Gjatë një takimi të kabinetit në Shtëpinë e Bardhë, Trump foli për një marrëveshje të arritur të mërkurën, sipas së cilës pengjet e mbajtura nga militantët e Hamasit do të lirohen në fazën e parë të një plani më të gjerë për Gazën. Ai u shpreh se ky zhvillim do të çojë drejt një “paqeje të qëndrueshme”.

Sipas presidentit, plani parashikon që Gaza të “rindërtohet ngadalë”, një referencë për nismat që synojnë rindërtimin e enklavës palestineze, megjithëse ai nuk dha më shumë detaje mbi këtë proces.

Hamasi pritet të lirojë rreth 20 pengje të gjalla, 72 orë pas fillimit të armëpushimit.

“Do t’i marrim pengjet mbrapsht të martën, të hënën ose të martën, dhe kjo do të jetë një ditë gëzimi”, tha Trump.

Ndërkohë, Shtëpia e Bardhë po punon intensivisht për të përcaktuar detajet e këtij udhëtimi, i cili po organizohet me nxitim.

The post Armëpushimi i luftës në Gaza, Trump jep detaje: Pengjet duhet të lirohen të hënën ose të martën appeared first on Albeu.com.

Ndërkohë, Izraeli vazhdon përgatitjet për një pushtim të Gazës, ndërsa Presidenti Trump kërkon lirimin e menjëhershëm të pengjeve të gjalla.

Hamasi thotë se është gati të nënshkruajë një marrëveshje gjithëpërfshirëse shkëmbimi, sipas së cilës të gjithë të burgosurit armik të mbajtur nga rezistenca do të lirohen në këmbim të një numri të rënë dakord të të burgosurve palestinezë të mbajtur nga Izraeli.

Hamasi i referohet pengjeve si “të burgosur”, duke thënë se marrëveshja do të shënonte fundin e luftës në Rripin e Gazës dhe do të çonte në tërheqjen e të gjitha forcave izraelite nga zona. Përveç kësaj, Hamasi propozon krijimin e “një administrate kombëtare të pavarur teknokratësh” për të qeverisur Gazën dhe për të rivendosur infrastrukturën.

Nga ana e tij, Izraeli e ka bërë të qartë se është i gatshëm të pranojë një marrëveshje të tillë vetëm nëse Hamasi dorëzohet dhe pranon të çarmatoset.

The post Hamasi: Gati të lirojmë të gjithë pengjet në këmbim të përfundimit të luftës appeared first on Albeu.com.

Sipas zyrës së kryeministrit izraelit, vendimi u mor “në koordinim” me të dërguarin special të SHBA-së, Steve Witkoff, i cili foli më parë me Netanyahun.

Pas mbledhjes së Këshillit të Sigurimit nesër, ekipi negociator do të marrë udhëzime për të vazhduar bisedimet për fazën e dytë të marrëveshjes, thuhet në deklaratë.

Kujtojmë se sot Netanyahu priti në Tel Aviv, sekretarin amerikan të Shtetit, Marco Rubio. Ata diskutuan për lirimin e pengjeve, për Hamasin dhe Iranin ku këtë të fundit e shohin si destabiliuzues në rajonin e Lindjes së Mesme.

The post Armëpushimi me Hamasin, Netanyahu dërgon negociatorë në Kajro, do të diskutohet për pengjet appeared first on Albeu.com.

Tre burra të rrëmbyer nga grupi militant në 7 tetor të 2023, u liruan në këmbim të 180 palestinezëve të burgosur.

Tre izraelitët, u shfaqën në një shesh në Gazën Qendrore, më pas iu dorëzuan kryqit të kuq.

Pamjet e tre meshkujve të cilët dukshëm nuk ishin mbajtur në kushte aq të mira sa femrat që janë liruar në shkëmbimet e mëparshme, u pritën me emocione në Izrael.

Pas lirimit të pengjeve, autobusët me palestinezë dolën nga burgjet e Izraelit për tu drejtuar në bregun perëndimor. Shumë prej tyre ishin gjithashtu në gjendje të rënduar shëndetësore. Disa u dërguan në spital për ndihmë mjekësore.

Armëpushimi, i ndërmjetësuar nga SHBA-ja, Katari dhe Egjipti, synon lirimin e 33 pengjeve në total.

Negociatat për fazën e dytë pritet të nisin të hënën, por ende nuk dihen detaje për bisedimet.

Zyra e kryeministrit izraelit Netanjahu, tha se pas këtij këmbimi, një delegacion izraelit do të niset për në Doha për negociata të mëtejme për armëpushimin.

Në fazën e dytë synohet lirimi i më shumë pengjeve dhe hapja e rrugës për përfundimin e përhershëm të luftës.

The post Izrael-Hamas shkëmbejnë pengjet, priten bisedime të reja për fazën e dytë të armëpushimit appeared first on Albeu.com.

Kryqi i Kuq ka pranuar gjithashtu se tre pengjet u janë dorëzuar atyre, dhe janë rrugës për t’iu dorëzuar Forcave të Mbrojtjes së Izraelit.

Mbulimi i drejtpërdrejtë televiziv nga Gaza tregon një skenë kaotike ndërsa turmat rrethojnë ato që duket të jenë automjetet që transportojnë tre pengjet izraelitë në pikën e dorëzimit me Kryqin e Kuq.

Automjetet e bardha u rrethuan nga luftëtarët e Hamasit, të cilët “luftuan” me turmën për të mos u grumbulluar rreth automjetit.

Në një moment, dera e njërit prej fugonëve u hap për të zbuluar atë që dukej se ishin tre gra, të cilat më pas u nxorën nga furgoni.

Sipas planit për lirimin e tre pengjeve – Romi Gonen, 24 vjeç, Doron Steinbrecher, 31 vjeç dhe Emily Damari, 28, shtetase britanike janë tre pengjet që u dorëzuan nga Hamasi.

Në pamjet e transmetuara nga turmat izraelite pas ndarjes së lajmit për lirimin e pengjeve, u vunë re ovacione dhe përqafime si pasojë e lajmit të gëzueshëm.

“Tre të kthyerit tani po shoqërohen nga një njësi elitare IDF dhe forca sigurie Shin Bet në rrugën e tyre për në Izrael, ku do t’i nënshtrohen një vlerësimi fillestar mjekësor. Komandantët dhe ushtarët e IDF përshëndesin dhe përqafojnë të kthyerit në rrugën e tyre për në Izrael”, thuhet në një dkelaratë të forcave izraelite.

 

View this post on Instagram

 

A post shared by يحيى صبيح | Yahya Sobeih (@yahyasobeih)

The post Përqafime dhe ovacione/ Hamasi liron tre pengje izraelite, vajzat iu dorëzuan ushtrisë izraelite nga punonjësit e Kryqit të Kuq, pamje nga operacioni (FOTO+VIDEO) appeared first on Albeu.com.

Sipas raportit, kryeministri izraelit thuhet se është i gatshëm t’u garantojë rrëmbyesve që lirojnë pengjet “dalje të sigurt” nga Rripi i Gazës për veten dhe familjet e tyre.

Nga 251 pengjet e marra në Rripin e Gazës pas sulmit të paprecedentë të nisur nga Hamasi më 7 tetor 2023, vlerësohet se rreth 100 mbeten në enklavën palestineze, ndërsa nuk dihet se sa prej tyre janë gjallë.

The post Netanyahu gati të japë miliona dollarë për të liruar çdo peng appeared first on Albeu.com.

Demonstruesit shprehën zemërimin ndaj qeverisë së Benjamin Netanyahu për paaftësinë e saj për të siguruar lirimin e robërve pas gjashtë muajsh luftime.

Mediat izraelite raportuan skena të konfrontimeve midis forcave të sigurisë dhe protestuesve në Tel Aviv, ku demonstruesit thuhet se ndezën disa zjarre, përpara se të shuheshin me shpejtësi nga policia.

Njerëzit thërrisnin “Policinë, policinë, kë po ruan saktësisht?”, dhe “Ben-Gvir është një terrorist”, duke iu referuar ministrit të sigurisë kombëtare të Izraelit, raportoi gazeta Haaretz.

Organizatorët e protestës të cituar nga media lokale thanë se tubime po zhvilloheshin në rreth 50 vende të tjera në mbarë vendin, përveç Tel Avivit.

Protestat e tilla të së shtunës janë bërë një dukuri e rregullt në Tel Aviv dhe pjesë të tjera të vendit, që nga muajt e parë të luftës që filloi më 7 tetor.

The post Tel Aviv/ Mijëra izraelitë në protestë kundër qeverisë, kërkojnë marrëveshje për lirimin e pengjeve appeared first on Albeu.com.

Anëtarët e një grupi që përfaqëson familjet e pengjeve thanë se “ishin lutur për 105 ditë” dhe tani kërkojnë nga qeveria të ndërmarrë hapa të guximshëm për të liruar pengjet.

Ish-shefi i ushtrisë izraelite Gadi Eisenkot, anëtar i Kabinetit të Luftës së Izraelit, ka thënë se armëpushimi është mënyra e vetme për të siguruar lirimin e tyre, një koment që nënkupton kritika ndaj strategjisë aktuale të Izraelit për të mos hequr dorë nga lufta kundër militantëve të Hamasit deri sa ajo organizatë të shkatërrohet.

Protesta para shtëpisë së kryeministrit dhe komenti i zotit Eisenkot janë shenja të mosmarrëveshjeve në rritje në Izrael mbi drejtimin e luftës, që është në muajin e katërt.

Udhëheqja e Izraelit përballet me presione nga disa drejtime. Nga njëra anë, zoti Netanyahu përballet me anëtarët e krahut të djathtë të koalicionit të tij qeverisës që duan intensifikimin e luftën kundër Hamasit. Nga ana tjetër ai po has thirrje për përmbajtje nga aleati i vet, SHBA dhe familjet e pengjeve, të cilët kanë frikë se përshkallëzimi i aktivitetit ushtarak rrezikon më tej jetën e pengjeve.

Udhëheqësi izraelit ka thënë se synon “fitoren e plotë” ndaj Hamasit, por nuk ka thënë se si do ta arrijë atë. Kritikët e kanë akuzuar atë se nuk po lejon hapjen e një debati në nivel kabineti për një skenar të pasluftës për Gazën. Ata thonë se Netanyahu po e zvarrit një gjë të tillë për të parandaluar përplasje brenda koalicionit të tij.

Biden dhe Netanyahu, qëndrime të ndryshme për një shtet të ardhshëm palestinez

Kryeministri iNetanyahu u duk të shtunën se doli kundër deklaratave të presidentit amerikan Joe Biden për një shtet palestinez pas përfundimit të luftës kundër Hamasit në Gaza.

Zoti Biden tha të premten se kishte folur në një telefonatë me zotin Netanyahu për zgjidhjet e mundshme për krijimin e një shteti të pavarur palestinez, duke sugjeruar se një alternativë mund të ishte një qeveri e çmilitarizuar.

“Në bisedën e tij me Presidentin Biden, kryeministri Netanyahu përsëriti qëndrimin e tij se pasi Hamasi të shkatërrohet, Izraeli duhet të ruajë kontrollin e sigurisë mbi Gazën për t’u siguruar që Gaza të mos përbëjë më kërcënim për Izraelin, gjë që bie ndesh me kërkesën për sovranitetin palestinez”, thuhet në një deklaratë nga zyra e kryeministrit izraelit.

E pyetur të sqarojë nëse zoti Netanyahu është kundër çdo lloj alternative për një shtet palestinez, zyra e tij nuk u përgjigj menjëherë.

Telefonata mes dy udhëheqësve ishte e para prej gati një muaji, tha Shtëpia e Bardhë.

I pyetur nëse një zgjidhje me dy shtete ishte “e pamundur” ndërsa kryeministri Netanyahu është në pushtet, presidenti Biden tha: “Jo, nuk është”.

Presidenti u tha gazetarëve të mbledhur në Shtëpinë e Bardhë se ai beson se “ka disa lloje zgjidhjesh me dy shtete” dhe se zoti Netanyahu mund të jetë i hapur për një prej tyre.

Zoti Netanyahu nuk ka refuzuar drejtpërdrejt dhe qartë krijimin e një shteti palestinez. Por të enjten ai tha se në çdo zgjidhje në të ardhmen e parashikueshme “Izraeli duhet të ketë kontrollin e sigurisë mbi të gjithë territorin në perëndim të lumit Jordan. Ky është një kusht i domosdoshëm. Kjo bie ndesh me parimin e sovranitetit, por nuk kemi ç’të bëjmë.”

Bisedimet e paqes të mbështetura nga SHBA drejt së ashtuquajturës “zgjidhje me dy shtete”, dështuan një dekadë më parë.

Të enjten, zëdhënësi i Departamentit të Shtetit të SHBA, Matthew Miller tha se nuk kishte asnjë mënyrë për të zgjidhur sfidat afatgjata të sigurisë të Izraelit dhe sfidat afatshkurtra të rindërtimit të Gazës pa krijimin e një shteti palestinez. Zoti Miller tha se Izraeli kishte një mundësi tani pasi vendet në rajon janë të gatshme për të ofruar garanci sigurie për Izraelin.

The post Rriten indinjata dhe ndasitë politike në Izrael, mes thirrjeve për lirimin e pengjeve appeared first on Albeu.com.

Kryeministri izraelit, Benjamin Netanjahu e cilësoi vdekjen e pengjeve si “tragjedi të padurueshme”. Ai deklaroi, se i gjithë shteti i Izraelit “mban zi këtë mbrëmje.” Qeveria amerikane e cilësoi vdekjen e tre pengjeve si “zemërthyese” dhe “tragjike”. Të tre meshkujt që ishin marrë peng nga organizata e Hamasit, u qëlluan nga ushtarë izraelitë gjatë luftimeve në Shedshaja, në veri të Rripit të Gazës. Hamasi kategorizohet si organizatë terroriste nga SHBA, BE, Gjermania e vende të tjera, Ushtria shprehu “hidhërimin më të thellë për këtë rast tragjik”. Zëdhënësi i ushtrisë, Daniel Hagari premtoi një “hetim transparent”.

Sipas të dhënave të tij, ushtarët i kishin identifikuar pengjet “gabimisht si kërcënim”. Pas kësaj ata kishin hapur zjarr. Sipas Hagarit tre pengjet ose i kishin shpëtuar Hamasit, ose ishin lënë të lirë nga pengmarrësit. Tre pengjet kishin mbajtur një shami të bardhë në lartësi. Këtë e nxorri një hetim paraprak i rastit. Të shtënat erdhën në një zonë me luftime intensive, në të cilën luftëtarët e Hamasit operojnë me rroba civile dhe përdorin metoda mashtruese.

Qindra vetë dolën në protesta në Tel Aviv pas bërjes publike të lajmit për vrasjen e tre pengjeve. Masa njerëzish u grumbulluan dhe bllokuan një rrugë kryesore. Ata kërkojnë nga qeveria të angazhohet për lirimin e menjëhershëm të pengjeve. Portali izraelit ynet shkroi se demonstruesit derdhën para shtabit qendror të ushtrisë bojë të kuqe. Ata kritikojnë, se qeveria nuk po bën sa duhet për lirimin e pengjeve.

The post Izraeli tronditet nga protestat pas vrasjes gabimisht të tre pengjeve izraelite appeared first on Albeu.com.

Zëdhënësi i ushtrisë izraelite, admirali Daniel Hagari, tha se trupat izraelite i gjetën pengjet dhe i cilësuan gabimisht si kërcënim. Ai tha se nuk është e qartë nëse pengjet kishin ikur apo ishin braktisur aty.

Vrasja e tyre ndodhi në rrethinën Shiaja në Qytetin e Gazës, ku trupat izraelite ditëve të fundit kanë hasur në rezistencë të madhe nga luftëtarët e Hamasit – grupit radikal palestinez i shpallur organizatë terroriste nga SHBA dhe BE.

Hagari theksoi se ushtria “ndien keqardhje të thellë” dhe se po e heton rastin.

Dy nga të vdekurit janë Yotam Haim dhe Samer Talalka, ndërsa emri i pengut të tretë nuk u bë i ditur me kërkesë të familjes së tij, tha Hagari.

Lufta mes Izraelit dhe Hamasit, tani në muajin e tretë, nisi më 7 tetor, pasi Hamasi kreu një sulm tronditës në jug të Izraelit duke i vrarë 1.200 njerëz, kryesisht civilë, dhe i rrëmbeu mbi 240 të tjerë.

Një pjesë e pengjeve u liruan nga Hamasi gjatë një armëpushimi njëjavor muajin e kaluar, në këmbim të lirimit të të burgosurve palestinezë nga burgjet izraelite.

Prej atëherë, Izraeli e ka rrethuar Rripin e Gazës dhe e ka rrënuar shumicën e saj. Ministria palestineze e Shëndetësisë thotë se mbi 18.600 palestinezë janë vrarë, kryesisht fëmijë dhe gra, dhe rreth 50.000 të tjerë janë plagosur si pasojë e luftës izraelite në Gazë prej 7 tetorit.

The post Ushtria izraelite thotë se vrau gabimisht tri pengje izraelite në Gazë appeared first on Albeu.com.