pasojat Archives - Albeu.com

Përmbytjet në Lezhë/ Mbi 1700 hektarë të dëmtuara, sektorët më të prekur

V K — Thu, 15 Jan 2026 10:48:40 +0000

Reshjet intensive dhe dalja e lumenjve nga shtrati, kanë sjellë pasoja të rënda në zonat bujqësore të qarkut të Lezhës.

Sipërfaqe të tëra toke kanë mbetur nën ujë, duke dëmtuar prodhimin bujqësor, veçanërisht kulturat e jonxhës dhe grurit.

Të dhënat paraprake të mbledhura nga strukturat vendore tregojnë se përmbytjet kanë prekur gjithashtu edhe kultura të tjera, ndërsa ndikimi në blegtori dhe banesa paraqitet më i kufizuar.

Në terren janë angazhuar dy grupe pune të Bashkisë Lezhë, të cilat kanë realizuar inspektime dhe verifikime të detajuara për evidentimin e dëmeve.

Drejtori i Bujqësisë, Paulin Gjergji, konfirmon se procesi i vlerësimit është drejt mbylljes, duke u bazuar si në dokumentacionin e dorëzuar nga fermerët, ashtu edhe në kontrollet në terren.

Dëmet janë evidentuar në rreth 1 700 hektarë. Pjesa më e madhe i përket jonxhës me rreth 60 për qind, e ndjekur nga gruri me 35 për qind, ndërsa sipërfaqet e mbetura përfshijnë ullinj, lakra dhe agrume. Në blegtori dhe banesa dëmet janë më të vogla.

Autoritetet vendore bëjnë të ditur se pas finalizimit të raportit përfundimtar, dosjet do t’u dërgohen institucioneve përgjegjëse për të vijuar me procedurat e mbështetjes dhe kompensimit të fermerëve të prekur

The post Përmbytjet në Lezhë/ Mbi 1700 hektarë të dëmtuara, sektorët më të prekur appeared first on Albeu.com.

Sëmundshmëria kronike për vitin 2023 u rrit 5,9%, shkak plakja e popullsisë dhe pasojat e Covid

V K — Tue, 23 Jan 2024 06:53:17 +0000

Për 2023 rritja e sëmundshmërive kronike dhe e numrit të diagnozave për pacient, ka shtuar shpenzimet për rimbursimin e barnave.

Për periudhën janar-gusht 2023, sipas të dhënave të raportit të monitorimit të Ministrisë së Shëndetësisë, rritja natyrale e sëmundshmërisë është 5,9 % krahasuar me 2022.

Ekspertë të shumtë të shëndetësisë, kanë ngritur shqetësimin se rritja e sëmundjeve kronike në vend, do të vijojë e ndikuar nga dy faktorë, pandemia e Covid-19 dhe nga mplakja e popullsisë.

Numri i lindjeve në vend gjithashtu, është me rënie të vazhdueshme. Në 2019 sipas të dhënave të INSTAT ishin 28,5 mijë lindje.

Në vitin 2020 ishin 28 mijë lindje. Në 2021 numri i tyre arriti 27,2 mijë lindje dhe për 2022 kishte 24,6 mijë lindje (9,2% më pak se 2021).

Rritja natyrale e sëmundshmërive kronike, sipas raportit të Ministrisë së Shëndetësisë, është ndikuar nga rastet e reja dhe rastet me ndryshim të skemës së mjekimit.

Konkretisht rastet e reja për janar-gusht 2023, janë 74,331 raste me vlerë shpenzimesh 270,020,711 lek ose 3,3 %.

Ndërsa raste me ndryshim terapie janë 46,800 raste me vlerë shpenzimesh 212,802,460 ose 2,3%.

Numri mesatar i diagnozave për pacient për 8 mujorin 2022 ishte 1,83 diagnoza. Ndërsa numri mesatar i diagnozave për pacient për 8 mujorin 2023 është 1,96 diagnoza.

Sipas Ministrisë së Shëndetësisë rritja e numrit të diagnozave për të cilin rimbursohet një pacient është 6,9%.

Shtimi i numrit të sëmurëve kronike dhe i diagnozave, ka rritur shpenzimet vjetore të rimbursimit të barnave.

Nenit 5 i Ligjit 84/2022 “Për buxhetin e Shtetit të vitit 2023”, i ndryshuar, përcaktonte se buxheti vjetor i Fondit të Sigurimit të Detyrueshëm të Kujdesit Shëndetësor, është tavani prej 11,400 milionë lekë për rimbursimin e medikamenteve.

“Vlera e mësipërme rezulton e pamjaftueshme për përballimin e shpenzimeve vjetore të rimbursimit të barnave (në PBA 2023-2025 ishte parashikuar që vlera e rimbursimit të barnave të listës, bazuar në faktorët që ndikojnë në këtë produkt, të arrinte në 12 500 milionë lekë për vitin 2023).

Nga ecuria e deritanishme e shpenzimeve të rimbursimit të barnave, rezulton: Rimbursimi i pranuar i vitit 2022, është 11,496 milionë lekë, shifër kjo më e lartë nga tavani buxhetor i përcaktuar për vitin 2023; Rimbursimi i pranuar i barnave për 8 mujorin 2023 rezulton 8,150 milionë lekë, ose 71.5% e tavanit buxhetor të lejuar, ose 5.61 % më shumë nga e njëjta periudhë e vitit të kaluar”, thuhet në raportin e Ministrisë së shëndetësisë.

Pas kërkesës së saj për rritje të fondit me qëllim të likuidimit të detyrimeve për 2023, në buxhetin e shtetit të vitit të kaluar me aktin normativ të muajit dhjetor u miratua rritja e tavanit të fondit për rimbursimin e medikamenteve në 12 miliardë lekë nga 11,4 miliardë lekë që ishte më parë.

The post Sëmundshmëria kronike për vitin 2023 u rrit 5,9%, shkak plakja e popullsisë dhe pasojat e Covid appeared first on Albeu.com.

“Djali 17-vjeçar fle me nënën”, psikologia shpjegon pasojat që mund të sjellë

E S — Fri, 09 Dec 2022 17:20:27 +0000

Të flesh me fëmijën deri në moshë të rritur nuk është shumë e këshillueshme. Në përgjithësi fëmijët zgjedhin të distancohen vetë nga prindërit kur arrijnë në një moshë të caktuar, por ka edhe raste kur kjo nuk ndodh.

Një rast të tillë e paraqiti edhe moderatorja Katerina në emisionin “Shije Shtëpie” në Tv Klan, ku një djalë 17 vjeç vazhdonte të flinte me nënën e tij, këtë e ka komentuar edhe psikologia Doklea Karametaj e cila ka thënë se fjetja me nënën deri vonë mund të sjellë edhe pasoja.

Katerina Trungu: Ka fjetur me djalin e saj deri në moshën 16-17 vjeç, moshë në të cilën konsiderohet i rritur. Në këtë rast ka ndikuar ndoshta divorci, fakti që fëmija ka qenë vetëm me një prind, dua të di si ndikon në të ardhmen?

Doklea Karametaj: Normalisht të flesh me djalin 17 vjeç, e para kur je e divorcuar, fëmija ndihet i braktisur nga njëri prind dhe do të ndihet sa më afër mamit, sepse do ta mbroj atë. Ndryshohen rolet. Ai ndihet përgjegjës për mamin në këtë rast, por kjo ndikon edhe në të ardhmen, për të ardhmen e fëmijës, sepse ai do rritet, do ketë një partnere dikur dhe kjo ndikon edhe te zgjedhjet që do ketë. Nuk do lidhet asnjëherë tërësisht. Do ketë probleme në zgjedhjen e partneres dhe do ketë probleme në atashimin e lidhjes, se do jetë gjithmonë mami në mes. /tvklan.al

The post “Djali 17-vjeçar fle me nënën”, psikologia shpjegon pasojat që mund të sjellë appeared first on Albeu.com.

Studimet e reja kanë zbuluar rreziqet e Viagras, mësoni efektin anësor që shfaq ky ilaç

admin — Sat, 09 Apr 2022 08:43:25 +0000

Meshkujt që marrin Viagra kanë pothuajse dy herë më shumë gjasa të vuajnë nga problemet e shikimit që mund të çojnë në verbëri, zbulon hulumtimi i publikuar nga “The Sun”.

Shkencëtarët amerikanë analizuan të dhënat për 213,000 burra që merrnin pilula për mosfunksionimin erektil.

Ata zbuluan se përdoruesit e rregullt të katër pilulave seksuale të zakonshme, Viagra, Cialis, Levitra dhe Stendra, panë që rreziku i tyre për të zhvilluar një sëmundje serioze të syve u rrit me 85 për qind.

Ai përfshin shkëputjen e retinës, ku pacientët përjetojnë luhatje në të gjithë vizionin e tyre dhe furnizim të dëmtuar të gjakut në nervin optik duke i lënë të sëmurët me humbje të shikimit.

Studiuesi kryesor, Dr Mahyar Etminan, nga Universiteti i Kolumbisë Britanike, paralajmëroi se ekziston një “lidhje e fortë” midis tre problemeve të syve dhe ilaçeve.

Dhe u bëri thirrje përdoruesve që të “kërkojnë kujdes mjekësor” nëse përjetojnë ndonjë ndryshim në vizionin e tyre.

Ekspertët kanë frikë se pilulat seksuale ndikojnë në qarkullimin e gjakut në sy, duke shkaktuar probleme me shikimin.

Mosfunksionimi erektil, i njohur gjithashtu si impotencë, është paaftësia për të marrë dhe mbajtur një ngurtësi në organin gjenital.

Rreth pesë milionë britanikë, 40 për qind e meshkujve të moshuar, janë të prekur nga kjo situatë.

Shkaqet mund të jenë psikologjike ose fizike, nga stresi dhe depresioni te kushtet që ndikojnë në qarkullimin e gjakut, duke përfshirë sëmundjet e zemrës dhe diabetin.

Studimi, i publikuar në JAMA Ophthalmology, shqyrtoi një grup medikamentesh të quajtur frenuesit e fosfodiesterazës së tipit 5.

Ai përfshin Viagra dhe ekuivalentin e tij gjenerik, sildenafil.

Rreth 3.5 milionë receta shpërndahen çdo vit në MB, ndërsa shumë më tepër burra e blejnë atë pa recetë për rreth 4 £.

Dr Etminan shtoi: “Këto medikamente trajtojnë mosfunksionimin erektil duke përmirësuar rrjedhën e gjakut, por ne e dimë se ato gjithashtu mund të pengojnë rrjedhjen e gjakut në pjesë të tjera të trupit.

“Pra, megjithëse studimi ynë nuk provon shkak-pasojë, ekziston një mekanizëm me të cilin këto medikamente mund të çojnë në këto probleme.

“Tërësia e provave tregon për një lidhje të fortë.”

Hulumtimi i ri zbuloi se ata që merrnin pilula seksuale kishin një rritje 2.6 herë në rrezikun e shkëputjes seroze të retinës, dy herë më shumë gjasa për neuropati ishemike optike dhe 44 për qind rritje të okluzionit vaskular të retinës.

Edhe pse të tre gjendjet janë të rralla, ato mund të shkaktojnë humbje të shikimit./ h.ll/albeu.com

The post Studimet e reja kanë zbuluar rreziqet e Viagras, mësoni efektin anësor që shfaq ky ilaç appeared first on Albeu.com.

Lajm i keq për “fansat” e mishit të kuq, pasojat e rrezikshme nëse e teproni me të

A M — Thu, 03 Feb 2022 08:45:32 +0000

Nëse nuk jeni një dashamirës i mishit duhet ta dini se kjo është në të vërtetë një gjë e mirë, sepse një studim i ri nga Organizata Botërore e

Shëndetësisë pohon se mishi i përpunuar shkakton kancer.Me sa duket, edhe konsumimi i 50 gramëve të mishit të përpunuar çdo ditë (që është rreth ekuivalentit të dy feta të mishit të drekës) mund të rrisë rrezikun e kancerit tek njerëzit me 18%.

Përveç kësaj, mishi i kuq zyrtarisht është klasifikuar si “kancerogjen ndaj njerëzve”.

Me sa duket, ndërsa thuhet ende se mishi i kuq ka njëfarë vlere ushqyese, duket se ngrënia e një sasie të madhe të tij nuk është e mirë për shëndetin tonë.

Ushqimi i sasive të tepërta të mishit të kuq ka qenë i lidhur me një sërë problemesh shëndetësore dhe një rrezik në rritje i kancerit të gjirit të ndjeshëm ndaj hormoneve, diabetit dhe Alzheimer, dhe ndaj çështjeve të shëndetit mendor siç janë simptomat depresive.

Anasjelltas, nuk është mohuar se konsumi i moderuar i mishit (i kuq ose i bardhë) mund të jetë diçka shumë e mirë për trupin tuaj.
Ashtu si pothuajse çdo gjë tjetër që kemi vënë në trupin tonë, çelësi i konsumit të mishit, duhet të zgjidhni të hani një sasi të balancuar.

The post Lajm i keq për “fansat” e mishit të kuq, pasojat e rrezikshme nëse e teproni me të appeared first on Albeu.com.

“Pasojat e refuzimit tim mund të kenë efekte kërcënuese”, çfarë formulari plotësojnë mësuesit para vaksinimit

admin — Wed, 17 Mar 2021 14:01:04 +0000

Ditën e sotme në Fier ka nisur procesi i vaksinimit të mësuesve, duke u bërë edhe qyteti i fundit që mbyll të gjithë qarqet ku ka nisur vaksinimi mbrojtës ndaj COVID-19 tek mësuesit.

Në katër ditët e para të këtij procesi janë vaksinuar 7.25% e mësuesve në të gjithë vendin.

Ndërkohë albeu.com ka zbuluar pyetjet në formularët që kanë plotësuar mësuesit para se t’i nënshtrohen procesit të vaksinimit.

Por ajo që bie më shumë në sy është forma e sofistikuar e “presionit” që i bëhet mësuesve me pikën e fundit të shtesës në formular ku flitet për efektin e mosvaksinimit.

“Pasojat e refuzimit tim për t’u vaksinuar ndaj COVID-19 mund të kenë efekte kërcënuese për shëndetin dhe jetën, për mua dhe personat me të cilët unë kam kontakt, përfshirë këtu: të gjithë personat në institucionin shëndetësor ku unë shërbej, bashkëpunëtorët e mi, familjarët e mi, komunitetin ku unë jetoj”

Ndër të tjera mësueset gra dhe vajza janë pyetur nëse planifikojnë të mbeten shtatzënë ose nëse po ushqejnë me gji. /albeu.com/

The post “Pasojat e refuzimit tim mund të kenë efekte kërcënuese”, çfarë formulari plotësojnë mësuesit para vaksinimit appeared first on Albeu.com.