Sipas informacioneve policore, në prangat janë vënë shtetasit Vilson Agaj, Orest Çorapaj dhe Julian Zogaj.

Dyshohet se këta shtetas kanë mbajtur shtetasin kosovar për rreth dy javë në një banesë pranë zonës së quajtur “Rruga e re” ne Vlorë, duke i kërkuar 70 mije euro.

“U bë e mundur kapja në flagrancë e shtetasve: J. Z., 25 vjeç, O. Ç., 18 vjeç dhe V. A., 35 vjeç, të tre banues në Vlorë. Nga hetimet ka rezultuar se këta shtetas në një apartament në rrugën “Janaq Kilica”, lagjja “Osman Haxhiu”, kishin rrëmbyer dhe mbajtur peng që prej datës 28.11.2025 shtetasin F. X., 39 vjeç, banues në Mitrovicë, Kosovë, duke e dhunuar fizikisht dhe duke i kërkuar shumën prej 70 000 eurosh për lirimin e tij”,– thuhet në njoftimin e Policisë.

Ndërkohë, shtetasi kosovar i mbajtur pend është dërguar në spital për ndihmë mjekësore. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Rrëmbim ose mbajtja peng e personit”, e kryer në bashkëpunim.

The post Morën peng një person dhe i kërkuan 70 mijë euro, arrestohen tre vlonjatët (EMRAT) appeared first on Albeu.com.

Operacioni për arrestimin e tij u bë pas mbledhjes dhe ndarjes së informacionit në kuadër të një bashkëpunimi midis Shqipërisë dhe Italisë, të iniciuar përmes rrjetit konsullor shqiptar, i cili kishte marrë raportime në atë vend se një bashkatdhetar po e mbante me forcë ish-gruan e tij dhe dy fëmijët e tyre.

Brenda rreth një ore, oficerët italiane bënë të mundur arrestimin e tij, teksa po drejtonte një makinë me ish-gruan dhe dy fëmijët e tij. Sipas raportimeve të policisë, të tre ishin qartësisht të shqetësuar ndërsa ishin ulur në sediljen e pasme. Gruaja dhe një nga fëmijët e saj kërkuan menjëherë ndihmë.

Karabinierët zbuluan se burri kishte vjedhur pasaportat dhe telefonat e tyre celularë, duke i penguar ata të arratiseshin. Hetimet e mëvonshme zbuluan dhe rrjedhën e ngjarjes: burri dyshohet se përdori një pretekst të rremë për të bindur ish-bashkëshorten e tij të udhëtonte për në Itali me fëmijët e tyre të mitur, duke mbërritur atje më 30 korrik, dhe më pas i mbajti ata kundër vullnetit të tyre, duke përdorur kërcënime dhe dhunë fizike. 53-vjeçari akuzohet edhe për posedim të paligjshëm të një thike, ndërsa është dërguar në burgun e Perugias, sipas urdhërit të gjyqtarit të rastit.

The post Mbajti peng në shtëpi për tre ditë ish-gruan dhe fëmijët duke i kërcënuar dhe dhunuar, vihet në pranga 53-vjeçari shqiptar në Itali appeared first on Albeu.com.

“Menjëherë pas kallëzimit të një shtetasi 19 vjeç, se ishte marrë me forcë në automjet, nga 2 shtetas të tjerë, të cilët për t’i marrë paratë, e kishin mbajtur për disa minuta, kundër vullnetit të tij, në garazhin e mbyllur të një pallati në Rrëshen, dhe më pas e kishin lënë në rrugë, shërbimet e Komisariatit të Policisë Mirditë organizuan punën për të identifikuar dhe arrestuar përgjegjësit”, njofton policia.

Në kuadër të operacionit “Telefonata” u bë arrestimi i shtetasve Mateos Brozi, 20 vjeç, banues në Rrëshen dhe Ergys Tusha, 19 vjeç, banues në Durrës.

Gjithashtu, u bë e mundur gjetja e shumës së parave të vjedhura me dhunë, 220 000 lekë, e cila u sekuestrua bashkë me automjetin tip “Audi A4”, me të cilin u mor me forcë 19-vjeçari, dhe me 2 celularët e të arrestuarve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Heqja e paligjshme e lirisë” dhe “Vjedhja me dhunë”, të kryera në bashkëpunim.

The post Morën me forcë në automjet 19 vjeçarin dhe e mbyllën në një garazh në Rrëshen, arrestohen dy të rinj appeared first on Albeu.com.

Bild raporton se ajo u shtrua në spital pak para orës 17:00 të së hënës, 4 mars.

BREAKING:

Around 15 people have been taken hostage at a hospital in Aachen, Germany.

SWAT police have arrived on the scene

🇩🇪 pic.twitter.com/Jw3bcE5SoB

— Visegrád 24 (@visegrad24) March 4, 2024

Shumë shpejt stafi pa tym, sepse gruaja ndezi fishekzjarrë dhe u përpoq të digjte një person.

Gruaja thuhet se është e mbyllur në një dhomë pacientësh. Policia nuk e di se kë kërcënon 65-vjeçarja. Deri tani nuk raportohet për të lënduar.

🚨#BREAKING: Around 10-20 hostages at the Luisenhospital in Aachen, #Germany; Armed police on the scene. pic.twitter.com/czIVwFwDel

— World Source News 24/7 (@Worldsource24) March 4, 2024

Spitali ka 378 shtretër dhe punëson rreth 1600 njerëz./albeu.com

The post Alarm në Gjermani, 65-vjeçarja e armatosur mban peng 15 persona në spital (VIDEO) appeared first on Albeu.com.

Goxhaj kërkoi para gjykatësve lirinë, duke e cilësuar absudre kërkesën e Gjykatës Speciale të Kosovës.

Ai tha para gjykatësit se arrestimi i tij ëhstë pengmarrje dhe se atij duhet t’i jepet menjëherë liria.

Fjala e plotë e Dritan Goxhajt para Gkykatës:

Unë i kërkoj kësaj gjykate që të marrë guximin dhe të ndërpresë pengmarrjen time të kryer nga prokuroria shqiptare nën argatllëk qorrazi për hesap të Ndërmarrjes së Përbashkët Kriminale që quhet Zyra e Prokurorit të Specializuar dhe Gjykatës Speciale të Kosovës.

E konsideroj pengmarrje dhe heqje pa të drejtë të lirisë pasi institucioni i prokurorisë në Shqipëri, në injorancë të thellë në kërkesën e saj për arrestimin tim dhe mbajtjen në arrest me burg, në pikën 11 të asaj kërkese pretendon se unë mbaj përgjegjësi penale për vepra penale që përfshihen në juridiksionin e Dhomave të Specializuara të Kosovës. Por, po të kishin marrë mundimin të lexonin vetëm faqen zyrtare të këtyre Dhomave, do kishin dalë nga injoranca e do kishin lexuar e zeza mbi të bardhë se këto Dhoma kanë juridiksion për të hetuar dhe ndjekur penalisht shtetas të Kosovës dhe/ose Republikës Federale të Jugosllavisë apo persona të cilët kanë kryer krime kundër shtetasve të Kosovës dhe/ose Jugosllavisë, për krime të nisura ose të kryera në Kosovë që lidhen me sjelljet dhe veprimet e përmendura në Raportin e Asamblesë Parlamentare të Këshillit të Europës që njihet si Raporti i Dik Martit (Dick Marty) ose Rezoluta 1782, për krime të kryera gjatë periudhës 3 (tri) vjeçare nga viti 1998 deri në dhjetor 2000.

Unë kërkoj dhënien fund kësaj pengmarrjeje pasi, ashtu si shihet edhe në juridiksionin e ndërmarrjes kriminale që quhet Dhomat e Specializuara dhe Zyra e Prokurorit të Specializuar të Kosovës, unë as kam qenë e as jam shtetas i Jugosllavisë. Për më tepër, veprat për të cilat ajo ndërmarrje e përbashkët kriminale më akuzon dhe kërkon ekstradimin tim sipas vetë atyre pretendohet se janë kryer në vitin 2023, ndërkohë që ata kanë juridiksion vetëm për periudhën nga viti 1998 deri në vitin 2000.

Dhe  mbi të gjitha, kjo ndërmarrje kriminale ka juridiksion të hetojë vetëm për “Trajtim çnjerëzor të personave”, ndërsa unë prej tyre akuzohem për dy vepra që nuk kanë lidhje me juridiksionin e deklaruar nga vetë këto Dhoma dhe kjo Zyrë e Prokurorit të Specializuar.

Kërkoj me zë të lartë dhe me gjithë të drejtën time juridike që gjykata të mos bëjë noterin për hesap të Institucionit të Prokurorisë por të lexojë ato që edhe unë lexova dhe ta ndërpresë këtë pengmarrje e të më rikthejë lirinë që më është hequr me pa të drejtë; të më rikthejë lirinë që ka 41 ditë që më është hequr pasi, edhe pse jam dakord me atë çfarë tha mbrojtësi im ligjor, dua të theksoj se në vetvete pengmarrja nuk mund të ketë si koncept përfundim afatesh (të pengmarrjes) pasi pengmarrja është vepër e jashtëligjshme prej momentit të parë që ajo ndodh dhe, në rastin tim, prej datës 31 korrik.

Ndaj, në përfundim të fjalës time, i kërkoj gjykatës që të më kthejë lirinë menjëherë e pa vonesë.

The post Gjykata e Tiranës la në burg ish-luftëtarin e UÇK, Goxhaj: Kjo është pengmarrje, kërkoj lirinë appeared first on Albeu.com.

Ky i fundit akuzohet për shkelje të legjislacionit të emigracionit, teksa u kthye në Itali pa autorizim edhe pse u dëbua në vitin 2021 për arsye rreziku social.

Gjithçka nisi me një denoncim të nënës së një 17-vjeçari që kishte marrë një kërkesë për ndihmë nga vajza, e cila mbahej pa dëshirën e saj prej disa ditësh në shtëpinë e ish-të dashurit shqiptar.

Me të mbërritur në vend policët kanë hyrë në banesë dhe kanë parë vajzën duke vrapuar drejt tyre në gjendje konfuze me shenja të dukshme rrahjeje.

Dy burrat që ishin me të janë arrestuar menjëherë. Sipas rikonstruksionit të mëpasshëm, vajza ishte takuar me ish-in e saj në një lokal pas një kërkese këmbëngulëse për të sqaruar fundin e lidhjes.

Ajo më pas ishte detyruar ta ndiqte nën kërcënimin e armës në shtëpinë e tij ku ishte rrahur dhe mbajtur deri kur ajo arriti të kërkojë ndihmë.

Vajza është shtruar në spital për 10 ditë. Nga sa ka rezultuar dhe deklaruar viktima, nuk ka pasur abuzim të natyrës seksuale. Gjatë kontrollit, agjentët sekuestruan një pistoletë bosh. Gjyqtari ka vërtetuar arrestimin duke vendosur masa sigurie për të dy, në pritje të gjykimit./Albeu.com/

The post Mori peng dhe dhunoi ish të dashurën, arrestohet shqiptari në Itali, në pranga edhe vëllai i tij appeared first on Albeu.com.

Alban Bejo dhe Fatmir Bejo janë dy vëllezërit që rrugën “Besim Alla”, për shkak të një borxhi, kanë marrë me forcë Gjergji Felën.

Burime bëjnë me dije se autori i arrestuar Alban Bejo pretendon se Gjergj Fela i ka një borxh prej 25 mijë eurosh.

Fela është biznesmen në fushën e ndërtimit. Deri tani nuk dihet nëse ka pasur probleme mashtrimi me persona të tjerë.

Fatmir Bejo nga ana tjetër është shapllur në kërkim.

Policia njoftoi se ngjarja ka ndodhur ditën e djeshme ku dy vëllezërit anë marrë me forcë, me automjet, nga vendparkimi i një lokali Felën, e kanë kanosur dhe e kanë dhunuar.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme./Albeu.com/

The post Detaje nga pengmarrja në Tiranë, dy vëllezërit dhunuan biznesmenin 47-vjeçar për borxhin prej 25 mijë eurosh appeared first on Albeu.com.

Shkak është bërë ngacmimi i vazhdueshëm dhe krijimi i një lidhjeje intime me një grua të martuar.

Omeri ishte duke udhëtuar nga Konispoli në drejtim të Tiranës, kur gjatë orëve të mesnatës është sulmuar me makinë, duke u rrëmbyer, futur në bagazh dhe dhunuar fizikisht nga 4 personat.

Shkak është bërë lidhja intime që Omeri kishte krijuar me vajzën e Astrit Ndoj nga Konispoli dhe motrën e 2 vëllezërve, Anton dhe Aleksandër Ndoj, sipas Ora News.

Omeri, kishte disa kohë që ngacmonte vajzën e tyre, e cila rezulton e martuar, por nga ana tjetër kishte krijuar një lidhje jashtë martesore.

Mes kësaj lidhje të jashtëligjshme, kishte hyrë dhe Gentian Omeri, i cili gjatë kësaj kohe ngacmonte pikërisht gruan, por kjo lidhje kohët e fundit ishte zbuluar nga babai, dy vëllezërit dhe xhaxhai i saj.

Si pasojë e konfliktit verbal mes tyre, në mesnatën e 19 janarit 2023, Gentian Omeri, teksa po udhëtonte më makinën e tij drejt Tiranës, është goditur me mjetin ku lëviznin 4 personat, Pjetër Ndoj, Anton Ndoj, Aleksandër Ndoj dhe Astrit Ndoj, duke i shkaktuar atij aksident dhe nxjerrë makinën nga rruga.

Mjeti është ndalur në një kanal. Ndërsa katër personat kanë zbritur nga makina e tyre, duke e rrëmbyer forcërisht Gentian Omerin dhe futur atë në bagazhin e makinës.

Omeri është çuar në një vend, në fshatin Xarë, ku e kanë lidhur dhe më pas rrahur për disa orë, duke i shkaktuar dëmtime serioze në trup.

Më tej 4 personat, e kanë marrë dhe hedhur në një kanal, pasi kishin menduar se Gentian Omeri, kishte ndërruar jetë si pasojë e dhunës së ushtruar prej tyre.

Katër autorët janë mundur të identifikohen nga kamerat e sigurisë të disa prej bizneseve në zonën e Konispolit dhe Sarandës, duke mundësuar dhe arrestimin e tyre mesnatën e djeshme nga Forcat e Ndërhyrjes së Shpejtë në Fier dhe Drejtorisë Vendore të Policisë Vlorë.

Gjatë momentit të arrestimit, asnjëri prej 4 personave nuk ka bërë rezistencë ndaj forcave të policisë, duke çuar duart lart.

Ndërsa në ditët në vijim dy vëllezërit Astrit Ndoj dhe Pjetër Ndoj së bashku me dy djemtë e Astritit, shtetasit Anton dhe Aleksandër Ndoj, pritet të dalin para gjykatës së Sarandës, për tu njohur me masën e sigurisë “arrest në burg” që do kërkojë prokuroria.

Ndaj tyre prokuroria ka ngritur akuzën e “Plagosjes së rëndë me dashje”, “Heqje e paligjshme të lirisë” dhe “Shkatërrimi i pronës” të  kryer në bashkëpunim./Albeu.com/

The post Tradhtonte burrin, familjarët marrin peng dhe dhunojnë të dashurin e vajzës appeared first on Albeu.com.

Andi Alushi

Dyshja u arrestuan më 14 maj 2022, pasi oficerët e armatosur të policisë bastisën një shtëpi në Firth Park Road, Sheffield, ku gjetën dy burra shqiptarë të lidhur me radiatorë.

Dy viktimat u gjetën në dhoma të ndara në katin e sipërm dhe pranë tyre kishte tasa bosh me ushqim për qentë, nga të cilat ata ishin detyruar të hanin pasi kishin mbetur të uritur për ditë të tëra. Njëri nga burrat kishte djegie të rënda në dorë, pasi ishte sulmuar dhe përvëluar.

Kryeinspektori Mark Oughton, i cili drejtoi hetimin, tha: “Ajo që oficerët gjetën brenda asaj shtëpie ishte thellësisht shqetësuese, prova e qartë se dy persona ishin mbajtur peng dhe i ishin nënshtruar një trajtimi absolutisht barbar. Tortura është e vetmja fjalë për të përshkruar atë që Kasinskas dhe Alushi i bënë njërës prej viktimave, duke e rrahur me dhunë dhe duke e djegur me lëng përvëlues, duke i shkaktuar lëndime të konsiderueshme djegieje.

“Ndërsa gërmuam më thellë në këtë rast të tmerrshëm, mësuam se motivi i krimeve sadiste të Kasinskas dhe Alushit ishte nxjerrja e parave nga familjet e viktimave në Shqipëri. Dyshja fajësuan viktimat për çmontimin e një prej depove të tyre të kanabisit, një tregues i qartë i përfshirjes së tyre në kriminalitetin e organizuar dhe furnizimin me drogë në shkallë të gjerë, dhe si të tilla, filmuan viktimat duke duruar trajtimin poshtërues dhe degradues me shpresën se mund të shantazhonin familjet e tyre .”

Ditën e bastisjes së shtëpisë, Kasinskas dhe Alushi u arrestuan nën dyshimin e plagosjes. DCI Oughton tha: “Kur u përball me dëshminë e viktimave, provat mjeko-ligjore, provat telefonike dhe digjitale, kjo dyshe kriminale nuk pa asnjë alternativë veçse të pranonte fajësinë një javë përpara se të fillonte gjyqi./albeu.com

The post EMRI/ Kishte marrë peng dy bashkëatdhetarët dhe i kishte torturuar, dënohet me 19.5 vite burg shqiptari në Angli appeared first on Albeu.com.

Këta shtetas në bashkëpunim me njëri-tjetrin, kanë marrë peng shtetasin Ermil Sorra, për shkak të një borxhi që shtetasja Denalda Çezma, i kishte shtetasit Ermil Sorra.

Ky i fundit ka mundur të shpëtojë nga duart e pengmarrësve vetëm pasi ka thënë se është mik I Nehat Kullës, i njohur si i forti i Tiranës në vitet ‘90.

Njoftimi i policisë:

Tiranë

Finalizohet me sukses operacioni policor i koduar “Hostage”.

Operacioni, i zhvilluar nga Komisariati i Policisë Nr. 6.

Morën peng një shtetas dhe e dhunuan fizikisht atë, falë veprimeve të shpejta dhe profesionale, identifikohen dhe vihen në pranga 2 autorët, shpallet në kërkim bashkëpunëtori i tyre.

Njëri nga të arrestuarit kishte shkelur masën e sigurisë “Arrest në shtëpi”.

Shërbimet e Komisariatit të Policisë Nr. 6, pas marrjes së njoftimit se në Kashar, disa persona të paidentifikuar, kishin marrë peng një shtetas, kanë organizuar punën dhe kanë finalizuar operacionin policor të koduar “Hostage”, në kuadër të të cilit u bë kapja dhe arrestimi në flagrancë i shtetasve:

– Sh. K., 37 vjeç, banues në Tiranë, për veprat penale “Heqja e paligjshme e lirisë” duke përdorur torturën, kryer në bashkëpunim dhe “Largimi i të burgosurit nga vendi i qëndrimit”;

-D. Ç., 37 vjeçe, banuese në Tiranë, për veprën penale “Heqja e paligjshme e lirisë” duke përdorur torturën, kryer në bashkëpunim.

Gjithashtu, u bë shpallja në kërkim e bashkëpunëtorit të tyre, shtetasit S. P., 30 vjeç, banues në Paskuqan, për veprën penale “Heqja e paligjshme e lirisë” duke përdorur torturën, kryer në bashkëpunim.

Falë punës dhe veprimeve të shpejta profesionale, specialistët për Hetimin e Krimeve në Komisariatin e Policisë Nr. 6 kanë bërë të mundur identifikimin e autorëve të dyshuar dhe dokumentimin e plotë të ngjarjes.

Nga veprimet hetimore të kryera, ka rezultuar se shtetasi S. P., në bashkëpunim me shtetasin Sh. K. dhe shtetasen D. Ç., kanë marrë peng dhe më pas e kanë dhunuar fizikisht në banesën e shtetases D. Ç., shtetasin E. S., 31 vjeç, për shkak të një borxhi.

Gjatë veprimeve hetimore ka rezultuar se shtetasi Sh. K., kishte shkelur masën e sigurisë “Arrest në shtëpi”, të caktuar nga Gjykata, për veprën penale “Armëmbajtja pa leje”.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

The post Morën peng “mikun”e Nehat Kullës, arrestohen 2 nga 3 pengmarrësit appeared first on Albeu.com.