporit, nuk u aktivizua dhe e ndoqi takimin nga stoli.

Pak ditë më parë, stafi teknik i Kombëtarja e Shqipërisë zhvilloi një vizitë pune në Itali, në kuadër të monitorimit të futbollistëve kuqezi që aktivizohen në kampionatet europiane.

Vëmendja kryesore ishte përqendruar te përballja e Serie A mes Lazio dhe Atalanta, ku luajnë dy nga shtyllat e përfaqësueses shqiptare, Elseid Hysaj dhe Berat Gjimshiti. Mbrojtësi shkodran i Lazios nuk po kalon një moment shumë pozitiv te skuadra e tij, ndërsa mësohet se takimi mes stafit të Kombëtares dhe futbollistit është zhvilluar disa ditë më parë në Tiranë.

Ndërkohë, me kapitenin Gjimshiti, stafi teknik ka zhvilluar një takim në Itali. Përtej ndjekjes së ndeshjes nga tribuna, përfaqësuesit e stafit teknik kanë zhvilluar edhe biseda të drejtpërdrejta me lojtarët. Gjatë këtyre takimeve janë diskutuar jo vetëm sfidat e muajit mars, por edhe forma dhe gjendja aktuale e futbollistëve në klubet e tyre.

Kjo vizitë në Turqi është pjesë e strategjisë së stafit teknik të kombëtares për të monitoruar nga afër gjendjen dhe formën e lojtarëve shqiptarë që aktivizohen jashtë vendit.

Përmes kontakteve dhe vëzhgimeve në stadium, trajneri Silvinjo synon të ketë një panoramë sa më të qartë mbi formën e futbollistëve përpara sfidave të ardhshme ndërkombëtare.

SITUATA ME DËMTIMET- Armando Broja është shumë pranë konfirmimit për të qenë mungesa e madhe e ndeshjeve “Play Off” duke qenë se prej javësh është jashtë skuadrës së Bërnleit si shkak i dëmtimit të pësuar, i cili vazhdon të mbetet enigmë dhe ende nuk është e qartë se për çfarë dëmtimi bëhet fjalë.

Sakaq, jashtë vazhdon të jetë edhe Medon Berisha i cili prej muajsh është i dëmtuar me Leçen duke munguar për disa ndeshje dhe pritet që të rikthehet në fushë në javën e parë të muajit prill. Ndërkohë, së fundmi edhe Simon Simoni është raportuar i dëmtuar dhe nuk dihet sa do të mungojë.

The post Silvinjo mendon për listën, trajneri i Kombëtares po vijon punën për “play off”-in dhe përfundon në… appeared first on Albeu.com.

Skuadra e drejtuar nga Alvaro Arbeloa, do të ndeshet me Benficën për një vend në 1/8-at e kompeticionit, në një duel që premton tension, emocione dhe kujtime të freskëta për tifozët madrilenë.

Ndeshja e parë do të luhet në Lisbonë, në stadiumin “Da Luz”, ndërsa vendimtarja do të zhvillohet në “Santiago Bernabéu”, ku Reali synon të përfitojë nga avantazhi i kthimit në shtëpi.

Për Mbappe dhe shokët e tij, kjo transfertë nuk është thjesht një udhëtim europian: është një rikthim në një stadium ku Reali përjetoi një nga mbrëmjet më të dhimbshme të fazës së ligës.

Humbja 4-2 ndaj Benficës dhe goli dramatik i portierit Trubin në minutën e 98-të mbeten ende të gjalla në kujtesën e tifozëve “blancos”, pasi ajo disfatë ndikoi drejtpërdrejt në faktin që madrilenët nuk siguruan kualifikimin direkt në 1/8-at.

Sfida sjell edhe një element tjetër që e rrit temperaturën: rikthimin e José Mourinhos në “Santiago Bernabéu”.

Për trajnerin portugez, kjo do të jetë vizita e parë në stadiumin madrilen pas periudhës kur ai ishte protagonist në pankinën e Realit nga 2010 deri më 2013.

Një rikthim që pritet të shoqërohet me atmosferë të ndezur, për shkak të marrëdhënies së veçantë që “Special One” ka lënë pas në Madrid.

Real Madridi hyn në këtë përballje me një objektiv të qartë: të marrë revanshin për humbjen e fundit dhe të sigurojë kualifikimin në raundin tjetër, duke u mbështetur te përvoja europiane dhe ndeshja e kthimit në shtëpi.

Nga ana tjetër, Benfica do të kërkojë të përsërisë suksesin, duke besuar se mund të bëjë sërish “mrekullinë” përballë një prej favoritëve të turneut.

The post Real kërkon hakmarrjen ndaj Mourinhos, sfida e Play Off premton spektakël appeared first on Albeu.com.

Kampionët e Kosovës do të sfidojnë sllovenët e Celjes, ndërsa Shkëndija mat forcat me Samsunspor.

Drita evitoi përballjen me holandezët e AZ Alkmar, megjithatë Celje mbetet një kockë e forte, pasi po zhvillon një sezon shumë të mirë duke dominuar kampionatin slloven.

Në anën tjetër, Shkëndija sfidon klubin turk pasi goglat nuk e vendosën përballë Lek Poznan. Italianët e Fiorentinës ndërkohë do të përballen me skuadrën që eleminoi Dinamon nga ky kompeticion, polakët e Jagiellonas.

Ndeshjet e para do të luhen më 19 shkurt. Fati vuloset më 26 shkurt në ndeshjen e kthimit.

Jagiellonia – Fiorentina

Omonoia – Rijeka

Noah – AZ Alkmar

Drita – Celje

KuPS Kuopio – Lek Poznan

Shkëndija – Samsunspor

Zrinjski – Kristal Palas

Sigma Olomuc – Luzan-Sport

The post Conference League/ Hidhet shorti i “play-off”, Shkëndija dhe Drita mësojnë rivalët appeared first on Albeu.com.

Viti 2025, nuk nisi në mënyrën më të mirë të mundshme, duke qenë se Shqipëria vinte nga një dështim në Ligën e Kombeve dhe në fakt, duke parë paraqitjet që janë bërë asokohe dhe duke e lidhur me shortin që kishte Shqipëria, nuk pritej me shumë optimizëm një sukses i tillë.

Por, kuqezinjtë ia dolën që të realizojnë gjysmën e ëndrrës së madhe që kemi të gjithë, pasi në muajin mars do të tentojmë për herë të parë të luajmë në Kupën e Botës, por për të bërë këtë duhet të fitojmë 2 ndeshje që janë sigurisht 2 ndeshjet më të rëndësishme në histori.

NGA ANGLIA TE ANGLIA Shqipëria e nisi rrugëtimin e saj me një transfertë shumë të vështirë në Angli, aty ku në Uembli i duhej mrekullia për të synuar kualifikimin. Por, duke qenë të qartë se kë kishim përballë, nuk mund të pritej shumë e në fakt Anglia e fitoi ndeshjen megjithëse jo pa vuajte. Kuqezinjtë bënë një ndeshje shumë të mirë në Angli pavarësisht se u mundën. Në ndeshjen e dytë, kuqezinjtë bënë atë që duhej të bënin duke fituar me Andorrën në shtëpi me rezultatin 3-0. E në fakt, Anglia ishte skuadra e vetme që na mundi në këto kualifikuese dhe diçka të tillë e bëri edhe pak muaj më parë, në ndeshjen e fundit kualifikuese por që për asnjërën nga skuadrat nuk pati shumë vlerë sepse objektivat ishin arritur dhe ajo sfidë, u kthye në miqësore luksi. Kështu, Anglia na dha fat në ndeshjen e parë për të siguruar vendin e dytë në grup dhe për të na ndihmuar edhe më shumë, “3 luanët” fituan ndeshjen në Londër kundër Serbisë, e cila me kombinimin e fitores së Shqipërisë në Andorra, na solli matematikisht kualifikimin si vendi i dytë në grup, arritje kjo të cilën Shqipëria gjithmonë e ka pasur ëndërr dhe vetëm i është afruar pa e arritur kurrë më parë. Natyrisht kuqezinjtë kishin një rrugëtim të vështirë, me histori e dështime por në fund, ndeshja në Tiranë ishte festë.

FITORJA NË SERBI Shqipëria luajti në qershor kundër Serbisë në Tiranë dhe një penallti e humbur nga Rei Manaj, u komentua gjatë dhe u mendua për shumë muaj se do të ishte momenti që do të mbetej peng në kujtimet e të gjithëve. Por, Rei Manaj diti të bënte mirë, diti të ndryshonte historinë dhe në tetor e bëri diçka të tillë pikërisht në Leskovcin shqiptar, tokën që ndër shekuj ka frymuar kuqezi. Në sekondat e fundit të pjesës së parë, Manaj bën një goditje të bukur nga jashtë zone, për ta çuar topin në rrjetë e duke i dhënë Shqipërisë një fitore historike, të madhe dhe natyrisht me shumë vlera për vetë objektivin që kuqezinjtë kishin. Ai 3 pikësh, e shkëputi skuadrën tonë në vendin e parë dhë nëse deri atë ditë, kualifikimi nuk varej nga ne, goli i Manajt e ndryshoi historinë e kualifikueseve dhe bëri që Shqipëria të vendoste vetë për fatin e saj. Minutat në vazhdim, po flisnin vetëm për Shqipërinë dhe çdo minutë që kalonte, e afronte skuadrën tonë me historinë dhe kështu, më 11 tetor, Shqipëria mori fitoren e parë në histori kundër Serbisë në fushën e blertë, duke qenë se një fitore më parë e pat arritur në vitin 2014, kur Ballist Morina arriti të ngrinte dronin mbi stadium.

KUALIFIKIMI PËR HERË TË PARË Fitorja në Serbi, i hapi rrugë Shqipërisë për të synuar seriozisht vendin e dytë dhe kuqezinjtë e dinin mirë se për ta bërë, duhej patjetër fitore në Andorra. Dhe në fakt, kështu ndodhi. Goli i shënuar nga Kristjan Asllani në atë sfidë, e kualifikoi Shqipërinë, ndërkohë që Serbia nga ana tjetër po mundej në Londër nga Anglia, duke e bërë më të lehtë për skuadrën tonë sepse një rezultat tjetër në Londër, do të linte gjithçka të hapur për ndeshjen e fundit, aty ku Serbia do të priste Letoninë e ne do të përballeshim me Anglinë. Fitorja jonë në Andorra, na çoi në kuotën e 14 pikëve dhe për herë të parë në histori, arritëm që të kualifikohemi në “Play Off” të Kupës së Botës”. Pak javë më parë, u hodh edhe shorti për këtë fazë, ku goglat vendosën Shqipërinë përballë Polonisë dhe fakti që ne jemi në vazon e tretë, e lejon Poloninë që të jetë pritëse teksa për finalen ishte me short. Shqipëria përballet me fituesin e çiftit Ukrainë-Suedi dhe sërish, kuqezinjtë do të përballen në transfertë. Kështu, nëse Suedia arrin të fitojë, finalja do të luhet në Suedi, ndërsa Ukraina ka zgjedhur t’i luajnë në Spanjë ndeshjet e saj.

REKORDET Shqipëria pati një vit fantastik dhe pësoi vetëm 2 humbje, aty ku kuqezinjtë u mundën vetëm nga Anglia në ndeshjen e parë në mars dhe në ndeshjen e fundit në nëntor. Në këtë periudhë mes marsit dhe dhjetorit, kuqezinjtë ishin thuajse perfektë dhe nuk humbën asnjë ndeshje tjetër. Rezultati më zhgënjyes, natyrisht ishte barazimi 1-1 që Shqipëria mori në Letoni, aty ku duke parë nivelin e kundërshtarit, pritej një fitore nga skuadra jonë Kombëtare. Por, pas asaj ndeshjeje Shqipëria nuk po pësonte më gola dhe arriti të merrte edhe barazim me Serbinë. Kjo sfidë me serbët, u pasua më vonë nga 5 fitore radhazi nga skuadra jonë kuqezi. Fitorja e parë në këtë ecuri rekord për Shqipërinë, erdhi në datën 4 shtator në një miqësore me Gjibraltarin, ku skuadra jonë vuajti, nuk bindi por fitoi me rezultatin e ngushtë 0-1. Pak ditë më parë, kuqezinjtë luajtën në Tiranë me Letoninë dhe sërish fituan me rezultatin 1-0, në një ndeshje pa shkëlqim dhe ku në fakt, vendosi një penallti pasi loja nuk ishte shumë bindëse. Te Kombëtarja dukeshin të kënaqur dhe pas ndeshjeve, shpreheshin se në këtë moment, rëndësi kishin pikët dhe loja e bukur e në fakt, diçka e tillë rezultoi të ishte e rëndësishme. Fitorja me Letoninë u pasua një muaj më vonë nga fitorja në Serbi me rezultatin 0-1, ku për skuadrën tonë ishte ndoshta ndeshja më e mirë që kishte bërë në kualifikuese. Fitoren e katërt radhazi, Shqipëria e mori në miqësore ndaj Jordanisë, aty ku shënoi 4 herë por pësoi 2 gola, ndërkohë që fitorja e pestë radhazi dhe natyrisht shumë e rëndësishme erdhi në nëntor, ku Shqipëria fitoi ndaj Andorrës me rezultatin 0-1. Asnjëherë më parë Shqipëria nuk kishte arritur që të fitonte 5 ndeshje radhazi dhe natyrisht kjo ishte një tjetër arritje në vitin 2025 për kuqezinjtë.

HYSAJ KALON CANËN Elseid Hysaj e kishte vitin 2025 një ndër vitet më të veçanta në aspektin personal për sa i përket Kombëtares. Mbrojtësi shkodran u bë këtë vit futbollisti me më shumë ndeshje për Shqipërinë, duke thyer rekordin absolut që Lorik Cana mbante prej vitesh. Në ndeshjen me Serbinë, ku Shqipëria fitoi 0-1, Hysaj luajti ndeshjet e tij numër 93, duke arritur kështu rekordin e ishkapitenit kuqezi, ndërkohë që vetëm pak ditë më vonë e theu këtë rekord. Në ndeshjen me Jordaninë në Tiranë, Hysaj luajti ndeshjen e 94-ët, e cila ishte edhe zyrtarisht ndeshja që vuri rekordin e ri ndërkohë që vetëm pak javë më vonë, e thelloi këtë rekord pasi luajti edhe me Andorrën në transfertë dhe pak minuta me Anglinë në shtëpi para se të dëmtohej. Kështu, Hysaj e mbylli vitin 2025 në kuotën e 96 ndeshjeve, duke qenë absolutisht futbollisti me numrin më të lartë të ndeshjeve që ka zhvilluar me fanellën kuqezi. Ndryshe nga Cana që ka luajtur vetëm në një Europian, Hysaj ishte pjesë e Shqipërisë edhe në Europianin e vitit të shkuar, si edhe pjesë e historisë për kualifikimin në “Play Off”. Megjithëse te Lacio nuk po kalon momentin më të mirë, te Kombëtarja ka pasur ecuri fantastike dhe ka ditur të bëjë mirë e të jetë protagonist sa herë që i është kërkuar, duke kontribuuar jo pak.

RENDITJA E FIFA-s Fitoret që Shqipëria arriti të merrte në kualifikueset e Botërorit, u pasqyruan edhe në renditjen e FIFA-s, aty ku kuqezinjtë u ngjitën disa herë në klasifikim. Kështu, Shqipëria në muajin mars humbi një vend në klasifikim dhe e shihte veten në vendin e 66 të klasifikimit të përgjithshëm të FIFA-s, teksa kjo zbritje u pasua edhe në muajt në vazhdim, ku ndikuan barazimi me Letoninë dhe ai me Serbinë. Në korrik, Shqipëria humbi 2 pozicione të tjera dhe e shihte veten në vendin e 68- të dhe dukej se makthi nuk po merrte fund. Por, në shtator Shqipëria rikuperoi 2 vende dhe u rikthye sërish në vendin e 66-të të klasifikimit të përgjithshëm. Në muajin tetor, kuqezinjtë ishin për rekord duke rikuperuar plot 5 vende dhe për herë të parë për këtë vit, u rendit në vendin e 61 të klasifikimit të përgjithshëm. Humbja me Anglinë ndikoi për klasifikimin e fundit dhe Shqipëria humbi dy pozicione të tjera dhe e mbylli vitin në vendin e 63-të të klasifikimit të përgjithshëm të FIFA-s. Rekordin absolut për klasifikimin në FIFA, Shqipëria e ka në vitin 2015, kur për herë të parë në histori, Shqipëria e shihte veten të renditur në vendin e 36, si kurrë më parë ndonjëherë.

DEBUTIMET Silvinjo e ka treguar shpesh herë që nuk ka shumë besim te të rinjtë dhe i qëndron besnik lojtarëve që kanë kontribuuar më shumë te Shqipëria. Por, përtej kësaj, Shqipëria kishte edhe debutime në vitin 2025 megjithëse nuk ishin të shumta. Simon Simoni ishte portieri që debutoi këtë vit me Shqipërinë, ndërkohë që të njëjtin fat kishin edhe Pajaziti, Cake e Gripshi me këta dy të fundit që iu desh të prisnin vetëm fundin e vitit për të marrë minutat e para. Në mars debutoi Shehu që ishte edhe një nga lojtarët me më shumë paraqitje që nga debutimi i tij dhe luajti titullar thuajse në të gjitha ndeshjet e kuqezinjve, si në zyrtare, ashtu edhe në ato miqësore. Të tjerë debutues në vitin 2025 me fanellën e Shqipërisë, ishin edhe Maldini Kacurri dhe Kristian Shpendi, të cilët luajtën së bashku në një ndeshje miqësore me Gjibraltarin në muajin shtator.

RINOVIMI I SILVINJOS Kontrata e trajnerit të Kombëtares, Silvinjo përfundonte në muajin dhjetor. Por, kualifikimi për në “Play Off” të Kupës së Botës, bëri që kontrata e trajnerit të Kombëtares të shtyhej për më tej. Kështu, palët kanë arritur akord për të rinovuar kontratën duke e bërë të vlefshme deri në fundin e muajit, mars kur edhe do të luhen dy ndeshjet e fundit të këtij rrugëtimi historik. Nëse Shqipëria arrin të kualifikohet, atëherë kontrata e trajnerit brazilian do të rinovohet automatikisht për në vazhdim të Botërorit dhe vetëm pas përfundimit, do të vendoset përfundimisht për të ardhmen e tij. Nëse rrugëtimi i Shqipërisë përfundon në mars, edhe kontrata e Silvinjos skadon por kjo nuk do të thotë se trajneri do të jetë zyrtarisht i larguar. Me shumë gjasa, palët do të ulen sërish për të diskutuar për të ardhmen dhe dëshira e të dyja palëve, duket se është që të vazhdojë bashkëpunimi edhe për më tej, ku Shqipëria do të ketë provën e madhe për të tentuar sërish Europianin dhe ndoshta edhe për të shkruar histori të reja.

ÇMIMET E BILETAVE Një nga gjërat negative të 2025 për tifozët shqiptarë, natyrisht që kanë qenë çmimet e biletave për kualifikueset e Botërorit. Përveç faktit që ishte shumë e vështirë të gjendeshin bileta dhe se shumica e tyre po shiteshin në treg të zi, një tjetër problem ishin çmimet e shtrenjta nga vetë Federata. Kështu, shumë tifozë mbetën pa biletë jo vetëm për faktin se nuk po i gjenin, por edhe për koston e lartë që kishte për xhepin e tifozëve pasi çmimet ishin relativisht të larta, sidomos për ndeshjet e rëndësishme apo edhe për Anglinë në fund.

The post Shqipëria në histori/ Nga fitorja në Serbi te shanset me Poloninë për Botërorin, 2025 në shifra e fakte appeared first on Albeu.com.

Nëse kuqezinjtë arrijnë të fitojnë sfidën e parë në Varshavë, atëherë do të kenë përballë fituesin e çiftit Ukrainë-Suedi.

Natyrisht që për Shqipërinë, do të jetë një rrugëtim i vështirë duke parë edhe emrat që Shqipëria ka përballë, por shorti mund të ishte treguar edhe më i ashpër me kuqezinjtë, pasi janë shmangur emra si Turqia apo Italia që mund të kishim në një finale të mundshme.

Gjithsesi, nëse shohim emrat dhe vlerat e kundërshtarëve të Shqipërisë, bëhet fjalë për skuadra shumë më të forta se skuadra jonë Kombëtare, megjithatë kuqezinjtë kanë treguar shpesh herë se ndaj skuadrave me emër, dinë të luajnë futboll dhe madje të bindin. Kështu, diçka të tillë duhet ta vërtetojnë edhe një herë tjetër në ndeshjen e 26 marsit.

VLERAT- Shqipëria nuk ka pasur shumë ndryshime në listën e lojtarëve, duke grumbulluar thuajse të njëjtët futbollistë në të gjitha kualifikueset e Botërorit. Kështu, vlera e kuqezinjve sipas “Transfermarkt”, arrin në 88 milionë euro duke qenë njëkohësisht një nga vlerat më të ulëta të 16 skuadrave të kualifikuara për në “Play Off”.

Nga lojtarët që Silvinjo ka grumbulluar në këtë fushatë kualifikuese, Armando Broja është futbollisti me vlerën më të lartë në treg. Sulmuesi që aktivizohet me Bërnlein, e ka vlerën e kartonit të tij 14 milionë euro, ndërkohë që ndiqet në vendin e dytë nga Kristjan Asllani me vblerën 13 milionë euro. Sulmuesi Mirlind Daku renditet i treti, vlera e të cilit ka arritur në 10 miulionë euro ndërkohë që 7 milionë euro është vlera e Uzunit. “Top 5” mbyllet me Berat Gjimshitin dhe Ardian Ismajlin, vlera e të cilëve arrin në 6 milionë euro.

RIVALËT- Në ndeshjen e parë, Shqipëria do të ketë përballë Poloninë, kundërshtar të cilin e njeh mirë duke qenë se në ndeshjet e fundit është përballur shpesh me të. Veç eliminatoreve të Botërorit të shkuar, Shqipëria e kishte Poloninë edhe në grupin e kualifikueseve të Europianit ku mori një fitore që e ndihmoi jo pak për të shkuar në Europian. Sipas “Transfermarkt”, vlera e Polonisë është 166 milionë euro, thuajse dyfishi i vlerës së Shqipërisë.

Lojtari më i shtrenjtë për skuadrën polake, është mbrojtësi i Aston Vijës, Mati Kash, vlera e të cilit arrin në plot 25 milionë euro. Të njëjtën vlerë, ka edhe qendërmbrojtësi Kivior që aktivizohet me skuadrën e Portos. Ndërkohë, në “Top 5” e Polonisë, renditen edhe Zalevski me 17 milionë euro vlerë, e mbyllet me Zymanskin e Grabaran me nga 14 milionë euro.

Vlerë të lartë ka edhe Ukraina me Suedinë, sidomos këta të fundit. Vlera e Ukrainës sipas “transfermarkt”, arrin në 274 milionë euro, ndërsa Suedia është ndër skuadrat me vlerën më të lartë, që kap shifrën e 517 milionë eurove.

KOSOVA- Dardanët kanë aktualisht vlerë më të lartë se kuqezinjtë. Skuadra e Kosovës kap vlerën e 131 milionë eurove dhe kushton vetëm 8 milionë euro më pak se Sllovakia, rivalja e saj në gjysmëfinale. Lojtari më i shtrenjtë i Kosovës, është sulmuesi i Juventusit Edon Zhegrova, kartoni i të cilit arrin në 25 milionë euro dhe ndiqet nga Fisnik Asllani me vlerë 18 milionë euro. Pesëshja më e shtrenjtë, mbyllet me Amir Rrahmanin, Albian Hajdarin dhe Leon Avduallahun, të cilët kushtojnë nga 12 milionë euro. Dy të fundit, u afruan rishtazi te Kosova pasi vendosën që të largoheshin nga Zvicra.

SKUADRAT MË TË LIRA- Shqipëria renditet e katërta si skuadra me vlerën më të ulët në “Play Off”, ndërkohë që vendin e parë e mban Maqedonia e Veriut. Kualifikimi i tyre ka ardhur për shkak të Ligës së Kombeve ndërkohë që në kualifikuese morën rezultate surprizë duke barazuar me Belgjikën, por edhe duke u turpëruar nga Uellsi. Vlera e Maqedonisë arrin në 38 milionë euro, e ndjekur nga Irlanda e Veriut me vlerë 82 milionë euro e më pas nga Rumania me vlerë 86 milionë euro. TOP 5- Italia është padyshim skuadra me vlerën më të lartë në “Transfermarkt”, nga të gjitha skuadrat e kualifikuara në “Play Off”, vlera e të cilëve arrin në 846 milionë euro. Në vendin e dytë është Suedia me 517 milionë euro, e ndjekur nga Danimarka me 399 milionë euro e më pas Turqia me 337 milionë. Vendin e pestë, e mban Ukraina, vlera e së cilës arrin në 274 milionë euro.

The post Kualifikimi në Botëror/ Shqipëria “kërcënon” të pasurit, por Kosova na parakalon appeared first on Albeu.com.

Kuqezinjtë dhe “dardanët” janë pjesë e vazos së tretë, ndërsa do të përballen me një ekip nga vazo e dytë.

Pas hedhjes së goglave, u vendos që kundërshtarja e Shqipërisë të jetë Polonia.

The post HIDHET SHORTI/ Ja kundërshtari i Shqipërisë që vendosën goglat për “Play-Off” (VIDEO) appeared first on Albeu.com.

Në anën tjetër, fakt është se më 5 dhjetor në Uashington do të hidhet shorti i FIFA-s. Janë dy skenare, që aktualisht po trazojnë rrjetin pasi 6 përfaqësuese mbeten të pakonfirmuara.

Në bazë të renditjes së FIFA-s janë ndarë edhe vazot deri tani. Ka dy skenare. I pari, akoma i pazyrtarizuar, tregon se të gjithë përfaqësueset e “play off” do të vendosen në vazon e fundit për shortin e 5 dhjetorit.

Skenari i dytë, tregon se do të ketë grupime sipas përfaqësueseve të renditura më mirë. Kështu vetë Italia, ose çdo kundërshtar që mposht “axurrët”, përfiton dhe merr pjesë në vazon e dytë për shortin e dhjetorit. Shqipëria do të ishte përfituese po ashtu, pasi automatikisht do të shmangte vazon e fundit.

SKENARI QË SUPOZOHET I SAKTË DERI TANI

SKENARI QË QARKULLON NË RRJET

The post Italia e zhgënjyer, FIFA lë në “ajër” edhe Shqipërinë që mund të përfitojë, skenari që po trazon rrjetin para Botërorit appeared first on Albeu.com.